Dagblaðið Vísir - DV - 25.08.1987, Blaðsíða 14

14
ÞRIÐJUDAGUR 25. ÁGÚST 1987.
Frjálst.óháÖ dagblað
Útgáfufélag: FRJÁLS FJÖLMIÐLUN HF.
Stjórnarformaður og útgáfustjóri: SVEINN R. EYJÓLFSSON
Framkvæmdastjóri og útgáfustjóri: HÖRÐUR EINARSSON
Ritstjórar: JÖNAS KRISTJÁNSSON og ELLERT B. SCHRAM
Aðstoðarritstjórar: HAUKUR HELGASON og ELlAS SNÆLAND JÓNSSON
Fréttastjóri: JÓNAS HARALDSSON
Auglýsingastjórar: PÁLL STEFÁNSSON og INGÓLFUR P. STEINSSON
Ritstjórn, skrifstofur, auglýsingar, smáauglýsingar, blaðaafgreiðsla, áskrift,
ÞVERHOLTI 11, SlMI 27022
Setning, umbrot, mynda- og plötugerð:
PRENTSMIÐJA FRJÁLSRAR FJÖLMIÐLUNAR HF„ ÞVERHOLTI 11
Prentun: ÁRVAKUR HF. - Askriftarverð á mánuði 550 kr.
Verð í lausasölu virka daga 55 kr. - Helgarblað 65 kr.
Viðunandi vextir
Samkomulag er líklega að takast um vaxtakjör á
lánunum, sem Húsnæðisstofnun tekur hjá lífeyrissjóð-
unum. Munu aðilar hafa orðið sammála um sjö prósent
vexti. Áður hafði stofnunin boðið 6,25 prósent en lífeyr-
issjóðirnir farið fram á 7,5 prósent. Þetta verður mikill
léttir þeim 2600 mönnum, sem eiga óafgreiddar umsókn-
ir um lán hjá Húsnæðisstofnun. Umsóknirnar hafa legið
í allt sumar. Eins og kunnugt er gerir kerfið, sem gildi
tók fyrir ári, ráð fyrir, að Húsnæðisstofnun taki lán hjá
lífeyrissjóðunum og niðurgreiði síðan vexti af fé þessu
til lántakenda hjá stofnuninni. Nokkur átök hafa þessu
sinni staðið um hæð vaxta lána lífeyrissjóðanna og
ekki að ástæðulausu. Sjóðirnir þurfa háa vexti af
skuldabréfum þessum, til þess að þeir geti greitt sóma-
samlegan lífeyri eldri félögum sínum.
Deilt hefur verið um skilning á lögum um þetta at-
riði. Þar segir, að vextir á lánum lífeyrissjóða til
Húsnæðisstofnunar skuli vera miðaðir við þau kjör, sem
ríkissjóður býður almennt á markaðnum. Vextir á spari-
skírteinum ríkissjóðs eru 7,2-8,5 prósent. Því er aug-
ljóst, að ekki er unnt að ætlast til, að lífeyrissjóðirnir
fái miklu minna.
Ríkið verður því að teygja sig í 7 prósent. Undir-
strika verður, að landsfeðurnir eiga að sjálfsögðu að
bera hag lífeyrisþega fyrir brjósti ekki síður en hús-
næðiskaupenda. Ríkisstjórnin á ekki að reyna að
klekkja á lífeyrissjóðum í samningum, þannig að lífeyr-
ir verði skertur. Með sjö prósent vöxtum má ætla, að
sómasamlega verði staðið að þessum málum á næst-
unni. Þá vaknar sú spurning, hvort hækkun vaxtanna
þýði, að Húsnæðisstofnun þurfi að hækka vexti þá, sem
hún lætur húsnæðiskaupendur greiða af lánum sínum.
En í raun er það ekki hin mikla niðurgreiðsla þessara
vaxta, sem úrslitum ræður. Meginatriði er, að húsnæðis-
kaupendur geti tekið nægilega stórt hlutfall kostnaðar
að láni og til nægilega langs tíma. í húsnæðismálum
almennt skiptir nú mestu, að húsnæðiskaupendur geti
komið skammtímalánum sínum yfir í löng lán, sem svari
sæmilega til þess, að byggt er til langs tíma.
Vonandi verða nú í haust gerðar breytingar á hinu
hripleka húsnæðislánakerfi, sem meðal annars hindra,
að auðugt fólk noti það sem gróðaveg. Kerfið á að vera
til styrktar hinum almenna kaupanda húsnæðis. Samn-
ingar við lífeyrissjóði munu væntanlega þýða, að
þúsundirnar, sem bíða, fá einhverja úrlausn og komast
á blað með lánsloforð eftir langan tíma. En jafnframt
hefur félagsmálaráðherra verið að lýsa greiðsluerfið-
leikum annarra húsbyggjenda. Talið er, að síðastnefndi
hópurinn þurfi 400-500 milljónir til að bjargast sæmi-
lega úr sínum vanda. Búast má við, að það fé þurfi að
koma á fjárlögum.
Samkomulagið við lífeyrissjóðinu mun hafa orðið til
á óformlegum fundum fulltrúa sambanda lífeyrissjóð-
anna og fjármálaráðuneytisins. Einhverjir endar munu
þó óhnýttir. En vel er, að tekist hefur að flýta þessu
samkomulagi vegna mikillar þarfar. Kerfið er nógu
slæmt, þótt viðbótarbiðtími komi ekki til. En eftir bíða
ótal verkefni í húsnæðismálum, verkefni sem heldur
mega ekki bíða. Samkomulagið virðist viðunandi fyrir
báða aðila. Ekki er frágangssök að hækka eitthvað
útlánavexti Byggingarsjóðs ríkisins, reynist þess þörf.
Vextir hafa farið hækkandi á markaðnum að undan-
förnu.
Haukur Helgason
■ IL iÆsK * jh * CTpTa. .. •*< ISstaðuðHh MQHr, <
iú. ■ Á yaaMHB <■ ' > M-
W ^ j MBmmi. ... Jp-:í

f ■pjUl# 'Jw/,-í'ÆL ^
1 1 Jvl- M t Jt"

ik ■ ¥
„Á ekki Sjálfstæóisfiokkurinn frekar samleið með íslenskum getraunum, 1 X 2?“
IVö hundruð
og fimmtíu
forsætisráheirar
„í þessu ástandi ganga þessir
flokkar í eina sæng og hvað skeður
undir sænginni? Flestir búast við
miklum hræringum þar og jafnvel
að sænginni verði kastað niður á
gólf fyrr en seinna" (Tilvitnun í
grein mína DV 12.8)
Það voru orð að sönnu að hrær-
inga væri að vænta en varla var
við því búist að þær kæmu svo
snemma og væru svo snarpar, er
raun ber vitni. Er engu líkara en
sængin sé nú þegar komin hálf nið-
ur á gólf.
Hún er með ólíkindum staðan
sem upp er komin vegna fyrir-
hugaðrar sölu ríkisins á Útvegs-
banka Islands.
Ég lít svo á, að verið sé að selja
banka í eigu þjóðarinnar. Því tel
ég það sjálfsagða kröfu að lýðræð-
islegum vinnubrögðum sé beitt og
Alþingi verði kallað saman nú þeg-
ar til þess að gefa kjörnum fulltrú-
um fólksins í landinu tækifæri á
að taka þátt í framvindu þessa
máls.
Ég vil í því sambandi minna á
að árið 1983, þann 13. október,
flutti Eiður Guðnason merkilega
ræðu utan dagskrár, velstuddur af
flokksbróður sínum og núverandi
fjármálaráðherra, Jóni B. Hannib-
alssyni, um það mikla hneyksli að
þing skuli ekki hafa verið kallað
saman fyrr en 210 dögum eftir þing-
lausnir og 170 dögum eftir að þing
var kjörið.
í ljósi skoðana þeirra fóstbræðra
tel ég mig eiga stuðning þeirra vís-
an þegar ég hér með skora á
ríkisstjórnina að kalla nú þegar
saman þing.
Ríkisstjórnin á hálum ís
Það er alveg ljóst að ríkisstjómin
er komin út á hálan ís með fyrir-
hugaðri sölu Útvegsbankans.
Tvö tilboð hafa borist í bankann,
annað frá framsóknarmönnum og
hitt frá sjálfstæðismönnum.
Þessi tvö tilboð em við það að
fella ríkisstjómina. I örvæntingu
hugsa þeir sér nú að selja þeim
aðila sem ekki fær Útvegsbankann,
Búnaðarbankann til að kaupa sér
fríð og aðeins lengra líf.
Hvað myndi ske ef kratar byðu
einnig í bankann?
Samkvæmt ofangreindu yrði
Kjallariim
Ingi Björn Albertsson
alþingismaður fyrir
Borgaraflokkinn
þeim væntanlega boðinn Lands-
bankinn!!
Þá væri komið að Borgara-
flokknum að bjóða í og sennilega
yrði honum þá boðið upp á Seðla-
bankann.
Nei takk, þetta em úrlausnir
þeirra sem ekki þora að taka
ákvarðanir.
Það er ekki þetta sem fólkið í
landinu vill. Það vill sjá röggsama
stjórnendur sem standa og falla
með ákvörðunum sínum.
Þorir ekki að taka sjálfstæð-
ar ákvarðanir
Ég trúi því ekki að sjálfstæðis-
menn séu ánægðir með formann
sinn þessa dagana.
Hann er talandi dæmi um stjórn-
málamann sem ekki þorir að taka
sjálfstæðar ákvarðanir.
Eftir krosspróf Þorsteins Páls-
sonar er nú ljóst að við íslendingar
eigum ekki lengur einn forsætis-
ráðherra heldur um það bil 250.
Og eru þá ekki völd Þorsteins kom-
in niður í 1/250?
Á ekki Sjálfstæðisflokkurinn
frekar samleið með íslenskum get-
raunum, 1x2?
Hvernig skyldi næsta krossapróf
þeirra sjálfstæðismanna vera?
Hugsanlega eitthvað á þessa leið:
Kæri flokksbróðir og samforsæt-
isráðherra.
Vinsamlegast krossaðu við það
svar við eftirfarandi spurningum
sem þér þykir líklegast að eigi við
Sjálfstæðisfokkinn.
a) Er Sjálfstæðisflokkurinn gras-
rótarsamtök?
b) Ef svo er finnst þér að flokkurinn
skuli nefnast
a) Sjálfstæði Grasrótarflokkur-
inn.
b) Samtök Grasrótarsinna.
c) Nýi Grasrótarflokkurinn.
og svo framvegis.
Er ekki tilvalið fyrir slík grasrót-
arsamtök að halda næsta lands-
fund sinn í Kerinu? (Það er þó í
kjördæmi formannsins.)
Við lánum ríkinu fé
Að lokum vil ég sem greiðandi
til Lífeyrissjóðs Verslunarmanna
mótmæla því hvernig sjóðurinn
hyggst ráðstafa fé okkar sem í hann
greiða. Fyrirhuguð kaup hans á
hlutabréfum í Útvegsbankanum
eru alls ekki með hagsmuni sjóðs-
félaga í huga.
Er ekki nóg að við þurfum að lána
ríkinu fé með afarkostum þó ekki
sé þar að auki verið að fjárfesta í
vægast sagt vafasömum hlutabréf-
um sem alls óvíst er hvort eða
hvenær muni skila arði?
Það er hlutverk Lífeyrissjóðsins
að ávaxta fé meðlima sinna á sem
skynsamlegastan hátt. Gleymið því
ekki.
Ingi Björn Albertsson
„Eftir krossapróf Þorsteins Pálssonar er
nú ljóst að við Islendingar eigum ekki
lengur einn forsætisráðherra heldur um
það bil 250. Og eru þá ekki völd Þor-
steins kominn niður í 1/250?