Dagblaðið Vísir - DV - 02.01.1991, Blaðsíða 9

MIÐVIKUDAGUR 2. JANÚAR 1991.
9
Utlönd
Það er ekki alls staðar vel séð að fagna nýju ári með þvi að skála i
kamapvini eða öðru víni. Þessi fimmtán ára indverski drengur, sem
sést hér bundinn við staur, var staðinn að því að fá sér vínsopa á gaml-
ársdag. Vinnuveitandi hans, sem er múhameðstrúar og stendur hér
brosandi við hlið drengsins, hegndi honum fyrir yfirsjónina með þvi að
hýða hann opinberlega. Ástæðan er sú að múhameðstrúarmenn, sem
berjast gegn indverskum yfirráðum í Kashmir, þar sem myndin var tek-
in, hafa sett bann á sölu og notkun á áfengi i héraðinu.
Persaflóadeilan:
Friðarlíkur minnka
með hverjum degi
Það var enginn friðartónn í ávarpi
Saddam Hussein til herforingja
sinna í Kúvæt á gamlárskvöld, en þar
eyddi hanna áramótunum. Hussein
lofaöi því að guð væri á þeirra bandi
og að iraski herinn hefði yfirburði á
landi ef til stríðs kæmi.
Nú eru aðeins tvær vikur þar til
frestur sem Sameinuðu þjóðirnar
gáfu írökum til að hverfa á brott með
herlið þeirra frá Kúvæt rennur út
og hin harða afstaða íraka minnkar
líkur á friðsamlegri lausn með hverj-
um deginum.
Ferð Husseins til Kúvæt á gamlárs-
dag er hans þriðja síðan her hans
hernam landið fyrir þremur mánuð-
um. Samkvæmt því sem sagði í ír-
aska sjónvarpinu lét Hussein þau orð
falla að það væri sama hve miklum
fjölda hermanna yrði safnað saman
gegn írökum, guð væri á þeirra bandi
og myndi vernda þá frá öllu illu og
frelsa írak.
Á meðan Hussein hélt hvatningar-
ræðu yfir hermönnum sínum lauk
George Bush jólafríi sínu í Camp
David og hélt til Washington þar sem
hann hélt fund með ráðgjöfum sínum
í gærkvöldi. Bush brosti til blaða-
manna við komuna til Washington
en neitaði að svara fyrirspurnum,
meðal annars þeirri hvort utanríkis-
ráðherra hans, James Baker, væri á
leiöinni til Persaflósvæðisins.
Talsmaður Hvíta hússins sagði að
fundurinn í gærkvöldi væri ein-
göngu til að fara yfir stöðu mála og
engin yfirlýsing yröi gefin út að hon-
um loknum. Aðrir embættismenn
héldu því fram að aðalmál fundarins
væri hvort senda ætti Baker til Pers-
aflóasvæðisins, en talið er víst að
hann fari ekki nema ráðgerður verði
fundur hans og iraskra ráðmanna.
Þrátt fyrir að tíminn til að skera
úr um deiluna á friösamlegan hátt
sé orðinn naumur er engan bilbug
að sjá á írökum. Harðlínuyfirlýsing-
ar þeirra hafa eingöngu gert það að
verkum að enn minni líkur eru á
friði nú en áður var.
Það eru samt margir sem treysta á
að hægt verði að finna friðsamlega
lausn. Hussein Jórdaníukonungur
ætlar að halda í friðarleiðangur til
Evrópu í dag þrátt fyrir að fyrri ferð
hans í sama tilgangi hafi mistekist.
Utanríkisráðherrar Efnahagsbanda-
lagsins munu hittast á föstudaginn
til að reyna að finna friðsamlega
lausn á Persaflóadeilunni og koma í
veg fyrir stríð. Þá bárust þær fréttir
frá áreiðanlegum heimildum í
Saudi-Arabíu að þar treystu ráða-
menn enn á að hægt væri að fá Sadd-
am Hussein til að hverfa á brott frá
Kúvæt fyrir 15. janúar.