Tölvumál - 01.05.1999, Side 30

Að tölvuvseða grunnskóla
Það er mjög mikil-
vægt að rugla ekki
saman kenns/ufræði-
legri umfjöllun um
hvað eigi að gera og
hvernig annars vegar
og hins vegar því
hvaða leið eigi að
fara við að hrinda í
framkvæmd þeim
breytingum sem gera
þarf
myndum og mótaðri kennslufræði getur
einnig verið hindrun í vegi breytinga. Þó
hindranir af síðari gerð séu oft óljósari en
þær af fyrri gerð er mikilvægt að þeim sé
gaumur gefmn og leitað leiða til að
yfirvinna þær.
Þegar staðan hefur verið metin í
skólanum og framtíðarsýnin mótuð þarf
að gera áætlun. Slík áætlun þarf að vera
nákvæm, taka til allra þátta og vera byggð
upp í mælanlegum áföngum eða skrefum.
Aðeins með þeim hætti er hægt að fylgjast
með framgangi hennar og meta stöðuna á
hverjum tíma.
Það er mjög mikilvægt að rugla ekki
saman kennslufræðilegri umfjöllun um
hvað eigi að gera og hvemig annars vegar
og hins vegar því hvaða leið eigi að fara
yið að hrinda í framkvæmd þeim
breytingum sem gera þarf. Áætlun er
leiðarvísir frá þeirri stöðu sem skólinn er í
til þeirrar stöðu sem skólinn vill vera í.
Slík áætlun þarf að vera sérsniðin fyrir
hvern skóla. I áætlun þarf einnig að koma
fram hvenær og hvernig meta skal fram-
gang hennar og til hvaða úrræða skal grípa
ef ekki tekst að fylgja áætluninni. Aðeins
með slíkum vinnubrögðum er hægt að
tryggja að breytingar nái fram að ganga.
Allan framkvæmdartímann þarf að
meta þá þætti áætlunarinnar sem þegar er
lokið og endurskoða þá hluta hennar sem
ekki eru komnir til framkvæmda.
Áætlunin er því síbreytileg og vex eftir því
sem tíminn líður en er þó óvæginn hús-
bóndi og sífellt viðmið um það breytinga-
starf sem í gangi er.
Ef að líkum lætur mun sú umbreyting
menntakerfisins sem fylgir upplýsinga-
tækninni og þeirri byltingu á starfsháttum
sem henni fylgir ekki taka enda í fyrirséðri
framtíð heldur verða hið varanlega ástand
í skólum landsins. Því er ráðlegt að haga
undirbúningi með þeim hætti sem hentar
til langferða, jafnvel þó tíminn sé naumur.
Birgir Edwald er kerfisfræðingur
og aðstoðarskólastjóri Barnaskólans á
Eyrarbakka og Stokkseyri
30
Tölvumál