Dagblaðið Vísir - DV - 22.09.1990, Síða 10

10
LAUGARDAGUR 22. SEPTEMBER 1990.
Myndbönd
Patrick Swayze er vinsæll leik-
ari, það fer ekkert á milli mála.
Hann á nú tvær myndir á vin-
sældalistanum. Road House er bú-
inn að verma listann í langan tíma
og er á hægri niðurleið, í sjötta
sætið kemur Next of Kin sem er
eins og Road House, sakamála-
mynd.
Tumer & Hooch vermdi fyrsta
sætiö í aðeins eina viku, Black Rain
sem eins og Turner & Hooch kom
á fleygiferð inn á listann í síðustu
viku leysir hana af hólmi.
1- (2)
2.(1)
3. (4)
4. (-)
5. (3)
6. (-)
7. (6)
8. (8)
9. (7)
10. (-)
Black Rain
Turner & Hooch
Parenthood
Leviathan
Road House
Next of Kin
Second Sight
Shocker
Blind Fury
Dad
★★V2
Sníkjudýr á meðal okkar
THEY LIVE
Útgefandi: Skifan.
Leikstjóri: John Carpenter. Handrit:
Frank Armitage. Framleiðandi: Larry
Franco. Aðalhlutverk: Roddy Piper,
Keith David og Meg Foster.
Bandarisk, 1988.105 min. Bönnuð yngri
en 16 ára.
Hér er unnið úr algengu Invasion
of the Body Snatchers-þema, það
er að segja til jarðarinnar koma
undarlegar verur sem smjúga inn
í þjóðfélagið og ná völdum. Þær
nota leynileg skilaboð og heilaþvo
jaröarbúa. Þar að auki em þetta
hin ófrýnilegustu kvikindi.
Carpenter hefur gert ágætis
spennumyndir (Escape from New
York, Assault on Precinct 13, The
Fog) og sumar þeirra eru meira að
segja rúmlega það. Hann er tölu-
verður ofbeldisdýrkandi þótt hann
fari sér fremur hægt hér. Þá hefur
hann haldið þeim skemmtilega sið
að semja tónhst við myndir sínar.
Hann hefði hins vegar getað látið
vanda betur til handritsins hér því
það er eins og það vanti einhverja
heildarmynd í það. Það gæti auðvit-
að verið við Carpenter sjálfan að
sakast þvi hér, eins og áður, hefur
Carpenter of lítinn áhuga á per-
sónusköpun. Þess vegna er eins og
það verði dálítið holur hljómur í
þessu öllu saman.
Hér er eins og áður sagði unnið
með nokkuð klassíska útgáfu af
„yflrtökusamsæri". Hugmyndin
með gleraugun sem allt sjá er ágæt
en svolítiö bamaleg. Myndin hefur
dálítlð hæga framvindu sem aðal-
lega fer í kynningu á aðalsöguper-
sónunni, verkamanninum John.
Hann er leikinn af Piper og nær sér
engan veginn á skrið. Er til dæmis
furðulegt hvernig hann breytist úr
byggingaverkamanni í bardaga-
mann á einu andartaki.
Myndin telst tæpast merkileg
viðbót við vísindamyndir en er
hins vegar allt í lagi fyrir þá sem
sækjasteftirþví efni. -SMJ
**‘Á
Líkið á ströndinni
WEEKEND AT BERNIES
Útgefandi: Skifan
Leikstjóri: Ted Kotcheff. Framleiðandi:
Victor Drai. Handrit: Robert Klane. Aðal-
hlutverk: Andrew McCarthy og Jona-
than Silverman.
Bandarisk 1989, 95 min. Öllum leyfð.
Við fyrstu sýn virðist þessi mynd
vera eins og hver önnur strandlífs-
mynd með berum stelpum og aula-
húmor. Að sönnu kemur aula-
húmorinn upp á yfirborðið öðru
hvom en með flýtur líka margt
annað bitastætt.
Myndin segir frá tveimur ungum
skrifstofublókum sem finna viUu í
bókhaldinu og halda að sín bíði
frami. Þeir hafa samband við
Bemie, sem er yfirmaður þeirra,
og hefur hann greinilega ýmislegt
að fela. Hann býður þeim í sumar-
hús sitt í þeim tilgangi að kála þeim
en deyr sjálfur voveiflega áður en
af því getur orðið. Piltamir ákveða
að nýta ferðina og halda strand-
partý eigi aö síður.
Það er töluverður gálgahúmor
fólgin í ferðalaginu með dauöan
Bemie og minnir það að ýmsu leyti
á mynd Alfred Hifchcocks (The
Trouble with Harry) þar sem líkið
er í aðalhlutverki.
Stundum er myndin fyndin og
stundum ekki. Hún hefur faglega
umgjörð og verður því að teljast
þess virði að á hana sér horft.
-SMJ
Dreggjar mannlífsins
LAST EXIT TO BROOKLYN
Útgefandi: Háskólabíó.
Leikstjóri: Uli Edel.
Aóalhlutverk: Stephen Lang, Jennifer
Jason Leigh, Burt Young og Jerry
Orbach.
Þýsk/bandarísk, 1989 - sýningartimi 99
min.
Bönnuó börnum innan 16 ára.
Það er ekki fogur þjóðfélagssýn
sem birtist okkur í Last Exit to
Brooklyn. Myndin, sem gerist
snemma á sjötta áratugnum, segir
frá lífi í fátækrahverfi í Brooklyn
þar sem glæpir em daglegt brauð
og heiðarlegir menn eru allir í
verkfalli.
Myndin er gerð eftir mjög svo
umdeildri skáldsögu Huberts Selby
jr. sem margir höfðu sagt að ekki
væri hægt að kvikmynda.
Þýski leikstjórinn Uli Edel var
ekki á sama máli og hafði lengi
gengið með það í maganum að
kvikmynda söguna. Edel hefur gert
eina þekkta kvikmynd, Christine
F., sem fjallaöi um unglingsstúlku
sem verður eiturlyfjum að bráð. í
þeirri mynd gætti ekki mikillar
bjartsýni og sú svartsýni sem þar
er að finna er einnig til staðar í
Last Exit to Brooklyn.
í rauninni má skipta myndinni í
þrennt þótt allt efni hennar teng-
ist. Tvæp persónur era ráðandi í
myndinni. Götustelpan Tralala
sem tælir karlmennina til lags við
sig, aðeins til þess að vinir hennar
geti rænt viðkomandi. Hún er samt
sjálfri sér verst þegar hún loks hitt-
ir karlmann sem ber virðingu fyrir
henni. Jennifer Jason Leigh fer vel
með þetta hlutverk sem hlýtur að
hafa tekið mjög á andlega, sérstak-
lega í lokaatriðinu sem er með því
óhugnanlegasta sem sést hefur.
Þá er Stephen Lang ekki síðri í
hlutverki forystumanns verkalýðs-
félagsins. Persónan er fyrirlitleg. Á
daginn stendur hann með verka-
lýðnum og er þar fremstur í flokki
en á kvöldin notar hann sjóði fé-
lagsins til að skemmta sér í sam-
vistum við homma og halda uppi
glæpaklíku. Veröld hans hrynur að
lokum og hann verður fórnardýr
þeirra sem hann vildi helst um-
gangast.
Umgjörðin í kringum persónurn-
ar er svo verkfallið og eini vottur
bjartsýninnar í Last Exit to Brook-
lyn er í lok myndarinnar þegar fjöl-
skyldufeður halda aftur til vinnu
eftir langt og strangt verkfall. En '
eins og í flestum verkföllum hefur
fórnin verið stór.
Last Exit to Brooklyn er á marg-
an hátt mögnuð kvikmynd. Hún
gerir þó nokkrar kröfur til áhorf-
andans og víst er að engum líöur
vel yfir myndinni. Við erum að
fylgjast með dreggjum mannlífsins,
fólki sem á sér litla von og þótt
maður finni ósjálfrátt til með Tral-
ala í lokin gerir maður sér grein
fyrir að þar er á ferðinni glötuð
manneskja.
-HK
Fjölskyldubönd
DAD
Útgefandi: Laugarásbíó.
Leikstjóri: Gary David Goldberg.
Aðalhlutverk: Jack Lemmon, Ted Dan-
son og Olympia Dukakis.
Bandarísk, 1989 - sýningartimi 103 mín. '
Leyfð öllum aldurshópum.
Dad er kvikmynd sem aðeins
heföi verið hægt að klúðra ef leik-
arar hefðu staðið sig illa. Söguþráð-
urinn er einfaldur og hugnæmur
og gæti þess vegna gerst allur í
einni íbúð, en leikararnir með Jack
Lemmon fremstan í flokki standa
vel fyrir sínu.
Lemmon leikur sjötíu og átta ára
gamlan mann sem ávallt hefur lát-
ið að stjóm drottnunargjarnar eig-
inkonu. Þegar hún veikist alvar-
lega dregur hann sig að fyrstu inn
í skel sína og er lagður inn á sjúkra-
hús. Þar er aðeins beðið eftir því
að hann yfirgefi þennan heim. í
millitíðinni hittast sonur hans og
barnabam eftir langan aðskilnað
og gengur þeim illa að umgangast
hvom annan.
Þegar gamli maðurinn vaknar er
hann allur annar maður. Lífsgleðin
uppmáluð og uppátæki hans, sem
em af ýmsum toga, vekja ánægju
hjá öllum ættingjunum nema eig-
inkonunni sem nú er aö hressast
og saknar þess að geta ekki stjórn-
að honum eftir sínu höfði.
Dad er fyrst og fremst afþreying-
armynd fyrir ljölskylduna. Boð-
skapur hennar er að fá fólk til að
trúa á lífið og gera það sem það
langar til án þess að láta fordóma
aftra sér. Ef farið er eftir þessu er
stutt í hamingjuna. -HK
Olía, ást og afbrýði
GIANT
Útgefandi: Steinar bf.
Leikstjóri: George Stevens.
Aðalhlutverk: Elizabeth Taylor, Rock
Hudson og James Dean.
Bandarísk, 1956 -sýningartími 193 min.
James Dean lék aðeins aðalhlut-
verk í þremur kvikmyndum, en
þær kvikmyndir hafa haldið nafni
hans í efstu hæðum dýrlinga allt
frá því hann lést 1955, aðeins tutt-
ugu og fjögurra ára að aldri. Giant
er síðasta kvikmynd Deans og
kannski sú sísta þótt sannarlega sé
hér ekki um neina meðalmynd að
ræða. East of Eden og Rebel
Without a Cause eru aftur á móti
tímamótamarkandi kvikmyndir og
snilldarverk sem enn þann dag í
dag eru furðu ferskar.
Giant er byggð á sögulegri skáld-
sögu og er hálfur fjórði tími á lengd
og stundum full langdregin. Leikur
James Dean og Elizabeth Taylor
er samt magnaður og eiga þau ekki
svo lítinn þátt í því, ásamt styrkri
leikstjóm George Stevens, að gera
myndina að stórmynd sem stendur
undir nafni. Hefði meiri leikari en
Rock Hudson farið með þriöja aðal-
hlutverkið þá hefði verið um mun
betri mynd að ræða, en leikur hans
er stirður og ósannfærandi.
Þess má geta að Steinar hf., sem
gefur út Giant gaf út í leiðinni East
of Eden og Rebel Without a Cause,
svo það ætti að vera auðvelt fyrir
þá sem vilja kynna sér goðið að
verða sér úti um myndir hans.
-HK
Út í bláinn
CRAZY HORSE
Útgefandi: Skífan
Leikstjóri: Stephen Withrow. Framleiö-
andi: Nicolas Stilladis. Aðalhlutverk:
Daniel Stern, Sheila McCarthy, Damir
Andrei og Elias Koteas
Bandarisk 1988, 93 mín. Öllum leyfð.
Sumar myndir eru dálítið eins og
út úr kú og það má svo sannarlega
segja um þessa gamansömu mynd
sem eins og þrjóskast við að kom-
ast á flug allan sýningartímann.
Ég veit ekki almennilega við
hvern er að sakast vegna þess
vandamáls að myndin gengur ekki
almennilega upp. Ég er helst á því
að kenna leikstjóra og handrits-
höfundi um.
Myndin segir frá sambúðarraun-
um pars sem á ákaflega erfitt með
að hanga saman en enn verra með
að skilja. Inn í þetta vandamál flétt-
ast nýir kærastar og kærustur,
mótorhjólatöffari, þroskaheftur
bóndasonur og furðuleg hjón.
Stundum þegar maður er að fara
pa jsiœt stekn wf-mm a m*
wah
lowmMCto
að standa á fætur og slökkva gerist
eitthvað skoiídið og áfram er setið.
Á köflum bregður fyrir skemmti-
legum töktum og aukapersónur
em frískandi. Það er hins vegar
eins og það vanti einhvern rauðan
þráð til að bera uppi myndina og
gefa henni innihald. Hún er eins
og vegamynd (Road Movie) sem
lendirutanvega. -SMJ