Dagblaðið Vísir - DV - 18.03.1983, Blaðsíða 28

Dagblaðið Vísir - DV - 18.03.1983, Blaðsíða 28
36 DV. FÖSTUDAGUR18. MARS1983 Andlát Aðalfundir í gærkvöld I gærkvöldi Hjörtur R. Björnsson lést 12. mars sl. Hann var fæddur 13. júní áriö 1900 aö Bessastööum í Vestur-Húnavatns- sýslu. Foreldrar hans voru Björn Jóns- son og Kristín Bjarnadóttir. Hjörtur hóf nám í úrsmíöi í Iðnskólanum 1919, meistari hans var Magnús Benjamíns- son. Hjá fyrirtæki hans starfaöi Hjörtur allt þar til það var lagt niður fyrir fáum árum og gerðist meöeigandi fljótlega ef tir að hann lauk liámi. Hin síðari ár vann Hjörtur að öflun efnis í úrsmiðatal. Eftirlifandi eiginkona hans er Vilborg Bjarnadótt- ir, þau eignuðust einn son. Utför Hjartar var gerð frá Dómkirkjunni í morgunkL 10.30. Björgvin Jónsson lést 9. mars sL Hann fæddist 26. maí 1906 í Reykjavík, sonur hjónanna Hallberu Ottadóttur og Jóns Guðnasonar. Árið 1945 stofnaði Björg- vin fiskbúöina Sæbjörgu ásamt vinnu- félaga sínum. Eftirlifandi kona Björg- vins er Þórunn Björnsdóttir frá Gröf í Reyðarfirði. Utför Björgvins verður gerð frá Fríkirkjunni klukkan 15 í dag. Vésteinn Bjarnason, Laugabraut 16 Akranesi, lést í sjúkrahusinu á Sauðár- króki 17. mars. Aðalsteinn Árnason, Sunnubraut 15 Akranesi, verður jarðsunginn laugar- daginn 19. mars.kl. 11.30 frá Akranes- kirkju. Torfí Siggeirsson, Kirkjuvegi 13 Kefla- vík, verður jarðsunginn frá Grinda- víkurkirkju, iaugardaginn 19. mars kl. 14. lijiirn Helgason, Læk Skagaströnd, verður jarðsettur frá Hólaneskirkju, Skagaströnd, laugardaginn 19. mars kl. 14. Kristín Guðrún Valdimarsdóttir, Birkiteig 16 Keflavík, veröur jarð- sungin frá Keflavíkurkirkju laugar- daginn 19. mars kl. 14. Sýningar Félag tölvufræöinema með sýningu um helgina Um helgina verður félag tolvuf ræðinema með sýningu í Tónabæ sem nefnist „Tölvur og hug- búnaður". öll helstu tölvufyrirtæki landsins sýna þann tölvubúnað sem þau hafa upp á að bjóöa. Sýningin verður opin á föstudag kL 16—22 og laugardag og sunnudag kl. 13—22. Menningarmiðstöðin Gerðubergi Þar stendur yfir sýning 16 listamanna úr Breiðholtinu og er hún opin daglega frá kl. 16—22 og um helgar frá kl. 12—20. Sýningin stendur til 26. mars. Veitingabúðin og ljósrit- unarþjónusta er opið á sama tíma. Styrktarfélag vangefinna Aðalfundur félagsins yerður haldinn i Bjarkarási við Stjörnugróf laugardaginn 26. marsnk. kl. 14. Venjuleg aðalfundarstörf. Sigríður Thor- lacius: Minningar frá fyrstu starfsárum. Kaffiveitingar. Stjórnin. Fundir Kynningarfundir hjá Samhygð eru í samskiptamiðstöðinni Skólavörðustíg 36, mánudaga, þriðjudaga, miðvikudaga, fimmtudaga og föstudaga kl. 20.30. Happdrætti Dregið hefur verið í happ- drætti knattspyrnudeildar Þróttar Eftirtalin nr. komu upp: nr. 2163, nr. 2412, nr. 2008, nr. 1109, nr. 206, nr. 1043. Ferðalög Ferðir Ferðafélagsins um páskana 1. 31. mars—4. apríl, kl. 8, Hlöðuvellir — skíðagönguferð (5 (5 dagar). 2. 31. mars—4. apríl, kl. 8, Landmannalaugar — skíöagönguferð (5dagar). 3. 31. mars—4. apríl, kl. 8, Snæfellsnes—Snæ- fellsjökull(4dagar). 4. 31. mars—4. apríl, kl. 8, Þórsmörk (5 dag- ar). 5.2. apríl—4. apríl, kl. 8, Þórsmörk (3 dagar). Látið skrá ykkur tímanlega í ferðirnar. Allar upplýsingar og farmiðasala á skrifstof- unni, Öldugötu 3. Ferðafélag jslands. Dagsferðir sunnudaginn 20. mars. 1. Kl. 10, Hengill — göngu-skíðaferð. Verð kr. 150,-. 2. Kl. 13, Innstidalur — góngu-skíöaferð. Verð kr. 150,-. Farið verður frá Umferðarmiðstó'ðinni, austanmegin. Farmiðar við bíl. Frítt fyrir börn í fylgd fullorðinna. Ferðafélag Islands. Ferðafélag Islands Eftirfarandi samþykkt var gerð á fundi stjórnar Ferðaf élags Islands 9. mars sl.: „Vegna fyrirætlana um alþjóðlegt „rall" á öræfaslóðum Islands og umsóknar um leyfi til slíks vill stjórn Ferðafélags Islands taka fram, eftirfarandi: Vegna viðkvæmra gróðursvæða á hálendi landsins verður að gæta ýtrustu varfærni svo að umferð valdi ekki tjóni á gróðri og ber því að forðast aðgerðir sem leiða til aukinnar umferðar á hálendinu umfram venjulega um- ferð ferðafðlks. Verður því að telja mjög ðráðlegt að leyfa slíka ökukeppni á þeim svæðum á hálendinu, þar sem hætta getur verið á groður- skemmdum. Treystir stjórn Ferðafélagsins því, að við umfjöllum þessa máls láti stjórnvöld þessi sjónarmið ráða." Stjórn Ferðafélags Islands. Útivistarferðir Lækjargö'tu 6, simi 14606. Simsvari utan skrifstofutíma. Ferð i Húsafell 18. mars. Gist í húsum, aðgangur að sundlaug. Á laugardag fara sumir á Ok í (sól? og) snjó en aðrir í hressilega gönguferð á Strút. Velkomin í hópinn. Fararstjóri Sigurþór Þorgilsson og Helgi Benediktsson. Páskaferðir Útivistar 31. mars kl. 09.— 5 dagar. 1. öræfasveit. Gist á Hofi. Fararstj. Ingibjörg Asgeirsdóttir og Styrkár Sveinbjarnarson. 2. Snæfellsnes. Gist á Lýsuhóli. Fararstjóri Kristján M. Baldursson. 3. Þðrsmörk. Gist í vistlegum skála Utivistar í Básum. Fararstjóri Agúst Björnsson. 2. april kl. 09 — Þðrsmörk — 3 dagar. Sjáumst. Tilkynningar Að gefnu tilef ni óskar landsþjónustunefnd AA-samtakanna á íslandi að taka eftirfarandi fram: AA-sam- tökin standa ekki að fundum til kynningar á meðferðarstofnunum, enda rekstur þeirra og fjármálaumsvif þeim viðkomandi víðs fjarri hlutverki samtakanna. Þau hafna allri utan- aðkomandi fjárhagsaðstoð og sjá sér efnalega farborða með frjálsum samskotum félaga. AA-samtökin eru sjálfstæð heild og óháð hvers kyns félagsskap öðrum, hvort heldur er á vegum opinberra aðila eða einstaklinga sem vinna að áfengismálum utan samtak- anna. Ofangreint eru menn beðnir að hafa í huga þegar AA-samtökin ber á góma. Bróðurkærleikurinn lengi lifi Utvarpið í gærkvöldi — þaö er nú það. Heldur þótti mér þrettándinn vera í þynnra lagi og það af marg- víslegum og ólíkum ástæöum. I fyrsta lagi mega íslenskar menn- ingarstofnanir af ýmsu tagi, ekki síst þær er fornminjarannsóknum sinna, kyngja því að hálfdrepast úr hor á meöan veitt er gnægð f jár til þess að grafa upp hollenskt skip er hugsan- lega kann að vera falið í iðrum Skeiðarársands. Til slíks er fáanlegt ómælt fé og engu skiptir þótt mun verðmætari minjar glatist kannski á sama tíma. I öðru lagi er það þetta með sam- viskuna. — Samkvæmt útvarpinu í gærkvöldi lögðu nokkrar meövitaðar sálir leið sína að dyrum bandariska sendiráðsins til þess að mótmæla ýmiss konar stuðningi Bandaríkj- anna við stjórnandi öfl í El Salvador. Samviskan lengi lifi. Það, sem við- gengist hefur í El Salvador um langa tíð er ófyrirgefanlegt og óverjandi. En þrammaði sami hópur sann- kristinna manna aö dyrum sovéska sendiráðsins vegna þjóðarmorðsins í Afghanistan? Ef svo, þá hvenær? — Eg hef einfaldlega aldrei getað skilið hvað það er sem gerir suma svo ein- staklega næma fyrir hrottaverkum á einum stað fremur en á öðrum. Fjöldamorð eru fjöldamorð hvar sem er og hver sem þau fremur. Þau ber því að fordæma hver sem í hlut á — ekki eftir pólitískum hentugleik. Það er að segja, ef samviskan stjórnar ferðinni. Annað mál er svo, vitaskuld, ef öll þessi „umhyggja" ræðst af pólitískri fjarstýringu. Undir slíkum kringumstæðum er ég ekki samferða — og vil ekki vera. I þriöja lagi: Ætlar fólkið, sem réttilega mótmælti forkastanlegum aðförum í El Salvador, að mótmæla — á einhvern hátt — eiturefnahern- aði Sovétríkjanna? Eða „passar" það ekki inn í „prógrammið"? Er það kannski ekki samkvæmt fyrir- mælum um mannúðaraðgerðir? Verður samviskan svæfð með þeirri ályktun sérstakrar nefndar Sameinuðu þjóðanna, að ekki hafi fengist „fullnaðarsannanir" þess efnis að eiturhernaði sé beitt af áðurnefndum friðardúfum; Sovét- mönnum? Það hefur yfirleitt staðið á „fullnaðarsönnunum" einum of oft. Þetta með Sameinuðu þjóðirnar er annars mjög athyglisvert. Hvenær hafa þær komið að markverðu gagni? Hafa þessi samtök nokkurn timann verið annað en ofvaxin nefnd og fokdýr í rekstri? Að vísu hefur verið vesenast í barnavernd og málum er ekki reyna á þolrif hinna ýmsu hagsmunahópa. En hvað gerðu Sameinuðu þjóöirnar í Afghanistan? Hvað gerðu þær í El Salvador? Er þetta ekki máttlaus blaðasam- kunda? Munum Ungverjaland, Tékkóslóvakíu og Pólland. Og hvað er að gerast í Eistlandi, Lettlandi og Litháen í dag? Innfæddir eru fluttir á brott og Rússar fluttir inn í þeirra stað. Hver mótmælir því? Málið er þetta: Ræður samviskan og bróður- kærleikurinn ferðinni, þegar hinir og þessir hópar mótmæla ofbeldi, eða blákaldur pólitískur hentugleiki? „Hvað um mig og þig?" — sungu Grýlurnar í gærkvöldi. Já, hvað um migogþig? 1 fjóröa lagi leiddist mér óskaplega þetta dauðþreytta mál um Donald McLean, Guy Burgess, Kim Philby og raunar fleiri. Mér leiddist það svo mikið að ég lauk útvarpshlustun og sneri mér að góðri bók. Okkur hættir til þess að vera of oft með sömu mál- efnin. Sömuleiöis nenni ég ekki að sjá einhverja uppfærslu af Skálholti eða Galdralofti á næstum því hverju ári. Jæja, nóg um það — en bróðurkær- leikurinn lengi lifi. Franzisca Guimarsdóttir. Styrktarsjóður aldraðra tekur með þökkum á móti framlögum í sjoð- inn (minningargjöfum, áheitum, dánar- gjöfum). Tilgangur hans er að styrkja eftir þörfum og getu hvers konar gagnlegar fram- kvæmdir, starfsemi og þjðnustu í þágu aldraðra með beinum styrkjum og hag- kvæmum lánum. Gefanda er heimilt að ráðstafa gjöf sinni í samráði við stjórn sjððsins til vissra stað- bundinna f ramkvæmda eða starfsemi. Gefendur snúi sér til Samtaka aldraðra, Laugavegi 116, simi 26410 klukkan 10—12 og 13—15. Ályktun Vestf irskra náttúruverndarsamtaka Á fundi sínum 8. mars 1983 samþykkti stjórn Vestfirskra náttúruverndarsamtaka eftirfar- andi ályktun: „Svo sem ljóst er af fréttiim, hyggst Frakk- inn Jean-Claude Bertrand standa fyrir alþjóð- legri rallkcppni á Islandi í ágústmánuði næst- komandi. Allan undirbúning að keppninni hefur Frakkinn Bertrand, ásamt þeim Islend- ingum, sem með honum starfa, unnið án þess að hafa undir höndum tilskilin leyfi íslenskra stjórnvalda til slíkrar keppni. I upplýsingabæklingi um rallið — RALLEY d'ISLANDE — er m.a. kort, sem sýnir helstu akstursleiðir. Þar kemur í ljðs, að áformað er að aka bæði Kjalveg og Sprengisandsleið, afréttarvegi á Austurlandi og á Arnarvatns- heiði, auk þess báðar Fjallabaksleiðir og Gæsavatnaleiö, þ.e.a.s. fram og til baka um Herðubreiðarfriðland. A öllum framangreindum leiðum er farið um viðkvæmustu gróöurlendi á Islandi, groðurlendi, sem tæki áratugi og græða upp aftur, ef gróðurspjöll verða þar meiri en þegar eru. Vafasamt má telja að vegaslóðar á leiðun- um, sem að framan eru taldar, muni þola það álag, sem leiðir af akstri á þriðja hundrað ökutækja, sem gera má ráð fyrir að taki þátt í ogfylgikeppninni. Stjórn Vestfirskra náttúruverndarsamtaka varar mjög eindregið við ófyrirséðum aflelð- ingum fyrirhugaðrar rallkeppni og hvetur íslensk stjðmvöld til þess að veita ekki leyfi til keppninnar." Frá Sjálfstæðisflokknum Dagana 12. og 13. mars héldu þingflokkur Sjálfstæðisflokksins, miðstjórnarmenn og frambjóðendur í aðalsætum við næstkomandi alþingiskosningar, fund í Borgarnesi um kosningaundirbúninginn vegna alþingiskosn- inganna. Á fundinn mættu allir núverandi þingmenn Sjálfstæðisflokksins sem verða í framboði fyrir flokkinn í næstu alþingis- kosningum og flestir aðrir frambjððendur i aðalsætum. Geir Hallgrímsson formaður Sjálfstæðis- flokksins setti fundinn kl. 13 á laugardag, en Friðjðn Þðrðarson dómsmálaráðherra bauð fundarmenn velkomna í Vesturlandskjör- dæmi. Á fundinum var fjallað um tvö meginatriði. Annars vegar skipulagningu kosningabarátt- unnar og hins vegar gerð kosningayfirlýs- ingar. Á fundinum fðru fram itarlegar umræður um stefnumál flokksins og kosningastefnuna og í fundarlok var samhljðða samþykkt kosningayfirlýsing sem kynnt verður fljót- lega. Á fundinum ríkti mikil eindrægni og baráttuhugur. Reykjavík, 14. mars 1983. Skrifstofa Sjálfstæðisflokksins. Sagan af Nala Ut er komin Sagan af Nala, sem er forn- indverskt söguljðð á sanskritarletri, umritað á latínuletri. I bðkinni er orðasafn sanskrít—íslenska með yfir fjögur þúsund uppsláttarorðum. Höfundur er Sigrún Laxdal en útgefandi er Háskóli Islands. Bðkin er 365 blaðsíöur og prentuð í Leiftri. Bðkin fæst hjá Bðksölu stúdenta, Bðka- verslun Snæbjarnar og Bókaverslun Sigfúsar Eymundssonar. að Hamraborg 3 í Kopavogi, eftir kl. 20 íkvöld. Afmæli 60 ára er í dag, 18. mars, frú Oddný A. Jónsdóttir frá Þorvaldsstöðum í Breið- dal, lengst af búsett á Fáskrúðsfirði, nú til heimilis að Grettisgötu 52 í Reykjavik. Hún tekur á móti gestum 80 ára verður á morgun, 19 mars, Brynjólfur Gíslason fyrrum veitinga- maður í Tryggvaskála á Selfossi, Tryggvagötu 16 þar í bæ. Afmælisbarn- ið ætlar að taka á móti gestum í Tryggvaskála milli kl. 15og.9 á af- mælisdaginn. Stúdíó Bimbó í nýtt húsnæði Stúdió Bimbð á Akureyri flutti um síðustu mánaðamðt í nýtt húsnæði að Oseyri 6. Þar er góð aðstaða fyrir hljððfæraleikara og getur allt aö 50 manna kór komist fyrir í salnum, en hann skiptist í tvennt eftir endurkasti frá veggjum („lifandi" og „dauðan" enda). Einnig er litill klefi, ætlaður einsöng og fleiru. Frá stjórnherbergi stúdíðslns. Eigandi þess er Pálmi Guðmundsson. Stúdíðið býr yfir fullkomnum 16 rása upp- tó'ku- og hljððblöndunartækjum, ásamt ýms- um öðrum tækjum. Það tekur upp tónlist, tal, leikhljóð og auglýsingar auk þess sem þaö f ullvinnur tónlist til hljðmplötugerðar. 80 ára er í dag Sigurbjörg Bjarna- dðttir, Alftagróf í Mýrdal. Hún er fædd að Hvoli í Mýrdal, dóttir hjónanna Elínar Jónsdóttur og Bjarna Þor- steinssonar. Sigurbjörg giftist Tómasi Lárussyni í Alftagróf 1930 og hafa þau búið í Álftagróf síðan. Þau eiga 4 dætur.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.