Dagblaðið Vísir - DV - 18.06.1990, Blaðsíða 4

Dagblaðið Vísir - DV - 18.06.1990, Blaðsíða 4
MÁNUDAGUR 18. JÚNÍ 1990. Fréttir Beinin, sem fundust í Vopnafírði, verða rannsökuð enn frekar: Gætu gef ið vísbendingu um landtengsl við meginlöndin " Flest bendir nú til þess að bein sem Grétar Jónsson frá Einarsstöðum fann í Þuríðargili í Vopnafirði fyrir tíu árum geti haft ómetanlega þýð- ingu fyrir hugmyndir manna um dýralíf spendýra hér á landi fyrir ís- öld og fyrir hugmyndir um land- tengsl íslands við Evrópu eða Amer- íku. LeifurÁ. Símonarsonjarðfræðing- ur rannsakaði beinin fyrstur, lét rannsaka aldur þeirra í Kaupmanna- höfn og síðan í París þar sem nú er verið að greina nánar dýrategund beinanna. Beinin munu vera úr hjartartegund, u.þ.b. þriggja til fjög- urra mflljón ára gömul. „Sumir hafa viljað kalla þetta „frétt áratugarins" fyrir íslenska jarð- fræðinga enda hafa aldrei fyrr fund- ist leifar landspendýra frá því fyrir ísöld hér á landi," sagði Leifur. ísöld hófst fyrir tveimur og hálfri milljón ára en síðasta ísaldarskeið var fyrir u.þ.b. tíu þúsund árum. „Nánari tegundagreining og sam- anburður við hjartartegundir í Norð- ur-Evrópu og Norður-Ameríku frá þessum tíma gætu svo gefið mikil- væga vísbendingu um landrek og landtengsl íslands við Ameríku eða Norður-Evrópu, en menn hafa lengi velt því fyrir sér hvort ísland hafi verið tengt við aðra hvora eða báðar álfurnar." -KGK Bæjarsfjórinn stökk ekki Veður hamlaði því að hinn nýi bæjarstjóri Kópavogsbúa, Sigurður Geirdal, gæti sett 17. júní hátíðahöld bæjarins með því að svífa til jarðar ífallhlíf. Bæjarstjórinn, sem ætlaði þarna í sitt fyrsta fallhlífarstökk, átti aö lenda á Rútstúni og setja hátíðardag- skrána með ræðu strax eftir lend- ingu. Vegna rigningar voru hátíðar- höldin hins vegar færð inn í íþrótta- hús Digranesskóla og fallhlífarstökk- ið þar með úr sögunni. Hefðbundin dagskrá fór síðan fram innandyra. Fjallkonan, Rósa Ingólfs- dóttir, ávarpaði viðstadda, nýstúdent flutti ræðu, trúðar komu í heimsókn ogfleira. -BÓl Akureyri: Sjallinn óseldur Gylfi Kristjánsson, DV, Akureyri: Hvað sem Uöur öllum sögusögnum sem eru í gangi á Akureyri er það staðreynd að veitingahúsið Sjallinn hefur ekki verið seldur og Ólafur Laufdal er enn eigandi hússins. Samkvæmt heimildum DV hafa einhverjir aöilar spurst fyrir um húsið en enginn gert í það tilboð. Sömu heimildir segja að húsið muni kosta nærri 150 milljónum króna. Olíuafgreiðsla smábáta í Akraneshöfh: Esso og Skeljungur vilja Olís ekki með Sigurður Sverrisson, DV, Akranesi: Svo kann að fara að settir verði upp tveir olíuafgreiðslutankar fyrir smá- báta við Akraneshöfn í stað eins sem fyrirhugaður var. Skeljungur og 01- íufélagið hf„ Esso, hafa sótt um að setja upp sameiginlegan tank en Olís stendur eitt að umsókn um annan tank. Mál þetta kom fyrst til kasta hafh- arstjórnar fyrir um ári þegar um- sóknirnar tvær bárust. Var þess þá strax farið á leit við félögin þrjú að þau reyndu að ná samkomulagi um einn tank. Það hefur enn ekki tekist. Að sögn Þorsteins Ragnarssonar, formanns hafnarstjórnar, er það ein- læg von hennar að samkomulag tak- ist. Þorsteinn sagði plássið í höfninni dýrmætt og því æskilegast að koma upp einum sameiginlegum tanki. Hann taldi ekki útilokað að hægt yrði að ná sáttum í málinu en ef þær næðust ekki myndi hafnarstjórn ekki standa gegn uppsetningu tveggja tanka. Samkvæmt heimfldum DV er sam- staða um einn afgreiöslutank á milli umboðsmanna olíufélaganna þriggja á Akranesi. Hins vegar mun lítill áhugi á því á meðal stjórnenda Olíu- félgsins og Skeljungs að fara í sam- starfviðOlís. Hestamaður rotaðist Rósa Ingólfsdóttir var fjállkona Kópavogsbúa í gær. DV-mynd Hanna Hestamaður í Grindavík, sem var aö vinna með átta hross í rétt, komst heim til sín við fllan leik. Ekki er að fullu vitað hvað henti manninn en grunur leikur á að eitt hrossanna hafl sparkað í hann. Eftir að honum hafði tekist aö komast heim leið hann útaf. Eftir að maðurinn var kominn und- ir læknishendur kom í ljós að hann var með brákaða höfuðkúpu og auk þess er hann marinn viö heila. TaUð er að maðurinn hafi misst meðvitund eftir höggið sem hann fékk. Þegar slysið varð var maðurinn að vinna að undirbúningi hrossanna fyrir Landsmót hestamanna. Samkvæmt heimildum DV er mað- urinn á batavegi. -sme I dag mælir Dagfari I mál gegn þjóðarsátt Háskólamenntaö fólk ætlar í mál við ríkisstjórnina. Það ætlar að reyna aö hnekkja þjóðarsáttinni. Þar að auki ætlar Bandalag há- skólamenntaðra ríkisstarfsmanna að kæra ríkisstjórnina til útlanda, nánar tiltekið til Alþjóða vinnu- málastofnunarinnar. Það verður sem sagt lagt allt í sölurnar til að grafa undan þjóðarsáttinni og koma í veg fyrir að íslendingar búi við lága verðbólgu til frambúðar. Þetta er djarft átak hjá háskóla- mönnum en vissulega tímabært. Það þarf bæði vel menntað og há- skólagengið fólk til slíkra ákvarð- ana. Það væri til að mynda ekkert vit í því ef Dagsbrúnarmenn eða Sóknarkonur væru að rífast í því hjá dómstólunum hvort launin eru hærri eða lægri. Ófaglærðu launa- fólki skortir alla menntun og alla þekkingu til að takast á við þjóðar- sáttina. Þaö skilur heldur ekki hætturnar sem leynast í þjóðar- sáttinni. Það áttar sig ekki á þeirri árás ríkisvaldsins, sem felst í því að koma verðbólgunni niður. Há- skólagengið fólk, sem komið er á ríkisjötuna og hefur trygga at- vinnu, hefur fullan skilning á þeim þjóöarháska sem fylgir þjóðarsátt- inni og mun gera allt sem í þess valdi stendur til að hnekkja henni. Það er sagt að Vinnuveitenda- sambandið, verkalýðshreyfingm, ríkisvaldið, bankarnir og srjórn- málaflokkarnir hafi sameinast um að gera þjóðarsátt í vor, með því að semja um nánast engin laun, til að koma skikki á efnahagsmálin. En þeir samningar voru samsæri. Samsæri þeirra afla í landinu sem hafa hag af þvi að verðbólgan fari niður og efhahagsbatinn sjáist. Þessir háu herrar segja að halda verði launum, vöxtum og verðlagi niðri. Þeir eru alltaf að hugsa um þjóðarhag. En hvað kemur háskólamennt- uðum ríkisstarfsmönnum við hvort þjóðin lifir við sult og seyru eða hvort íslendingar búa við óða- verðbólgu eða ekki? Það sem skipt- ir háskólagengið fólk er auðvitað þeirra eigin budda og ef gert er samsæri í landinu um að halda launum háskólamanna niðri til að bæta lífskjörin, þá grípa þeir auð- vitað til sinna eigin ráöa. Láglauna- fólkið í Dagsbrún og Sókn og VR getur haft hag af lækkandi verð- bólgu og háskólamenn geta út af fyrir sig haft gagn af því líka. En það getur enginn ætlast til þess að háskólamenntað starfsfólk hjá rík- inu taki þátt í einhverri sátt sem aðrir gera. Þeim kemur þaö ekki við. Þeir eiga rétt á því að fá meiri kauphækkanir en aðrir og það er ekki þeirra mál hvort verðbólgan næst niður. Aðrir geta séð um það. íslendingar eru ekki vopnaðir. Þess Vegna er ekki hægt að berja niður þjóðarsáttina með vopna- valdi af hálfu háskólagenginna rík- isstarfsmanna. En það er hægt að fara dómstólaleiðina og það er hægt að auglýsa hina viðurstyggi- legu aðför íslenska ríkisvaldsins að óðaverðbólgunni í útlöndum og það eru einmitt þær leiðir sem BHMR hyggst fara. Islenskir dómstólar og alþjóðastofnanir hljóta aö vera fær- ar um að koma óöaverðbólgunni tfl hjálpar og verja rétt háskólamanna til að stahda vörð um emahagsöng- þveiti og upplausn á launamarkað- inum. Háskólamenn hafa áður háð harðvítuga baráttu fyrir áfram- haldandi óðaverðbólgu. Kennarar fóru í langvinn verkfóll og fengu nemendur í liö með sér. BHMR hefur alltaf staðið í fremstu víglínu þegar órói á vinnumarkaðinum ér annars vegar og háskólamenn eru sú verkalýðsstétt, hinir sönnu ör- eigar þessa lands sem hafa haft mestan og bestan skilning á gildi þess að verðbólgan geisi og launa- hækkanir kyndi undir hana. Þeir voru andvígir þjóðarsáttinni og hún kemur þeim ekki við. . Þetta munu dómstólarnir skilja og þess vegna er höföað mál á hend- ur ríkisstjórninni, svo það fáist dæmt í Hæstarétti að þjóðarsáttin sé ómerk og verðbólgan fái að lifa. Engin ríkisstjórn á aö komast upp með það gerræði að ráðast gegn verðbólgunni og viðurkenna ekki sérstöðu háskólamenntaðra ríkis- starfsmanna. Það er traustvekjandi fyrir þjóð- ina að eiga vel menntað og háskóla- gengið fólk í æðstu trúnaðarstöð- um hjá ríkinu, sem hefur þrek og kjark til að berjast fyrir réttlátri verðbólgu og bættum efnahag þjóð- arinnar. Dagfari

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.