Fréttir frá Íslandi - 01.01.1871, Síða 17

LANDSTJÓRN.
17
honum sjer rangt gjört, er hann var hvorutveggja sviptur; kvað
hann og þvergirðingar Thomsens vera gegn landslögum. Hófu
þeir þá mál hvor gegn öðrum ; fjell málið á Thomsen fyrir hjeraðs-
dómi, en á Benedikt fyrir yfirdómi. H i 11 málið er þannig vaxið :
Sigurður prestur Sivertsen á Útskálum í Rosmhvalaneshrepp gaf
konu eina, er var sveitlæg þar í hrepp, saman við mann, er var
sveitlægur í Strandarhrepp (Hvalfjarðarstrandarhrepp); konan hafði
áður átt börn. Nokkru síðar var hjónum þessum, ásamt börn-
um konunnar, vísað til sveitar í Strandarhrepp. En með því
að hjónaband þetta var talið ólöglegt, þar sem konan hefði þegið
sveitarstyrk og eigi endurgoldið hann (sbr. tilskipun 30. apríl 1828),
þá lögsótti sveitarstjórnin i Strandarhrepp prestinn á Útskál-
um og krafðist bóta fyrir öll þau þyngsli, er leitt hefði og leiða
mundi af ómögum þessum framvegis fyrir hrepp þeirra. Málið
fjell á prestinn bæði fyrir hjeraðsdómi og yfirrjetti, og var hann
skyldaður til að greiða fátœkrasjóði Strandarhrepps fullar bœtur
(yfir 700 rd.).
Á f'járliag'smálum íslands hefur sú breyting orðið
næstliðið ár með stjórnarstöðulögunum 2. janúar, að fjárhag-
urDanmerkur og íslands var sundur skilinn; ríkisþing
Dana hefur því eigi lengur afskipti af fjárhag íslands, svo sem
áður var, heldur að eins konungur og yfirstjórn landsins, sem
nú er lögstjórnin. Lögstjórnarráðherrann samdi því fjárhags-
áætlun handa íslandi fyrir fjárhagsárið 1871—72, og staðfesti
konungur hana með úrskurði 4. marz 1871. í áætlun þessari
er tekjum og útgjöldum landsins þannig jafnað niður, að upp-
hæð hvors um sig verður 92832 rd. 21 sk. Hjer er eigi kostur
á að skýra frá sjerstökum tekju- eða úlgjaldagreinum í áætlun-
inni. Frá athugasemdum alþingis við áætlunina er áður skýrt
stuttlega.
Um opinber gjöld næstliðið ár má geta þess, að al-
þingistollurinn var, að því leyti sem hann kemur niður á
jarðaafgjöldunum, 3 skildingar af hverju ríkisdalsvirði í þeim.
Gjald til jafnaðarsjóðanna var af hverju tíundarbæru
lausafjárhundraði í suðuramtinu 16 sk., en um gjalgið í vestur-
amtinu og í norður- og austuramtinu er oss ókunnugt. Hver
alin eptir meðalverði allra meðalverða var í
Skaptafellssýslunum .......................... . 216/iosk.,
2