Dagblaðið Vísir - DV - 02.01.1991, Blaðsíða 6

6
MIÐVIKUDAGUR 2. JANÚAR 1991.
Fréttir
Sautján ára piltur hrapaði um 75 metra í Burstafelli í Vopnafirði:
Reis upp og gekk
heilan kílómetra
- slapp með handleggs- og rifbeinsbrot auk minni meiðsla
Gylfi Kristjánason, DV, Akureyii
Það er talið óskýranlegt að 17 ára
piltur, sem hrapaði niður Ijallið
Burstafell í Vopnafirði um kl. 22 á
gamlárskvöld, lifði fallið af. Pilturinn
féll fyrst um 15 metra niður á syllu
í íjallinu, hentist fram af henni og
féll þá um 60 metra áður en hann
kom niður. Félagar piltsins, sem
horfðu á atburðinn gerast, sáu pilt-
inn liggja hreyfingarlausan eftir fall-
ið og hugðu honum varla, líf eftir
þessi ósköp.
Pilturinn, sem heitir Ólafur Gísla-
son og er frá Aðalbóli á Jökuldal, var
á leið til Vopnafjarðar ásamt félögum
sínum. Þeir námu staðar við útsýnis-
skífuna nærri veginum uppi á
Burstafelli pg voru að skjóta þar flug-
eldi þegar Ólafur rann fram af snjó-
hengju á fjallsbrúninni. Þar féll hann
15 metra áður en hann lenti á syllu,
en kastaðist svo iangt fram af henni
að hann lenti ekki á annarri syllu
neðar í fjallinu en hrapaði þess í stað
um 60 metra.
Bragi Vagnsson, bóndi á Bursta-
felli, sagði í samtali við DV að félagar
Ólafs hefðu komið að bænum og til-
kynnt um atburðinn. Samstundis var
haft samband við lögreglu á Vopna-
firði sem kallaði út leitarsveitir,
sjúkrabifreið og lækni. Á Burstafelli
voru einnig staddir tveir menn úr
björgunarsveitinni á Vopnafirði og
fóru þeir að leita að piltinum ásamt
félögum hans.
„Olafur lagði af stað niður fjallið
eftir að hann hafði rankað við sér,
hann sá ljós hér við bæinn og tók
stefnuna hingað," sagði Bragi Vagns-
son. „Þegar menn héldu héðan til
leitar á vélsleðum fóru þeir fyrst eft-
ir veginum og ætluðu á þann stað
þar sem Ólafur hafði verið eftir fall-
ið. Hann sá til þeirra og gekk til baka
og mætti síðan leitarmönnunum,"
sagði Bragi, en Ólafur mun þá hafa
verið búinn að ganga um eins kíló-
metra vegalengd illa á sig kominn.
Ólafur var orðinn mjög kaldur og
hrakinn en það mun þó hafa hjálpað
honum að hann var klæddur ullar-
sokkum og stígvélum. Og það furðu-
legasta var að eftir þessar mann-
raunir yar hann einungis handleggs-
og viðbeinsbrotinn auk þess að vera
með skrámur víða um líkamann.
Hollendingurinn Steven Jochems í ævintýrum yfir jólin:
Fékk frí úr hernum til að klífa Heklu
- lögreglubíllinn, sem sótti hann, fór út í skurð
Steven Jochems frá Eindhoven í Hollandi er 26 ára og er í verkfræðideild hollenska hersins. Hann hefur klifið fjöll
á norðlægum slóðum á síðustu átta árum. Lögreglan hefur aldrei fyrr stöðvað hann eins og gerðist hér á landi
um hátíðarnar. DV-mynd Brynjar Gauti
„Þegar lögreglan á Selfossi kom og
náöi í mig hjá Búrfelli fyrir jólin
sögðu lögreglumennirnir að ég ætti
að koma með þeim. Ég varð alveg
hissa því það fyrsta sem ég gerði
þegar ég kom til landsins var að til-
kynna mig til viðeigandi aðila, hvert
ég ætlaði og hvenær ég kæmi til
baka. En lögreglumennimir voru
mjög vingjarnlegir og sögðu að það
ætti að skoða útbúnaðinn. Skömmu
eftir að við ókum af stað hjá virkjun-
inni, áleiðis til Selfoss, fór lögreglu-
bíOinn nærri því alveg á hliðina og
ofan í skurð. Þá sagði ég við lögreglu-
mennina að þeir þyrftu ekkert aö
óttast, viö gætum verið þarna rólegir
þvi ég hefði mat sem dygði okkur í
tvær vikur," sagði Steven Jochems,
26 ára Hollendingur frá Eindhoven
sem gekk á Heklu og hafðist viö í
tjaldi á íjallinu yfir jólahátíðina.
Hann lenti í ýmsum ævintýrum á
fór sinni hingað. í ljósi þess að menn
hafa orðið úti í slíkum ferðum var
ákveðið aö fara með Steven til
Reykjavíkur þegar ljóst varð hvert
hann ætlaði. Hann þurfti því að
dvelja eina nótt á hóteli áður en
formsatriöum var fuUnægt og hann
gat haldið för sinni áfram.
Einmana í Reykjavík
Steven reyndist mjög vel búinn og
tryggður fyrir óhöppum. Hann er í
verkfræðideild hollenska hersins og
er alvanur fjallamaður. Á síðustu
átta árum hefur hann ,aö vetrarlagi
meðal annars hafst við á Langjökli,
í fjöllum Norður-Svíþjóðar, í Noregi
og víðar. Fyrir jólin fékk hann leyfi
hjá hernum til að fara í ferðina á
Heklu. Hann mætir aftur til skyldu-
starfa í Hollandi á föstudag. Steven
lagði loks í hann frá Búrfellsvirkjun
á Þorláksmessu.
„Þegar ég var kominn upp á fjallið
hugsaöi ég lítið um að það væru jól-
in. Þegar maður er einsamaU uppi í
óbyggðum hefur maður um annað
að hugsa - aö verða ekki kalt á fótun-
um og þess háttar. Ég á foreldra og
tvo bræður heima en það greip mig
enginn söknuður. Hins vegar varð
ég mjög einmana á gamlárskvöld eft-
ir að ég kom til Reykjavíkur,“ sagði
Steven.
Tvo daga að komast
að rótum Heklu
„Ég var tvo daga að komast upp
að rótum Heklu. Mér gekk ágætlega
í feröinni en í tvo daga var veðrið
leiðinlegt. Annars var ekki mjög kalt.
Þegar ég gekk á fjalliö var slæmt
skyggni. Ég fór niður í gíginn, skoð-
aöi mig Utillega um og fór svo niður
aftur,“ sagði Steven. Þegar hann kom
ofan af fjallinu hitti hánn jeppamenn
sem greindu frá því, honum til mik-
illar furðu, að hann hefði komist í
fréttirnar. Hann kom síðan aftur til
Reykjavíkur um helgina.
- En hvers vegna ákvaðst þú að klífa
Heklu?
„Eftir að ég hafði dvahð á Lang-
jökli um jólaleytið árið 1987 var mér
ekiö til Reykjavíkur. Þegar ekið var
fram hjá Heklu sá ég fjallið fyrst. Þá
hét ég því með sjálfum mér að ég
skyldi klífa það seinna og lét verða
af þvi núna. Ég sá undurfagurt fjall
með dökkar hlíðar og snævi þakinn
topp. Þá vissi ég ekki að Hekla væri
eldfjall. Það var kannski eins gott að
ekki byrjaði að gjósa þegar ég var
þarna uppi,“ sagði Steven. Hann
heldur heim til Hollands á morgun.
-ÓTT
Sjö skiptu getraunapottinum á milli sín
Sjö fengu 12 rétta í Getraunum á
laugardag. Var potturinn fjórfaldur,
eins og í lottóinu, en þó aðeins upp
á um 3,4 miUjónir. Fékk hver vinn-
ingshafi því 487.137 krónur í sinn
hlut.
Af tólfunum voru tvær á tölvuröö-
um keyptum í Reykjavík. Af hinum
fimm vinningshöfunum keyptu þrír
í Reykjavík, einn í Vestmannaeyjum
og einn á Húsavík.
Samkvæmt upplýsingum frá Get-
raunum hafði tippari á Grenivík
keypt seðil sem var með 12 réttum
en einhverra hluta vegna var hann
ósáttur við seðilinn sinn og lét eyða
honum aftur úr kerfinu.
114 voru með 11 rétta og fékk hver
7.134 krónur. Loks voru 1167 með 10
réttasemgáfu696krónur. -hlh
Sandkom dv
Veikleiki
Eyfirðinga
SÍgurðurP.
Sigmundsson,
framkvæmda-
stjorilðnþró-
unnrfclags
Eyjaíjarðar, :
segir að i staö
. arvalsraálinu
vegnaálvers
hafi veikleiki
Eyfirðinga falist í því að þingmenn
kjördæmisins hafi ekki staðið oin-
huga að málinu. Stefán Valgeírsson
hafi reyndar barist hatrammlega á
móti staðsetningu við Eyjafjörð, ann-
ar þingmaður hafl einnig verið á
móti þótt hann hafi ekki unníö gegn
málinu og sá þriðji hafi ekkert að-
hafst. Staðreynd málsins er að Halid-
ór Blöndal, Árni Gunnarsson, Val-
geröur Sverrisdóttir og Guðmundur
Bjarnason voru mjög fylgj andi því
að álverið risi fy rir norðan og þá
hafa aðeins t veir þingmannanna ekki
verið nefndir. Þaö eru þau Steingrim-
ur J. Sigfússon og Málmfríöur Sig-
urðardóttir. Steingrímur ætlar fram
í kjördæminu viö komandi kosning-
ar, sennilega einnig þau Stefán og
Málmfríður og er nú bara að bíða og
sjá á hvaða hátt þeim verður þökkuð
aífstaða þeirra í þessu stónnáli.
jólamatinn
Þeirvoru
eitthvað
„þversum" á
Húsavík fyrir
jólin sumir
hveijirogfóru
ekkihefð-
bundnarleiðiri
jólaundirbún-
ingnum.Bæj-
arstarfsmenn stóðu i ströngu við að
skrúfa nýjar ljósaperur i bæjarjóla-
tréð því að þeim var stolið jafhóðum.
Verra var þó að þess voru dæmi aö
ijúpur sem voru látnar hanga utan-
húss hurfii og V íkurblaðið á Húsavík
sagðist hafa rætt við einn sem missti
allar jólaijúpurnar sinar í hendur
þjófa í skjóli nætur. Æth þeim sem
þar voru að verki hafi ekki oröiö
bumbult afj ólamatnum?
Úm og flugið
Þaðvakti
i' nokkra afhygli
fyrirjólinaö
fólksflutningar
Flugleiðaá
leiðinni Akur-
eyri.'Reykjavík
voruekkinema
brotafþvísem
yaráleiðinni
KeyKjaviK/rtiíureyn. Örn Ragnars-
son, sem starfar á Akureyrarflugvelli
ogertitlaður „brautryðjandi" íeinni
bæjarsímaskránni, hefur ýmís svörá
reiöum höndum og hann segir skýr-
inguna á þessu einfalda. Akureyring-
ar séu s vo skítblankir þessa dagana
að þeir hafi einfaidlega ekki haft efni
á því að heimsækja ættingjana fyrir
sunnan um jólin. Reyndar bætti Örn
síðan við að lögfræðingar á leið i
fjámám væm yfirleitt uppistaðan í
flutningum Flugleiða frá Reykjavík
til Akureyrar en á leiðinni Ákur-
eyri/Reykj a vjk bæri mest á mönnum
á leið í áfengismeðferð!
Bubbi ekki efstur?
: Þaðvaktiat-
hyglíaðStöð2
tók Bubba
Morthensivið
tal um jóiin
vegnaþesssem
fuliyn varað
platahans,
Söguraflandi,
heföiveriö
mest selda hljómplatan fyrir jóiin, og
bókin hans, Bubbi, mest selda bókin.
Forsvarsmaður bókaútgefenda kom
síöan fram og sagöi aö fullsnemrat
væri aöfjölyrða um hvort Bubhi heföi
veriö mest selda bókin og bókalistar
fiölmiöla væra ekki visindalega unn-
ir.E.t.v.er slíkur hsti Dags á Akur-
eyri ekkert fullkomnari en annan-a
fjölmiðla en á þeim lista yflr mest
seldu bækurnar á Norðurlandi var
þó Bubbi ekki nema í 3. sæti en Bjðrn
á Löngumýri í fyrsta sætinu. Á sams
konar lista Dags yfir mest seldu
hijómplöturnar á Norðurlandi náði
Bubbi svo „bara“ 2. sæti á eftir hljóm-
sveitinni Síöan skein sóL
Umsjón: Gylfi Kristjánsson