Dagblaðið Vísir - DV - 04.09.1985, Page 3

DV. MIÐVKUDAGUR 4. SEPTEMBER1985.
3
„Hlýturað
verða rætt
áþinginu”
— segirValgeir
Gestsson,
formaður KÍ,
um úrskurð
stjórnarBSRB
Stjórnarfundur hjá BSRB, sem
haldinn var á mánudag, úrskuröaði
„aö auðir seðlar og ógildir skuli
teljast með þegar ákvaröaö er um
úrslit” allsherjaratkvæðagreiðslu
Kennarasambands islands um úr-
sögn úr bandalaginu. Samþykkt
var tillaga þess efnis á fundinum
og þar segir ennfremur: „Sam-
kvæmt tilkynningu kjörstjórnar
greiddu 2443 atkvæði í allsherjarat-
kvæðagreiðsiunni. Af þeim greiddu
1572 atkvæði með úrsögn úr BSRB
eða 64,35%. Samkvæmt 7. gr. laga
BSRB þarf a.m.k. 2/3 greiddra at-
kvæöa til þess að úrsögn teljist
samþykkt. ”
„Kennarar geta skotið þessum
úrskuröi til þings BSRB, sem
verður haldiö í október, eöa til
dómstóla,” sagði Haraldur Stein-
þórsson, framkvæmdastjóri BSRB,
í samtali við DV um úrskurð stjórn-
arinnar.
Framkvæmdastjórinn var
spuröur um eignaskipti ef af úr-
sögn kennara úr bandalaginu yröi.
„Þá munu þeir ekki eiga lengur
aðild að starfsmenntunarsjóði
bandalagsins,” svaraði fram-
kvæmdastjórinn. Um eignarhiut
kennara í orlofshúsum BSRB eru
skýrar reglur. Endurgreitt verður
framlag þeirra umreiknaö eftir
byggingarvísitölu að frádregnum
4% fyrir hvert ár sem húsin hafa
verið í notkun.
Kennarasamband Islands mun
eiga 12 orlofshús að andvirði 3,7
milljóna króna um siðustu áramót.
Kennarasambandið á 18% eignar-
hlut í húsi BSRB við Grettisgötu.
„A þessu stigi málsins á ég ekki
von á því að það verði gert,” svar-
aði Valgeir Gestsson, formaöur
Kennarasambands Islands, þvi
hvort kennarar myndu leita til
dómstóla um úrskurð BSRB.
„Um svo stórt mál setn þetta
hlýtur aftur á móti að verða rætt á
þingi BSRB i október.”
Á stjórnarfundi BSRB í fyrra-
dag hafnaöi stjórnin þeirri beiðni
fulltrúaráös kennarasambandsins
að skipa þriðja fulltrúa i kjör-
stjórn. Kjörstjórn skipa tveir full-
trúar kennara og einn frá banda-
laginu. Fulltrúi bandalagsins hefur
sagt sig úr kjörstjórninni og var þvi
síðan hafnað i fyrradag að skipa
nýjan. Kennarasainbandið hefur
óskaö þess að kjörstjórn úrskurði
um vægi auöu og ógildu seðlanna i
allsherjaratkvæöagreiöslunni um
úrsögn kennara úr BSRB sem
framfórímaísl.
-ÞG
Púkinn bætti
við nútti
Meinleg viUa slæddist inn í
forsíðufrétt DV í gær um raforku-
þörf landsmanna í næstu framtíö.
Þar var greint frá raforkuspá til
ársíns 2015 sem væntanleg er til
birtingar. Um aldamótin munum
við, samkvæmt spánni, þurfa um
1200 gigavattstundum minni raf-
orku en áður hefur verið spáð. Til
samanburöar var getið hvað
Blönduvirkjun væri aflmikil og
sagt aö fullbúin verði hún 7500
GWst. En þar lá prentvillupúkinn í
felum og hleypti krafti í fréttina,
hann bætti við einu núlli. Blöndu-
virkjun verður 750 GWst þegar
fram liða stundir. Þannig er
samanburðurinn réttari.
Digur laun seðlabankastjóra:
UM 1,6 MILUÓNIR Á ÁRI
Mánaöarlaun bankastjóra ííkisbank-
anna eru um 97 þúsund krónur.
Mánaöarlaun formanns bankastjórnar
Seðlabankans, Jóhannesar Nordals,
eru nokkuð hærri, eöa um 122 þúsund.
Auk þess fá bankastjórar greidd auka-
mánaöarlaun í desember og um 36 þús-
und krónur í risnu á ári. Bankastjórar
fá 8 prósent launaviöbót vegna setu á
bankaráösfundum, sem eru innreiknuð
í fyrrnefnd mánaðarlaun. Jóhannes
Nordal fær tvöfalda þessa þóknun auk
10 prósent launaviðbótar.
Árslaun bankastjóra ríkisbankanna
er því, samkvæmt þessu, um 1,3
milljónir. Formaður bankastjórnar
Seðlabar.kans hefur eitthvað um 1,6
milljónir í laun á ári.
Þessar upplýsingar koma fram í
greinargerð sem Baldur Möller, fyrr-
verandi ráðuneytisstjóri, hefur unniö
fyrir viöskiptaráöuneytið. Honum var
ætlaö að athuga starfskjör bankastjór-
anna og gefa ábendingar um hvernig
eölilegt sé að hafa fyrirkomulag þeirra
málaíframtíðinni.
1 greinargerðinm er fjallað ítarlega
um þróun á starfskjörum bankastjóra.
Fjallaö er um hvernig bílamálum
hefur verið háttað gegnum árin og
einnig eftirlaunagreiðslum. I greinar-
gerð Baldurs segir að eftirlaunamál
bankastjóra séu komin úr samræmi
við þróun mála hjá öðrum starfsmönn-
um ríkisins.
Bankastjórar Seðlabankans ná 90
prósent eftirlaunaréttindum eftir 12
ára starf. Bankastjórar í Lands-
bankanum og Búnaðarbankanum ná
þessu marki á 15 árum. 1 Búnaðar-
bankanum geta bankastjórar náö 100
prósent eftirlaunarétti, en eftir 25 ár.
Bankastjórarnir greiða samt engin ið-
gjöld í lífeyrissjóð.
Baldur tekur skýrt fram aö hann
taki ekki pólitíska afstööu gagnvart
þessum málum. Hann viðrar þá hug-
mynd að Kjaradómur taki yfir þær
ákvarðanir sem bankaráðin liafa haft
með höndum. Hann telur það þó ekki
vænlegan kost. Honum sýnist að heppi-
legast sé að sett verði einhver ákvæði
inn í þá reglugerð sem verið er að gera
í sambandi við ný bankalög. Þar gæti
verið ákvæði um að ráðherrum væri
ævinlega kynntar fyrirhugaðar breyt-
ingar á launakjörum bankastjóra sem
bankaráðin f jalla um.
Viðskiptaráðherra hefur skrifaö
bréf til bankaráðanna þar sem þeim er
falið að endurskoða reglur um bílamál
bankastjóranna. Einnig er óskað eftir
því að eftirlaunaréttindi bankastjór-
anna veröi færð til samræmis við al-
menn löggjafarviðhorf í þeim efnum.
Viðskiptaráðherra hefur einnig
ákveöið að ákvæði verði sett í væntan-
lega reglugerö um bankalögin þess
efnis að allar fyrirhugaðar breytingar
á starfskjörum bankastjóranna verði
kynntar lionum áður en ákvörðun er
tekin. APH
Stækkun álversins í Straumsvík:
Samvinna við Kínverja
raunhæfur möguleiki
— segir Jóhannes Nordal — Japanir hafa líka áhuga
„Eg tel þetta meö álitlegri mögu-
leikum sem upp hafa komið,” sagði
Jóhannes Nordal, formaður Lands-
virkjunar, í samtali viö DV um
áhuga Kinverja á því að gerast
eignaraöilar í álverinu i Straumsvík.
1 fyrrakvöld lýsti Málmiðnaðar-
samsteypa Kínverska alþýðulýð-
veldisi'ns áhuga á að taka upp við-
ræöur við íslensk stjórnvöld og for-
ráðamenn Svissneska álfélagsins um
hugsaniega stækkun álversins í
Straumsvík.
— En er hér um að ræða raun-
hæfan möguleika?
„Já, ég tel þaö. Kínverjar eru stór-
ir innflytjendur í_ áli og þeir hafa í
gegnum árin keypt ál frá Straums-
vík. Almarkaður þeirra fer ört
vaxandi og því hafa þeir áhuga og
hag í því að trygg ja sér ál.
— Hafa þeir gert tilboö eða drög að
tilboði?
„Nei, þeir liafa ekki gert þaö, ein-
ungis lýst yfir almennum áhuga á aö
taka upp viðræður sem við erum
einnig tilbúnirtil.”
Hvert er þá næsta skref ?
„Þeir vilja fá viðbótarupplýsingar
og gögn til að kynna sér hagkvæmni
á stækkun sem við og Svisslending-
ar munum láta þeim í té. I framhaldi
af því veröa viðræöur.”
— Veröa þær viöræður fljótlega?
„Eg get ekki svarað því hvenær
þær verða. Hins vegar hef ég trú á
því aðþeimveröihraöað.”
— Eru fieiri aöilar heitir?
„Aðilar í Japan hafa einnig sýnt
áhuga þótt ekki sé hægt að skýra frá
því nánar.”
Hvorir eru álitlegri að bínu
mati, Kinverjar eða Japanir?
„Eg þori ekki að meta það á þessu
stigi. Þó verð ég að segja aö sam-
vinna við Kínverja þykir mér mjög
álitleg,” sagði Jóhannes Nordal.
-KÞ.