Dagblaðið Vísir - DV - 11.11.1988, Blaðsíða 15

FÖSTUDAGUR 11. NÓVEMBER 1988.
15
Eru verkalýðs-
félög til einhvers?
Fyrir u.þ.b. þremur vikum fór fram
formannskjör innan BSRB og vil
ég óska öllum félagsmönnum til
hamingju meö nýja formanninn,
Ögmund Jónasson. Einnig óska ég
Ögmundi alls hins besta í nýja
starfinu og vona að hann hafi kjark
tíi að gera það sem gera þarf, en
láti ekki sitja við orðin tóm eins og
forverar Vians.
Launþegar þreyttir
á þrælahaldinu
Formannskosningin sýndi
greinilega, að félagsmenn BSRB
vilja breytingar. Þeir kusu þann
frambjóðandann sem hafði róttæk-
ustu hugmyndimar um starf
bandalagsins.
Ég lái ekki BSRB félögum að vera
orðnir þreyttir á því að vera þræl-
ar. Því hvað erum við annað þegar
við höfum ekki einu sinni rétt til
að semja um kaupið okkar?
Fram á þennan dag hefur það
tiðkast hjá öllum verkalýðsfélög-
um að semja um grunnlaun sem
ekki er hægt að lifa af. Það er sam-
bærilegt við að okkur væri
skammtað súrefni. Við fengjum
60% súrefni á virkum dögum og
80% um helgar - aldrei 100% eins
og við þurfum til að lifa.
Á að leggja
verkalýðsfélögin niður?
Allir launþegar greiða félagsgjöld.
KjaUarinn
Áshildur Jónsdóttir
í landsráði Flokks mannsins
í viðkomandi verkalýðsfélög. Það
hafa verið byggð hús fyrir skrif-
stofur félaganna þar sem nú er
starfandi fjöldi fólks. Jafnvel hafa
verklýðsfélögin ávaxtað fé félags-
manna sinna í verðbréfasjóðum.
Hvemig hefur þessi yfirbygging
skilað sér til félagsmanna? Því er
einfalt að svara: Hún hefur ekki
skilað sér, launþegar hafa ekki
einu sinni samningsrétt í dag.
Höfum við þá eitthvað að gera
með verkalýðsfélög þegar þau
tryggja ekki einu sinni mannsæm-
andi laun félaga sinna sem er þó
grundvallarmarkmið þeirra?
Eins og staðan er í dag yrði það
kjarabót fyrir launþega væm
verkalýösfélögin lögð niður, allar
eigur félaganna seldar, sjóðir lagöir
af og peningunum deilt út til félags-
manna.
Hvað gerist hjá BSRB?
Trúlega bíða margir spenntir eft-
ir því að sjá hvað gerist hjá nýja
formanninum í BSRB, Ögmundi
Jónassyni. Hann segist \ilja vald-
dreifmgu og virkari félagsmenn -
meira lýö.-æði. Nú hafa því félags-
menn BSRB gott tækifæri til að
„Fram á þennan dag hefur það tíðkast
hjá öllum verkalýðsfélögum að semja
um grunnlaun sem ekki er hægt að lifa
af.“
„Formannskosningin sýndi greinilega að félagsmenn BSRB vilja breyt-
ingar,“ segir greinarhöfundur m.a. - Nýjum formanni BSRB, Ögmundi
Jónassyni, fagnað.
gera róttækar breytingar. Til að
hugmyndir formannsins verði að
raunveruleika verða félagsmenn
að styðja hann dyggilega annars
verður þetta bara ein loftbólan í
viðbót.
Tillögurtil
Ögmundar Jónassonar
Mig langar að koma meö tillögu
til þín, Ögmundur: Gerðu það sem
gera þarf til að ná aftar samnings-
réttinum. I.eiðin til þess er að allir
leggi niður vinnu. Þaö er það eina
sem stjórnvöld skiija. Fáðu hin
verkalýðsfélögin í lið með þér og
þá verða stjórnvöld að taka ólögin
til baka. Við eigum ekki að fara
eftir lögum sem brjóta mannrétt-
indi. Okkur ber engin skylda til
þess því mannréttindi eru ofar lög-
um.
Ef ekki tekst núna að láta BSRB
virka eins og verkalýðsfélag á að
gera, væri réttast að leggja niður
öll verkalýðsfélög á landinu.
Við í FM stöndum með þér, Ög-
mundur, ef þú stendur þig!
Áshildur Jónsdóttir
Svik í skipaviðskiptum
Síðastliðin fimm ár hef ég verið
að berjast við að halda rétti mínum
í skipi mínu en ég hef verið heldur
smár og veikburða við hlið þeirra
manna sem ég líki helst við hýen-
ur. Þeir ræna því sem aðrir afla og
þ.á m. skipasmíðasamningi sem
Skipasmíðastöð M.B. hf. á Isafirði
og Sverrir hf. í Grindavík gerðu
með sér. Aðilar hafa allir sem einn
hjálpast að við að gera fyrirtæki
mitt að engu á einni nóttu.
Forsagan
Forsaga þessa máls er sú að fyrri
hluta árs 1979 leitaði Sverrir hf. í
Grindavík eftir samningi við stöð-
ina og virtist ekkert því til fyrir-
stöðu þar sem stöðin var orðin
verkefnalaus. Síðan gerðum við
samning um 39 m langt skutskip
sem við fengum ekki samþykktan
hjá viðskiptabanka okkar. Þann 25.
ágúst 1979 gerðum við nýjan samn-
ing um 26 m langt skip með 12
mánaða byggingartíma og verð
þess var 660 milljónir gamalla
króna og framreiknað í 12 mánuði
var áætlað að skipið myndi kosta
900 milljónir gamalla króna, sem
var lausleg áætlun frá hagdeild
Landsbanka íslands en hann er
okkar viðskiptabanki. Um miðjan
september 1979 var þessi samning-
ur samþykktur á stjórnarfundi hjá
Fiskveiðasjóði íslands og einnig, að
undangenginni samþykkt við-
skiptabanka okkar, 75% lán út á
skipið þegar það yrði fullgert.
Beinar spurningar
Mig langar að spyrja tollstjórann
í Reykjavík, Bjöm Hermannsson:
Hafði skipasmíðastöð M.B. hf. á
ísafiröi heimild til að nota stöðina
sem tollvörugeymslu á árunum
1979-82 og smiða skipin þar með
ótollafgreiddum vörum og borga síð-
an vörumar eftir eigin geðþótta og
efnahag þar sem Gunnar Öm
geymdi alla tollpappíra í sinni
tösku? Ef þetta er heimilt, hvers
vegna er þetta þá ekki athugað? Ég
Kjállariim
Magnús Þ. Sverrisson
fyrrv. framkvæmdastjóri
ætla svo sannarlega aö vona að þú
hafir ekki þann gífurlega valda-
hroka, sem þeir hjá Fiskveiða- og
Byggðasjóði em gæddir, að neita að
svara mér. Nú er svo komið að sýslu-
maðurinn á ísafirði þorir ekki að
svara mér, eða getur það ekki svo
vel fari, vegna þess að hann veit
sennilega of mikið um þetta atferli.
Saksóknaraembættið og sérstak-
lega Jónatan Sveinsson, útgerðar-
maður og samheiji minn í útgerð-
arhraskinu, hefur neitað mér um
rannsókn á þessum þjófnaði og
svikamyllu sem Skipasmíðastöð
M.B. hf. setti á svið með aðstoð
stjórnar Fiskveiðasjóðs.
Mig langar aö spyija Jónatan
Sveinsson:
1. Samræmist það íslenskum lög-
um að skipasmíðastöð geri samn-
ing við ákveðið fyrirtæki - samning
sem síðan er samþykktur og skjal-
festur - byrjað að smíða eftir og
fjármagna, en síðan búinn til annar
samningur með sama skipasmíða-
númeri? Skipið er síðan selt öðrum
aðila fyrir helmingi hærra verð en
í fyrri samningnum, án þess að
hann sé látinn falla úr gildi eða
afsal sé gert. Stjóm Fiskveiðasjóðs
samþykkti þessa meðferð málsins.
2. Samræmist það íslenskum lög-
um að skipasmíðastöð láti hækka
verö allra véla um 40% hér heima,
láti Fiskveiðasjóð borga brúsann
og flytji síðan 40% til landsins aftur
sem skipasmíðaafslátt og léggi inn
á einkareikninga Gunnars Amar
Gunnarssonar og Fylkis Ágústs-
sonar í Útvegsbankanum á ísafirði?
Þekkið þið skátahöfðingjann frá
ísafirði, þennan sem er bankastjóri
í Grindavík? Hann er vinurinn
hans Gunnars Amar sýslumanns-
sonarins og gefur Gunnari upp
stöðu hlaupareiknings Sverris hf.
þegar þess er óskað.
Eg vona að Jónatan Sveinsson
sjái sér fært að svara mér eða
kanna málið á annan hátt. Fram
að þessu hafa opinberir starfs-
menn, sem fjallað hafa um málið,
varið auðvaldið dyggilega. Mér hef-
ur fundist fram til þessa við þennan
málarekstur að það séu ekki allir
jafnir gagnvart lögum þessa lands.
Getur það samræmst íslenskum
lögum að stjórn Fiskveiðasjóðs
samþykki lán til Sverris hf. til
smíða á fiskiskipi og samþykkt síð-
an ári síðar lán til Ennis hf., út á
sama lánsloforð og sama skip, án
þess að hafa afsal af fyrri samningi.
Ég ákæri
Eg ákæri stjóm Fiskveiðasjóðs
og framkvæmdastjórann, Sverri
Júlíusson, fyrir svik á lánsloforð-
um við Sverri hf. og krefst þess að
sjóðurinn skili þessum lánum til
Sverris hf. þar sem Sverrir hf. hef-
ur ekkert brotið af sér við sjóðinn
og því síður við skipasmíðastöð
M.B. hf.
Ég ákæri stjórn Fiskveiðasjóðs
fyrir að heimila skipasmíðastöð
M.B. hf. að selja bæði Sverri hf. og
Enni hf., Ólafsvík, sama skipið og
samning nr. 51 þar sem stjóm
sjóðsins hafði fulla vitneskju um
þessi svik. En stjóm Fiskveiðasjóös
hafði aldrei samband við Sverri hf.
er þessi svik og þjófnaður fóru fram
á milli Fiskveiðasjóðs og M.B. hf„
það hefur aldrei legið fyrir afsal frá
Sverri hf. á þessum samningi.
Ég ákæri stjórn Fiskveiðasjóðs
fyrir að aðstoöa M.B. hf. við að ná
fjármagni úr Fiskveiðasjóði. Full-
búið átti skipið að kosta 1.320 þús-
und $, eða 42 milljónir króna, en
stjórn Fiskveiðasjóðs rétti M.B. hf.
aðrar 30-40 milljónir króna undir
borðið til að bjarga stöðinni frá
gjaldþroti sem hún var komin í er
þetta gerðist.
Ætla bæði lögreglan og dóms-
valdiö í þessu landi að sleppa sýslu-
mannssyninum frá ísafirði, Gunn-
ari Erni Gunnarssyni, og félaga
hans, Fylki Ágústssyni, með þann
tugmilljóna þjófnað er þeir frömdu
í gegnum umboðslaun og Fisk-
veiðasjóð með dyggilegri aðstoð
þeirra Stefáns Péturssonar, lög-
manns Landsbanka íslands, Ólafs
Stefánssonar, lögmanns Fiskveiða-
sjóðs, hins umdeilda - svo ekki sé
meira sagt - lögmanns Útvegs-
banka íslands, Axels Kristjánsson-
ar, og Guðmundar Malmquist hjá
Byggðasjóði?
Frændur frændum verstir?
Sverrir Júlíusson, frændi minn:
Vegna hvers leiddir þú mig á högg-
stokkinn? Var það til að bjarga
gjaldþrota fyrirtæki á ísafirði?
Vantaði mig póhtískan þrýsting á
þig eða var það sætara að rétta
sýslumannssyninum á ísafirði 50
milljón króna ávísun í þessu þjófn-
aðarmáli sem þið stóðuð að? Eða
vantaði Gunnar Örn og Fylki
Ágústsson skotsilfur í heimsreis-
una sem þeir fóru það árið? Vertu
nú vænn og svaraðu, þú eða þínir
samráðsmenn hafið ekki þorað að
svara fram að þessu.
Hann er fallegur í sjónvarpi og
kemur vel fyrir hann Guðmundur
Malmquist en flettið kápunni, þaö
er nóg, þá kemur annað í ljós. Hvar
fékkstu fyrirmæli um aö koma
Sverri hf. út úr nýsmíði nr. 51, þú
ert ekki undanskilinn sem ljúf-
menni í þessu máh af minni hálfu.
Þú hefur ekki þorað að svara fram
að þessu.
Málsmeðferð þéssara opinberu
starfsmanna til að bjarga sýslu-
mannssyninum frá þessu þjófnað-
armáh verður þeim til ævarandi
skammar.
Árið 1958 neyddi stjórn Fisk-
veiðasjóðs, undir stjóm Elíasar
Þorsteinssonar, fóður minn, sem
þá var útgerðarmaður og fiskverk-
andi, til að selja nýtt og stórt fisk-
hús sem hann átti og var nýbúinn
að byggja, til þess eins að geta látið
flokksbróður sinn og vin hafa. Það
geta flestir séð að við feðgar höfum
ekki verið vinmargir innan stjóm-
ar Fiskveiðasjóðs um dagana þótt
flestir sem til þekkja viti hvar við
höfum staðið og hveija við höfum
stutt í okkar landspóUtík.
Ég ætla að reyna að gera enn eina
tilraun til að vekja athygU á þessu
ódæði sem þessir opinberu starfs-
menn frömdu 1982.
Þeir hafa lengstum haft líf og til-
vist manna í höndum sér þessir
menn sem að framan er getið. Ekki
einn einasti þessara elskulegu vina
þorir svo mikið sem að láta heyra
frá sér eitt aukatekið orð, þetta em
hinir sönnu synir þjóðarinnar.
Þeirra vegna er ég öreigi í dag.
Magnús Þ. Sverrisson
„Fram að þessu hafa opinberir starfs-
menn, sem fjallað hafa um málið, varið
auðvaldið dyggilega.“