Bókasafnið - 01.12.1983, Síða 25

frá því 1931 að Ámi Friðriksson réðist
sem fiskifræðingur til Fiskifélags ís-
lands. Hann starfaði þar til ársins
1937 en þá var Atvinnudeild Háskól-
ans stofnuð og varð Fiskideild ein
deilda hennar. Fiskideild var síðan
lögð niður árið 1965 þegar lög um
Rannsóknastofnanir atvinnuveg-
anna og Rannsóknaráð ríkisins voru
samþykkt, og Hafrannsóknastofnun
varð til. Saga bókasafnsins er nátengd
þessari sögu en stór hluti safnsins eru
söfn Bjarna Sæmundssonar, Áma
Friðrikssonar og Hermanns Einars-
sonar, en stofnunin keypti þessi söfn
að þeim látnum. Fiskideildin var til
húsa að Borgartúni 7 í mörg ár, og var
þá þegar komið bókasafn við deild-
ina. Óskar Ingimarsson varð þá bóka-
vörður og skráði og flokkaði allt safn-
ið. Árið 1963 flutti deildin að Skúla-
götu 4, og fékk bókasafnið strax her-
bergi sem það hefur reyndar enn og er
nú orðið allt of lítið.
Það skilyrði fylgdi ráðningu Ósk-
ars sem bókavarðar að hann sæi um
bókasöfn allra deilda Atvinnudeild-
arinnar, en auðvitað var það ófram-
kvæmanlegt og kom aldrei til, en
þannig er það sennilega tilkomið að
bókasafn Rannsóknastofnunar fisk-
iðnaðarins fylgir með bókasafni Haf-
rannsóknastofnunarinnar, auk þess
sem báðar stofnanirnar eru í sama
húsi.
Hvernig líður dagurinn á sérfrœði-
safni?
Á morgnana skrái ég og flokka all-
an póst sem berst. Öll tímarit eru
skráð en þau koma um 800 á báðar
stofnanimar samtals. Nýlega hef ég
tekið upp þá þjónustu við útibús-
stjóra stofnananna að senda þeim
ljósrit af efnisyfirlitum þeirra tíma-
rita sem þeir óska eftir að líta á og
sendi þeim síðan greinar ef þeir biðja
um eitthvað. Mikiðerum millisafna-
lán, og ég fæ miklu meira lánað en ég
lána. Ég skipti mikið við Norður-
lönd, einkum Noreg, einnig mikið
við British Library Lending Division
í Bretlandi. Bækur skrái ég og flokka,
en þær eru um 180—200 á ári. Ég sé
um útsendingu á ritum sem gefin eru
út á stofnuninni og er einnig í ritstjóm
fyrir Hafrannsóknum, sem innihalda
m.a. ársskýrslu stofnunarinnar. í
fyrrasumar hófst bein upplýsingaleit
með tölvu hér hjá mér, og hef ég sam-
band við DIALOG upplýsingabank-
ann í Kaliforníu. Þetta er stærsti upp-
lýsingabanki í heimi. Beiðnir urn
millisafnalán hafa líka aukist mikið
með tilkomu þessarar þjónustu. Þá
kemur einstaka sinnum fyrir að ég fer
í leiðangra á rannsóknaskipum, en
það er skemmtileg tilbreyting frá
skrifstofuvinnunni.
Hvernigfylgist bókavörður í svona
safni með?
Ég er meðlimur í ASLIB, bresku
bókavarðafélagi, og fæ send tímarit
þaðan. Þeir hafa einnig bókalista þar
sem hægt er að fylgjast með því sem er
efst á baugi í faginu og panta ég þá
bækur og greinar frá þeim. Einnig
kaupi ég nokkur fagtímarit sem hafa
að geyma áhugaverðar greinar. Ég hef
ekki fengið mörg tækifæri til að sækja
fundi erlendis sem þó væri mjög æski-
legt.
Þú ert formaður Bókavarðafélags
íslands. Hvaða trú hefur þú á þeim
samtökum?
Ég hef mikla trú á að BVLI hafi
mikilvægu hlutverki að gegna, eink-
um í sambandi við samræmingu og
samvinnu bókasafna. Það er allt of
breitt bil á milli bókavarða í hinum
ýmsu safntegundum, og samvinna
svo til engin. í litlu þjóðfélagi eins og
okkar ætti að vera auðvelt að koma á
verkaskiptingu milli safna, þannig að
mörg söfn séu ekki að kaupa sömu
bækumar eða tímaritin. Almenn-
ingssöfnin gætu notfært sér sérfræði-
söfnin miklu meira en nú tíðkast.
Þetta eykst væntanlega með tíman-
um. Skólamir gætu notfært sér bæði
almennings og sérfræðibókasöfnin og
gera það í nokkrum mæli. Það eru
sérstaklega kennarar framhaldsskóla
sem gera nokkuð af því að fara með
nemendur á stofnanir, en flestir
þeirra hafa einhvem tíma notað al-
menn i ngsbókasöfn.
Allir sem fást við tölvur þurfa að nota
TÖLVUORÐASAFN
sem er nýkomið út. í Tölvuorðasafni er bæði íslensk-ensk og ensk-
íslensk orðaskrá yfir orð sem lúta að tölvum og tölvuvinnslu. Þar er
að finna um 2000 heiti á rösklega 700 hugtökum. Fyrsta rit sinnar
tegundar. Fyrsta orðabókin sem tölva gerir hér á landi.
Verð kr. 296 til félagsmanna, kr. 370,50 til annarra.
HIÐ
ÍSLENZKA
BÓKMENNTAFÉLAG
Þingholtsstræti 3
101 Reykjavík
simi 21960
BÓKASAFNIÐ
25