Dagblaðið Vísir - DV - 09.10.1987, Blaðsíða 7

FÖSTUDAGUR 9. OKTÓBER 1987.
7
Atvinnuleyfi útlendinga:
Hver ósk fyrir
sig tekin fýrir
- segir aðstoðarmaður félagsmálaráðherra
Menn hafa velt því fyrir sér hver
viðbrögð félagsmálaráðuneytisins
yrðu eftir að Verkamannasamband-
ið sendi út áskorun til verkalýðs-
félaga um að mæla ekki með
atvinnuleyfi handa útlendingum í
fiskvinnslu en ráðuneytið hefur úr-
slitavaldið. Lára V. Júlíusdóttir,
aðstoðarmaður félagsmálaráðherra,
var innt eftir þessu.
Hún sagði að engin umsókn um
atvinnuleyfi hefði borist síðan
Verkamannasambandið sendi út
áskorun sína. Hún sagði ekki tíma-
bært að gefa út yfirlýsingar um
málið fyrirfram, hveija umsókn fyr-
ir sig yrði að skoða um leið og hún
bærist.
„Félagsmálaráðherra mun reyna
að taka eins mikið tillit til óska
verkalýðsfélaganna í þessu efni og
frekast er unnt,“ sagði Lára V. Júl-
íusdóttir.
Mjög mörg atvinnuleyfi hafa verið
veitt á síðustu mánuöum og mun
mesta hrinan yfirstaðin í þessum
efnum hvað fiskvinnsluna varðar.
Iðnaðar- og verslunarfyrirtæki hafa
aftur á móti mest leitað fyrir sér á
Norðurlöndunum og fólk þaðan þarf
ekki að sækja um atvinnuleyfi á ís-
landi. -S.dór
Framkvæmdarnefndin í dyrum hússins.
DV-mynd Ragnar Imsland
Ibúðir aldraðra
afhentar á Höfh
Júlía Imsland, DV, Hfifa;
30. september síðastliðinn voru íbúöir
aldraðra á Höfn afhentar verðandi
íbúum. í húsinu eru fjórar 70 fermetra
hjónaíbúðir á efri hæð og íjórar 65 fer-
mefi a einstaklingsíbúðir á neðri hæð.
Ámi Kjartansson, arkitekt á Höfn,
teiknaði húsið og smíðastofa Sveins
Sighvatssonar sá um byggingu þess.
Húsið kostar rúmlega 25 milljónir og
á Hafnarhreppur 75% eignarinnar og
Nesjahreppur 25%. íbúðimar em
mjög skemmtilegar og öllu haganlega
komið fyrir þannig að plássið nýtist
til fulls. í upphafi var ætlað að þetta
væri fyrsti áfangi af fjórum í íbúða-
byggingu fyrir aldraða en ekki hafa
verið teknar ákvarðanir um hvert
næsta skrefið verður.
Akureyrín með lang-
mesta aflaverðmætið
Gyifi Krisjánssan, DV, Akureyii
„Við erum að gera okkur klára eftir
meira en mánaðarstopp," sagði Þor-
steinn Vilhelmsson, skipstjóri á
Akureyrinni frá Akureyri, en Akur-
eyrin hefur skilað langmesta aflaverð-
mætinu á land af togurum lands-
manna það sem af er árinu.
Aflaverðmæti Akureyrarinnar
fyrstu átta mánuði ársins nam 259
milljónum kr. en skipið hafði þá veitt
samtals 4566 tonn. I öðm sæti yfir
frystiskip var Örvar frá Skagaströnd
með 197 milljóna aflaverömæti og 3315
tonn. Sigurbjörg frá Ólafsfirði var í
þriðja sæti með 188 milljónir og 3303
tonn.
Af ísfisktogurunum var Guðbjörg
frá ísafirði með mesta aflaverðmætið,
173 milljónir og 4267 tonna afla. Páll
Pálsson frá ísafirði var með 139 milij-
ónir og 3949 tonn og þriðji ísafjarðar-
togarinn, Júlíus Geirmundsson, var í
þriðja sæti með 126 milljónir og 3012
tonn.
Þorsteinn Vilhelmsson, skipstjóri á
Akureyrinni, sagði í samtali við DV
að skipið hefði síðast landað afla um
mánaðamótin ágúst/september. Þá
var haldið í slipp í Þýskalandi þar sem
skipið var sandblásið og málað, unnið
var við vél skipsins og ýmislegt annað
lagfært. Akureyrin hélt síðan á veiðar
nú í vikunni.
Borgarfjörður eystra:
Lvtið um framkvæmdir
Gyifi Kristjánsaan, DV, Akureyri;
Frekar lítið hefur verið um opin-
berar framkvæmdir á Borgarfirði
eystra 1 sumar.
Á vegum sveitarfélagsins var unnið
að því að girða þorpið af og þá var
unnið að lagfæringum á vatnsveit-
unni. Hafnarframkvæmdir, sem eru
að hefjast, eru að hluta tíl unnar á
vegum sveitarfélagsins og að hluta til
fjármagnaðar af ríkinu.
í fyrra var lokið'við að bera olíumöl
á allar helstu götur þorpsins. Þá vann
Vegagerðin að lagningu olíumalar á
vegi út frá þorpinu.
__________________________________Atvinnumál
Mikil verðhækkun á einu ári vegna hamla á nýsmíði:
Verð fiskiskipa
hækkað um 70%
Ýmsar ævintýralegar tölur hafa verið
nefiidar um verð á fiskiskipum sem
seld hafa verið hér á landi á síðustu
tveimur árum. Nýjasta dæmið er Þór-
katla 2„ 200 lesta, 20 ára gamalt skip sem
var selt á miili 80 og 90 milljónir króna
en tryggingaverömæti bátsins er á milli
40 og 50 milljónir króna.
Kristján Ragnarsson, formaður
Landssambands íslenskra útvegs-
manna, sagði í samtali við DV að algengt
væri að menn greiddu allt að 50% ofan
á húftryggingarverð.
Sagði hann ástæðuna fyrir því að
fiskiskip hefðu hækkað í verði á síðustu
árum vera fyrst og fremst þær hömlur
sem eru á nýsmíði fiskiskipa. Til að fá
aö smíða skip þurfa menn annaðhvort
að selja annað álíka stórt skip úr landi
eða úrelda það, brenna eða sökkva.
Kristján sagði kvótann ekki ástæðuna
fyrir hækkandi verði fiskiskipa, menn
væru ekki að kaupa sér hann vegna
þess að ári eftir að skip eru seld fara
þau á svo nefhdan meðalkvóta.
Haraldur Gíslason skipasali nefndi
DV ákveðið dæmi um hvað bátur með
kvóta hefur hækkað, þvi bátar undir
10 lestum hafa ekki kvóta og því erfið-
ara að miða við þá. Haraldur sagðist
hafa selt bát 1. febrúar 1986 og var verð
hans þá 3,2 milljónir króna. Hann seldi
þennan sama bát 22. desember 1986 og
þá var verðið komið upp í 4,5 milljónir.
Þá keyptu bátinn tveir menn. Þeir
skiptu eign sinni í bátnum í tvo hluta
fyrir nokkru og mátu hann þá á 5,7
mlHjónir króna
Haraldur sagði að lítið væri um að
stæni fiskiskip væru seld. Nokkuð
væri um sölur á minni bátum og þeim
mun meira sem þeir væru rétt ofan við
10 tonnin og þar með komin með kvóta.
-S.dór
Geta keypt tvo „kínverska
unga“ fyrir einn fiskfarm
Kínveriar bjóða nú svo ódýr stál-
fiskiskip að íslenskir útvegsmenn
héldu til skamms tíma aö það væri
brandari. Nýverið skilaði skipasmíða-
stöðin í Guangdong tveim 36,45 metra
togurum til Hong Kong. Hvor þeirra
kostaði 24 milljónir króna fullbúinn.
Nýlega seldi frystitogarinn Akureyri
einn farm eftir 24 daga á 39 milljónir
sem hefðu næstum dugað til þess að
koma heim með tvo „kínverska unga“.
Þessi umræddu kínversku skip
myndu tæplega henta óbreyti hér.
Hins vegar bjóða Kínverjamir ýmsar
tegundir af stálfiskiskipum og þar á
meðal togara með millidekki. Þeir
bjóðast jafnframt til þess að sinna
kröfum kaupenda um alls konar
breytingar. Verðið hækkar að sjálf-
sögðu við það en engu að síður þykir
víst að kínversk fiskiskip fáist á hlægi-
legu verði.
Þá smíða kínversku stöðvamar
einnig flutningaskip og olíuskip. Ný-
lega afgreiddu þeir 115.000 tonna skip
til Noregs. HERB
Þetta eru „ungarnir" frá Kina sem
kosta 24 milljónir króna hvor. Breyttir
og sérbúnir fyrir okkar aðstæður færu
þeir varla yfir 30 milljónir.
VETRARDEKK
OPIÐLAUGARD. 10-13.
FÓLKSBÍLADEKK
165X13, kr. 2.499
175X14, kr. 2.999
185 70/X14, kr. 3.229
185 70/13, kr. 3.119
165X15, kr. 2.899
JEPPADEKK
30X9,5X15, kr. 7.900
31X105X15, kr. 8.500
31X115X15, kr. 8.700
33X125X15, kr. 9.100
35X125X15, kr. 9.950
700X15, kr. 5.440