Dagblaðið Vísir - DV - 09.11.1990, Blaðsíða 5

FÖSTUDAGUR 9. NÓVEMBER 1990.
5
13 V
Getrannimar:
Þretlán leikir
áseðlinum
næsta sumar?
Stjóm íslenskra getrauna sam-
þykkti á stjórnarfundi á þriðju-
daginn að láta kanna hvort rétt
sé að bæta við einum leik á get-
raunaseðilinn. Leikirnir verði
þrettán í stað tólf.
Aðalástæðan er sú að forsvars-
menn AB Tipsfjánst í Svíþjóð
hafa tekið vel undir óskir um
samstarf við íslenskar getraunir.
Er þegar farið að undirbúa viö-
ræður fulltrúa fyrirtækjanna.
Önnur ástæða er sú að þátttaka
í getraunum á Islandi er minni
en búist var við í vetur. Vinnings-
upphæð er lægri en ella og freist-
ar ekki almennings. Það gæti
breyst meö samstarfl við Svía. í
Svíþjóð er þátttaka í getraunum
mikil og hundruðir milljóna í
pottinum í hverri viku. Það erþví
mikilvægt fyrir íslenska tippara
að viðræður við fulltrúa AB
Tipstjánst verði árangursríkar.
Stjóm íslenskra getrauna hafði
hugsað sér að fjölga leikjunum
strax eftir áramót, en verður að
láta það bíða um hríð. Slíkar
breytingar taka töluverðan tfma,
því hönnuðir hugbúnaðarkerfis-
ins, tölvufræðingar hjá GTECH í
Bandarikjunum, þurfa að prófa
forritið vandlega.
íslenskum getraunum stendur
til boða samstarf um samnorræn-
an getraunaseðil með leikjum úr
heímsmeistarakeppninni í ís-
hokki. Um er að ræða einn get-
raunaseðil í apríl. Óvíst er hvort
af þátttöku verði á íslandi, þvi
þekking á íshokki er ekki mikil
hérálandi. -E.J.
Fréttir
Fulltrúaráð Framsóknar velur framboðslista í Reykjavík um helgina:
Búist við tvísýnni
baráttu um toppsætið
Finnur Ingólfsson og Guðmundur G. Þórarinsson, sem hér standa hlið við
hlið, takast á um fyrsta sæti í Reykjavík.
Aðal- og aukafulltrúar í fulltrúa-
ráði framsóknarfélaganna í Reykja-
vík, um 500 manns, velja frambjóð-
endur á framboðslista Framsóknar-
flokksins í Reykjavík um helgina.
Níu manns eru í framboði en hver
fulltrúaráðsmaður velur fjóra fram-
bjóðendur.
Eftir samtölum við framsóknar-
menn í Reykjavík að dæma er ekki
Fréttaljós
Haukur L. Hauksson
útlit fyrir að skipt verði um á toppn-
um. Þó að Guðmundur G. Þórarins-
son sé umdeildur er hann almennt
talinn besti kosturinn sem andlit
flokksins í Reykjavík. Hann hefur
aldurinn og reynsluna með sér þó
að vissulega gæti einhverrar þreytu
hjá framsóknarmönnum vegna
þessa „óendanlega fiskeldissnakks",
eins og einn viðmælandinn orðaði
það. Við bætist að ákveðið fordæmi
hefur verið gefið þar sem engum
þingmanni hefur enn sem komið er
verið skipt út í öðrum kjördæmum.
Auk þess eru framsóknarmenn ekki
taldir viljugir til mikilla umskipta.
Þó að Guðmundur virðist sæmilega
öruggur í fyrsta sætið á hann engu
að síður í vök að verjast. Hefur ekki
verið sótt jafnstíft að honum áður
auk þess sem heimildir segja stöðu
hans gagnvart flokksforystunni ekki
eins sterka og áður. Meðal keppi-
nauta Guðmundar ber mest ber á
Finni Ingólfssyni en hann sækist stíft
eftir toppstöðu á listanum. Finnur
mun 'hafa unnið mjög ötullega und-
anfarið og heimildir DV segja hann
þegar hafa hafa tryggt sér fylgi með-
al mjög margra fulltrúaráðsmanna.
Þó að viðmælendur segi Finn kunna
vel til verka í pólitík er hann talinn
hafa misstígið sig í tengslum við
umræðu um heilbrigðismál undan-
farið og því ekki getað nýtt sér sviðs-
ljósið sem skyldi.
Það vekur athygli að meðal fram-
bjóðendanna níu eru allir aðstoðar-
menn framsóknarráðherranna. Auk
Finns má þar sjá Bolla Héðinsson.
efnahagsráðunaut Steingríms Her-
mannssonar, og Hermann Svein-
björnsson, aðstoðarmann Halldórs
Ásgrímssonar. Hvorugur er talinn
ná afgerandi árangri en lóðin virðast
þó þyngri á vogarskál Hermanns.
Staða kvenna er sem fyrr umræðu-
efni en Ásta Ragnheiður Jóhannes-
dóttir gefur kost á sér þriðja skiptið
í röð. Hún var ekki á listanum 1987
en þar áður var hún fjórða.
Framsóknarflokkurinn virðist eiga
í vök að verjast í Reykjavík og af
ummælum framsóknarmanna virð-
ist flokkurinn mega vel við una að
halda eina þingsæti sínu í höfuð-
borginni í komandi kosningum. Það
er því ekkert undrunarefni að hart
sé barist um fyrsta sætið.
-hlh
PRÓFKJÖR SJÁLFSTÆÐISMANNA í
REYKJANESKJÖRDÆMI 10. NÓVEMBER 1990
SIGURÐUR HELGASON
Framboð Sigurðar Helgasonar er einfalt, látlaust og
lýðræðislegt. Sjálfstæðismenn í Reykjaneskjördæmi eru
beðnir um að kynna sér starf hans og reynslu á liðnum
áratugum, jafnt á sviði lögmennsku sem stjórnmála.
Það er kjósenda að ákveða röð á framboðslistann.
Sigurður er reiðubúinn til hvaða sætis sem er.
STUÐNINGSMENN SIGURÐAR HELGASONAR