Dagblaðið Vísir - DV - 30.12.1986, Blaðsíða 52

52
ÞRIÐJUDAGUR 30. DESEMBER 1986.
Sviðsljós
Börnin eru kampakát þegar Ijósadýrðin loftin fyllir og litlar hendur sveifla hinum ýmsu blysum og stjörnuljósum.
Ölyginn
sagði . . .
Elizabeth Taylor
hefur mjög ákveðnar skoðanir á
hvernig búningsherbergið
hennar á að líta út. Veggir og
loft á að vera fjólublátt til að
undirstrika sérkennilegan augn-
lit hennar, það eiga alltaf að
vera tveir til þrír vasar þar inni
fullir af rauðum rósum og legu-
bekkur allur vafinn silki svo hún
geti svifið á vit draumadísanna
í rós-fjólubláum draumi. Sjálf
segir leikkonan að fjólublátt sé
uppáhaldsliturinn hennar og að
það færist yfir hana viss vellíðan
þegar herbergið er málað í þess-
um lit. Öll streita og stress
hverfur eins og dögg fyrir sólu
og rósirnar minna hana á eitt-
hvað fallegt og skemmtii;;;;"
„Það er stórkostlegt að leggjast
til svefns full af vellíðan og finna
mjúkt silkið vefjast um líka-
mann, það er eitt af því besta
sem ég geri. Ef mér líður eitt-
hvað illa andlega hverfur það
um leið og ég er komin í hreiðr-
ið mitt segir Elizabeth.
„Nú árið er liðið í aldanna skaut
og aldrei það kemur til baka..“
hljómar kunnuglega í eyrum og
margir eiga eftir að taka undir þenn-
an fallega söng þegar þeir kveðja
nýja árið á morgun.
Nú er gamla árið að kveðja og það
nýja að ganga í garð. Það er venjan
hjá okkur íslendingum að sprengja
upp gamla árið og fagna því nýja.
Þegar klukkan slær tólf annað
kvöld fer himinninn að taka breyt-
ingum. Það fara að sjást litrík ljós á
lofti, hvellir og smellir fara að hljóma
um allt land.
Þetta er falleg sjón og það ríkir
alltaf mikil gleði þegar fjölskyldan
sameinast í að sprengja upp hina
ýmsu valkosti úr fjölskyldupokun-
um.
Yngri kynslóðin er þó alltaf nokk-
uð spenntari þegar báðir vísarnir
benda á tólf. Þá fara litlar hendur
að sveifla stjörnuljósum og blysum
og kátína grípur ætíð um sig.
Nýja árið ber alltaf eitthvað nýtt
í skauti sér og því er bjartsýni alls-
ráðandi á þessum tíma.
Elizabeth
drottningar-
móðir
vinsælasta konungborna per-
sónan i Bretlandi er komin aftur
í sviðsljósið eftir þriggja vikna
dvöl á sjúkrahúsi. Hún hafði
hlotið slæmt beinbrot sem tók
langan tíma að jafna sig. Það
var i konunglega leikhúsinu í
London þar sem Elizabeth sást
fyrst opinberlega eftir sjúkra-
húsvistina. Hún var í fylgd
hertogaynjunnar af York, Söruh,
sem i þetta sinn mátti láta sér
lynda að drottningarmóðirin
stæli algerlega senunni. Það
vakti mikla athygli hvað hún
leit einstaklega vel út og var
brött að sjá.
Hann seildist eftir veskinu, þessi herramaöur, þegar Lionsmenn úr Lions-
klubbnum Baldri buðu honum Ijósaperur til sölu. DV-mynd KAE
Ljós í þágu líknarmála
„Salan hefur gengið alveg ágætlega," sagði Ólafur W. Stefánsson, formað-
ur Lionsklúbbsins Baldurs. „Ljósaperusalan er árlegur atburður sem hefur
tíðkast í yfir tuttugu ár og hefur okkur Lionsmönnum alltaf verið vel tekið
alls staðar þar sem við höfum barið að dyrum.“ Að lokum sagði Ólafur að
öllum ágóðanum yrði varið til líknarstarfa og að þessu sinni keyptur búnað-
ur til sjúkraþjálfunar fyrir Hrafnistuheimilið í Hafnarfirði.
A6 freista gæfunnar
Það er víða hægt að freista gæfunnar og ekki er verra þegar verið er að
styrkja gott málefni í leiðinni.
I Austurstrætinu var happdrætti Sjálfsbjargar að selja miða þegar þau feðg-
in bar að garði.
Sú litla fékk að draga og það var ekkert hik að sjá þegar hún kippti ásjá-
legasta miðanum út úr bunkanum.
„Það hefur gengið heldur treglega að selja happdrættismiðana," sagði
Trausti Sigurlaugsson, forstöðumaður hjá Sjálfsbjörg. „Ég tel vera tvær
ástæður fyrir þessu. Önnur er sú að heldur neikvæð umræða um fjáröflun
hefur verið í gangi undanfarið ár og hina ástæðuna tel ég vera að allt of
hart hefur verið sótt á happdrættismiðin. Ég tel að það verði að gera grein-
armun á hvort fólk fær senda happdrættismiða fyrir alla fjölskyldumeðlimi
frá fimmtán ára aldri eða hvort félögin sendi einungis karlmönnum eða
konum á aldrinum átján til sjötíu og fimm ára,“ sagði Trausti að lokum.
Dregið var á aðfangadag og þá hafa einhverjir heppnir dottið í lukkupott-
inn.
Lítil hönd laumaðist inn um gluggarúðuna og kippti út ásjálegasta miðanum.
DV-mynd KAE
David Bowie
hefur í tuttugu ár reynt að
gleyma hörmulegum atburði
sem skeði i lífi hans. Hálfbróðir
hans, Terry, framdi sjálfsmorð,
þegar Bowie var nýbyrjaður að
koma fram opinberlega. Þetta
var honum mikið áfall og hann
hætti alveg að syngja í nokkurn
tíma á eftir. Vinir hans segja að
hann hafi aldrei náð sé eftir
þennan atburð. Á tímabili tók
hann upp á því að fela það að
hann hefði átt bróður og sagði
engum frá því en það virkaði
ekki og í dag reynir hann enn
að yfirvinna sífelldar ásakanir í
sinn garð. Hann hefur alla tíð
kennt sér að einhverju leyti um
dauða Terry. Hann hefði ekki
sinnt honum þegar hann þurfti
á því að halda.
*í
Hún var hugsi á svip og horfði vökrum augum á karöfluna. Það þarf að athuga hlutinn vel áður en hann er keyptur.
DV-mynd KAE
Glasa-
búbót
Ekki má vanta glös eða karöflu
þegar nýja árið er að ganga í garð
og það gamla að kveðja, þá er glösum
lyft og skálað fyrir nýju og gæfuríku
ári.
Það er alltaf gaman að bjóða ný-
ársdrykkinn úr fallegum drykkjar-
ílátum og það virtist þessi unga dama
hafi haft í huga þegar hún brá sér í
búsáhalda- og gjafavöruverslun nú á
dögunum til að bæta í búið.