Dagblaðið Vísir - DV - 29.12.1988, Blaðsíða 4

4
FIMMTUDAGUR 29. DESEMBER 1988.
Viðskipti
Einu gjöfulasta ári í
sjávarútvegi að Ijúka
Nu er senn á enda eitt gjöfulasta ár i sjávarútvegi hjá islendingum. Aflinn verður um 1770 þúsund lestir og
verð hefur verið hátt á mörkuðum.
Senn er á enda eitt gjöfulasta ár
sem verið hefur nokkru sinni með
íslensku þjóðinni. Aílinn verður
yfir 1770 þúsund lestir og verð hef-
ur verið hátt á mörkuðum, eins og
t.d. á fiskimjöli og lýsi. Freðfiskur
virðist vera á uppleið á ný í Banda-
ríkjunum, svo að útlit er mjög gott
hvaö markaðsmál varðar. Japans-
markaður hefur verið mjög hag-
stæður þó úr dragi i bili. Markaðs-
horfur í Evrópu eru einnig góðar,
verð á ferskum fiski hefur yfirleitt
verið gott þó einstöku sinnum hafi
fiskverð lækkaö nokkuð og þá yfir-
leitt í stuttan tíma. Afríkuríkin og
Austurlönd íjær auka stööugt
framboð sitt á alls konar fiskteg-
undum en mest mun framboð
þeirra verða á rækju og humri,
þannig að við íslendingar getum
verið vongóðir um góða afkomu á
næsta ári. Ég óska landsmönnum
öllum til sjávar og sveita gleðilegs
árs og farsældar á komandi ári.
Samdráttur í fiskveiðum EBE
Mikill niöurskurður á fiskveið-
um á svæðum Efnahagsbandalags-
ríkjanna var samþykktur í ár í
Brussel. Fiskveiðiráðherrar EBE-
landanna samþykktu mikinn nið-
urskurð á veiðum árið 1989. Þetta
var niðurstaöa fiskveiðiráöherra
Efnahagsbandalagsríkjanna eftir
23 tíma langan fund. Stjómin hefur
fariö að ráðleggingum fiskifræð-
inga sem töldu að mikil hætta væri
á að margir fiskistofnarnir ættu sér
ekki viðreisnar von nema að veiðin
á þeim yrði minnkuð verulega.
Þessi ákvörðun ráöherranna mun
valda miklu atvinnuleysi í Bret-
landi og öðrum EBE-löndum á
næsta ári, hjá fiskimönnum og fisk-
vinnslufólki.
Samþykkt var að lokum aö ef
fiskifræðingar teldu eftir rann-
sóknir um mitt næsta ár að stofn-
arnir hefðu styrkst þá yrði leyfð
aukin veiði í samræmi við álit fiski-
fræöinganna.
Ýsuveiði minnkar mest
Mestur niðurskuröur kvótans
var á ýsunni en þar var samþykkt
65% minnkun á veiðunum.
Egyptaland. Samkomulag hefur
orðið milli Japana og Egypta um
aðstoð Japana við að koma á rann-
‘sóknarverkefnum og skólahaldi í
fiskirækt. Fyrsta verkefnið verður
að rannsaka Nasservatniö í Aswan.
Til verkefnisins verður varið 3
milljónum dollara og sér Aswan
Center for Fishery Studies um
verkefnið. Á meðan á þessum
rannsóknum stendur veröa 6 jap-
anskir fiskeldisfræðingar í Aswan
og 11 Egyptar verða við nám í fisk-
eldi viö japanskan háskóla í Tókíó.
Eins og fram kemur i þessari litlu
Fiskmarkadir
Ingólfur Stefánsson
frétt er alls staðar verið að auka
eða undirbúa aukningu í fram-
leiðslu á fiskmeti. Mörg lönd í Afr-
íku, Asíu og Suður-Ameríku eru
með miklar áætlanir um aukið
fiskeldi og er þá stefnt á sömu
markaði og við seljum okkar fram-
leiðslu á. Er því mikil nauðsyn á
að halda vöku sinni og framleiða
aöeins fyrsta flokks vöru.
Indverjar auka fram-
leiðslu á fiskmeti
Indland. Indverska stjórnin legg-
ur mikið fé í framleiösluaukningu
á flskmeti. Þar er um að ræða djúp-
sjávarveiðar ásamt framleiðslu á
alls konar fiskmeti í landi, svo sem
vatnarækju og humri í eldisstöðv-
um í sjó. Búist er við að aukinn
útflutningur á fiskmeti verði um
15% á þessu ári en nú er veriö að
koma í gang nýjum eldisstöövum
fyrir rækju og humar í ýmsum
borgum í Indlandi, auk þess sem
annar eins fjöldi stööva er á leið-
inni samkvæmt skipulagi.
Rækjueldi í Kólombíu
Kólombia. í Kólombíu standa yfir
miklar framkvæmdir við eldis-
stöðvar fyrir rækju og humar. Á
einu svæði er nú verið að setja í
gang eldi á 400 ha. svæði sem er
skipt niöur í litlar tjarnir og í
hverja tjörn er áætlaö að setja 15
millj. liría á mánuöi.
Túnfiskverksmiðja á Spáni
Madagskar. Hinn Evrópski fjár-
festingarbanki (EIB) hefur lagt
fram 5,7 millj. ECU til hönnunar á
túnfiskverksmiðju á Madagaskar.
Aðallega verður um niðursuðu á
túnfiski að ræða. Einnig verður
rekinn þarna fiskimjölsverk-
smiðja. Alls verða lagðar í þessa
verksmiðju 14,5 millj. ECU. Að
þessum framkvæmdum standa auk
fjárfestingarbankans Caise Central
Corporaio og Pech Froid Ocean
Indien. Pech et Froid sér um rekst-
ur fyrirtækisins. Starfsfólk verður
270 manns. Margar þjóðir aðrar en
hér hafa verið taldar eru með mikl-
ar ráðagerðir um aukningu á fisk-
framleiðslu og virðist aðallega vera
stefnt að dýrari tegundum svo sem
rækju og humri og öðrum krabba-
dýrum.
Surimi blandað kjöti
Bandaríkin. Nýlega hefur komið
á markaðinn í Bandaríkjunum su-
rimi blandað kjöti. Alaska pollock
er um 90% en kjöt 1Ö%. Hráefniö
er fengið frá þrem verksmiðjuskip-
um og frá verksmiðjum í landi.
Alls verða 40.000 tonn notuð í þessa
framleiðslu á þessu ári.
Southwest Style Golden Morsels,
sem framleiðir surimi, hefur reynt
að blanda það með kjúklingakjöti,
auk tómata og annarra kryddefna.
Þessi réttur kallast „Bay-loni“. Nú
er einnig fariö að ræða um að búa
til surimi úr laxi, en offramboð
hefur verið af honum á haustmán-
uðum. Framleiðsla sjávarafla hef-
ur aukist ár frá ári og er aukningin
um ein milljón árlega. Svo virðist
að ef ein tegundin minnkar finnist
önnur tegund sem notuð er í stað-
inn. Það virðist svo að mörg sé
matarholan. Stórþjóðirnar virðast
ekki setja það fyrir sig hvar aflinn
fæst, hann er tekinn þar sem hann
er hveiju sinni.
í dag mælir Dagfari___________________
Sundraðir stöndum vér
Sú var tíðin að Jón Baldvin geyst-
ist um landið og spurði: Hver á ís-
land? Sú var líka tiðin að Ólafur
Ragnar Grímsson þeyttist heim-
sálfa á milli og leysti heimsgátuna.
Jón vildi eignast ísland en Ólafur
heiminn og báðir sátu þeir, full-
hugarnir, úti í kuldanum, veður-
barðir eftir áralanga eyðimerkur-
göngu milli stjómmálaflokka og
kjördæma. Það eiga þeir nefnilega
sameiginlegt, Jón Baldvin og Ólaf-
ur Ragnar, aö þeir eiga báöir ís-
landsmet í flokkaflakki. Jón var
snemma baráttumaður í Alþýöu-
bandalaginu og Ólafur í Framsókn-
arflokknum. En þeir héldust illa í
flokki og svo fór að sameiginlega
stofnuðu þeir Samtök frjálslyndra
og vinstri manna og dreymdi um
stóra landvinninga og glæsta fram-
tíö. Ekki voru þeir fyrr komnir í
framboð fyrir þennan flokk sinn
en hann var lagöur niður sökum
fylgisleysis og enn fóru þeir á flakk
og nú sinn í hvora áttina. Ólafur
sótti um inngöngu í Alþýðubanda-
lagiö en Jón Baldvin í Álþýöuflokk-
inn. Höföu þar með verið gerð
endaskipti á hlutverkum og sögð-
ust þó báðir vera komnir heim.
Þessir svellköldu og veraldar-
vönu ferðamenn í pólitíkinni brut-
ust fljótt til valda i sínum nýju
flokkum og lauk svo þeirri frægð-
argöngu að báðum tókst að hrekja
forystumenn flokka sinna á flótta,
magna upp uppdráttarsýki og
splundra svo fylginu að ekki var
eftir nema sá einn kostur að af-
henda þeim völdin. Hófst þá nýtt
ferðalag þeirra fóstbræðra, annar
hélt í víking til útlanda og lagði
undir sig heimsfriðinn. Hinn leitaöi
að eigendum að sínu eigin landi í
alkunnri fundaherferð.
Nýjasta afrek þeirra félaga er al-
þjóö kunnugt. Þeir hafa myndað
ríkisstjórn undir forystu fram-
sóknarmanna, sem þeir hafa hing-
að til hatað eins og pestina, og með
hjálp huldumanna frá Auðbrekku
og Borgaraflokki. Þannig hafa þeir
ekki aöeins sameinað sjálfa sig
heldur líka sameinast svörnustu
andstæðingum sínum og framliðnu
fólki úr öðrum flokkum, sem þeir
hafa áður tilheyrt. Fer nú varla að
veröa spurning um það lengur
hveijir eigi ísland enda ætla þeir
félagamir aö ferðast um þetta land
sem þeir eiga og segja kjósendum
frá því hvemig komast eigi til valda
með því aö leggja undir sig flokk-
ana.
Jón Baldvin og Ólafur Ragnar
munu báðir halda framsöguerindi.
Jón Baldvin mun skýra frá því
hvað honum tókst vel upp í íjár-
málaráðuneytinu. Ólafur mun
skýra frá því hvers konar óstjóm
var á fjármálaráðuneytinu. Jón
Baldvin mun skýra frá stuðningi
sinum við Nató. ðlafur mun skýra
frá andstöðu sinni gegn Nató. Jón
Baldvin mun segja frá stuðningi
sínum viö matarskattinn og afnámi
samningsréttarins. Ólafur mun
segja frá andstöðu sinni við matar-
skattinn og afnámi samningsrétt-
arins. Jón Baldvin mun segja frá
því hvers vegna hann yfirgaf Al-
þýðubandalagið. Ólafur Ragnar
mun segja frá því hvers vegna hann
gekk í Alþýðubandalagið. Ólafur
Ragnar mun segja frá því hvers
vegna hann gekk úr Framsóknar-
flokknum. Jón Baldvin mun segja
frá því hvers vegna hann hóf sam-
staif við Framsóknarflokkinn.
Þetta verða eflaust hinir lífle-
gustu fundir sem þeir félagar munu
boða til í sameiningu. Þeir munu
lýsa því fyrir áheyrendum hvernig
pólitíkin gengur fyrir sig í ríkis-
stjórn þar sem skrattinn hittir
ömmu sína og þeir munu lýsa því
hvernig menn verða samheijar
með því að vera mótherjar. Ekki
er að efa að þeir munu jafnframt
skýra frá áhuga sínum á því að
stofna sameiginlegan A-flokk til að
halda uppi mismunandi stefnu í
utanríkismálum, skattamálum,
samningsréttarmálum og viðhorf-
um sínum til Framsóknarflokks-
ins. Kúnstin við að sameinast með
þessum hætti er fólgin í því að fara
í nógu marga flokka því ef menn
fara í nógu marga flokka þá er óhjá-
kvæmilegt að þeir mætist I einum
flokki einhvers staðar á hringferð-
inni. Það er heldur ekki aðalatriðið
í pólitíkinni hvort menn séu sam-
mála. Aðalatriöið er að vera form-
aður í flokki sem maður tilheyrir
i augnablikinu. Ef illa gengur má
alltaf skipta um flokk! Eiga þeir
ekki einn flokk eftir, Sjálfstæðis-
flokkinn?
Sundraðir stöndum vér. samein-
aðir fóllum vér.
Dagfari