Dagblaðið Vísir - DV - 11.11.1988, Blaðsíða 5

FÖSTUDAGUR 11. NÓVEMBER 1988.
5
Fréttir
Ólafur Ragnar Grímsson fjármálaráðherra sagðist ekki flytja neinn gleðiboðskap þegar hann kynnti fjárlagafrum-
varpið á Alþingi í gær. DV-mynd GVA
Fj árlagafmmvarpið tekiö til meöferöar á Alþingi:
„Enginn glediboðskapur“
- segir Ólafur Ragnar Grímsson fj ármálaráöherra
Fjármálaráðherra, Ólafur Ragnar
Grímsson, mælti fyrir frumvarpi til
fjárlaga á Alþingi í gær. Hann hóf
mál sitt á því að tilkynna að fjárlaga-
frumvarpið fyrir 1989 fæli ekki í sér
neinn gleðiboðskap. Það byggðist á
þeirri viðurkenndu staðreynd að nú
kreppti að í íslenskum þjóðarbúskap.
Sagði ráðherra að nauðsynlegt væri
að hverfa af braut viðskiptahalla og
erlendrar skuldasöfnunar sem hefur
einkennt undanfarin ár. Nauðsyn-
legt væri fyrir Alþingi og þjóðina aö
sameinast um að breyta þeirri stefnu
sem fylgt hefur verið. Frumvarpið,
sem hér lægi fyrir, væri mikilvægt
til stefnubreytingar af því tagi.
í upphafi ræðu sinnar vék ráðherra
að þróun efnahagsmála á undanfóm-
um árum en þó sérstaklega yfir-
standandi ári. Sagði hann að hag-
vaxtarskeiði síðustu ára væri lokið
og útlit væri fyrir að þjóðartekjur
drægjust saman um 2% í ár. Rakti
ráðherra þær aðgerðir sem ríkis-
stjórnin hefði gripið tii og sagði að
fjárlagafrumvarpið væri mikilvæg-
asti hlekkurinn í þeirri keðju.
Mesta athygli vakti umræða hans
um tekjuhalla yfirstandandi árs sem
færi örugglega ekki undir 3 milljarða
króna. Sagði hann að bráðabirgðatöl-
ur fyrir október gæfu til kynna að
sú aukning á innheimtu, sem venju-
lega verður á síðustu mánuðum árs-
ins yrði minni í ár. Tekjuhallinn
gæti því orðið mun meiri, eða allt að
4 miUjarðar, og væri reyndar nauð-
synlegt fyrir Alþingi að búa sig und-
ir það. Sagði Ólafur Ragnar að það
væri ískyggileg niðurstaða og því
væri brýnt að ræða á næstunni hvort
ekki væri nauðsynlegt að grípa til
gagnráðstafana innan tíðar. Taldi
hann að sá samdráttur, sem vart
hefði orðið í tekjum, gæti haldið
áfram og benti hann á vaxandi fjölda
gjaldþrota máli sínu til stuðnings.
Einnig benti hann á að heildarvan-
skil á söluskatti í upphafi þessa mán-
aðar væru rúmir 3 milljarðar.
í lok ræðu sinnar sagði fjármála-
ráðherra að íslendingar stæðu nú á
tímamótum. Á vettvangi atvinnulífs-
ins væri nauðsynlegt fyrir fjölda fyr-
irtækja að taka erfiðar ákvarðanir.
Heimili í landinu þyrftu einnig að
laga sig að breyttum skilyrðum og
sú aðlögun kynni að verða ýmsum
sársaukafull.
Stefnuleysi
Fulltrúi sjálfstæðismanna í fjár-
veitinganefnd, Pálmi Jónsson, sagði
að öllum sem á ræðu fjármálaráð-
herra hefðu hlýtt væri ljóst það
stefnuleysi sem fylgdi þessari ríkis-
stjórn. Sagði Pálmi að ræða Ólafs
Ragnars staðfesti stefnuleysið sem
komið hefði fram í „svokallaðri“
stefnuræðu forsætisráðherra.
Pálmi sagði að forsendur í fjárlaga-
frumvarpinu varðandi verðlags-,
gengis- og launamál væru rangar.
Þá sagði hann að frumvarpið boðaði
strax miklar skattahækkanir sem
næmu að raungildi 3,5 til 4 milljörö-
um króna. Sagði Pálmi að ríkis-
stjórnarflokkarnir væru berir að
miklum óheilindum vegna nýrrar
skattastefnu.
Einnig gagnrýndi Pálmi að útgjöld
ríkisins skyldu eiga að hækka um
0,8% og um leið vék hann að stór-
auknum kostnaði við ríkisrekstur-
inn sem hann Sagði að ætti eftir að
aukast mikið. Einnig sagði hann að
miklar álögur biðu nú atvinnugreina
landsins enda boðaði frumvarpið
miklar þrengingar þeim til 'handa.
Forsendur frumvarpsins væru i
lausu lofti og ekkert væri sagt um
hvað tæki við þegar bráðabirgðalög-
in rynnu út, t.d. hvað varðar búvöru-
hækkanir.
Fjármagnsmarkaðurinn
gagnrýndur
Framsóknarflokkurinn stendur
einhuga að baki þessu fjárlagafrum-
varpi og í því eru þær efnahagslegu
forsendur sem Framsóknarflokkur-
inn gerir kröfur til. Þetta kom fram
hjá Alexander Stefánssyni, fulltrúa
Framsóknarflokksins í fjárveitinga-
nefnd. Sagði Alexander að í frum-
varpinu væri tekið á aukinni lántöku
með þeim hætti sem dygði en hann
taldi meginforsendur þess að frum-
varpið stæði vera þær að það er lagt
fram með 1,2 milljarða króna tekjuaf-
gangi.
Alexander gagnrýndi fjármagns-
markaðinn sem hann sagði að bæri
meginsök á því hvernig komið væri
í efnahagslífi þjóðarinnar með því
að soga allt fjármagn frá atvinnu-
rekstri. Sagði hann að nauðsynlegt
væri að stöðva fjármagnsmarkaðinn
til að verja byggðir landsins. Alex-
ander sagðist þó vilja sjá meira í
þessu frumvarpi af því að komið
væri í veg fyrir sjálfvirka hækkun
útgjaldaliða. Nefndi hann sérstak-
lega tilkostnað við Þjóðarbókhlöð-
una sem hefði farið hundruð millj-
óna fram úr áætlun.
Sömu ókostir og fylgdu
síðasta frumvarpi
Sömu hættur eru fólgnar í þessu
fjáriagafrumvarpi og frumvarpinu
1988. Sú reyndist niðurstaða Óla Þ.
Guðbjartssonar sem situr í fjárveit-
inganefnd fyrir hönd Borgaraflokks-
ins. Sagðist hann óttast mjög að þetta
frumvarp myndi sigla í sama far
nema til kæmu miklar sparnaðar- og
aðhaldsaðagerðir hjá ríkisvaldinu.
Þá gagnrýndi Óh verðlagsforsend-
ur frumvarpsins og sagði um leið að
mikil kjaraskerðing biði launþega
því að í frumvarpinu væri gert ráð
fyrir aö verðlag hækkaði um 12 til
13% á næsta ári á meðan ráðstöfun-
artekjur ættu aðeins að aukast um
5%.
Þá sagði Óh að það örlaði á „kjöt-
katlapólitík1' hjá ríkisvaldinu sem
meðal annars mætti sjá á því að gert
væri ráð fyrir 63% hækkun útgjalda-
liða fjármálaráðuneytisins sjálfs og
um leið væru styrkir til dagblaðaút-
gáfu hækkaðir um 70%.
Staðfestir kjararýrnun
Fulltrúi Kvennalistans í fjárveit-
inganefnd, Málmfríður Sigurðar-
dóttir-j sagði að frumvarpið staðfesti
að kjararýrnun væri fram undan.
Megineinkenni frumvarpsins væru
samdráttur og niðurskurður án þess
þó að nein heildarstefna sæist. Það
væri einkennilega erfitt að festa
hendur á ýmsum grundvallaratrið-
um frumvarpsins, sérstaklega hvað
varðaði tekjuöflun. Sagði hún að
augljós óeining innan ríkisstjórnar-
innar um ýmis þessara atriða benti
ekki til þess að friðsælir tímar væru
fram undan.
Sagði Málmfríður aö það væri ótrú-
legt að forsendur frumvarpsins gætu
staðist enda væri tekjuhhðin í lausu
lofti - allavega þangaö til lagafrum-
vörp þar um kæmu fram. -SMJ
Þú getur fengið
7,25% vexti
umfram verð-
tryggingu næstu
15 mánuðina
ef þú leggur
strax inn á
Afmælisreikning
Landsbankans.
Landsbanki
íslands
Banki allra landsmanna