Dagblaðið Vísir - DV - 18.06.1983, Blaðsíða 6

6
DV. LAUGARDAGUR18. JUNl 1983.
„Alveg vonlaus. Næsti!”
var dómurlim sem Sebastian í Ættarddalinu, öðru nafni Anthony Andrews,
f ékk þegar hann var að stíga sín f yrstu spor á leiksviði
„Rauða akurliljan er svo mikil
freisting! Eg þori að éta hattinn minn
upp á það að enginn leikari myndi
neita hlutverki þar ef honum stæði það
tilboða!”
Það er Anthony Andrews, sem þetta
mælir, og horfir um leið dreymandi
fram fyrir sig. ,jSir Percy Blakeney
hlýtur að vera óskahlutverk hvers ein-
astaleikara,” bætir hann viö.
Andrews er Islendingum að góðu
kunnur, þó einkum undir nafninu Se-
bastian úr Brideshead Revisited eða
Ættaróöalinu sem íslenska sjónvarpið
sýndi fyrir skemmstu. Þar þótti hann
sýna frábæran leik. Og nýjasti leiksig-
ur hans er einmitt hlutverk Sir Percys
í Rauöu akurliljunni. Þar eru þaö Ian
McKellen og Jane Seymour sem leika
á móti honum.
„Og þarna stóð ég gersam-
lega berskjaldaður!"
Það er ekki langt síðan Andrews var
gersamlega óþekktur. En árið 1981
brosti loks gæfan við honum. Það var
þá sem hann fékk hlutverk Sebastians
Flyte í Ættaróðalinu og túlkaði hann
svo ógleymanlega. Fyrir hlutverkið
fékk hann svonefnd BAFTA verölaun
sem veitt eru í Bretlandi besta leikara
ársins og einnig var hann útnefndur til
Emmy verðlauna í Bandaríkjunum.
Andrews var ekki gamall þegar
hann fékk óslökkvandi áhuga fyrir
leikhúsinu, en fyrsta reynsla hans þar
hefði fælt margan frá. Andrews var á
viökvæmum aldri eða um fermingu og
gekk í Royal Masonic School í Hert-
fordshire. Hann var í fyrsta bekk þar
þegar eldri bekkingar voru að setja
upp leikrit. Andrews langaöi þessi
ósköp til aö fá hlutverk í leiknum og
kom að máli við einn kennarann sem
setti upp verkið meö skólapiltum.
Andrews fékk tækifæri til að spreyta
sig í leiknum. Það var hlutverk sem
enginn piltanna hafði fengist til aö
leika, það var nefnilega kvenmanns-
hlutverk. Það var hlutverk gyðjunnar
Aþenu. Og Andrews var „dubbaður”
upp með logagyllta vængi og í bláu
silkipilsi og þannig átti hann að koma
fram á sýningunni sem fór fram úti
undir berum himni.
Andrews minnist þessa atviks: „Það
var nokkuð hvasst þennan dag sem
frumsýningin var. Og þar sem ég stóð
hálfnaður með ræðuna, sem ég skyldi
flytja, veit ég ekki fyrr til en vindurinn
feykir upp pilsinu og þarna stend ég
gersamlegaberskjaldaöur! Þaöætlaði
allt um koll að keyra! ”
Ekki lét þó Andrews þetta óhapp
fæla sig frá frekari leiksigrum!
„Loksins stóð ég á alvöru
leiksviði"
Þegar skóla lauk var Andrews
ákveðinn í aö gerast leikari, en það var
ekki auðvelt. Hann fékk sér því vinnu,
gekk inn í ýmis störf á meðan hann beiö
eftir stóra tækifærinu. Hann vann í
verslun, sem léttadrengur á hóteli og
sem einskonar „altmuligmand” á dag-
blaði einu. Einhverju sinni var hann að
þurrka af á ritstjórninni. Þá fór hann
aö hugsa um það hvað hann eiginlega
væri aö gera þama. Hann sagði upp á
stundinni, gekk inn í næsta leikhús og
sótti um vinnu, honum væri alveg
sama við hvað. Hann fékk starf sem
aðstoðarmaður á sviðinu.
Um það leyti var verið að setja upp
verk eitt, The Italian Straw Hat. Ein-
hverra hluta vegna var skammur tími
til stefnu og mörg hlutverk í verkinu.
Það var því tjaldað öllu sem til var,
einnig Anthony Andrews!
„Þótt hlutverkið væri lítið, fannst
mér dásamleg tilfinningin að standa
loksins á alvöruleiksviði,” segir
Andrews.
#
Eymdin uppmáluð. Andrews í hlutverki Sebastians undir það síðasta.
Meðeiginkonunni, Georginu Simpson...
.. .og börnunum, Joshua og Jessicu.
Og hann heldur áfram: „Eg hafði
ekki sótt neinn leikskóla og þess vegna
sóttist mér seint að læra réttu taktana,
en það tókst. Aðalleikaramir þarna
voru af kynslóð sem tók sín fyrstu spor
á leiksviði rétt eftir stríð. Þá þekktust
ekki leikskólar eins og nú. „Eg hugsaði
því með mér,” segir Andrews.. „Ef
þeir geta þetta, hlýt ég að geta það.”
Andrews þótti ekki standa sig neitt
verr en hinir og í kjölfarið fylgdu fleiri
hlutverk, þótt öll væru þau smá í snið-
um. Hann slóst í hóp allskonar hópa er
voru með ferðaleikhús og kynntist
ýmsu fólki úr leikarastétt. Einn þeirra
var Lyle nokkur Harris. Sá var dag-
skrárgerðarmaður hjá BBC sjónvarps-
stöðinni. Hinn óslökkvandi áhugi
Andrews á leiklistinni fór ekki framhjá
Harris og hann bauð honum smáhlut-
verk í s jónvarpsdagskrá sem hann var
að vinna að.
„Þetta var í fyrsta sinn sem ég kom
fram í sjónvarpi,” segir Andrews, ,,og
á eftir leit ég á mig eins og film-
stjömu!”
Anthony Andrews varð fyrst frægur fyrir túlkun sina á Sebastian í Bridcshead
Revisited eða Ættaróðalinu. Hér eru þeir féiagarnir Sebastian Flyte og Charles
Ryder eða Andrews og Jeremy Irons.