Dagblaðið Vísir - DV - 10.05.1988, Blaðsíða 16

16
ÞRIÐJUDAGUR 10. MAÍ 1988.
Spumingin
Telur þú að gengisfelling
sé rétta lausnin í efna-
hagsmálum?
Rúnar Magnússon: Já, verður ekki
að leysa vanda útgerðarinnar, frum-
atvinnuvegar þjóðarinnar.
Kristján Þ. Halldórsson: Ég treysti
mér ekki til að svara þessu.
Steinunn Snorradóttir: Nei, það tel
ég ekki, það verður að reyna aðrar
leiðir fyrst.
Dagbjört Kristinsdóttir: Mér finnst
ekki rétt að lækka gengið fyrr en í
síðustu lög.
Siggeir Siggeirsson: Nei, égheld ekki.
Pétur Kjartansson: Nei, engan veg-
inn, eigum við ekki að láta strákana
í ríkisstjóminni um aðrar leiðir.
Lesendur
Bflasöluþankar:
Góð kaup í notuðum
Bréfritari spáir vaxandi eftirspurn eftir notuðum bílum og veðjar á þá amer-
ísku.
Hafliði Einarsson hringdi:
Maður er að lesa um það og heyra,
að óvenju mikið hafi verið flutt inn
af nýjum bílum að undanfórnu og
því sé mikið úrval af notuöum bílum
á bílasölum, a.m.k. á Reykjavíkur-
svæðinu. Þetta hefur veriö að breyt-
ast smám saman, en mun breytast
fljótt á allra næstu vikum, því eftir
því sem ég las í blaöi alveg nýlega
er innflutningur á nýjum bílum svo
til dottinn niður í bili.
Þannig sagði frá því í þessari frétt
að í aprílmánuði sl. heíðu einungis
um 250 bílar verið skráðir nýir og
svipuð tala bíla afskráð í sama mán-
uði. - Það er af sem áður var, að
mörg hundruð, stundum þúsundir
nýrra bíla voru skráðir nýir í sama
mánuðinum. En þetta er nú að verða
liðin tíð, einfaldlega vegna fjárskorts
almennings. Eða hvaöa vit var líka
í þvi að selja tveggja eða þriggja ára
gamlan bíl og fá sér nýjan?
Það líður þess vegna ekki á löngu
áður en saxast tekur á þá notuðu
bíla, sem nú eru á bílasölunum, og
verðiö rýkur upp úr öllu valdi, ein-
faldlega vegna þess að bílainnflutn-
ingur mun snarminnka frá því sem
áður var. Það er því hagstætt eins
og er að kaupa notaða bíla, en það
mun varla standa lengi.
En hvaða bíla, notaða, er hag-
kvæmast að kaupa? Sumir vilja
halda sig við þá japönsku, einkum
ef þeir eru nýlegir og mun nokkuð
vera til í því. Hins vegar er mér sagt,
að bestu bílakaupin séu í notuðum
amerískum og mega þeir jafnvel vera
komnir nokkuð til ára sinna. Er talað
um að 9 til 10 ára gamlir amerískir
bflar af viðurkenndri tegund séu
jafnoki margra annarra tegunda
helmingi yngri og jafnvel 2ja eða 3ja
ára bíla sem hefur verið ekið jafn-
marga km. - Þannig þurfa flestir
amerísku bílamir af stærri gerðinni
ekki neitt viðhald að ráði fyrr en eft-
ir svo sem 200 til 250 þús. km. akst-
ur, sem er langt fram yfir flestar
aðrar bílategundir.
Slíkir bílar, sem hafa verið í einka-
eign eða ekki fleiri en tveir eigendur
staðið að og farið vel með, eru taldir
með öruggustu notuðu bflunum á
bílasölum í dag. - Auðvitað eru um
þetta skiptar skoðanir, en reynslan
er ólygnust, og hana hef ég.
Var einmitt að fá mér einn slíkan
og tel mig hafa verið heppinn. Ég
spái því að fljótlega fari að færast
fjör í bílaviðskipin og margir sjái of
seint að sér í þeim efnum, a.m.k. að
því er góöa notaða bíla snertir.
-
Álit íslendinganna: „Rétt og sjálfsagt að
leyfa ekki umræður11
Okkar álit i stuttu máli: ViS álítum, aS rétt sé og sjálfsagt aS Ityfa
ekki umrœSur né gefa fólki kost á aS velja um neitl nema á grundvelli
sósíalismans, og þá sízt ÞjóSvcrjum. Okkur er það jafnframt ljóst að
„frjálsar kosningar" eins og það tíðkast á Vesturlöndum gefa alranga
mynd af vilja fólksins.
Hins vegar finnst okkur kosningar hafa hað gildi, þegar um ekkert
er að velja nema mjög þröngt afmarkaða stefnu, þó hún að vísu sé
leið til sósíalisma.
Fyndist okkur heiSarlegar aS fariS, ef valdhafar hér lýstu yfir, aS þeir
hefSu tekiS völdin og létu engan komast upp meS mótmteli, stefnu-
hreytingar eSa annaS múSur.
4_________________________________________
Úr SÍA-bókinni. - Álit íslendinganna: „Rétt og sjálfsagt að leyfa ekki umræð-
ur.“
Tangen, Treholt
og SÍA-skýrslur
Sigurður Sigurðsson skrifar:
I tilefni af umræðum um mál þau
sem kennd eru við Tangen hinn
norska, og orðiö hafa fréttastofu út-
varpsins mjög til vanvirðu, vfl ég
leyfa mér að vekja athygli á eftirfar-
andi atriöum:
1) Hérlendir vinstrisinnar hugðu í
fyrstu aö þama hefði hval rekið á
þeirra flörur, en annað kom á daginn
eftir að ljóst varð að Tangen gat ekki
sannað neitt af frásögnum sínum og
varð að éta allt ofan í sig. - Það er
annars undarlegt með kommana, aö
aldrei hafa þeir viðurkennt að hafa
trúað á skakkt goð, Stalín, þótt löngu
hafi verið ljóstrað upp um marga
glæpi þessa einvaldsherra. Aftur á
móti höföu hinir fáu menn, sem hér
hneigðust að nasisma um skeið, flest-
ir fallið frá þeim átrúnaði þegar fyrir
stríð.
2) Hinir fáu stjórnmálamenn ís-
lenskir, sem vitað er um að stundað
hafi gerð leyniskýrslna, eru hinir
svonefndu SÍA-menn. Aðalforingi
þeirra var íslenskur námsmaöur í
Austur-Þýskalandi, sem skrifaði m.a.
eftirfarandi (Rauðabókin, bls. 47. Sjá
meðf. úrklippu): „Okkar álit í stuttu
máli: Við álítum, að rétt sé og sjálf-
sagt að leyfa ekki umræður né gefa
fólki kost á að velja um neitt, nema
á grundvelh sósíalismans, og þá sízt
Þjóðverjum“ (???). - Rauða bókin,
SÍA-skýrslurnar, kom út í annað sinn
á næstliðnum vetri og álitið er að hún
muni koma út mun oftar, enda mikil
fróðleiksnáma um þankagang
kommanna og daglegt líf austan
tjalds.
Þar sem fréttamenn Ríkisútvarps-
ins virðast athafnasamir í Noregi,
dettur mér í hug aö upplagt væri að
fá þá til þess að ræða við Arne Tre-
holt, þann sem einn fyrrverandi
þingmaður Alþýðubandalagsins átti
tal viö fyrir fáum árum, ásamt fleir-
um. - Treholt þessi mun hafa hlotið
nokkurra ára vist, ókeypis, fyrir
skömmu, á vísum stað í Noregi.
Fullt tungl:
Frábær kvikmynd
Einar skrifar:
í gærkvöldi fór ég að sjá kvikmynd-
ina Fullt tungl (Moonstruck), sem er
óskarsverðlaunamynd og sýnd í Bíó-
borginni við Snorrabraut. Ég er
ekkert að ýkja þegar ég segi að þetta
sé ein sú besta mynd sem ég hef séö
um nokkurra ára skeið og er þá mik-
ið sagt, því margar hef ég myndirnar
séð á síðustu árum.
Fyrir það fyrsta eru leikararnir
alveg stórkostlegir, Cher, Nicholas
Cage, Vincent Gardenia, aö
ógleymdri Olympiu Dukakis
(frænku forsetaframbjóðanda demó-
krata í Bandaríkjunum). Þetta er
sprenghlægileg mynd og hugljúf í
senn. Fjallar um unga konu sem hef-
ur misst manninn, en fær bónorð við
sérkennilegar aðstæður á ítölsku
veitingahúsi. Söguþráður, samtöl og
kímni hitta áhorfendur óumdeilan-
lega.
Auðvitað rek ég ekki söguþráðinn
frekar, því sjón er sögu ríkari. En
þama fylgist allt að til að gera mynd-
ina stórkostlega, leikstjóm, leikur og
myndataka. En myndatakan er mjög
óvenjuleg og dregur fram sérkenni-
leg og heillandi áhrif stórborgarinn-
ar New York, hvort sem kvikmynda-
vélin beinir auga sínu að henni við
innsiglingu tfl hennar eða nemur
einstaka staði innan borgar, t.d.
Metropolitan óperuna eða ítölsku
veitingahúsin með sérstæðu and-
rúmslofti innandyra. - Ég hvet fólk
til að láta þessa frábæru mynd ekki
fram hjá sér fara.
Leikstjórinn, Norman Jewison leggur línurnar fyrir einn aðalleikarann, Vinc-
ent Gardenia.
Bréfritarar vilja láta nýja ökuskírteinishafa kynna sér afleiðingar umferðar-
slysa áður en þeir fá prófið.
Umferðarslys og afleiðingar:
Undirbúningur biíprófs
Nokkrir Grindvíkingar skrifa:
Við vorum að ræða um þá hræði-
legu slysaöldu sem gengur yfir í
umferðinni og hraðakstur ung-
menna og annarra sem ekki virðast
hafa fengiö neina ábyrgðartilfmn-
ingu viö móttöku ökuskírteinis.
Okkur langar að koma með þá til-
lögu hvort ekki sé hægt að koma því
svo fyrir að þeim, sem eru að læra á
bíl, yrði gert að skyldu að dvelja svo
sem einn dag eða hluta úr degi á
Grensásdeildinni eða á Borgarspítal-
anum þar sem ungt fólk, og reyndar
aðrir, hggur eða er að ná sér eftir
umferðarslys og ræða við það eða
aðstoða.
Við erum þeirrar skoðunar að þetta
gæti orðið til þess að væntanlegir
ökuskírteinishafar fengju meiri
ábyrgðartilfmningu og skilning á því
hvaða gildi það hefur að öðlast rétt-
indi til að stýra bifreið.