Dagblaðið Vísir - DV - 08.04.1988, Blaðsíða 25

FÖSTUDAGUR 8. APRlL 1988.
41
Fólk í fréttum
Ingvi Hrafn Jónsson
Ingvi Hrafn Jónsson, fréttastjóri
Sjónvarps, hefur verið í fréttum
DV vegna umræðna um málefni
fréttastofu þess. Ingvi Hrafn er
fæddur 27. júlí 1942 í Rvík og lauk
landsprófi frá Núpi í Dýrafirði 1958.
Hann var sjómaður á togurum og
farskipum 1958-1961 og tók skip-
stjóraréttindi á þrjátíu tonna báta
í Vestmannaeyjum 1960. Ingvi varð
stúdent frá MR 1965 og var blaða-
maður á Morgunblaðinu 1966-1978.
Hann lauk BA próíi í stjómmála-
fræðum og blaðamennsku frá
Wisconsinháskólanum í Madison í
Wisconsin 1970 og var í stjórn Ro-
und Tabel 1971-1980, formaður
1977-1978. Ingvi var með fjölmiöl-
unarráðgjafarfyrirtæki 1978-1985
og var þingfréttamaöur Sjónvarps-
ins 1979-1983. Ingvi var í stjóm í
knattspyrnudeildar Vals 1980-1982,
handknattleiksdeildarinnar frá
1988 og hefur verið fréttastjóri
Sjónvarpsins frá 1. ágúst 1985.
Kona Ingva er Ragnheiður Svava
Hafsteinsdóttir, f. 29. mars 1951,
flugfreyja. Foreldar hennar eru
Hafsteinn Sigurðsson, lögfræöing-
ur Verslunarbankans, sem lést
1986, og kona hans, Lára Hans-
dóttir kennari. Synir Ingva og
Ragnheiðar eru Hafsteinn Orri, f.
23. júní 1979, og Ingv; Örn, f. 6. jan-
úar 1983.
Systkini Ingva era Jón Örn, f. 30.
mars 1938, hagfræðingur og deild-
arstjóri í umhverfis og menningar-
málaráðuneytinu í Saskatchewan-
fylki í Kanada, kvæntur Guðrúnu
Guðbergsdóttur, Óli Tynes, mark-
aðsfulltrúi hjá Arnarflugi, sambýl-
iskona hans er Vilborg Halldórs-
dóttir, Sigtryggur, f. 15. júní 1947,
skrifstofustjóri hjá Ellingsen, og
Margrét, f. 27. desember 1955, skrif-
stofumaður hjá Securitas.
Foreldrar Ingva eru Jón Sig-
tryggsson, prófessor í Rvík, og
kona hans, Jórunn Tynes. Fööur-
systir Ingva samfeðra er Sigríður,
móðir Hannesar Péturssonar
skálds. Jón er sonur Sigtryggs,
veitingamanns á Akureyri, Bened-
iktssonar, b. á Hvassafelli í Eyja-
firði, bróður Sigríðar, langömmu
Ingimars Eydals. Benedikt var son-
ur Jóhannesar, b. á Sámsstöðum í
Eyjafirði, Grímssonar, græöara á
Espihóli í Eyjafirði, Magnússonar.
Móðir Jóhannesar var Sigurlaug
Jósefsdóttir, b. á Ytra-Tjarnarkoti,
Tómassonar, langafa Kristjáns, afa
Jónasar frá Hriflu. Jósef var einnig
langafi Jóns, langafa Sigrúnar,
móður Kristjáns Karlssonar bók-
menntafræðings. Jósef var líka
langafi Jóhannesar, afa Jóhanns
Sigurjónssonar skálds. Þá var Jósef
langafi Ingiríðar, langömmu Steins
Steinarr. Loks var Jósef langafi
Finns Jónssonar ráðherra, afa
Hallgríms Snorrasonar hagstofu-
stjóra. Móðir Sigurlaugar var
Ingibjörg, systir Gunnars, langafa
Hannesar Hafstein.
Móðir Sigtryggs var Sigríður
Tómasdóttir, b. á Holti í Eyjafirði,
Jónssonar, bróður Magnúsar í
Laufási, fóður Jóns forsætisráö-
herra. Annar bróðir Tómasar var
Jón, langafi Rögnvalds Sigurjóns-
sonar píanóleikara. Systir Tómas-
ar var Margrét, langamma Bjargar,
móður Magnúsar Thorarensen
hæstarréttardómara og langamma
Péturs, fóður Guömundar, for-
stöðumanns á Keldum.
Móðir Tómasar var Sigríður,
systir Tómasar, langcifa Davíös,
fööur Ingólfs grasafræðings. Systir
Sigríðar var Rannveig, amma Páls
Árdals skálds, afa prófessoranna
Ingvi Hrafn Jónsson.
Steingríms J. Þorsteinssonar og
Páls Ardals og langafa Guðmundar
Emilssonar söngstjóra. Rannveig
var einnig langamma Kristínar
Sigfúsdóttur rithöfundar. Sigríður
var dóttir Davíðs, b. á Völlum í
Eyjafirði, bróður Jósefs í Ytra-
Tjarnarkoti og Jónasar, afa Jónas-
ar Hallgrímssonar skálds, langafa
Friðbjarnar, afa Ólafs Jóhannes-
sonar forsætisráðherra og langafi
Kristínar, ömmu Kristjáns
Thorlacius, formanns BSRB. Móðir
Jóns var Margrét, systir Kristínar
listmálara, móöur Helgu Valtýs-
dóttur leikkonu. Önnur systir
Margrétar var Jónína, amma
Gunnars G. Schram prófessors.
Margrét var dóttir Jóns, skipstjóra
í Arnarnesi í Eyjafirði, Antonsson-
ar, b. í Arnarnesi, Sigurðssonar,
veitingamanns á Akureyri, Bened-
iktssonar, b. í Grjótgarði á Þela-
mörk, Jónssonar, bróður
Þorgríms, langafa Gríms Thomsen.
Systir Benedikts var Þuríður, lang-
amma Hólmfríðar, langömmu
Ingimars Ingimarssonar, aðstoöar-
framkvæmdastjóra Sjónvarpsins.
Móðir Jóns var Margrét Jónsdóttir,
systir Friðriks, langafa Gunnars
J. Friðrikssonar, formanns Vinnu-
veitendasambandsins. Móðir
Margrétar var Guðlaug Sveins-
dóttir, hálfsystir Einars, alþingis-
manns á Hrauni, langafa Þuríðar
Pálsdóttur óperasöngvara. Guð-
laug var dóttir Sveins, b. á Haga-
nesi, Sveinssonar.
Jórunn er dóttir Ole Tynes,
norsks útgerðarmanns á Siglufirði,
og konu hans, Indíönu Pétursdótt-
ur, systur Kristínar, ömmu Njarð-
ar P. Njarðvík og langömmu
Júlíusar Hafstein. Móðir Indíönu
var Jórunn Hallgrímsdóttir, systir
Jóns, afa Guðjóns B. Ólafssonar.
Afmæli
Jóhann Magnússon
Jóhann Magnússon, bóndi að
Breiðavaði í Eiðaþinghá í Suður-
Múlasýslu, er sjötugur í dag.
Jóhann fæddist að Efri-Hlíð í
Helgafellssveit í Snæfellssýslu.
Foreldrar hans voru Ásthildur
Jónasdóttir og Magnús Jóhanns-
son. Þau fluttu úr Helgafellssveit
austur á Fljótsdalshérað 1923 en
sama vor fór Jóhann í fóstur til
skólastjórahjónanna á Eiðum, Ás-
mundar Guðmundssonar og Stein-
unnar Magnúsdóttur, og var hann
hjá þeim hjónum í fimm ár eöa þar
tÚ þau fluttu til Reykjavíkur. Jó-
hann fór þá til foreldra sinna að
Uppsölum í sömu sveit og bjó þar
næstu tuttugu árin.
Kona Jóhanns er Guðlaug Þór-
hallsdóttir en þau hafa búið að
Breiðavaði frá 1948 og hafa nú rek-
ið þar félagsbú frá 1980 ásamt
yngsta syni sínum og konu hans.
Jóhann og Guðlaug eiga fjóra
syni. Þeir eru: Jónas Þór, bifreiðar-
stjóri, kvæntur Öldu Hrafnkels-
dóttur; Magnús, vegaverkstjóri,
kvæntur Öldu Guðbrandsdóttur og
eiga þau fjórar dætur; Ragnar,
framkvæmdastjóri, en hann á son
og fósturdóttur; og Jóhann Gísli,
búfræðingur og b. að Breiðavaði,
kvæntur Ólöfu Ólafsdóttur og eiga
þau tyær dætur.
Jóhann Magnússon.
Steingrímur B. Bjamason
Steingrímur Benedikt Bjamason
fisksali, Sogavegi 158, Reykjavík,
er sjötugur í dag.
Steingrimur fæddist á Hóli í Bol-
ungarvík og ólst þar upp í foreldra-
húsum. Hann stundaði öll almenn
störf sem til féllu fyrir unglinga í
sjávarplássum, fór ungur til sjós
og var á bátum og togurum frá
Reykjavík. Steingrímur útskrifað-
ist úr Stýrimannaskólanum í
Reykjavík 1941 og var stýrimaöur
og háseti á ýmsum skipum til 1949.
Hann opnaði fiskverslun við
Hæðargarð í Reykjavík 1949 og
byggði svo nýja fiskverslun við
Hólmgarð nokkrum árum síöar.
Seinna reisti hann svo verslunar-
miðstöðina Grímsbæ við Bústaða-
veg og rekur þar enn fiskverslun.
Kona Steingríms er Kristín, f.
28.6.1922, dóttir Kristjáns Gíslason-
ar, sjómanns á ísafirði, og Margrét-
ar Magnúsdóttur en þau eru bæöi
látin.
Steingrímur og Kristín eignuðust
saman ellefu böm. Þau eru: Bárður
Árni, fisksali í Reykjavík, f. 5.4.
1945, hann á fjögur börn og er sam-
býliskona hans Sigríöur Gylfadótt-
ir skrifstofustúlka, sem einnig á
íjögur böm; Kristján, vélfræðingur
á Kjalarnesi, f. 17.3. 1946, kvæntur
Steinunni Þorsteinsdóttur hús-
móður, þau eiga tvö börn; Bjarni
Jón, f. 28.5. 1947, er látinn, hann
Steingrímur B. Bjarnason.
átti eina dóttur; Laufey, hjúkrunar-
kona í Keflavík, f. 3.6. 1948, gift
Hannesi Einarssyni, bygginga-
verktaka og forseta bæjarstjórnar
í Keflavík, þau eiga fjögur börn;
Erlingur Rúnar, stýrimaður í
Hafnarfirði, f. 28.10.1949, kvæntur
Vilborgu Siguijónsdóttur húsmóð-
ur, þau eiga þrjú böm; Steinþór,
tæknifræðingur í Hafnarfirði, f.
26.11. 1951, kvæntur Huldu Arn-
steinsdóttur tækniteiknara, þau
eiga tvö böm; Kristín Salóme, fóta-
snyrtifræðingur í Reykjavík, f. 30.4.
1954, gift Jóhanni Pétri Jónssyni,
deildarstjóra hjá Essó, þau eiga
þrjú böm; Þórhallur, matvöru-
kaupmaöur í Reykjavík, f. 21.7.
1955, kvæntur Þorgerði Halldórs-
dóttur húsmóður, þau eiga fjórar
dætur; Gunnar Örn, tæknifræðing-
ur í Mosfellsbæ, f. 4.10. 1956,
kvæntur Björgu Magnúsdóttur
textílhönnuði; Höröur, f. 25.11.
1957, er látinn, hann átti einn son;
Lilja, hjúkrunarkona í Reykjavík,
f.8.10.1960, hún á eina dóttur. Fyrir
hjónaband átti Steingrímur eina
dóttur, Svandísi Báru, sem er bóndi
á Sveinsstöðum á Mýrum, hún á
tvö börn.
Steingrímur átti ellefu systkini
en á nú þrjú systkini á lífi og einn
fósturbróður. Systkini hans á lífi
eru Ásta, ekkja eftir Georg Sigur-
jónsson vélsmiö, þau eignuðust
fjögur börn og bjuggu lengi í Smá-
löndum en hún er nú búsett í
Reykjavík; Jóna, gift Jóni Hjaltalín
Gunnlaugssyni, lækni í Reykjavík,
en þau eiga sex börn; og Össurína
sem hefur verið búsett í Reykjavík.
Fósturbróðir Steingríms er Jó-
hann Kristjánsson í Bolungarvík,
kvæntur Evlalíu Sigurgeirsdóttur
og eiga þau sex börn.
Foreldrar Steingríms: Bjámi Jón
Bárðarson, sjómaður í Bolungar-
vík og kona hans, Kristín Ingi-
mundardóttir.
Steingrímur tekur á móti gestum
í sal tannlækna að Síðumúla 35, II.
hæð, á milli klukkan 15.30 og 19.30,
laugardaginn 9.4.
Blaðið hvetur afmælisbörn og aðstandendur þeirra til að senda því
myndir og upplýsingar um frændgarð og starfssögu þeirra. Þessar
upplýsingar þurfa að berast í síðasta lagi tveimur dögum fyrir afmælið.
Munið að senda okkur myndir
GarðarJakobsson
Garöar Jakobsson, b. i Lautum í «tíS
Reykjadal í Suður-Þingeyjarsýslu,
er sjötíu og fimm ára í dag.
Garðar fæddist að Hólum í
Reykjadal og ólst þar upp í for-
eldrahúsum. Hann vann þar á
unglingsárunum öll almenn sveita-
störf og var við nám að Héraðsskól-
anum að Laugum, í yngri og eldri
deild, og í iðnnámi jafnframt.
Garðar starfaði á búi foreldra
sinna og sá síðan um búið fyrir þau
ásamt systkinum sínum, en þegar
Garðar var tuttugu og sex ára gift-
ist hann og byggði þá nýbýhö
Lautir í Hólalandi og hefur hann
búið þar síðan.
Garöar starfaði mikið í ung-
mennafélagi á árum áður, en hann
er maður tónelskur, söng lengi í
kórum og leikur gjarnan á fiðlu,
einkum nú í seinni tíð. Þá hefur
hann nú síðustu árin safnað heim-
ildum um fiðluleik og fiðlara
sýslunnar frá fyrri tiö.
Kona Garðars var Þorgeröur, f.
1.8. 1915, d. 1979, dóttir Glúms, b. í
Vallakoti í Reykjadal, Hólmgeirs-
sonar og Sigrúnar Friðriksdóttur
frá Helgastööum.
Garðar og Þorgerður eignuðust
fjögur börn. Þau eru: Sigrún, hús-
freyja á Lækjamóti í Köldukinn, f.
1939, gift Erni Sigurðssyni b. en þau
eiga fjögur börn og eitt barnabarn;
Hólmfríður, húsfreyja á Völlum í
Reykjadal, f. 1941, gift Sigurgeiri
Hólmgeirssyni b, en þau eiga þrjú
börn; Geir, starfsmaður hjá fisk-
iðjuverinu Stokkfiski, f. 1942,
kvæntur Sólveigu Marteinsdóttur
frá Húsavík, en þau eiga íjögur
börn og eitt barnabarn; Unnur,
húsmóðir í Lautum, f. 1954, en sam-
býlismaður hennar er Ámundi
Loftsson, b. í Lautum, og eiga þau
Til hamingju
85 ára_______________________
Ólöf Sigurðardóttir, Norðurgötu
54, Akureyri, er áttatíu og fimm ára
í dag.
80 ára______________________
Magnús Jósefsson, Fremri-Hrafna-
björgum, Hörðudalshreppi, er
áttræður í dag.
75 ára_____________________
Charlotte J. Caerts, Stigahlíð 63,
Reykjavík, er sjötiu og fimm ára í
dag.
Garðar Jakobsson.
saman þrjú börn, en Unnur átti
eitt barn fyrir.
Garöar átti sjö systkini sem upp
komust og var hann yngstur þeirra
en hann á nú einn bróður á lífi,
Harald, b. að Hólum, sem kvæntur
er Guðrúnu Glúmsdóttur, systur .■
Þorgerðar, og eiga þau Guðrún þrjá
syni.
Foreldrar Garðars voru Jakob
Sigurjónsson, b. að Hólum frá 1883,
f. 1858, d. 1943 og kona hans, Hólm-
fríður Helgadóttir, f. 1870, d. 1943.
Fööurforeldrar Garðars voru Sig-
urjón, b. á Einarsstöðum í Reykja-
dal, Jónsson, b. á sama stað,
Jónssonar Lamba, b. á Breiðumýri
í Reykjadal og umboðsmanns kon-
ungsjarða, og kona Sigurjóns,
Margrét Ingjaldsdóttir frá Mýri i
Bárðardal
Móðurforeldrar Garðars voru
Helgi, b. á Hallbjamarstöðum í
Reykjadal, Jónsson, b. í Máskoti í
Reykjadal, Jónssonar og kona
Helga, Sigurveig Sigurðardóttir frá
Stafni í Reykjadal.
Garðar verður að heiman á af-
mælisdaginn.
með daginn
70 ára___________________
Kristján G. Jónasson, Hlaðbrekku
18, Kópavogi, er sjötugur i dag.
40 ára________________________
Ágúst Sigurður Ágústsson, Orra-
hólum 3, Reykjavík, er fertugur í
dag.
Guðmundur S. Björgmundsson,
Kirkjubóli, Valþjófsdal, Mosvalla-
hreppi, er fertugur í dag.
Anna Gunnur Vigfúsdóttir, Lerki-
lundi 24, Akureyri, er fertug í dag.
Bryndís Jóhannesdóttir, Fjalli II,
Skeiðahreppi, er fertug í dag.