Dagblaðið Vísir - DV - 18.06.1990, Blaðsíða 12

Dagblaðið Vísir - DV - 18.06.1990, Blaðsíða 12
12 MÁNUDAGUR 18. JÚNÍ 1990. SpumJngin Hvenær ferðu að sofa á kvöldin? Bryndís Vilhjálmsdóttir dagmamma: Ég fer yfirleitt seint að sofa, svona um tólfleytiö. Guðbjörg Valdimarsdóttir nemi: Það er misjafnt, svona á milli tólf og eitt en seinna um helgar. Elvar Aronsson, 7 ára: Klukkan tíu virka daga en svona ellefu um helgar. Ari Guðmundsson nemi: Það er jafh- misjafnt og kvöldin eru mörg. Oftast svona um miðnætti. Gunnar Ingi Hafsteinsson nemi: Á milli hálftólf og tólf. Um helgar vakir maður fram undir morgun. Lesendur Islensk framtíð og ofurtrú á sérstöðu: Ekkert í Evrópu, allt í Amerflcu Eiríkur Símonarson nemi: Eitt til tvö. Um helgar sofna ég klukkan níu á kvöldin. Ragnar Guðmundsson skrifar: Nú ganga ýmsir forsvarsmenn okkar fram með oddi og egg í að kynna framtíð íslendinga, sem liggi í Evrópusamvinnu og inngöngu í Evrópubandalagið. Það hefur meira að segja verið stofnaður sérstakur samstarfshópur atvinnulífsins um evrópska samvinnu og hefur fengið heitið „SATES" samkvæmt hinni landlægu skammstöfunarreglu. Þarna er um að ræða alls kyns hópa og af mjög ólíku sauöahúsi, bæði hvað varðar srjórnmálaskoðan- ir og atvinnuhagsmuni. Nefna má sjálft Alþýðusamband íslands, BSRB, Félag ísl. iðnrekenda, Félag ísl. stórkaupmanna, Landssamband iðnaðarmanna, Stéttarsamband bænda, Verslunaráð íslands, VSÍ og Útfiutningsráð íslands. Ekki er annað að heyra og sjá en að flest þessi samtök vilji standa saman um þá framtíð sem okkur er búin í Evrópubandalaginu og virðast einnig vilja stuðla að því að þau geti farið aö gera sig gild í evrópskri sam- keppni sem allra fyrst. - Með eða án „sérstöðunnar" sem þó hefur verið eitt helsta hálmstráið sem gripið hef- ur verið til, þegar áskakanir hafa verið um að fara of geyst og ætla að láta slag standa um séríslensk fyrir- Liggur framtíð Islendinga i kristalsölum Brussel-báknsins - eða í fríverslun- arsamningi við Bandaríkin? Því svarar bréfritari fyrir sitt leyti hér að ofan. bæri, svo sem fiskveiðilögsögu, þjóð- erni, tungumál, og hvaðeina sem á tyllidögum er hampaö sem undir- stöðu aö tilveru þjóöarinnar. En hvaða framtíð erum við að sækjast eftir í gömlu Evrópu, sund- urskotinni í fjöldastríðum aldanna, samankreistri af keisurum, kóngum, lénsherrum og kúgurum allt til þessa dags. Hvaða skyldum erum við að sækjast eftir? Hvar stöndum við í næstu styrjöld sem háð verður í Evr- ópu, eða hve mörgum fióttamönnum verður okkur gert skylt að taka við þegar fólksstraumurirtn hefst frá Sovétlýöveldunum til annarra landa Evrópu? - Við skulum ekki gleyma því að Rússland og fleiri ríki innan Sovétlýðveldisins eru hluti af Evr- ópu og eini griðastaður fólks frá þeim ríkjum, ef til kemur, er að flýja í vesturátt. Ég get ekki séð að við íslendingar eigum neitt vantalað um sameiningu við Evrópu nútímans, frekar en við áttum áður við Evrópu fortíðarinnar. Evrópa hefur aldrei getað staðið ein þegar á reynir og mun ekki frekar geta í náinni framtíð, þótt hún sam- eini mynt og afnemi tollskýli um þjóðbraut þvera. Það er í Vesturheimi sem við ís- lendingar getum vænst stuðnings úr því sem komiö er. Þar eigum við að leita eftir samningum um fríverslun, sem nægir okkur og myndi vera án kröfu um afnot af fiskveiðilögsögu eða annarra skilyrða um afsal á landi eða lausafé. - Það er ábyrgðarhluti íslenskra ráðamanna að æra svo ís- lenskan almenning að hann heyri og sjái þá eina framtíð að eigra kol- timbraður um kristalsali Briissel- báknsins og biðja um góðan skilning á sérstöðu Islands sem hafi óvart álp- ast til að taka þátt í ævintýrinu. Konur til bjargar Þórarinn Björnsson skrifar: Mig langar til að koma á framfæri fyllsta stuðningi mínum við Jafnrétt- isráð og lýsa yfir stuðningi mínum við konur almennt. Það getur ekki gengið lengur þetta karlaveldi, aftur úr forneskju, og að karlar séu eingöngu eða að mestu leyti leiöandi afl í framkvæmdum og á miklu hærri launum í þjóðfélaginu. - Ég spyr okkur karlmenn: Hvar værum við staddir ef viö hefðum ekki konur til að flýja til og leita huggunar hjá þegar illa gengur? Þær ala okkur börn og hugsa um þau að mestu leyti meðan þau eru ósjálf- bjarga. Hér á íslandi væri engin þjóð ef konur fyrr á árum hefðu ekki drýgt herjudáðir til bjargar íslenskum heimilum frá vergangi og upplausn - og gera enn í dag. Ég læt þessu lokið að sinni, en ég hugsa ávallt til ykkar, konur, með hlýjum hug og opnu hugarfari. - Svo óska ég yfirráða kvenna alla næstu öld til að jafna reikningana við okkur karlana. Svíar lina skattheimtuna sól og sumaryl á útimarkaði á Húsavík. Land tvískiptrar veðráttu Guðjón Ólafsson skrifar: Það er 'ónotaleg tilflnning, finnst mér, að uppgötva að í landi okkar hefur nú um nokkurt skeið veriö við- varandi eins konar stöðluö veðrátta, sem er okkur hér á suðvesturhorn- inu allverulega í óhag. Og það er ekki einu sinni svo gott að annað- hvort sé hér vondur vetur og þá sæmilegt sumar eða öfugt heldur þarf veðráttan að vera með þeim ummerkjum að nú orðið er hér sunn- anlands, og alltaf á suðvesturhorn- inu, hin andstyggilegasta veðrátta sem hugsast getur allt árið. Auðvitað erum við hér á þéttbýlis- svæðinu ekkert verr sett en aðrir á þessu stóra svæði, en það versta við þetta er að ekki er von á neinum breytingum í bráð og veðráttan fer frekar kólnandi en hitt. Noröanlands og allt til Austfjarða að noröan og svo á Suðurlandi aust- an til er svo allt annað og betra veð- urfar. Þrátt fyrir harðan og kaldan vetur á þeim stöðum getur fólk þó vænst þess að fá allgott sumar og stundum með afbrigðum gott, með hitastigi allt að að 25-30 gráðum. Við hér erum fóst í hitastigi í kringum 8, mest 12 gráður. Einn vinnufélagi minn, sem var að koma úr nokkurra daga ferðalagi að norðan, nánar tiltekið frá Húsavík og svæðinu þar í kring, var að segja okkur tíðindi þarna úr hlýjunni. Þar stæðu konur við straubretti í görð- unum, handverksmenn færðu vinnu sína út úr húsi og fólk léki við hvern sinn fingur í sólargeislunum. Já, þetta er orðið land óumbreytanlegrar tvískiptrar veðráttu. - Verst er að geta þá ekki skroppið noröur, t.d. helgi og helgj. vegna þess að kostnað- urinn er orðinn ofviða almenningi, fargjöld dýr og sómasamleg gjsting innanlands ásamt fæði á staðnum ekki á færi venjulegra launamanna. Eina ráðið er að flyrja norður eða austur. Það er kannski kominn tími tú. að dæmið um byggðaröskun snú- ist við. Egill Sigurðsson hringdi: Nú berast þær fréttir frá Svíþjóð að þar í landi sé hin harða skatt- heimta á'undanhaldi og nú sé svo komið að yfir 80% launþega greiði engan tekjuskatt lengur. Þetta er nú kannski ekki nema eðlilegt í því vel- ferðarríki sem Svíþjóð hefur lengst af viljað vera. En þar var þó svo kom- ið að fólk með góðar miðlungstekjur og þar yfir, var hætt að vinna ákveð- inn tíma ársins, því megnið af tekj- unum fór í skattheimtuna, á meðan fjölmennir hópar manna unnu alls ekkert og lifðu á því opinbera. Allt er þetta að snúast við, Svíar eru að draga í vírinn með greiðslur til þeirra sem sannanlega nenna ekki að vinna og létta um leið sköttum af hinum vinnandi almenningi sem hef- ur hingað til borið uppi sænskt kerfi - velferðar eða hvað sem við viljum annars kalla það. Á sama tíma og þetta gerist í Sví- þjóð róa íslendingar lífróður við að borga skatta, ekki síst staðgreiðslu- skatta af tekjum sínum (hét áður tekjuskattur) og embættismenn og ráðherrar hafa enga aðra lausn í sjónmáli en að hækka alla skatta og bæta við nýjum! - Fyrir nokkrum árum var þaö eitt helsta markmið flestra söórnmálaflokkanna ís- lensku að afnema tekjuskattinn aö fullu. Var þetta meira að segja sett í stefnuskrá stærsta flokksins hér. Ég held að íslenskir launþegar séu orðnir langeygir eftir því að geta lifað eins og aðrir launþegar í nágranna- ríkjum okkar hvað varðar afkomu- möguleika. Það gengur ekki enda- laust hjá kjörnum fulltrúum okkar aö svíkja og ganga á bak orða sinna. Það endar ekki nema með ósköpum. Væri nú ekki ráð að byrja endur- hæfingu efnahagslífsins á því að draga verulega saman eyðslu hins opinbera og létta tekjuskatti af laun- þegum, sem hafa frá 50 til 200 þúsund krónur í laun? Hringið í síma 27022 milli kl. 9 og 16, eða skrifið. ATH. Nafn og sími verður að fylgja bréfum.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.