Dagblaðið Vísir - DV - 28.11.1981, Qupperneq 6

6
DAGBLAÐIÐ & VÍSIR. LAUGARDAGUR 28. NÓVEMBER 1981.
Tækninýjung sem markar tímamót:
TOLVAN ÞYÐIR URISLENSKU
YFIRÁ ÞRJÁTÍU TUNGUMÁL
—orðaf orðinn um 90% af algengustu orðunum
Viltu eignast félaga, sem getur
þýtt fyrir þig, úr íslensku yfir á 30
Itungumál? Hann er til, í fyrsta skipti
á íslandi, lítill kuþbur í tölvu með
2.400 íslenskum orðum.
Það er fyrirtækið Rafrás í
Fellsmúla 24, nánar tiltekið í
Hreyfilshúsinu, sem er fyrsta
fyrirtækið á íslandi, til að koma með
þennan kubb, en það er aðeins ein
tegund af tölvu til í heiminum, sem
getur breytt yfir i öll tungumál, og
það er Craig tölvan.
50 fastar setningar
Tölvan er lítil og tekur inn þrjá
kubba í einu, með mismunandi
tungumálum. Auk þess reiknar hún
og inniheldur 50 fastar setningar, s.s.
Hvað heitir þú? Góðan daginn?
o.s.frv. Hún biður líka um
reikninginn fyrir þig, þótt þú sért
staddur á hóteli i Arabíu, Kína, eða
hvar sem er, og hún reiknar út fyrir
þig hitaeiningar í matnum, sem þú ert
að borða í Japan eða annars staðar.
Þú getur líka skrifað inn fyrstu tvo
stafína í einhverju orði, og tölvan
gefur þér upp öll þau orð,sem byrja á
þeim stöfum. En aðallega byggir
þessi tölva á að þýða milli
Sigurjón Einarsson sölumaður, Ásgeir Bjarnason tæknilegur framkvæmdastjóri, og Halldór Levi sölumaður halda hér á
tölvunni góðu og nytsömu kubbunum í hana. V-DB-mynd ÞL
tungumála. Sá, sem vann íslenska
kubbinn. er Ólafur Ingólfsson,
íslenskufræðingur, sem búsettur er í
Los Angeles og vann hann við
kubbinn á þessu ári, frá því í janúar.
Orðin í þennan kubb eru valin sam-
kvæmt þýzkum orðastaðli, en farið
var eftir niðurstöðum úr rannsókn á
því, hvaða orð ern mest notuð í dag-
legu tali. Þau orð, sem í kubbnum
eru, spanna yfir 88-90% þeirra
orða, sem mest eru notuð, en þau
10%, sem á vantar eru sérhæfðu hug-
tökin.
-V,1lni|„tMÍkL. -v.- . t
Tímamót
í tœknisögu
,,Það má segja, að þetta sé fyrsta
rafeindaritverk, sem gefið er út á
íslandi,” sagði Ásgeir Bjarnason,
tæknilegur framkvæmdastjóri
Rafrásar hf., ,,en þvi hefur verið
spáð, að í framtíðinni muni aukast
útgáfa á hljómplötum, ritverkum, o.
fl. í formi seguldiska og rafeinda-
kubba. Þessi kubbur er með
tölvuminni, og það er ekkert, sem
slitnar i honum. Kubburinn er stilltur
inn á ferðamanninn og almenn sam-
skipti, en hægt er að fá í tölvuna
kubb með sérhæfðum orðasöfnun,
t.d. fyrir viðskiptalífið, leiðbeiningar
um víntegundir og kokkteila á
erlendum tungumálum, og eins konar
gátu, sem kennir að stafsetja orð rétt.
Þessi kubbur markar því tímamót í
tæknisögu íslands.”
Ungt fyrirtæki
Fyrirtækið Rafrás var stofnað
sem hlutafélag árið 1979; en hafði
áður starfað frá árinu 1975, sem
hönnunarfyrirtæki. Rafrás er fyrst
og fremst innflutnings- og
framleiðslufyrirtæki, og eru tölvur
og tölvubúnaður aðal innflutnings-
varan. Framleiðslan byggist aftur á
móti á kennslutækjum og
mælistöðvum fyrir verksmiðjur. Þá
hefur fyrirtækið framleitt jónatæki,
sem lagar loft og bætir and-
rúmsloftið. í samstarfi við Hagvang
hf. vinnur fyrirtækið í sölu á hug-
búnaði (p'rógrammi fyrir tölvur) og
forritun. Fastráðnir starfsmenn eru
7, en lausráðnir og í hlutastarfi eru 3.
Að sögn Ásgeirs Bjarnasonar var
lögð mikil vinna í undirbúning áður
en farið var af stað með fyrirtækið og
eru þeir með mjög öflugar
tölvulausnir, sem eiga að leysa
alhliða þarfir í iðnaði og fyrirtækja-
rekstri.
„Vitlaus"
ríkisstjórn
„Það er vert að það komi fram,
að i fyrstu útgáfunni á íslensku
bókinni, sem við nefndum kubbinn,
eru þrjár villur,” sagði Ásgeir.
„Þessar ritvillur hafa tafið verkið og
kostað mikla peninga, en því miður
var ekki unnt að lagfæra þær að
þessu sinni. Fyrst ber að nefna að
rikisstjórnin er vitlaus.” Nú, já,
ríkisstjórnin er vitlaus, en er það ekki
óþarfi af tölvu að fullyrða um það?
,, Já, vitleysan byggist á því að það er
bara eitt s í ríkisstjórninni í
tölvunni,” segir Ásgeir hlæjandi,
„og því verður ekki breytt á einni
nóttu,” segir Sigurjón sölumaður
brosandi. „Hinar villurnar eru þær
að orðið „leiðinni” er með einu „n”,
og „leiðbeiningar” er skrifað
„leiðbeininger”. Annars er þetta
mjög siðprúð tölva, og engin dónaleg
orðað finna í henni”.
íslenski kubburinn kom til
landsins fyrir örfáum dögum, en
fyrsta sendingin er væntanleg um
mánaðamótin nóv.-des. í lokin er vert
að geta þess, að svona tölva með
þremur 2400 orða kubbum, á
íslensku, ensku og þýsku kostar
samtals kr. 3.200,-.
-AKM.
Fríða Á. Sigurðardóttir:
SÓLIN OG SKUGGINN
Fyrsta bók Fríðu, smásagnasafniö
„Þetta er ekkert alvarlegt“, sem út kom
í fyrra, vakti almenna athygli og umtal
bókamanna. Sólin og skugginn er fyrsta
skáldsaga hennar og munu bókamenn
ekki síður fagna útgáfu hennar. Sagan
er þrungin áhrifamagni, snertir og eggj-
ar og er rituö á óvenju fögru og auóugu
máli. Þetta er saga um frelsi og helsi
mannsins, lífsástina og dauðann, saga
af fólki, grímum þess, brynjum og vopn-
um, — hún er saga mín og þín. Sólin og
skugginn er bókmenntaviðburður.
JökullJakobsson: SKILABOÐ TIL SÖNDRU
SklLABOP
TILSÖNDRU
Jökull Jakobsson hafði gengið frá hand-
riti þessarar bókar aðeins fáum mánuð-
um fyrir lát sitt. Sagan speglar alla
beztu eiginleika hans sem rithöfundar,
frásögnin er lipur og lifandi, stór-
skemmtileg og bráðfyndin, en undir
niðri skynjar lesandinn alvöru lífsins,
vandamál samtímans.
Meinfyndnari og háðskari bók er ekki á
bókamarkaði í ár. Aödáendur Jökuls
Jakobssonar eru svo sannarlega ekki
sviknir af þessari síðustu bók hans. Hún
leiftrar af frásagnargleði og fjöri.
SKUGGSJA BÓKABÚD OUVERS STEINS SE
SKUGGSJA BÓKABÚÐ OUVERS
STEINS SE