Dagblaðið Vísir - DV - 10.05.1988, Blaðsíða 18

18
ÞRIÐJUDAGUR 10. MAÍ 1988.
Sviðsljós
Ólyginn
sagði...
Ronald Reagan
ætti ekki aö verða í vandræðum
með atvinnu eftir að hann lætur
af embætti sem forseti Bandaríkj-
anna. Hann hefur lýst áhuga á
að leika sjálfan sig í heimilda-
mynd sem gera á um James
Brady, blaðafulltrúa hans, sem
varð fyrir skoti og lamaðist í skot-
árás á forsetann. Ronald Reagan
er þó eflaust ekki á flæðiskeri
staddur og fær eflaust rífleg eftir-
laun eftir að hann lætur af emb-
ætti.
Dorís Day
tók sig nýlega til og keypti hót-
elið Cypress Inn í Kaliforniu.
Reglur þess hótels voru þær að
bannað væri að koma með gælu-
dýr inn á hótelið. Doris Day er
mikill dýravinur og breytti því
reglunum snarlega. Nú eru flest-
ar tegundir gæludýra leyfðar á
hótelinu. í hverju herbergi er
búið að koma fyrir svefnstað fyr-
ir gæludýr og sérhannaöir réttir
fyrir hunda og ketti eru á öllum
matseðlum.
Gene Kelly
dansarinn frægi, sem lék meðal
annars í myndinni sígildu „Sing-
ing in the Rain“, hefur verið önn-
um kafinn við að rita endurminn-
ingar sínar. Hann hefur gert það
í samráði við konu sem heitir
Patricia Ward. Þeirra samband
er orðið það náið aö þau hyggja
á giftingu. Gene Kelly var svo
óheppinn að húsiö hans brann
fyrir nokkru og stendur hann nú
í ströngu við að endurbyggja það
fyrir giftinguna.
Leikendum var ákaft fagnað i lok sýningarinnar.
DV-mynd BB
Frábær sýning hjá krökkunum
Sigurjón J. Sigurösson, DV, ísafirði:
Barnaóperan Eldmærin var frum-
flutt í sal Grunnskólans á Ísafírði
fyrir stuttu við mikla hrifningu við-
staddra. Það er barnakór Tónlistar-
skólans sem ber sýninguna uppi en
með aðalhlutverk fara Hagbarður
Valsson, Jónatan Einarsson og
Dagný Harðardóttir. Leikstjóri er
Rúnar Guðbrandsson og kórstjóri er
Beata Joó.
Sýningin heppnaðist í alla staði
mjög vel og var aðstandendum henn-
ar til mikils sóma. Létu áhorfendur
hrifningu sína í ljós með dynjandi
lófaklappi er sýningu lauk. Með því
aö setja á svið barnaóperu sem Eld-
meyna er ekki ráðist á garðinn þar
sem hann er lægstur. Öllum þeim
sem gerðu þessa sýningu að veru-
leika eru hér með sendar hamingju-
óskir meö hversu vel hefur til tekist.
Sigríður Ragnarsdóttir, skólastjóri
Tónlistarskólans, skrifar ávarp sem
hún birtir í Leikskrá Eldmeyjunnar.
Þar segir hún meðal annars: „Fjöldi
ísfirskra ungmenna tekur virkan
þátt í starfi Tónlistarskólans, ekki
síst kórstarfinu, og er óskandi að
þessi iðja þeirra geti orðið þeim gleði-
gjafi í lífsbaráttunni á ókomnum
árum. Það er nefnilega ekki hægt
annað en að komast í gott skap ef
maður fer að syngja.“

'tm-
ísafjörður:
Holufyllingar fyrir framtíðina?
Sigurjón J. Sigurösson, DV, ísafirði:
Vegagerðarmenn og bæjarstarfs-
menn á ísafirði gera tilraunir með
holufyllingarefni á Hafnarstræti hér
í bæ. Þar fer fremstur í flokki með
strákúst í hönd efsti maður á lista
Framsóknarflokksins í bæjarstjórn
og jafnframt rekstrarstjóri vegagerð-
arinnar, Kristinn Jón Jónsson. Bæj-
arstjórinn Haraldur L. Haraldsson
og sonur hans fylgjast með að allt sé
unniö eftir kúnstarinnar reglum.
Verkstjórinn Sveinbjörn Veturliða-
son stendur álengdar líkt og verk-
stjóra er siður.
DV-mynd BB, ísafirði.
Er kapp-
hlaupinu
lokið?
Svo virðist sem margmilljóner-
inn og útgefandinn bandariski,
Malcolm Fo'rbes, sé hugsanlega
að vinna kapphlaupið um hina
eftirsóttu Liz Taylor. Elísabet
kvað vera yfir sig hrifin af Forbes
eftir draumasiglingu um Suður-
Kínahaf á dögunum á lysti-
snekkju milljónamæringsins.
Sú sighng heppnaðist framar
öllum vonum, alla vega fyrir El-
ísabetu. Komið var við í nokkrum
höfnum og þar kepptist Forbes
við að hlaða hana allskonar dem-
antsskartgripum. Fyrst keypti
han rúbíneymalokka handa
henni fyrir 300 þúsund krónur
og síðan gaf hann henni háls-
menn fyrir 3 milljónir. Elísabet
er þekkt fyrir áhuga sinn á dýr-
um skartgripum.
Parið ástfangna fór einnig og
heimsótti thailenska forsetann og
margt annað tigið fólk. Elísabet
lét allt eftir sér á þessari drauma-
ferð og það er nú farið að sjást á
útliti hennar. Hún hefur aftur
hlaupið nokkuð i spik en er þó
langt frá því eins slæm og þegar
hún var sem feitust. Elísabetu
ætti ekki aö verða skotaskuld úr
því að losa sig við þessi aukakíló.
Leikarinn George Hamilton og
iðnjöfurinn Jim Stewart viröast
vera að tapa kapphlaupinu um
eina frægustu kynbombu allra
tíma og ef af giftingu Elísabetu
og Forbes verður þá er það eigin-
maður númer 8 í röðinni. Þess
má geta að Malcolm Forbes er 68
ára gamall en Elísabet talsvert
yngri, eða „aðeins" 56 ára gömul.
Elisabet Taylor er að velta því
fyrir sér þessa dagana hvort hún
eigi að kvænast milljónamær-
ingnum Malcolm Forbes en hann
hefur orðað hjónaband viö hana.
25 ára íslendingafélag í Óðinsvéum
Stjóm íslenska félagsins i Odense, frá vinstri Jón Ingi Guðmundsson formað-
ur, Katrin Olga Jóhannesdóttir, Guðmundur Ólafsson, Guðrún Sturlaugs-
dóttir, Þorsteinn Gunnlaugsson, Sigurður Sigurðarson og Jón Ingi Arnarson.
Júlia Imsland, DV, Óðinsvéum, Danmörku:
íslendingafélagið í Odense (ÍFÓ) í
Danmörku varð 25 ára í vetur. Félag-
ið var stofnað í húsi KFUM 16. mars
1963 og voru stofnendur nokkrir
tækniskólanemar og fjölskyldur
þeirra, alls um 30 manns, en nú eru
félagar um 300. Afmælisins var
minnst með myndarlegri kaffiveislu
í Selinu á Allegade 78. Jón Ingi Guð-
mundsson, formaður ÍFÓ, ávarpaöi
gesti, bauð þá velkomna og bað menn
vel að njóta þeirra veitinga sem á
borðum væru.
En hver skyldu nú vera helstu
verkefni svona félagsskapar? Jón
Ingi Guðmundsson, formaður ÍFÓ,
svarar því. ÍFÓ sér um útvarp meö
fréttum, viðtölum o.fl. einu sinni í
viku fyrir íslendinga á Fióni. Blað
íslendingafélagsins, Þuríður, er gefiö
út 4 sinnum á ári.
Nokkrar meiriháttar samkomur
eru á vegum félagsins á ári hverju
og af þeim ber hæst þorrablótið. Þá
er allur tilheyrandi matur fenginn
heiman frá íslandi og á síðasta blóti
spilaði hljómsveitin Upplyfting við
frábærar undirtektir. Jólaball er
haldið með íslenskum jólasveinum
og gera þeir mikla lukku hjá yngri
kynslóðinni sem er fjölmenn hér.
Fyrsta des. er meiriháttar dansleikur
og er þá mæting og stemning mjög
góð. Um páskana er skemmtun fyrir
bömin og koma þá í heimsókn
„páskaungar" allstórvaxnir og færa
börnunum smágjafir.
íþróttir eru mikið stundaðar og þá
sérstaklega knattspyrnan og þar hef-
ur okkar lið staðið sig mjög vel og
verið sigursælt í keppnum sem
haldnar eru einu sinni á ári milli
allra íslendingafélaganna í Dan-
mörku. Fyrir konurnar er starfandi
eróbikk-klúbbur. Þá hefur félagið
opið hús þar sem menn geta komið
saman, rabbað yfir kaffibolla, horft
á myndbönd, spilað Trivial Pursuit
o.fl o.fl.
Hér er stiklað á stóru um verkefni
ÍFÓ og auðvitað er ótalmargt óupp-
talið. Hvernig er fyrir íslenskan
námsmann aö búa í Odense? „Það
er ágætt, ja, svona smátíma," segir
Jón Ingi, „hér er margt svo ólíkt því
sem er heima.“
í lok afmælisveislunnar rituðu
gestirnir nöfn sín í veglega gestabók
sem síðan verður gjöf íslendingafé-
lagsins til Odense á 1000 ára afmæli
borgarinnar.