Morgunblaðið - 11.07.2000, Page 13

MORGUNBLAÐIÐ
ÞRIÐJUDAGUR 11. JÚLÍ 2000 13
HÖFUÐBORGARSVÆÐIÐ
Morgunblaðið/Halldór Kolbeins
Um 15 hundar léku listir sínar á sýningu íþróttadeildar Hundaræktarfélags íslands.
Hundakúnstir í Fjölskyldu-
og húsdýragarðinum
Fjölbreytt starf Vinnuskóla Hafnarfjarðar
Krakkar að störf-
um úti um allan bæ
SÝNING á hundafimi var
haldin í Fjölskyldu- og hús-
dýragarðinum í Laugardal
um helgina við góðan róm
viðstaddra. Þar léku um 15
hundar listir sínar undir
dyggri stjórn eigenda sinna
og leiðbeinenda.
Sýningin var haldin á veg-
um íþróttadeildar Hunda-
ræktarfélags íslands sem
undanfarin fjögur ár hefur
staðið fyrir vikulegum æf-
ingum í hundafimi fyrir fé-
lagsmenn og hunda þeirra í
Reiðhöllinni í Víðidal. Meðal
þess sem hundarnir gera er
að fara eftir sérútbúnum
brautum, þar sem þeir skríða
meðal annai’s í gegnum
göng, hoppa í gegnum dekk
og yfir vegasölt og ýmsar
aðrar hindranir.
Þeir sem stýra hundunum
eru á öllum aldri
Súsanna Antonsdóttir er í
stjórn íþróttadeildar hunda-
ræktarfélagsins og segir hún
hundafimisæfingarnar í
Víðidalnum hafa notið tals-
verðra vinsælda, Um 30
hundar komi að jafnaði í
hvert sinn, en æfingarnar
eru opnar öllum hundum
sem náð hafa eins árs aldri.
Hundunum er skipt í hópa
Hundarnir fara eftir sérútbúnum brautum þar sem þeir
stökkva í gegnum hringi og mæta alls kyns hindrunum.
eftir stærð og hversu Iangt
þeir eru komnir. Súsanna
segir að þeir sem stýri hund-
unum séu á öllum aldri, sá
yngsti sé um 10 ára gamall
og sá elsti um sextugt.
Styrkir tengsl milli
hunds og eiganda
Hundarnir sem sýndu
kúnstir sínar í Laugardaln-
um um hclgina eru í sérstök-
um sýningahópi sem hefur
verið starfandi í um þrjú ár.
„f sýningarhópnum eru
bæði hundar sem eru búnir
að æfa lengi og eins hundar
sem eru stutt komnir. Við
reynum að hafa þarna hunda
á öllum stigum, til að sýna
fólki hvernig þessi þjálfun
gengur fyrir sig,“ segir Sús-
anna.
Hún segir þjálfun í hunda-
fimi hafa mjög marga kosti
bæði fyrir hundinn og eig-
andann.
„Fyrst og fremst styrkja
þessar æfingar tengslin á
miUi hunds og eiganda. Eig-
andinn nær betra sambandi
við hundinn þegar hann fer
að vinna svona með hann.
Svo er líka mjög gott fyrir
hunda að vera innan um aðra
hunda,“ segir Súsanna.
LISTAHÓPUR Vinnuskólans
í Hafnarfirði stóð fyrir
leiksýningum á sunnudag fyr-
ir utan Sjóminjasafnið. Þar
sýndu þau túlkun sína á þjóð-
sögunum Draugshúfunni og
Djáknanum á Myrká. Um 15
krakkar eru í listahópnum og
segh’ Sara Hlín Guðmunds-
dóttir, sem hefur umsjón með
hópnum ásamt Tinnu Hrafns-
dóttir, að hlutverk hans sé að
skemmta íbúum Hafnarfjarð-
ar.
Ellert Baldur Magnússon,
forstöðumaður Vinnuskólans í
Hafnarfirði, segir að mjög góð
reynsla sé af starfi listahóps-
ins en hópurinn hefur verið
starfandi undanfarin sumur.
Ellert tekur fram að starfsemi
listahópsins sé ekki aðeins
skemmtun og sprell, því
krakkarnir í hópnum leggi á
sig mjög mikla vinnu.
„Þau þurfa að taka þátt í
stífum æfingum, undirbúa at-
riði og koma fram. Það er
þeirra vinna. Þau sjá um að
skemmta krökkum á íþrótta-
og leikjanámskeiðum og enn
yngri krökkum á gæsluvöll-
um. Einnig er í undirbúningi
að fara inn á elliheimilin og
skemmta þar, eins skemmta
þau við ýmis tækifæri hér í
bænum,“ segir Ellert.
Því meiri Ijölbreytni
því betra
Starfsemi Vinnuskólans í
Hafnarfirði er mjög fjöl-
breytt. Auk þeirra sem starfa
í almennum vinnuhópum og
listahópum staifa margir hjá
íþróttafélögum og öðrum fé-
lögum bæjarins. Ellert segir
að samstarf Vinnuskólans við
íþróttafélög og önnur félög
hafi aukist nokkuð undanfarin
ár, en reynsla af öllu slíku
samstarfi sé mjög góð. Ellert
segir að krakkar séu sendir til
starfa þar sem þeirra er þörf.
Stundum berist þeim beiðni
um aðstoð við hin og þessi
störf á vegum bæjarins með
skömmum fyrirvara og þá sé
reynt að bregðast við með þvi
að leysa almenna vinnuhópa
Morgunblaðið/Halldór Kolbeins
Listahópur Vinnuskólans í Hafnarfirði sýnir túlkun sína á
Djáknanum á Myrká fyrir utan Sjóminjasafnið.
frá sínum hefbundnu störfum
tímabundið til að sinna af-
mörkuðum verkefnum. Hann
segir slíkt bæði jákvætt fyrir
bæinn, sem fái verkefni sín
leyst skjótt og vel af hendi, og
einnig fyrir krakkana því það
auki fjölbreytni starfs þeirra.
„Við erum með krakka að
störfum úti um allan bæ,“ seg-
ir Ellert. „Margir eru til að-
stoðar á íþrótta- og leikjanám-
skeiðum og krakkar frá okkur
aðstoða líka á boltanámskeið-
um hjá FH og Haukum. Aðrir
starfa hjá hestamannafélag-
inu Sörla, Siglingaklúbbnum
Þyti, Skógræktinni, Sundfé-
lagi Hafnarfjarðar og skátun-
um svo dæmi séu nefnd og
einnig er starfandi sérhópur
fyrir fatlaða."
Ellert segir að æskulýðs-
starfsemi Hafnarfjarðarbæj-
ar sé í stöðugri þróun og sífellt
sé verið að leita nýrra leiða til
að auka starfsemina og gera
hana fjöllbreyttari.
„Meginmarkmiðið er að
starfsemi Æskulýðs- og
tómstundaráðs dreifist vel um
bæinn. Eins erum við mjög
spennt fyrir allri fjölbreytni
fyrir krakkana og því meiri
fjölbreytni, því betra.“
Læra stundvísi
og vinnusemi
Ki’akkarnir í Vinnuskólan-
um eru á aldrinum 14 til 16 ára
og eru um 500 talsins. Auk
þess starfar 15 manna hópur á
aldrinum 17 til 20 við sérstök
verkefni. Þegar krakkamir
sækja um starf taka þau fram
hvers konar starf þau myndu
helst vilja fá. Ellert segir að
þegar skipt sé í hópa sé bæði
horft til óska umsækjenda og
reynslu þeirra.
Svokallaðir almennir vinnu-
hópar fást við ýmiss konar
störf og segir Ellert það al-
gengan misskilning að krakk-
amir séu eingöngu í því að
tína arfa og msl.
„Fólk gerir sér oft ekki
grein fyrir því hvaða verk
unglingarnir hafa unnið, til
dæmis er stór hluti af hleðsl-
unum á Víðistaðatúni unninn
af 15 og 16 ára krökkum. Þeir
tyrfa líka þúsundir fermetra á
hverju sumri, helluleggja,
mála, planta trjám og margt
fleira.“
Ellert segir að krakkamir
séu upp til hópa mjög duglegir
að vinna og ljóst sé að þau læri
góð og gagnleg vinnubrögð í
Vinnuskólanum. Flokkstjórar
leggi mikið upp úr því að
kenna þeim rétt vinnulag og
eins sé áhersla lögð á stund-
vísi og góða ástundun.
„Þau læra náttúrulega heil-
mikið. Bæði læra þau margt í
sambandi við garðyrkju og
einnig göngum við mjög hart
eftir því að þau mæti og að
þau mæti á réttum tíma. Við
viljum kenna þeim að það
skipti miklu máli að vera
stundvís og vinnusöm, ekki
síst fyrir framtíðina," segir
Ellert að lokum.
Hafnarfjörður
Laugardalur
Borgarfulltrúar R- og D-lista
Skiptar skoðanir á stöðu
einkarekinna leikskóla
Reykjavík
GUÐLAUGUR Þór Þórðar-
son, borgarfulltrúi og fulltrúi
Sjálfstæðisflokksins í leik-
skólaráði, segir samkeppnis-
stöðu einkarekinna leikskóla
og Leikskóla Reykjavíkur
mjög svo ójafna.
Nokkuð hefur verið fjallað
um einkarekna leikskóla á
síðum Morgunblaðsins að
undanfömu, einkum leikskól-
ann Örkina hans Nóa. Starf-
semi hans verður hætt frá og
með 1. september næstkom-
andi þar sem sagt var að
reksturinn stæði ekki undir
sér.
Guðlaugur segir að það sé
ekki aðeins vegna þess að
einkareknir leikskólar fái
lægri styrki en þeir opinberu
sem samkeppnisstaða þeirra
fyrmefndu sé verri, heldur
komi fleira til. I styrkjum til
þeÚTa sé til dæmis hvorki
innifalinn fjárfestingakostn-
aður né viðhaldskostnaður.
Einnig segir Guðlaugur að
einkareknir leikskólai’ séu
dýrari í rekstri vegna löggjaf-
ar sem kveður á um fjölda
leikskólakennara miðað við
aldur barna, en því yngri sem
börnin era því færri mega
vera í umsjá hvers leikskóla-
kennara. Hann segir að oftast
setji foreldrar börn sín á
einkarekna leikskóla meðan
beðið sé eftir plássi á þeim
opinbera og því séu bömin
yfirleitt yngri á þeim einka-
reknu. Þannig þurfi fleiri
leikskólakennara til starfa
þar miðað við fjölda barna.
Byggja upp opinbert
en styi’kja einkarekið
ekki nægilega
Guðlaugur segir rekstur
sem þennan nánast vonlaus-
an. Hann minnir á að í kosn-
ingunum árið 1994 hafi R-list-
inn lofað því að árið 1998 yrðu
engir biðlistar á Leikskólum
Reykjavíkur fyiir börn eins
árs og eldri. Nú séu hins veg-
ar rúmlega 2000 börn á bið-
listum. Guðlaugur segir að
ein ástæða þess að ekki hafi
tekist að standa við það loforð
sé sú stefna fulltrúa R-hstans
að byggja aðeins upp opin-
bert en neita að styrkja
einkaskólana með sambæri-
legum hætti.
Ki'istín Blöndal, formaður
leikskólaráðs, segir hins veg-
ar að ein aðalskýring þess að
nú séu um 2000 böm á biðlist-
um sé sú að ásókn í heilsdags-
pláss hafi aukist mun meh-a
en gert hefði verið ráð fyrir
og skoðanakannanir meðal
foreldra höfðu bent tO.
Guðlaugur segir einka-
rekna leikskóla mun hag-
kvæmari kost en þá opinbera.
,Á undanförnum áram hef-
ur verið samstaða í þjóðfélag-
inu um að auka framboð á
leikskólarými“, segir Guð-
laugur. „Það era tvær leiðir
sem opinberir aðilar, í þessu
tilfelli Reykjavíkurborg, geta
farið. Annars vegai’ að
styrkja einkaaðila til þessara
starfa eða að gera þetta allt
saman sjálfir. Það er sú leið
sem borgin hefur farið.“
Guðlaugm- segir að það
yrði mun ódýrara fyrir borg-
aryfírvöld ef einkaaðilar sæju
í auknum mæli um rekstur
leikskóla, með opinberum
styrkjum.
Kristín segir það rétt að
það sé ódýrari kostur. Hún
segir yfirvöld Reykjavíkur-
borgar hafa styrkt einka-
reknu skólana vel og öllum
þeim sem sótt hefðu um að fá
að reka leikskóla hefði verið
veitt slíkt leyfi að uppfylltum
ákveðnum skilyrðum.
Hagnr einkarekinna leik-
skóla hefur ekki versnað
Einnig bendii’ Kristín á að
einkareknu leikskólamir hafi
tök á að greiða starfsfólki
sínu hærri laun en hægt er
hjá Leikskólum Reykjavíkur.
Hún segh’ það auðvitað af
hinu góða, en bendir á að það
gæti gefið til kynna að staða
skólanna sé nokkuð góð og
segist hún ekki telja að hagur
einkarekinna leikskóla hafi
versnað að undanfórnu.
Mánaðarlegir rekstrar-
styrkir til einkarekinna leik-
skóla era nú 19.150 kr. með
bami giftra eða þeirra sem
eru í sambúð. Styrkurinn er
34.000 kr. ef um einstætt for-
eldri er að ræða eða ef báðir
foreldrar era í námi.
I ársskýrslu Leikskóla
Reykjavíkm- er að finna þró-
un rekstrarstyrkja til einka-
rekinna leikskóla. Árið 1988
fengu giftir og sambúðarfólk
greidd 50% af fjögurra
stunda vistun samkvæmt
gjaldskrá leikskóla hvort sem
barnið var fjórar eða níu
stundir. Upphæðin var 6000
kr. þar til árið 1995 þegar
rekstrarstyrkurinn var
hækkaður í 12.000 krónur
fyrir tveggja ára og yngri og
16.000 kr. fyrir þriggja ára og
eldri. Hinn 1. júlí 1997 var
ákveðið að styrkurinn yrði
16.000 kr. fyrir alla aldurs-
hópa. Ári síðar vora styrkii’
til allra aldurshópa hækkaðir
um 2000 kr.
Einnig kemur fram í
skýrslunni að rekstrarstyrk-
ur til einstæðra foreldra hafði
ekld breyst frá árinu 1988 og
verið 30.000 kr. fyrir heils-
dagsvistun. 1998 hækkaði
styrkurinn um 2000 kr.
Árið 1995 var ákveðið að
veita námsmönnum þar sem
báðir foreldrar era í námi
sama rekstrarstyrk og ein-
stæðum foreldrum.