Tölvumál - 01.10.1988, Page 18

Þorvarður Kári Ólafsson:
STAÐLAR AUKA HAGNÝTT
GILDI UPPLÝSINGATÆKNINNAR
Þorvarður Kári Ólafsson, tölvunarfræðingur,
er starfsmaður UT-staðlaráðs frá 1. ágúst
1988. Hann hefur aðsetur hjá Reiknistofnun
Háskóla íslands, sími 694754. Þorvarður
starfaði áður að tölvuvœðingu hjá Teli AB
í Svíþjóð. Hann hefur einnig starfað hjá
Kristjáni Ó. Skagfjörð h.f. og SKÝRR.
Til hvers eru staðlar?
Við lifum í heimi breytinga, þar sem tækninýjungar auka stöðugt við
þekkingu okkar. Eftir sem áður er þörf á að setja reglur - að staðla
vissa þætti í umhverfi okkar. Þetta á ekki síst við í upplýsingatækni.
Nýtísku tölva er gagnslaus án samhæfðs hugbúnaðar. Enginn vill
lenda í því að kaupa tæknilega fullkominn búnað, sem reynist ótengjan-
legur öðrum búnaði. Eða það sem verra er: virðast passa, en truflar
annan búnað á einhvern óskiljanlegan hátt.
Mikilvægi upplýsingatæknistaðla er nú orðið augljósara en áður fyrr.
Það er ekki lengur litið á þá sem uppáþrengjandi, úrelta og takmark-
andi. Þetta sjónarmið var í hávegum haft þegar hagnýting tækninnar
kom langt á undan stöðlunum, en nú er yfirleitt unnið að stöðlun sam-
hliða tækniþróuninni. Staðlar eru oft komnir áður en nokkur er farinn
að hagnýta sér hina nýju tækni að neinu marki (dæmi: greiðslukort,
"smart-cards", strikamerki). Þeir eru jafnvel forsendan fyrir því að
hægt sé að leysa ákveðin vandamál, sérstaklega á sviði tölvusamskipta,
svo sem skráarflutning, tölvupóst og skjáhegðun. Samskiptatæknin er
komin á það stig, að það þjónar nánast engum tilgangi að loka einstök
kerfi inni í "fílabeinsturni".
Eðli staðla almennt hefur auk þess breyst. Áður var nánast lýst í
smáatriðum hvernig framleiða ætti staðlaða vöru, en nú er Iögð áhersla
á hvaða skilyrðum varan þarf að fullnægja og lítið hirt um hvernig.
Oft er byrjað á að byggja "eilíft" líkan eða beinagrind, sem fyllt er
síðan upp í eftir því sem tækninni fleytir fram. Dæmi um þessa
18 TÖLVUMÁL