Tölvumál - 01.12.1990, Blaðsíða 17

Desember 1 990
hér er einvörðungu um frumgerð
("prototype") að ræða. Sýnendur
voru Skýrr og samstarfsaðilar.
Samstarfsaðilar Skýrr hvað EDI-
stjórann og tengingu hans við
hinar ýmsu flutningsleiðir snertir,
eru Flugleiðir og ísnet (sem er í
eigu Skýrr, Flugleiða,
íslandsbanka auk Míkrómiðils)
að viðbættum Tollinum.
EDI-vinnustöðin sjálf er eins og
EDI-stjórinn einmenningstölva
með hugbúnaði, sem nefnist ESP
II, frá fyrirtækinu Foretell í
Bandaríkjunum. Samstarfsaðilar
Skýrr í þessu verkefni eru, auk
Flugleiða og ísnets, fyrirtækin
Einar J. Skúlason, Örtölvutækni-
Tölvukaup og hugbúnaðarhúsin
íslensk forritaþróun, Kerfi og
Þróun.
Almennt er talið að EDI-væðing
fyrirtækja sé aðeins að hluta
verkefni tæknilegs eðlis eða um
30%, 70% séu stjórnunarlegs
eðlis.
Markmiðið með samstarfi
fyrirtækjanna, sem nefnd voru
að ofan, er að starfa saman að
málum er snerta EDI og leggja
þannig sitt af mörkum til að EDI
fái sem mest brautargengi I
íslensku atvinnulífi. Með öðrum
orðum að ná fram verulegri
hagræðingu hvað tækniþáttinn
varðar.
Það, sem sýnt var á EDI-
sýningunni var frumgerð. Næsta
skrefið er tilraunarekstur. Þegar
hafa nokkur fyrirtæki óskað eftir
því að taka þátt í samstarfsverkefni
um slíkan rekstur.
í ávarpi sínu á EDI-ráðstefnunni
lét fjármálaráðherra þau orð falla
að íjármálaráðuneytið hefði
ákveðið að stuðla að og beita sér
fyrir upptöku pappírslausra
viðskipta og að þeirri ósk yrði
komið á framfæri við
viðskiptaráðherra að hann hefði
forgöngu um að sett yrði löggjöf
um slfk viðskipti. Slík ummæli
lofa góðu um framgang EDI-
mála á íslandi og eru uppörvandi
fyrir þá aðila, svo sem EDI-
félagið, ICEPRO-nefndina og
fleiri, sem unnið hafa mikið
brautryðjendastarf á þessu sviði
og líka hvatning um að láta ekki
deigan síga heldur herða róðurinn.
Allir vildu Lilju kveðið hafa
Athugasemd frá Arnþóri Þórðarsyni, Félagi íslenskra iðnrekenda
við orð Stefáns Ingólfssonar á hádegisverðarfundi þann 27.
nóvember s.l.
Staðallinn ÍST-32, um útboðs-
og samningsskilmála um þróun
gagnavinnslukerfa, er nú tilbúinn.
Tilefni þess að hafist var handa
við gerð hans var tilfinnanlegur
skortur á leiðbeiningum á
vinnureglum um útboð og
samninga á sviði tölvuvæðingar.
Innan Félags fslenskra iðnrekenda
eru nú rúmlega 20 hugbúnaðar-
fyrirtæki og félagið er hagsmuna-
vettvangur þeirra. A fyrri hluta
ársins 1988 hóf félagið að huga
að úrbótum í þessum málum.
Meðal hugbúnaðarfyrirtækjanna
var þá mikil óánægja með ástand
mála og brýn þörf á úrbótum.
Fljótlega varð Ijóst að útboðs-
staðallinn ÍST-30, sem notaður
er við mannvirkjagerð, var ágæt
fyrirmynd að sams konar staðli
fyrir útboð á tölvu- og
hugbúnaðarkerfúm. Fyrsta tillaga
að slíkum staðli leit dagsins ljós
innan félagsins í nóvember 1988.
Jafnframt þessu var unnið að
málinu á vettvangi Staðlaráðs
íslands þar sem félagið átti einn
fulltrúa og hugbúnaðarfyrirtækin
annan. Auk þess átti félagið
fúlltrúa í UT-staðlaráði þar sem
þessi mál voru einnig til umræðu.
Það var þess vegna engin tilviljun,
þegar loks var hafist handa við
gerð ÍST-32, að einn þeirra
þriggja manna sem fengnir voru
til þess að vinna verkið var fulltrúi
félagsins, Daði Jónsson frá Verk-
og kerfisfræðistofunni hf.
Það er því óhætt að segja að
Félag íslenskra iðnrekenda hafi
"áttnokkurtfrumkvæði" að gerð
staðalsins eins og greint hefur
verið frá í fjölmiðlum. Það var
því ekki rétt með farið er Stefán
Ingólfsson verkfræðingur hélt því
fram á hádegisverðarfundi SÍ þann
27. nóvember síðastliðinn að
Félag íslenskra iðnrekenda væri
að eigna sér þetta frumkvæði án
þess að hafa til þess unnið.
Staðall verður ekki til fyrir
tilverknað eins aðila heldur er
hann niðurstaða sammælis margra
er málið varða. Frumkvæðið
kemur hins vegar úr einni átt eða
fleiri áttum samtímis. Notkun
og útbreiðsla staðalsins er síðan
mælikvarði á hversu vel hefur
tekist til.
Ágæti staðalsins ÍST-32, sem nú
er komið í ljós, ber auðvitað
fyrst og fremst að þakka þeim
sem unnu verkið, þeim Daða
Jónssyni, Stefáni Ingólfssyni og
Þorvarði Kára Ólafssyni.
17 - Tölvumál