Dagblaðið Vísir - DV - 19.02.1990, Blaðsíða 12

12
Spumingin
Hvert er uppáhalds-
sjónvarpsefnið þitt?
Grímur Thorarensen bifvélavirki:
Það veit ég ekki. Alf er jú góður.
Sverrir Ingjaldsson nemi: Barði ham-
ar er nokkuð öflugur.
Halldór Guðmundsson bifvélavirki:
Barði hamar, tvímælalaust.
Þorsteinn Sigtryggsson: Barði ham-
ar er langbestur.
Haukur Hauksson verkamaður: Bíó-
myndir, aðallega spennumyndir.
Benedikt Vilhjálmsson verslunar-
maður: Það eru fréttimar að sjálf-
sögðu.
MÁNUDAGUR 19. FEBRÚAR 1990.
Lesendur
Nýir tímar:
Átján mánaða
meðganga haf in
Konráð Friðfinnsson skrifar:
Nú bendir flest til þess að nýju
samningamir hljóti náð hjá meiri-
hluta launamanna. Áður en lengra
er haldið vil ég minna á að vörurn-
ar í búðarhillunum eiga ekki að
hækka frá núgildandi verði næsta
eina og hálfa misserið. Gerist það
er greinilega um sáttarof að ræða
og sú spuming hlýtur þá að vakna
hvort samkomulagið haldi stund-
inni lengur.
Verkalýðsfélögin lofuðu strangri
verðgæslu, sem ég tel óframkvæm-
anlega. Hafa þessir ágætu menn
kannski auga á hverjum fingri? Það
eina sem blífur hér er auðvitað
drengskapur hvers og eins. Án
hans springur heila gillið, svo ein-
falt er málið. Á göfuglyndið ætla
ég hins vegar að trúa uns annað
kemur á daginn.
Þrátt fyrir hömlur kjarasamning-
anna geta fyrirtækin aukið sinn
arð, að mínu áliti. Alla vega þau
útsjónarsömu. Það gerist einfald-
lega þannig að gerð em hagkvæm-
ari innkaup og allir græða, sérstak-
lega hinir lægstlaunuðu. Upp-
stokkun í kerfinu verður reyndar
að eiga sér stað ásamt því að fjötra
fiármagnsmarkaðinn, eigi enn ein
fórn púlsmanna ekki að renna út í
sandinn. Svona atrenna verður
nefnilega aldrei aftur viðurkennd
eða reynd, bregðist þessf Þetta
ætti fólk að hafa hugfast.
Núna er einnig kjörið tækifæri
fyrir félaga mína í bændastétt að
ráðast á innviði síns eigin kerfis
og reka afætulýðinn af höndum
sér. Staðreyndin er sú að allir sem
drepa fingri í afurðir sveitabýlanna
taka fullt gjald fyrir. Og þegar
reikningarnir eru síðan gerðir upp
situr framleiðandinn, sá er afrekið
vann, eftir með sárt ennið og
minnst í veskinu. Sláturkostnaður
þarf líka að dala. Hann er þó, að
ég hygg, innanhússmál bænda og
þarf að ræða á þeim vettvangi. Tak-
ist bændum að „hreinsa til“ aukast
tekjur þeirra að sama skapi.
Eitt að lokum: Kjósi þegnarnir
endilega að eigna einhverjum verk-
ið ber að ánafna öllum þátttakend-
um það jafnt en ekki eingöngu for-
manni vinnuveitenda, enda ekki
starf neins eins manns. Með fullri
virðingu.
Svæðisútvarp
Norðurlands
Árni, Akureyri, skrifar:
Ég vil taka undir orð Halldóm
Sverrisdóttur í DV 6. febr. sl; um rás
„allra landsmanna" og um leið votta
þeim þjóðarsálum hér fyrir norðan
samúð mína með aö hafa loks lent í
þessu neti, Svæðisútvarpi Norður-
lands, þ.e.a.s. ef þetta varð til þess
að þeir misstu Rás 2 á þessum tíma.
Þarf maður virkilega að fara að
trúa því að þjóðarsálin sé öll á Suð-
urlandi? Það er alveg grátlegt að einn
vinsælasti útvarpsþátturinn á Rás 2
skuli vera tekinn af okkur lands-
mönnum þegar best lætur. Þessi
skoðanakönnun, sem Erna Indriða-
dóttir var að tala um í útvarpinu um
daginn, og sem hún sagði að heföi
leitt í ljós ótvíræðan vilja Norðlend-
inga til að hafa svæðisútvarp frekar
en þjóðarsáhna - ja, ég hefði gaman
af að vita hvar og hvenær sú könnun
var gerð. Mér kæmi ekki á óvart
þótt hún heföi verið innan veggja
RÚV Akureyri! Alla vega sá ég ekki
eða heyrði um þessa könnun.
Ég sé ekki tilgang með þessu svæð-
isútvarpi; hrútleiðinleg viðtöl og
annað spjall um ekki neitt. Ég held
að besta leiðin til að fá ykkur þarna
fyrir sunnan til að skipta um skoðun,
ykkur sem ákveðið að þröngva þessu
efni upp á okkur „hinar þjóðarsálirn-
ar“, sé að láta ykkur hlusta á viku
til tíu daga skammt af þessu efni og
efast ég ekki um vilja ykkar til að
breyta þessu að því loknu. Svo hlýtur
það að spara tugi milljóna á ári
hverju í rekstri útvarpsins. Eða veit-
ir nokkuð af því til að létta RÚV
nýju samningana?
Eg skora nú á alla svæðisútvarps-
þolendur að láta í sér heyra um þetta
mál og afgreiöa það í eitt skipti fyrir
öll. Alla vega finnst mér við geta gert
tvær lágmarkskröfur, annað hvort
að breyta útsendingartíma svæðisút-
varps (t.d. frá 01-02 eftir miðnætti)
svo að við heyrum þjóðarsálina (okk-
ar sál) eða breyta nafni þáttarins í
„Suöurlandssálin“.
Strætisvagnar Kópavogs:
Ekki nógu góð þjónusta
Kópavogsstúlkur skrífa:
Okkur langar til að koma á fram-
færi kvörtun yfir strætisvagnaþjón-
ustu Kópavogs. Síðastliðinn föstudag
var ég og vinkona mín á leið í dans-
tíma meö strætisvagni. Þegar vagn
nr. 22 setti okkur úr á skiptistöðinni
og við ætluðum að taka vagn nr. 20
til að komast í dansinn var hann far-
inn.
Ástæðan var sú að vagn nr. 22 var
of seinn og hinir vagnamir fóru á
undan honum. Okkur var þá sagt að
ef vagninn væri of seinn þyrftum við
að láta vagnstjórann vita og biðja þá
hina vagnana að bíða.
Okkur finnst þetta ekki góð þjón-
usta. Vagninn á að vera á réttum
tíma og ef eitthvað kemur upp sem
orsakar að vagninn verði of seinn á
vagnstjórinn sjálfur að hafa frum-
kvæði um að biðja hina vagnana að
bíða. Farþegarnir eiga ekki að þurfa
að segja honum það.
Þetta ofangreinda atvik endaði með
því að við þurftum að taka leigubil
til að verða ekki allt of seinar og
kostaði það okkur 570 kr. að við-
bættum 110 kr. í strætisvagninn að
óþörfu. Við viljum benda á að þeir
sem ekki hafa bíl til umráða þurfa
að geta treyst á strætisvagnaþjón-
ustuna. Og þetta er ekki einsdæmi.
Barnastjarnan Shirley Temple -
eins og margir muna hana.
Magnús hringdi:
Um helgina kemur hingað til
lands nýr forseti Tékkóslóvakíu
ásamt 80 manna fylgdarliði. Þessi
heimsókn tékkneska forsetans er
mest fyrir það að hér er verið að
sýna eftir hann leikrit í Þjóðleik-
húsinu og hefur honum verið
boðíð (ekki veit ég hver þauð, en
líklega borga ég það eins og aðr-
ir) að vera viðstaddur eina sýn-
ingu verksins.
Þessa heimsókn lætur íslensk-
ur almenningur sér fátt um
finnast, eins og um aðrar heim-
sóknir manna sem við höfum litl-
ar spurnir haft af. Hingað eru
alltaf að koma einhverjir ráða-
menn erlendra ríkja og stjórnar-
erindrekar sem standa stutt viö.
Þeir snæða ýmist á Bessastöðum
eða í Ráðherrabústaönum i
Tjarnargötu. Það eru teknar
myndir af þeim og einum eða
tveimur islenskum ráðamönnum
(nöfnin talin frá vinstri) og síðan
ekki söguna meir.
Ekki reikna ég með að almenn-
ingur hér á landi hafi meiri áhuga
fyrir að sjá og heyra forseta
Tékkóslóvakíu en aðra menn
þarna að austan. Þetta fólk hefur
verið afskaplega fjarlægt okkur
og verður vonandi enn um ókom-
in ár. Það er því meö ólíkindum
að vera að fylla blöð og aðra fjöl-
miðla af frásögunum um væntan-
lega heimsókn þessa ágætis-
manns ásamt 80 manna fylgdar-
liðinu (þá munar ekki um þaö
þarna fyrir austan!).
Mér fannst það hins vegar vera
meira fréttaefni og forvitnilegt
um leið að sendiherra Bandaríkj-
anna í Tékkóslóvakíu, fyrrver-
andi leikkona og barnastjarna á
leiksviöi, Shirely Temple Black,
skuli koma hingað í sömu flugvél
og forsetinn. Ég tek þessa fyrrum
dáðu leikkonu fram yfir forset-
ann og svo hygg ég að margir
aðrir geri. Það verður fróðlegt að
sjá hvor þessara persóna fær
meiri athygli hér á landi. - Mér
þætti ekki ólíklegt að Shirley
Ternple fengi alla athyglina eftir
allt.
Það sárvantar
fólk...
S.J. skrifar:
Ég þakka kærlega fyrir kjallara-
grein Þórarins Víkings í DV15. þ.m.
Það sárvantar fólk eins og Þórarin
Víking í forystusveit hagsmunasam-
taka fiskvinnslufólks, fólk sem hefur
skilning á aðalmálinu, þ.e. afkomu
þessa fólks.
Það fólk sem þar ræður gangi mála
og hefur lengi gert virðist vera
„heilalaust hyski“ sem eingöngu
hugsar um eigin frama innan verka-
lýðshreyfmgarinnar. Hversu lengi
ætlar fiskvinnslufólk að láta kúga
sig?
Fiskvinnslufólk, hristið af ykkur
slenið og stofnið ykkar eigin hags-
munasamtök. Látið ekki endalaust
setja ykkur undir sama hattinn og
fólk í þjónustugeiranum. - Laun í
útflutningsframleiöslugreinunum
eru ekki verðbólguvaldandi.
Skelegg grein Þórarins Víkings birtist í DV fimmtudaginn 15. febr. sl.