Tölvumál - 01.05.1999, Blaðsíða 32

Kidlink
Allir sem ekki eru
orðnir 16 ára eru
velkomnir í Kidlink
hvar sem jbe/'r búa i
heiminum og hvaða
tungumál sem þeir
tala
margar viðurkenningar, m.a. hlaut hún
verðlaun frá IBM í október 1997 fyrir
frábæra notkun á tölvum í skólastarfi.
Kidlink er á mörgum tungumálum og
þeim fjölgar stöðugt. Þó áhersla sé lögð á
að þátttakendur geti tekið þátt á eigin
tungumáli er einnig reynt að stuðla að
samskiptum milli krakka á ólíkum
málsvæðum. Allir sem ekki eru orðnir 16
ára eru velkomnir í Kidlink hvar sem þeir
búa í heiminum og hvaða tungumál sem
þeir tala. Öll málsvæði eru opin börnum
og unglingum sem vilja slást í hópinn.
Þetta kom glöggt í ljós með þátttöku
íslenskra bama og unglinga í Kidlink
löngu fyrir daga Kidlink á íslensku.
Svæðaskipting
A Kidcafe-póstlistanum fara fram
óformleg bréfaskipti milli pennavina.
Listinn er eingöngu fyrir ki'akka og mega
fullorðnir ekki taka þátt í umræðum.
Bréfin eru geymd í gagnasafni Kidlink.
Gagnasafnið er kjörið til rannsókna eða
skoðunar á því hvernig tölvusamskipti
fara fram. Stjórnandi Kidcafe á íslensku er
Kolbrún Hjaltadóttir kennari í Breiðholts-
skóla og aðstoðarstjórnandi Þór Jóhannes-
son kennari í Borgarnesi.
Á Kidproj-póstlistanum eru svokölluð
þemaverkefni sem standa mislengi.
Nokkur verkefni hafa orðið svo vinsæl að
þau ganga ár eftir ár. Stjórnandi Kidproj á
íslensku er Hilda Torfadóttir kennari á
Akureyri og aðstoðarstjórnandi Eygló
Björnsdóttir kennari í Vestmannaeyjum.
Islenska svæðið er nýtt, en fyrsta
verkefnið Hvalir og menn, fór í gang í
september 1998.
Á Kidforum eru styttri verkefni.
Kidforum er ekki enn til á íslensku.
Á Kidleader-póstlistunum eru nokkurs
konar kennarastofur eða samráðsvett-
vangur fullorðinna í Kidlink og þar eiga
kennarar og aðrir fullorðnir samskipti.
Stjórnandi Kidleader á íslensku er Ásta
K.Guðjónsdóttir kennari á Akranesi.
Kidlink á íslensku á sitt eigið krakka-
gallerí en þar er nú að fínna myndir eftir
börn á Akureyri og í Reykjavík.
Kidlink á íslensku
Kidlink á íslensku varð til vorið 1997, en
íslendingar, bæði einstaklingar og
hópar, hafa tekið þátt í Kidlink frá árinu
1992. Til dæmis stjórnaði íslenskur
kennari Rósa Gunnarsdóttir, verkefni á
enska málsvæðinu um bangsann Benna,
sem ferðaðist víða um heiminn, börnum
og fullorðnum til mikillar ánægju.
Framan af gekk uppbygging íslenska
svæðisins hægt, en veturinn 1997-8
vaknaði áhugi kennara og fyrstu verkefnin
fóru að taka á sig mynd. Sumarið 1998
hittust svo nokkrir íslenskir sjálfboðaliðar
í Kidlink á Akureyri. Hópurinn vann að
verkefnum fyrir komandi vetur, kynntist
og skipti með sér verkum. Á þessum fundi
kviknaði hugmyndin að fyrsta íslenska
þemavei'kefninu, Hvalir og menn.
Núverandi stjórnandi Kidlink á íslensku er
Jóna Pálsdóttir starfsmaður menntamála-
ráðuneytisins og fjarkennari í VMA en
meðstjórnandi er Eygló Björnsdóttir
kennari í Vestmannaeyjum.
Fyrsta formlega viðfangsefnið var upp-
bygging myndlistarsýningar nemenda í
Síðuskóla á Akureyri. Myndlistarsýningin
hlaut góðar viðtökur og hafa verk nem-
endanna verið valin til að skreyta verk-
efnasíður Kidlink á öðrum tungumálum.
Seinna hafa bæst við sýningar frá öðrum
hópum. Vorið 1998 tóku nemendur í
Vestmannaeyjum þátt í eldfjallaverkefni á
enska málsvæðinu. í mörg ár hafa
íslenskir krakkar tekið þátt í Kidlink-
hátíðinni sem haldin er í maí ár hvert á
sama tíma og barnamenningarhátíðin í
Arendal sem var einmitt kveikjan að
Kidlink. Kidlinkhátíðin er samskiptahátíð
sem stendur í 3 sólarhringa.
Eins og fyrr segir fór l'yrsta þemaverk-
efnið, Hvalir og menn, af stað haustið
1998. Það var unnið í samstarfi við
Kidproj á ensku sem og menntanet í
Oregon þar sem hvalurinn Keiko var áður
en hann kom til íslands í september 1998.
Frá Oregon komu innlegg á enska svœðið
þegar Keiko var kvaddur í Bandaríkjunum
og fluttur til Islands. Á vefsíðum verk-
efnisins er hægt að skoða vinnu nemenda,
en þátttakendur eru víðs vegar af landinu.
Næsta þemaverkefnið sem samið var
fyrir íslenska málsvæðið var Þjóðtrú og
þjóðsögur. Unnið er út frá þjóðsögum úr
heimabyggð og jafnvel leitað fanga í
nútímanum. Verk nemenda eru tengd vef-
síðum verkefnisins jafn óðum og þau
32
Tölvumál