Tölvumál - 01.12.1990, Blaðsíða 20
Desember 1 990
IBMLink er ný þjónusta sem
IBM er að undirbúa. Undir hana
mun DIAL-IBM falla í endur-
bættri útgáfu. Öll samskipti,
þjónusta og viðskipti IBM á
tölvutæku formi við viðskiptavini,
þjónustuaðila, söluaðila, fram-
leiðendur og aðra falla undir
IBMLink. Þessi tölvusamskipti
geta verið á formi aðgangs að
gagnabönkum IBM, tölvupósts,
SMT (skjalaskipti á milli tölva)
eða skráaflutnings. Stefnt er að
því að geta afhent hugbúnað og
leiðréttingar til viðskipatavina á
þessu formi. Þar sem við-
skiptavinur er tengdur IBMLink
munu kerfísfræðingar IBM eða
tæknimenn geta náð sambandi
við tölvu viðskiptavinarins og
þannig veitt leiðsögn og aðstoð.
í þessu kerfi verður tekið við
pöntunum og gefst viðskipta-
vinum kostur á að fylgjast með
stöðu pantana í kerfinu. Stefnt er
að því að I öllum tölvum frá IBM
verði nauðsynlegur búnaður til
að tengjast IBMLink.
Virðisaukaþjónusta
(VAN)
IBM á íslandi er nú að kanna
hvort heimild fæst til að veita
aðgang hér á íslandi að virðis-
aukandi netþjónustu í Alþjóðaneti
IBM. Viðskiptavinir á íslandi
munu tengjast netinu hjá IBM á
Islandi og njóta sömu þjónustu
og viðskiptavinir í öðrum löndum.
Helstu þættir virðisauka-
þjónustunnar eru:
Tölvupóstur
Við tölvupóstþjónustuna tengjast
skrifstofukerfí IBM, t.d. Skrif-
stofusýn. Tölvupóstkerfíð sér um
að breyta skeytum sem ekki eru
samkvæmt þeim staðli sem
móttakandinn ræður við. Einnig
gefst notendum kostur á að
tengjast með ET eða skjá pósthólfi
í þessu kerfi. Hér er um að ræða
þjónustu við notendur skrif-
stoukerfa frá IBM. Gáttir eru úr
þessu kerfi inn í almenn X.400
net og TELEX net. Einnig má
senda skeyti úr kerfrnu á FAX
tæki.
Flutningur á skrám
Skráaflutningur á milli tölva fer
þannig fram að notendur senda
sínar skrár inn í kerfið sem kemur
þeim til skila til viðeigandi
móttakanda. Með þessum hætti
skiptir ekki máli þó að sendandi
og móttakandi noti skráaflutnings-
forrit sem ekki ganga beint saman.
SMT (EDI) þjónusta
SMT eða EDI þjónusta býður
notendum að senda inn SMT
gögn sem netið skilar síðan til
viðeigandi viðtakanda. Með því
að nota SMT þjónustu eins og
hér um ræðir getur viðskiptavinur
átt SMT samskipti við marga
aðila um eina tengingu, þ.e. tölva
notanda þarf ekki að tengjast
beint tölvum allra aðlila sem
hann á SMT samskipti við.
Aðgangur að gagnabönkum
Ymis fyrirtæki veita aðgang að
upplýsingum á sínum tölvum um
Alþjóðanetið. Þannig getur
notandi sem tengdur er netinu
gert samning við þann aðila sem
veitir slíka þjónustu og tengst
honum síðan um netið.
Videotex
Veittur er aðgangur að Videotex
þjónustu í netinu. Þannig getur
Videotexbúnaður eða skjáir tengst
slíkum þjónustumiðstöðvum í
netinu. Þessi þjónusta svipar til
gagnabankaþjónustunnar.
Netþjónusta
Sum fyrirtæki hafa tekið þá
ákvörðun að nota Alþjóðanet IBM
til að tengja saman tölvur fyrir-
tækisins í stað þess að reka sjálf
sitt tölvunet. IBM tekur þá að sér
rekstur tölvunetsins, sér um
breytingar, viðbætur og greiðir
úr vandamálum sem upp koma.
Með þessum hætti skiptir
ekki máli þó að sendandi
og móttakandi noti
skráaflutningsforrit sem
ekki ganga beint saman.
Á sama hátt sér IBM einnig um
rekstur tenginga á milli tölva
mismunandi fyrirtækja. Þegar um
er að ræða tengingar á milli
landa getur þjónusta sem þessi
verið sérstaklegahentug þar sem
IBM sér um tenginguna alla leið
frá einum notanda í einu landi til
annars notanda í öðru landi. IBM
í landi viðskiptavinarins sér um
þjónustu við hann og því unnt að
tala móðurmálið á hverjum stað.
Ekki er enn Ijóst hvort leyfi fæst
til að bjóða netþjónustu á íslandi
vegna ákvæða f fjarskipta-
lögunum.
Nýir tímar
Aðgangur að Alþjóðanetinu er
orðinn nauðsynlegur þáttur í
rekstri IBM. Einnig fer tenging
viðskiptavina IBM við Alþjóða-
netið að verða nauðsynlegur þáttur
í þjónustu IBM við þá. Þar sem
hin ýmsu gögn fyrirtækisins eru
á tölvutæki formi, þá stefnir IBM
að því að nota tölvusamskipti í
viðskiptum. IBM býður fyrir-
tækjum að njóta góðs af útbreiðslu
Alþjóðanetsins og notfæra sér þá
þjónustu sem þar býðst.
20 - Tölvumál