Dagblaðið Vísir - DV - 16.06.1989, Side 16
16
FÖSTUDAGUR 16. JÚNÍ 1989.
Popp
Málaferli
og leiðindi
milli Bítlanna
Ósættið er algert miUi Pauls
McCartney annars vegar og hinna
Bítlanna hins vegar. Ástæðan er
þessi gamla og góða: Peningar. Það
er komið í ljós að Paul fær hærri
upphæðir fyrir sölu gamalla platna
með The Beatles en hinir.
George Harrison, Ringo Starr og
Yoko Ono, ekkja Johns Lennon, vilja
ekki una því að fá lægra hlutfall af
söluhagnaði Bítlaplatnanna en Paul
McCartney. Þau hafa því kært hann
og krefjast þess að hann verði á sömu
prósentum og þau hin.
Samningar
Paul McCartney segir skýringuna
á þessum mun sáraeinfalda. í viötali
við tímaritið Rolling Stone nú nýver-
ið skýrði hann máiið. „Ég fór til Capi-
tol (útgáfunnar) og gaf sex plötur
með mér - gerði sex platna samn-
ing,“ sagði Paul. „í þessum samningi
fengu Eastman karlamir (tengdafólk
Pauls og lögfræðilegir ráðunautar)
því framgengt að greiðslumar til mín
fyrir gömlu Bítlaplötumar vom
hækkaðar.
Capitol á nefnilega líka dálítinn
hlut í Bítlaplötunum og hækkunin
til mín var tekin af þeim hlut - ekki
gömlu félaganna minna. Mér fannst
ekkert að því að gefa þar sex plötur
með mér og segja um leið „Ég vil fá
dálítið af því sem þið hafið fengið
fyrir sölu á Bítlaplötunum.“ Ég hefði
alveg eins getað beðið um hlut af því
sem útgáfan hefur grætt á Beach
Boys plötum eða heimtað hluta af
húseign Capitol. Mér finnst ég geta
farið fram á eitthvað sem Capitol á
í skiptum fyrir eithvað sem ég á.
Félögum mínum, sem léku með mér
í The Beatles, kemur það ekkert við.“
Einn fyrir alla
Vandinn er hins vegar sá að Yoko,
George og Ringo finnst þeim koma
það við að Paul McCartney ber meira
úr býtum en þau þijú. Paul segist
vera búinn að útskýra málið fyrir
þeim.
„Við héldum heljarmikinn fund.
Þar skýrði ég mína hlið og sagðist
ekki geta skilið að ég hefði gert neitt
rangt. „Þótt þið fáið alla restina af
því sem Capitol á í Bítlaplötunum
skiptir það mig engu máli. Ég sam-
gleðst ykkur bara,“ sagði ég við þau.
En þau vilja enn starfa eftir reglunni
einn fyrir alla og allir fyrir einn. Það
er í sjálfu sér ágætis regla. En hljóm-
sveitin hætti bara árið 1969. Mér
finnst ég ennþá muna eitthvað eftir
þeim slitum."
Paul McCartney. Hann segir það ekki sér að kenna að hann nái hagstæðari samningum við plötuútgefandann sinn
en þeir hinir.
litið um árekstra dans-
hljómsveitanna í sumar
Jón Ólafsson: Kannski svona vel raðað niður af ótta við kreppu
Popphljómsveitir landsins eru
hver af annarri að skríða úr híðinu
og taka nú stefnuna á danshús og
félagsheimili vítt og breitt um landið.
Ferðalög hljómsveitanna hafa verið
auglýst í blöðum aö undanfómu og
virðist óvenjulítið um það þetta sum-
arið að þær rekist hver á aðra. Það
er að segja lendi í harðvítugri sam-
keppni með þvi að vera með dans-
leiki í næsta nágrenni hver við aðra.
„Þetta er svo sem ekkert sérstak-
lega skipulagt,“ segir okkur Jón Ól-
afsson, píanó- og orgelleikari Bítla-
vinafélagsins. „Við vorum reyndar
með þeim fyrstu að ganga frá okkar
málum og forsvarsmenn nokkurra
hljómsveita höfðu samband við okk-
ur og fengu uppgefna áætlun sum-
arsins. Það hefur kannski hjálpað til
að afstýra árekstrum. Ef svo er má
bara segja að það sé af því góða. Sem
betur fer veit ég ekki til þess aö nein
hljómsveit sé í baráttunni til að
reyna að eyðileggja fyrir annarri."
Versnandi efnahagur
Að sögn Jóns er enn ómögulegt að
segja hvort samdráttur er í dans-
leikjahaldi og poppbransanum yfir-
leitt frá fyrri árum.
„Það em margir smeykir við sum-
arið,“ segir hann. „Atvinnuleysi hef-
ur aukist talsvert frá fyrra sumri og
það er lægð í efnahagslífinu. Þetta
getur haft slæm áhrif. Kannski er
það vegna þessa sem popparar passa
nú vandlega upp á að rekast ekki
hverjir á aðra á dansleikjum sumars-
ins.
Auk dansleikjahalds í sumar ætlar
Bítlavinafélagið að taka upp stóra
plötu. Hún kemur út fyrir næstu jól.
Á henni verður allt efni frumsamið.
Kannski vegna óvæginnar gagnrýni
sem 12 íslensk bítlalög fengu fyrir
jólin?
„Nei, nei, ekkert frekar,“ segir Jón
Ólafsson. „Við eigum orðið mikið af
frumsaminni tónlist sem við þurfum
að koma frá okkur. Og þetta með
gagnrýnina: Ég held að hún hafi
mestmegnis komið frá svekktum
poppurum sem seldu minna af plöt-
um en við fyrir jólin og hefðu ein-
mitt gjaman viljað nota hugmyndina
okkar um að endurlífga ýmis gömul
íslensk bítlalög. Við slíku er ekkert
að gera.
REO-vinafélagið?
Gestir Bítlavinafélagsballanna í
sumar eiga væntanlega eftir að veita
athygli mikilli mublu, Hammond
orgeli, sem Jón Ólafsson er nýbyijað-
ur að spila á. Orgel þetta er merkt
iðnaðarrokkhljómsveitinni REO
Speedwagon í bak og fyrir. Mun hafa
þjónað orgelleikara þeirrar sveitar
dyggilega til skamms tima. -ÁT-