Dagblaðið Vísir - DV - 27.11.1981, Qupperneq 32
VERÐUR SKIPAUTGERD
RÍKISINS LÖGÐ NIDUR?
—Steingrímur skipar nefnd um málið
Samgönguráðherra, Sleingrimur
Hermannsson, hefur óskað eftir til-
nefningum frjálsu skipafélaganna í
landinu á fulltrúm í nefnd sem kanna
á möguleika á auknu samstarfi og
hagræðingu í strandsiglingunum.
Stjórn hafskips hf. gerði samþykkt
um þetta mál sem send var ráðherr-
anum og hann tók strax undir. Er álit
Hafskipsmanna raunar mjög róttækt
og telja þeir jafnvel mögulegt að
fækka strandsiglingaskipum um tvö
og reka þessa þjónustu i samvinnu
frjálsu skipafélaganna og ríkisins.
Undanfarið hefur verið samvinna
milli Hafskips og Ríkisskips um
strandflutninga og munu Hafskips-
menn telja ærin rök fyrir því, að
frjálsu skipafélögin sem annast sigl-
ingar milli landa og til ýmissa hafna
hér, geti i öllum aðalatriðum tekið að
sér strandsiglingarnar líka. Þó er Ijóst
að nokkur hluti þeirra er fyrst og
fremst félagslegs eðlis og ekki arð-
bær, þannig að atbeina ríkisins þarf
til áfram að því marki. Þess vegna er
hugsanlegt að nýtt skipafélag verði
stofnað á grunni Ríkisskips, í sam-
eign frjálsu skipafélaganna og ríkis-
ins.
Það vekur óneitanlega athygli í
þessu sambandi að samþykkt stjórn-
ar Hafskips, sem er kveikjan að
nefndarskipun samgönguráðherra, á
raunar upptök sín á síðasta Lands-
fundi Sjálfstæðisflokksins, sem
samþykkti ályktun um strandsigling-
arnar einmitt í þessa veru, sem nú á
að grandskoða.
HERB.
Vöðvamikli pilturinn í forgrunni myndarinnar heitir Andreas
Cahling. Árið 1980 sigraði hunn í keppninni Mr. International. Hér
ó landi er hann staddur til að veita leiðbeiningar áhugasömu fólki um
vaxtarrœkt og mun hann halda fyrirlestur og sýningu í þeim tilgangi í
Háskólabíói nk. sunnudag. Islenzkir karlar og konur munu þá
einnig koma fram og sýna árangur vaxtarrœktar á ýmsum stigum.
Sést sá hópur fyrir aftan Andreas.
-KMU/mynd: Ragnar Th.
„Bóksalar mega
líma að vild”:
Hagkaup
skiptir
öllum
bókum
„Okkur er alveg sama þótt bók-
salar merki nýjar bækur sem þcir
selja sem skiptibækur innan félags
bókaverslana, bóksalar mega líma
að vild og Hagkaup mun veita alla
bóksöluþjónustu eftir sem áður,
hvort sem við fáum merktar bækur
til skipta eða ómerktar,” sagði
Gunnar Guðjónsson verslunarstjóri
i bókadeild Hagkaupa í morgun.
DB&Vísir sagði í gær frá því að
bóksalar i Félagi íslenskra bóka-
verslana merktu nu allar nýjar
bækur með limmiða, þar sem á er
merki félagsins og tilkynningin:
„Skiptibók — má skipta i bóka-
verslunum”. Meðal þeirra sem
ekki eru í félaginu eru Hagkaup,
kaupfélög, farandsalar og ekki síst
bókaforlög, sem reka verslanir með
eigin bækur. -HERB.
„Fylgi því að Blanda
verði virkjuð fyrst”
—segir Eggert Haukdal
,,Það er rétt að ríkisstjórnin mun
leggja til að virkjun við Blöndu verði
fremst á blaði. Þetla er út af fyrir sig
hagkvæmt og ég get stutt það,” sagði
Eggert Haukdal alþingismaður í sam-
tali við DB&Vísi i morgun. Á ríkis-
stjórnarfundi í morgun var lekin
ákvörðun um röð slórvirkjana.
Eggert hefur sem kunnugt er
barizt fyrir þvi að virkjun við Sultar-
tanga yrði reist sem fyrst. „Það er
engin motsögn við þessa afstöðu
mínanú," sat ji Eggert. „Ég óskaði
einmitt el'tir því í fyrra að Landsvirkj-
un, Orkustófnun og RARIK yrðu látin
kanna hver væri þjóðhagslega hag-
kvæmasti virkjunarkosturinn og
Blanda hefur orðið fyrir valinu hjá
þeim. Hins vegar vil ég leggja áherzlu á
að framkvæmdum við Þjórsársvæðið
verði haldið áfram og ég tel að hægt
verði að vinna jöfnum höndum við
Sultartanga og Fljótsdalsvirkjun á
sama hátt og gert var við Kröflu og
Sigölduvirkjun.
Það sem skiptir þó höfuðmáli er að
orkan frá Suðurlandi verði ekki öll
flutt burt frá svæðinu heldur komið
þar upp orkufrekum iðnaði,” sagði
Eggert og bætti því við að ýmsar
athuganir stæðu yfir í því sambandi en
hann vildi þó ekki nefna nein ákveðin
dæmi. -KS.
Óvissa um framtíð Blaðaprents:
Öllum sagt upp störfum?
Langur og strangur stjórnarfundur
var haldinn í Blaðaprenti í gær lil að
ræða framtíð fyrirtækisins. Ákveðið
var að skýra ekki frá niðurstöðu fund-
arins fyrr en eftir helgi, en svo getur
farið að öllu starfsliði Blaðaprents
verði sagt upp störfum á næstunni
vegna þeirrar endurskipulagningar sem
óhjákvæmilcg er, verði Blaðaprent
rekið áfram.
Ragnar Árnason, fulltrúi Þjóðvilj-
ans, tók í gær við formennsku í stjórn
fyrirtækisins af Davíð Guðmundssyni,
sem var fulltrúi Vísis en sagði af sér
formennsku.
Þegar blaðið hafði tal af Ragnari
Árnasyni í morgun varðist hann allra
frétt af stjórnarfundinum og sagði að
samkomulag hefði orðið um að ræða
ekki efnisatriði við fjölmiðla. L Þjóð-
viljanum í morgun er sagt að hvarf
Vísis úr Blaðaprenti muni óhjákvæmi-
lega snerta starfsmenn þess fyrirtækis.
Lengi hefur legið í loftinu að breytingar
kynnu að verða á starfsemi Blaðaprents
og flest blöðin sem þar eru prentuð
verið tvístígandi um hvort halda bæri
samstarfinu áfram.
-SG.
irjálst, nháð dagblað
FÖSTUDAGUR 27. NÓV. 1981.
Landbúnaðarvörur:
10%
hækkun
1. des.?
Landbúnaðarvörur eiga að hækka 1.
desember nk. Sexmannanefndin hefur
enn ekki komizt að niðurstöðu um hve
þessi hækkun verði mikil en þó er talið
líklegt að meðaltalshækkun verði i
kringum tíu af hundraði, þar af sex af
hundraði vegna launaliðarins.
Að sögn Pálma Jónssonar landbún-
aðarráðherra liggur ekki fyrir hvort
ríkissjóður eða hvernig hann muni
mæta þessari hækkun með breytingum
á niðurgreiðslum.
-KMU.
Akranes:
Bíll ók
niður
ifjoru
Ung stúlka slasaðist nokkuð er bíll
sem hún var farþegi í ók yfir malarkant
og niður í fjöru nálægt Sementsverk-
smiðjunni á Akranesi um eittleytið i
nótt. Aðdragandi slyssins var sá að
þrjár stúlkur voru í ökuferð á stórum
ameriskum bíl og ók ökumaður
nokkuð greitt miðað við aðstæður en
hálka var mikil.
Ökumaðurinn mun hafa misst vald á
bifreiðinni með þeim afleiðingum að
hann fór yfir malarkant og niður í
fjöru. Er nokkur hæð þar niður og
mikið stórgrýti. Billinn er mjög mikið
skemmdur en mesta mildi þótti að ekki
urðu slys á ökumanni og hinum farþeg-
anum.
-ELA.
Loki
Maður fer nú að kanna þessi
lesendabréf í dagblöðunum
betur. Kannski að það
slæðist eitthvað með á
rússnesku.
hressir betur.