Tölvumál - 01.07.1996, Side 13
Júlí 1996
og annað. Einn þessara frasa á þó
vel við í þessu samhengi: „Ekki
hugsa í vandamálum. Hugsið í
tækifærum!“
Netið opnar ótrúlegan markað
og oft án þess að menn þurfi að
kosta miklu til. Það þarf ekkert að
vísa til Oz í því samhengi. Annað
dæmi er af fyrirtækinu Menn og
mýs, sem hefur gefið út forritið
QuickDNS, en það er nafnmiðlari
fyrir Macintosh. Það hefur ekki
hvað síst verið kynnt á Netinu og
með góðum árangri.
Hugbúnaðarþróun er líka
ódýrari á Netinu, því vesen í
sambandi við betaprófun er miklu
minna og verulega fljótlegra að
auki. Og ef hið ótrúlega gerist: að
í ljós kemur að afurðin er buguð,
þá er mun auðveldara að leiðrétta
það og koma bugbjörgunarforriti
fyrir á Netinu.
Það sakar heldur ekki að á Net-
inu er hægt að nota afurðina sem
auglýsingu, til dæmis með því að
dreifa sýningarútgáfu eða útgáfu
sem rennur út.
En allt um það, þá getur Javan
breytt öllu umhverfinu. Javan felur
það í sér að í raun er búin til sýnd-
arvél í hinni raunverulegu, sem
keyrt getur forrit óháð því hvort
menn eru að keyra Unix, Win95,
MOS eða hvað þetta nú allt heitir.
Jövu-örforrit (applet) geta sinnt
hvaða verkefni sem er og þurfa
raunar ekkert að vera bundin Vefn-
um. Menn hafa jafnvel talað um
einnota hlutbundin forrit þannig að
menn gætu þess vegna verið að
nota ritvinnslufomt „du jour“ og
nýtt á morgun! Draumur Sun um
Jövuna er mjög stórkostlegur, því
þar á bæ vilja menn gerbylta því
hvernig menn nota (og eignast)
foiTÍt. Það er reyndar efni í sér-
staka grein, svo ég hyggst ekki
gera frekari grein fyrir því hér.
En hvað þýðir þetta fyrir for-
ritara? Það er ljóst að þetta kallar
á breytt vinnubrögð að einhverju
leyti. Skilin á milli tækni og inni-
halds verða sífellt óljósari og eins
er það ljóst að útlit skiptir orðið
miklu meira máli en áður. Þeir
dagar eru liðnir að menn komist
upp með DOS-skeljarútlit.
En alveg eins og undirritaður
er ýkt lélegur forritari, þá hef ég á
tilfinningunni að í röðum forritara
finnist fáir frábærir hönnuðir.
Skynsamleg verkaskipting er
nefnilega alveg jafnmikilvæg og
fyrr og við eigum helst ekkert að
gera, sem við gerum ekki vel.
Hvað ber að gera?
Hafi menn á annað borð hug á
því að sinnaNetinu í forritun skipt-
ir miklu máli að finna sér syllu,
sem unnt er að sinna markvisst og
þá vonandi betur en nokkur annar,
jafnvel svo að menn firri sig sam-
keppni. Það sakar heldur ekki að
finna sér bandamenn, sem geta
sinnt tilteknum verkefnum, hvort
heldur það er sérhæfð forritun eða
útlitshönnun. Netið hefur minnkað
heiminn verulega og fyrir vikið er
úrval hugsanlegra bandamanna
miklu meira en fyrr.
Eins og vant er þurfa menn að
hlusta á markaðinn, en mín reynsla
er sú að það þurfi ekki síður að
segja honum fyrir verkum. Netið
er svo nýtilkomið í hugum flestra
að menn gera sér ekki enn grein
fyrir möguleikum þess. Oftar en
ekki þarf maður í raun að byrja
að selja hugmyndina að Netinu
áður en hægt er að fara út í að selja
hina eiginlegu þjónustu. Það er
svona eins og ef auglýsingasali hjá
blaði þyrfti að byrja á því að kenna
hverjum einasta viðskiptamanni að
lesa áður en hann gæti farið að
ræða dálksentimetra og prentliti. í
þessu samhengi er jafnframt rétt
að setjast niður og hugsa markaðs-
málin upp á nýtt, en Netið gefur
jafnframt nýja möguleika til þess
að finna og sinna hinum eiginlega
markhópi mun betur en fyrr.
Verkefni fyrir forritara eru næg
á Netinu og það hefur líka gert að
verkum að íslenskir forritarar eru
ekki dæmdir til þess að sinna ísl-
enskum verkefnum einvörðungu.
Hér á landi eru mjög vel mennt-
aðir forritarar og miðað við þann
fjölda nemenda í Tölvuháskóla
Verzlunarskólans, sem vann
prófverkefni í Jövu í ár, bendir ekk-
ert til annars en að menn hyggist
vinna ný lönd. En það er þá heldur
ekki seinna vænna að hella sér út í
slaginn.
Andrés Magnússon er
framkvœmdastjóri
Kjarnorku ehf.
andres@saga.is http://
www. saga. is/andres
Perl og Java
Perl er vinsælast til þess að
skrifa cgi-skriptur og það væri
synd að segja að það væri
flókið. Javan er nokkru flóknara
mál, skylt C++. Hér eru dæmi,
fyrst um Perl og síðan Jövu:
#!/bin/sh
echo "content-type:
text/html"
echo
echo "<HTML>"
echo
" <HEADxTITLE>Sælsr! </
TITLEx /HEAD> "
echo "Sæl, fagra
veröld!</P>"
echo "</HTML>"
import browser.
Applet;
import awt.Graphics;
class HelloWorld ex-
tends Applet
{
public void init ()
{
resize(100, 25);
}
public void
paint(Graphics g)
{
g.DrawString("Sæl,
fagra veröld!",
40,25);
}
}
Tölvumál - 13