Tölvumál - 01.07.1996, Page 10

Júlí 1996
aðallega um tónlistarlega hlið
málsins, þ.e. samskipti við útgef-
endur, höfundarréttarsamtök og
tilraunanotendur.
Kostnaður
Áætlaður kostnaður verkefn-
isins er um 110 milljónir króna og
er hlutur Skýrr hf. þar af um 18,5
miljónir króna. IMPACTII áætlun
ESB styrkir verkefnið um 42
milljónir króna og fær Skýrr hf.
þar af 6,5 milljónir króna.
RANNIS styrkir að auki íslenska
hluta MODE með 2 milljón króna
framlagi.
Staðan
Verkefnið hófst um síðustu ára-
mót. Unnið hefur verið að ýmiss
konar grunnvinnu, s.s. að greina
þarfir notenda, skilgreina tækni-
legar þarfir og leggja drög að vali
á vél- og kerfishugbúnaði. Með
haustinu hefst vinna við uppsetn-
ingu þjónustunnar hér á landi og í
Noregi. I byrjun næsta árs er síðan
gert ráð fyrir prófunarfasa, þar
sem tilraunanotendur fá aðgang að
þjónustunni, svo meta megi gæði
hennar.
Ýmsir aðilar koma að verk-
efninu hér á landi. Útgáfufyrirtæki
munu leggja MODE til efni. Spor
hf. og Skífan ehf. hafa nú þegar
lýst yfir vilja til að leggja til efni.
Lög frá þessum aðilum verða
t.a.m. á kynningardiski um MODE
sem gefin verður út í tengslum við
tónlistarhátíðina í Hróarskeldu. Þá
er gert ráð fyrir að nokkrir starfs-
menn Bylgjunar og Aðalstöðvar-
innar verði tilraunanotendur í próf-
unarfasanum.
Gagnsemi MODE
Hagur Skýrr af þátttöku í
MODE er margvíslegur. Skýrr
kemur þekkingu sinni á sviði upp-
lýsingatækni á framfæri. Fyrir-
tækið fær hér jafnframt tækifæri
til að auka verulega við þekkingu
sína og styrkja þannig samkeppn-
isstöðu sína. Auk þessa má benda
á að þetta opnar íslendingum
almennt leið að nýjum markaði
fyrir þjónustu erlendis. Að
verkefninu loknu er gert ráð fyrir
að slík viðskiptaþjónusta verði sett
upp um alla Evrópu og víðar. Sem
þátttakandi í MODE verður Skýrr
hf. einn af eignaraðilum slíkrar
þjónustu, en það ætti að leiða til
frekari atvinnutækifæra fyrir
fslendinga á þessu sviði, hér heima
og erlendis.
Ekki má gleyma að slík þjón-
usta verður mjög gagnleg fyrir
höfunda og útgefendur tónlistar,
sér í lagi fyrir höfunda frá jaðar-
svæðum og lítil og óháð útgáfu-
fyrirtæki. Þetta skapar þeim aðil-
um ný tækifæri til að koma tónlist
sinni á framfæri.
Til lengri tíma litið verður
gagnsemin mest fyrir hinn almenna
tónlistarunnanda.
Aðgengi verður að mun meiri
og fjölbreytilegri tónlist en er í
hefðbundnum tónlistarverslunum
eins og við þekkjum þær í dag.
MODE er dæmi um þjónustu sem
tilheyrir komandi
upplýsingasamfélagi.
Heiðar Jón Hannesson
er eðlisfrœðingur.
Með honum vinna að
verkejhinu:
Karl Ólafsson, Guðrún
Ösp Þórgnýsdóttir,
Magnús Logi Magnús-
son og Guðfinnur
Guðnason.
Heimasíða MODE er
http://www. mode. net
10 - Tölvumál