Dagblaðið Vísir - DV - 12.02.1991, Blaðsíða 2

Dagblaðið Vísir - DV - 12.02.1991, Blaðsíða 2
ÞRIÐJUDAGUR 12. FEBRÚAR199,1. Fréttir Stærð loðnustofhsins mælist 450 þúsund tonn: Sjómenn enn ósammála fiskifræðingunum talið að leyft verði að veiða 50 til 100 þúsund lestir „Við teljum okkur hafa mælt stofnstærð loðnunnar í göngunni milli Hálsa og Lónsvíkur 450 þús- und tonn. Viö greindum ráöherra frá þessum niöurstööum okkar í dag. Ef miðað er viðað 400 þúsund tonn af loðnu fái að hrygna eru 50 þúsund tonn umfram það," segir H}álmar Vilhjálmsson, leiðangurs-* stjóri á Bjarna SæmundssynL eftir fund fiskifræðinga með sjávar- útvegsráðherra á Reyðarfirði í gær. Á fundinum voru ráðherra kynntar niðurstöður nýafstaðins loðnuleitarleiðangurs en þegar síð- asta leitarleiðangri Hafrannsókna- stomunar lauk um miðjan janúar töldu fiskifræðingar stofhinn vera um 370 þúsund tonn. Til saman- burðar má geta þess að á vetrarver- tíöinni í fyrra voru veiddar um 600 þúsund lestir af loönu. Sjómenn eru ekki sammála nið- urstöðum fiskifræðinga Hafrann- sóknastofnunar og telja að stofninn sé mun stærri en fískifræðingar telja hann. „Mín persónulega skoðun er sú að það sé helmingi meiri loðna í ár en á síðasta ári. Torfan út af Hornafírði, sem við höfum veriö aö veiða úr, er álika stór ef ekki stærri en gangan í fyrra og síðan kemur töluvert magn þar á eftir sem er ekki jafhþétt. Við höfum því reiknað með að það yrðl leyft að veiða töluvert magn," segir Rúnar Björgvinsson, skipstjóri á Grind- víkingi GK, en skipið er eitt sex skipa sem tekið hafa þátt í loðnu- leitarleiðöngrum að undanförnu ásamt skipum Hafrannsóknastofn- unar. „Við teljum að langstærsti hluti stofnsins sé við suðaustur- ströndina nuna og það muni ekki finnast miklu meiri loðna, sagðí Hjálmar Vilhjálmsson. Á næstunni mun rannsóknar- skipið Árni Friðriksson fara til síldarleitar á þessar slóðir en jafh- framt mun hann fylgjast með loðn- unni. Bjarni Sæmundsson mun hins vegar fara út í kantinn austur af landinu til loðnuleitar, siðan höldum við norður fyrir land og munum athuga hvort einhver loðna finnst þar og út af Vestfjörð- um. Viö höfum haft spurnir af því að íogarar, sem verið hafa á veiðum á Kópanesgrunni, hafi fundið eitt- hvað af loðnu. -J.Mar íslendingur fór í augnaðgerð til Búlgaríu: Sjónin lagaðist að mestu - segirHaraldurHelgason „Eg hafði vitað um þessar aðgerðir í nokkur ár og þegar ég sá auglýsing- una frá Kjartani Helgasyni um ferðir til Búlgaríu ákvað ég að slá til. Ég fékk upplýsingar um dreng í Vest- mannaeyjum sem hafði farið í augn- aðgerð í Moskvu og hann sagði mér hvernig þetta færi fram," segir Har- aldur Helgason sem fór í ágúst á síð- asta ári í augnaðgerð til Búlgaríu og hann er eini íslendingurinn sem hef- ur farið í slíka aðgerð í Búlgaríu. Haraldur var mjög nærsýnn, með -9t5 á öðru auganu og -10,5 á hinu. „Eg þurfti að senda augnvottorð héð- an út því læknarnir vilja vita um hvers konar nærsýni er að ræða. Hún má ekki stafa af sjúkdómi held- ur verður að vera dæmigerð nær- sýni. Ég fékk síðan staöfestingu á að mín nærsýni væri innan við það sem þeir réðu við en þurfti að fara í rann- sókn hjá þeim til að fá endanlegan úrskurð um hvort þeir gætu skorið mig eða ekki. Það kom svo í ljós að það var hægt." Læknarnir gátu gefið Haraldi vonir um aö nærsýnin færi niður í -2 og -2,5 ef allt gengi samkvæmt óskum. „Eg fór nú ekki alveg aö þeim fyrir- mælum sem þeir gáfu mér þannig að nærsýnin er núna -3. Maður þarf að fara mjög vel með sig í sex mán- uði eftir aðgerðina og forðast allan þrýsting á augun. En ég var til dæm- is í líkamsrækt sem ég mátti í raun- inni ekki. Ég myndi mæla með því að menn færu algerlega eftir fyrir- mælum læknanna ef þeir ætla að fá fullan bata." í aðgerð eins og Haraldur fór í þurfa menn að vera vakandi- og fá einungis staödeyfingu. „Aðgerðin sjálf er mjög lítið mál og tekur ekki nema 5 mínútur. En maður verður að vera vakandi til að augasteinarnir dragist ekki saman eins og gerist þegar maður er meðvitundarlaus. Ég hef aldrei fundið fyrir neinum óþæg- indum, hvorki í aðgerðinni sjálfri né á eftir. Einu eftirköstin sem ég fann fyrir voru ljósfælni fyrsta mánuðinn eftir aðgerðina." Haraldur segist mæla með svona aðgerð fyrir menn með mjög mikla nærsýni. „En fyrir fólk með kannski -3 eða -4 er þetta matsatriði því það fylgir auðvitað viss áhætta svona aðgerðum." Aðgerðin, með rannsóknum og öllu saman, kostaði tæpar 60 þúsund krónur. „Þaö er ekki nokkur pening- ur því gleraugu eins og ég þurfti, með hnausþykkum glerjum eins og botn á kókflösku, kosta um 40 þús- und krónur. Ég myndi þess vegna ekki hika við að fara aftur ef ég þyrfti." -ns Aldraðir taka til sinna ráða í húsnæðismálum - mikiUskortureráhjúkrimarTýrrufv^ Félög aldraðra í Reykjavík hafa stofnað samstarfsnefnd til að vinna að úrbótum í húsnæðismálum aldr- aðra, en mörg hundruð umsóknir um vist á dvalar- og hjúkrunarheimilum Uggja hjá Félagsmálastofnun Reykja- víkur. Að sögn Gunnars Gunnarssonar hjá Félagsmálastofnun Reykjavíkur eru umsóknir um vist á hjúkrunar- heimili 204 og þarfnast allar bráðrar úrlausnar. Umsóknir um vist í þjón- ustuíbúðir eru 356 og af þeim eru um 230 sem brýnt er að leysa. Gunnar segir aö fyrst og fremst þurfi fleiri rými á hjúkrunarheimilum. „Þaö eru margir á vistheimilum okkar sem»þurfa á hjúkrun að halda og það fólk heldur plássum vegna þess að það kemst ekki að á hjúkr- unarheimilum. En lausn á þessum vanda er ekki í sjónmáli," segir Gunnar. Samstarfsnefndin hefur bent á að þróun undanfarinna ára sýni að aldraðir muni verða tvöfalt fleiri á næstu árum. Þaö sé því mjög brýnt að húsnæðismál þessa fólks verði leyst. Gunnar segir að umsóknum um vist á dvalar- og hjúkrunar- heimilum hafi fjölgað mikið síðustu ár. „Sem dæmi má nefna að 1983 voru um 70 umsóknir sem komu hingað á Félagsmálastofnun en voru tæplega 300 árið 1988." Verðlaunahafarnir Fríða A. Sigurðardóttir og Hörður Agústsson. DV-mynd BG íslensku bókmenntaverðlaunin: Meðan nóttin líður og Skálholt II verðlaunaðar Fríða Á. Sigurðardóttir og Hörður Ágústsson eru handhafaf íslensku bókmenntaverðlaunanna fyrir árið 1990. Fríða fyrir skáldsögu sína Með- an nóttin líður og Hörður fyrir Skál- holt n - Kirkjur. Það var forseti ís- lands, Vigdís Finnbogadóttir, sem afhenti þeim verðlaunin við mikinn fögnuð gesta sem voru fjölmargir í Listasafni íslands. íslensku bókmenntaverðlaunin voru nú afhent í annað sinn. í fyrsta skipti voru tvenn verðlaun veitt, önnur fyrir fagurbókmenntir og hin fyrir handbækur, fræðirit, frásagnir o.fl. Tilnefndar höfðu verið seint á síðasta ári átta bækur í fyrrnefnda flokkinn og sjö bækur í þann síðar- nefnda. Eftir að Hamrahlíðarkórinn hafði sungið fyrir fjölmarga gesti og Thor Vilhjálmsson hafði flutt skorinorða ræðu þar sem ýmsir fengu orð í eyra tilkynnti Vigdís Finnbogadóttir um verðlaunahafana sem tóku við verð- launum sínum úr hendí forsetans. Vef ðlaunahafar þökkuðu fyrir sig og sagði Höröur Ágústsson við þetta tækifæri að hann væri þakklátur fyr- ir verðlaunin en hann væri ánægð- astur ef bækurnar um Skálholt yrðu til þess að auka áhuga á íslenskri kirkjubyggingarlist. -HK Framsókn, Vesturlandi: Sigurður þáði annað sætið „Það var erfitt að taka ákvörðun en nú hefur hún verið tekin og við munum nú vinna samkvæmt því. Ég er tiltölulega sáttur við þessi málalok þó þetta hefði mátt bera öðruvísi að," sagði Sigurður Þórólfsson, bóndi i Dalasýslu, í samtali við DV. Sigurður hefur ákveðiö að taka annað sæti á framboðslista Fram- sóknarflokksins á Vesturiandi fyrir komandi alþingiskosningar. Davíð Aöalsteinsson, fyrrum þingmaður, ákvað að víkja úr öðru sætinu og bjóða Sigurði það. Ástæöu þess má rekja til megnrar óánægju Dala- manna með skipan hstans. Töldu þeir hlut sinn fyrir borð borinn þar sem Dalamaður lenti ekki í öðru af efstu sætunum eftir kjördæmisþing fyrr í vetur. Sigurður varð þá í þriðja sæti en hafnaði því. Mun friður nú hafa náðst um listann. Efstu sæti á lista Framsóknar á Vesturlandi lítur þannig út: 1. Ingibjörg Pálmadóttir, 2. Sigurður Þórólfsson, 3. Ragnar Þorgeirsson, 4. Stefán J. Sigurðsson og 5. Gerður K. Guðnadóttir. -hlh

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.