Dagblaðið Vísir - DV - 30.12.1986, Blaðsíða 20
20
ÞRIÐJUDAGUR 30. DESEMBER 1986.
Innlendur annáll 1986
Tíminn endurreistur
Dagblað Framsóknarflokksins,
Tíminn, v£ir endurvakið með skulda-
hala þann 3. janúar og engu líkara en
að þeirri fæðingu væri almennt fagnað
af íramsóknarmönnum - enda hafði
fáum í þeim herbúðum fallið sá gul-
blái „Nýi Tími“ sem Magnús Ólafsson
ritstjóri keyrði áfram með ijáraustri
og alls kyns nútímalegum stælum í
efnistökum sem framsóknarfólki eru
framandleg.
Helgi Pétursson í Ríó-tríóinu, sem
leyst hafði Magnús af hólmi, var rit-
stjóri gamla/nýja Tímans fyrstu líf-
dagana eða þar til hann áttaði sig á
að ekki var ætlast til annars afhonum
en að vera blaðafulltrúi flokksins -
og gerðist þá starfsmaður SÍS. Níels
Ámi Lund tók við.
Logbrot mennta-
málaráðherrans
„Það er ekki gott fordæmi að ganga
gegn lögum,“ sagði Steingrímur Her-
mannsson, hinn sívinsæli forsætisráð-
herra Islendinga, um það ráðslag
Sverris Hermannssonar í mennta-
málaráðuneytinu að reka Siguijón
Valdimarsson, framkvæmdastjóra
Lánasjóðs námsmanna, úr starfi. En
svo mikið þótt Sverri liggja við að
sýna svokallaða röggsemi í starfi að
hann lét Sigurjón íjúka gegn landslög-
um þar eð Sigmjón hafði ekki viljað
segja upp af sjálfsdáðum og fá í stað-
inn árslaun.
Framsóknarmenn i ríkisstjóminni
höfðu við orð að þeir myndu ekki taka
brottvikningu framkvæmdastjóra LÍN
þegjandi - og varð einhver urgur í
þeim eins og einn eftirmiðdag. Svo
hafði Sverrir sitt fram - þrátt fyrir
allt tal um lögleysu.
Sprengja í
Dularfullur maður með hettu dregna
yfir haus sást taka til fótanna og
hlaupa frá Oddfellow-húsinu í Vonar-
stræti undir miðnættið þann 9. janúar.
Ungir piltar, sem misstu af strætis-
vagni utan við sama hús, tóku um leið
eftir því að í blómabeði við húsið vom
tveir sívalningar tengdir saman með
vír. Piltamir létu lögregluna vita og
brátt komu hvers kyns öryggisverðir
og sprengjusérfræðingar á svæðið,
nærliggjandi götum var lokað og
menn bjuggust við að sjá hús „hinna
sérkennilegu náunga“ - Oddfellowa -
springa í tætlur. Sérfræðingar frá
vamarliðinu í Keflavík skutu svo með
vatnsbyssu á sprengjuna og gerðu
hana þar með óskaðlega.
Sá sem skildi sprengjuna eftir í
blómabeðinu kom brátt í leitimar
en hefiir enn ekki gefið upp haldgóða
ástæðu fyrir að ætla að standa að svo
síðbúinni áramótasprengingu.
Vonarstræti
Sprengjan i Vonarstrætinu eftir að
sprengjusérfræðingar höfðu eytt
henni með vatnsbyssu - sem reyndar
nefnist vökvabyssa þegar hún er í
höndum fullorðinna.
Eldur í Kópavogshæli
Vistmenn á Kópavogshælinu vökn-
uðu upp við vondan draum að morgni
þess 13. janúar þegar eldur varð laus
á einni deildinni. Þar bjuggu átta
manns og vom allir fluttir á sjúkrahús
með reykeitmn. Slökkviliðsmenn
þóttu sýna snögg viðbrögð, þeir vom
ekki nema í átta mínútur að koma
öllum út úr einni 'álmu hælisins - en
síðan hófet umræða um eldvamir í
opinberum byggingum á íslandi enda
lést einn sjúklinganna af völdum reyk-
eitmnarinnar og í ljós kom að á
Kópavogshæli vom engir reykskynj-
arar eða aðvömnarkerfi.
Mavgeir
sigvaði
í Hastings
Margeir Pétursson skákmeistari
varð efstur á hinu víðfræga Hastings-
móti í janúar - hlaut 9,5 vinninga af
13 mögulegum og stórmeistaranafhbót
að auki. Jóhann Hjartarson tefldi á
sama móti og varð í 5.-7. sæti með 7,5
vinninga.
Margeir varð stórmeistari í Hastings.
Eftirlæti alþýðunnar með betri fótinn
í fatla og flýtir sér inn í Stjómarráð
að vinna þjóð sinni sem mest hann
má.
Fljúgandi
forsætis-
ráðhena
Hinn óhemjuvinsæli forsætisráð-
herra, Steingrímur Hermannsson, lét
strekkja á liðböndum hægri ganglims
í byrjun árs - og kom fljúgandi á ráð-
herrafund að lokinni aðgerð.
Stjómmálafræðingar lögðu sérstaka
merkingu í að Steingrímur skyldi láta
lagfæra böndin í hægra fæti fremur
en þeim vinstri og töldu að þetta gæti
bent til þess að kosningar væru í nánd.
Fræðingamir urðu ekki sannspáir og
nú bíða vinstri menn eftir því að eftir-
læti alþýðunnar láti gera upp á sér
vinstri fótinn.
Gáfú
Bvyndísi
dmllusokk
Við náðum henni í bóiinu
snemma á laugardaginn og gáfum
henni drullusokk, blóm og svarta
duggarapeysu til að vera í næst
þegar hún slæðist inn í jarðarfarir
með Vestmannaeyingum, sagði
Ásmundur Friðriksson, formaður
Hrekkjalómafélagsins í Vest-
mannaeyjum. Hann og félagar
hans bmgðu við hart eftir frægan
sjónvarpsþátt þar sem Bryndís
Schram sagði frá jarðarfararævin-
týri sínu og viðureign við innbrots-
þjóf á heimili sínu. „Með
ummælum sínum í sjónvarpsþætti
Ómars hér um daginn um Vest-
mannaeyinga í jarðarför og drullu-
sokkinn, sem Jón Baldvin ætlaði
að nota á innbrotsþjófinn, hefur
hún vafalítið gengið af Alþýðu-
flokknum dauðum," sagði Ás-
mundur Friðriksson, formaður
Hrekkjalómafélagsins.
Tólf hrekkjalómar úr Eyjum
tóku sér far til Reykjavíkur til að
færa Bryndísi dmllusokk og peysu
og þau Bryndís og Jón Baldvin
skenktu eyjapeyjum ískaldan snafe
í morgunsárið og skildu aðilar að
svo búnu með góðu. Hvort Bryndís
gengur að flokki mannsins síns
dauðum er eftir að sjá. Við upphaf
kosningaárs er fátt sem bendir til
þess.
Var amma
Reagans
íslensk?
Islenskur ættfræðingur hefui
unnið þrotlaust að því að láta
rannsaka kirkjubækur víða i
Bandarikjunum í þeim tilgangi að
komast eftir því hvort amma Ron-
alds Reagan forseta hafí ekki
áreiðanlega verið íslensk.
Ættfræðingurinn vildi ekki
koma upp með „atvinnuleyndar-
mál“ sitt í samtali við DV á
dögunum - en upplýsti að Vigdís
Finnbogadóttir forseti hefði ætlað
sér að nefna þetta við RR sjálfan
þegar hún hitti hann vestra 1982.
En tækifæri gafet ekki til að ræða
fjölskyldumál á fundi þeirra.
Þegar RR kom til íslands í haust
til að hitta Mikjál Gorbatsjoff
höfðu boðin gengið á milli Reykja-
víkur og Washington varðandi
þessar upplýsingar um ömmuna.
Ættfræðingurinn hafði fyrr á árinu
komist að því að hvarvetna, þar
sem hægt var að komast á slóð fjöl-
skyldu Reagans í Bandaríkjunum,
höfðu blaðsíður verið rifriar út úr
kirkjubókum - og upplýsingar um
þessa merkilegu konu lágu hreint
ekki á lausu.
Því var stundum stungið að ætt-
fræðingi vorum að íslenska
amman hefði verið laus á kostum
og gefið son sinn írsku fólki og
þannig hafi RR orðið íri en ekki
Islendingur.
Á meðan flugvél Bandaríkjafor-
seta, Air Force One, stefndi á
ofeahraða til íslands var ættfiræð-
ingurinn í símasambandi við
vélina - reyndi hvað hann gat að
fá játningu upp úr RR um að hann
væri í rauninni íslendingur og
ætlaði að kasta sér í fang forsetans
þegar hann stigi á Keflavíkurflug-
völl og æpa svo heyrðist um
heimsbyggð alla: - Velkominn
heim, elsku drengurinn! Föðurland
þitt allt er Island! (Vafasamt hvað
hann átti við með því.)
En staðfesting kom engin, enda
hefur RR fyrir löngu heimsótt Ir-
land og „ættingja“ sína þar. Það
fór sem fór - og RR virti okkur
landa sína ekki viðlits þegar hann
kom og heldur ekki þegar hann
fór. Týndi sonurinn kom heim -
en leit ekki við alikálfinum.
Bjöm Þórhallsson og billinn sem hann tapaði 80 þús. kr. á.
Bflkaupasamningar
Alþýðusambandsins
og vinnuveitenda
Einhverjir sögufrægustu launa-
samningar ASÍ og VSI voru gerðir á
árinu. Samningar voru undirritaðir í
marsbyrjun - og þótti merkilegast við
þá að ríkið var blekkt til að gefa eftir
tolla af bifreiðum. Þessi tollalækkun-
arhugmynd fór lengi vel leynt, svo
leynt að sjálfur varaforseti ASÍ, Bjöm
Þórhallsson, hafði ekki hugmynd um
hana fyrr en hann átti að undirrita
samninginn. Bjöm móaðist lengi við
að skrifa nafn sitt undir þetta ákvæði
samningsins, enda þýddi það að hann
tapaði persónulega 80 þúsund krónum,
hafði nefnilega keypt bíl handa frú
sinni aðeins tveimur dögum áður.
„Hugmyndin um lækkun bílverðsins
kom ekki upp á borðið fyrr en tveimur
dögum eftir að ég keypti bílinn," sagði
Bjöm í viðtali við DV. „Auk þess sat
ég uppi með gamlan bíl sem ég hafði
ekki haft vit á að selja þannig að í
raun tapaði ég enn meira.“
Afleiðing kjarasamninganna á árinu
urðu svo meiri bílasala á árinu en
dæmi eru um - enda kaup á nýjum
og notuðum bílum eina hugsanlega
aðferð launþega til að finna rækilega
fyrir kjarabótinni. Hvemig svo sem
menn fara að því að bæta kjör sín með
fjárútlátum.
„Kynlífshjálpartækja-
bankinn“ blómstraði
Linda Björk i vinnufötum: Á daginn
seldi hún kjöt; á kvöldin sýndi hún kjöt.
Fyrirtæki, sem sérhæfir sig í hjálp-
artækjum til viðhalds íjömgu ástalífi,
skaust fram í dagsbirtuna á árinu -
og ungar og hæfileikaríkar stúlkur
ásamt íturvöxnum piltum sýndu hvers
konar hugvitssamlega gerðan útbúnað
í veitingahúsi einu síðdegis - og komu
fram í veislum hjá karlaklúbbum.
„Það er viss spenna sem fylgir þess-
um sýningum," sagði Linda Björk
Bjamadóttir, ein úr hópi hinna íturv-
öxnu og hæfileikaríku, í samtali við
DV. Hún kvaðst hafa sýnt tæki sín
og tól í samkvæmum hjá Kiwanis-
mönnum og í Frímúraraklúbbnum.
„Ég hef aldrei sýnt í heimahúsum,"
sagði hún. Á daginn starfar Linda við
að selja kjöt í verslun foreldra sinna
- en bregður sér upp á svið á kvöldin
og kvaðst fá tvö til þijú þúsund kr.
fyrir hveija sýningu.
Skrifetofustúlka í Verslunarskólan-
um var rekin úr starfi þegar upp komst
hvemig hún klæddi sig í frístundum
sínum. Þótti Versló setja ofan við þau
fautaviðbrögð og fomaldarhugmyndir
- og stúlkan átti ekki í vandræðum
með að fá vinnu á skemmtilegri stað.
Gleðibankinn opnaði
gjaldeyrisdeild í Bergen
„Það er ekki nema von að ég sé
stressaður. Ég er bankastjóri Gleði-
bankans," sagði Magnús Éiríksson í
þann mund sem úrslit í söngvakeppni
sjónvarpsins vom kunngerð. Blaða-
maður DV hitti Magnús á snyrtingu
karla í sjónvarpinu. Þar stóð hann og
keðjureykti og beið þess að fara inn í
upptökusal og taka á móti 200 þús.
króna ávísun úr hendi Hrafris Gunn-
laugssonar, stjómanda skemmtideild-
ar sjónvarpsins. „Ég ætla að veita mér
þann munað að snúa mér alfarið að
tónlistinni fyrir þessa peninga," sagði
verðlaunahafinn.
Gleðibankinn var svo fægður og
snyrtur áður en hann var sendur til
Bergen í fylgd Pálma Gunnarssonar,
Helgu Möller og Eiríks Haukssonar
sem kyijuðu hann upp í eitt af neðstu
sætunum í keppninni eins og frægt
varð.
Forsvarsmenn Ríkisútvarpsins önd-
uðu léttar þegar úrslitin í keppninni
lágu fyrir, því í gleðivímunni fyrir
keppnina vom ýmsir famir að spá
bankanum efeta sætinu - og hefði svo
farið hefðu íslendingar orðið að standa
fyrir alþjóðlegu söngvakeppninni að
ári. Þegar sá möguleiki var ræddur
vom menn á einu máli um að það
væri varla hægt. Kannski er komið'
annað hljóð í strokkinn eftir að við
glönsuðum gegnum leiðtogafundinn.