Dagblaðið Vísir - DV - 09.03.1991, Qupperneq 16

16
. mí 8HAM fi KTJOAORAOU
LAUGARDAGUR 9. MARS 1991.
„Hef alltaf þurft að
horfa í hvem eyri''
- segir Guðlaug Jóhannsdóttir, einstæð tveggja bama móðir á Akureyri sem vann 7 milljónir króna í lottóinu
Gylfi Kristjánssan, DV, Akureyri:
„Þessi vinningur gjörbreytir auð-
vitað öllu fyrir mig. Ég hef alltaf
unnið mjög mikið en þrátt fyrir það
hefur þetta verið mikið basl, end-
arnir aldrei náð saman og aldrei
verið neinn afgangur. Ég hef alltaf
þurft að horfa í hvem eyri. Ástand-
ið var t.d. þannig að ég hafði varla
efni á að fara á árshátíð KEA eftir
að ég fékk þennan vinning en áður
en ég fékk hann greiddan. Ég átti
bara 7 milljónir á einhverri skrif-
stofu í Reykjavík,“ segir Guðlaug
Jóhannsdóttir, einstæð tveggja
barna móðir á Akureyri, sem hlaut
stóra vinninginn í lottóinu á dög-
unum, 6 milljónir níu hundruð og
níutíu þúsund krónur.
Það þarf varla að koma neinum
á óvart þótt fólk verði „felmtri sleg-
ið“ þegar annað eins rekur á fjörur
þess. Guðlaug starfar í kjörbúð
KEA við Byggðaveg á Akureyri,
þar er lottókassinn góði sem færöi
henni vinninginn og þangað heim-
sótti DV hana nú í vikunni. Þegar
okkur bar aö garði var Guðlaug
einmitt að færa einni samstarfs-
stúlku sinni, Marin Ragnarsdóttur,
heilmikinn blómvönd í kaffistofu
starfsfólksins.
„Það var Marin sem seldi mér
miðann góða. Hún er þó ekki vön
að afgreiða lottómiða og vissi
reyndar ekki hvemig átti að gera
það. Það var hins vegar ekkert fólk
hér inni svo að ég kallaði í hana
og leiðbeindi henni. Hún lét kass-
ann velja fyrir mig 5 raðir, tók við
greiðslunni og ég sagði henni að
ég myndi færa henni eitthvað smá-
vegis ef ég ynni. Auðvitað var þetta
sagt í gamni, eins og fólk gerir svo
oft þegar það er að gantast með
stóru lottó\dnningana.“
Reif af mér miðann
Happadagurinn hennar Guðlaug-
ar var laugardagurinn 16. febrúar
en hún vissi það hins vegar ekki
fyrr en á mánudeginum, tveimur
dögum síðar, að hún væri orðin
milljónamæringur.
„Eg var að vinna á Hótel KEA
þetta laugardagskvöld, eins og ég
geri aðra hverja helgi. Ég athugaði
því ekki lottómiðann minn fyrr en
í kaffitíma í vinnunni á mánudeg-
inum, skömmu fyrir hádegið.
Stelpurnar í kaffistofunni mundu
vinningstölurnar sem voru nokkuð
Aðalfundur
Aðalfundur Verzlunarmannafélags Reykjavíkur verð-
ur haldinn mánudaginn 18. mars kl. 20.30 að Hótel
Sögu - Átthagasai.
Dagskrá: Venjuleg aðalfundarstörf.
Verzlunarmannafélag Reykjavikur
Byggöostofnun
Minjagripagerð
i vor og sumar mun hönnuður starfa á vegum Byggðastofn-
unar að verkefni í minjagripagerð. Verkefninu er ætlað að
auka fjölbreytni í atvinnulífi úti um land og auka á fjöl-
breytni og gæði þeirra minjagripa sem á boðstólum eru
hér á landi.
Stefnt er að því að hanna og framleiða nokkrar gerðir gripa
sem hægt væri að hefja sölu á í tilraunaskyni síðari hluta
næsta sumars.
Þeim sem áhuga hafa á samstarfi við hönnuðinn, annað-
hvort til að framleiða nýja gripi eða endurnýjaða gerð gripa
sem þegar eru í framleiðslu, er bent á að senda nöfn sín
ásamt helstu upplýsingum til Byggðastofnunar fyrir 25.
mars næstkomandi. i bréfinu þarf að koma fram hvaða
aðstöðu og tækjum menn hafa yfir að ráða og stutt lýsing
á því sem framleitt hefur verið.
Um er að ræða tilraun á þessu sviði og verða þátttakendur
valdir úr hópi framleiðenda með tilliti til verkefna og mögu-
leika þeirra á að útfæra þau.
Byggðastofnun, þróunarsvið
Rauðarárstíg 25
125 Reykjavík
Sími (91) 605 400, grænt númer 99 66 00, myndriti
605 499
' ■
Í<A> .
Guðlaug færði afgreiðslustúlkunni, Marín Ragnarsdóttur, blómvönd er hún fékk vinninginn sinn greiddan út.
Marín seldi henni lukkumiðann góða. DV-myndir GK, Akureyri
sérstakar eða 5-24-25-26 og 29. Þegar
það kom í ljós að ég var a.m.k. með
4 tölur réttar reif ein þeirra af mér
miðann, hljóp með hann upp í búð-
ina til aö ganga úr skugga um þetta
í kassanum og það voru mikil fagn-
aðarlæti hér í búðinni þegar þetta
lá fyrir. Sjálf skildi ég þetta varla
strax og var hálfdofin allan daginn.
Gjörbreytir öllu
Auðvitað gjörbreytir þetta öllu
hjá mér eða því sem ég vil breyta.
Það mikilvægasta er að sjálfsögðu
að geta borgað allar skuldimar og
þurfa ekki að hafa meiri áhyggjur
af þeim. Ég átti ekki bíl en er búin
að kaupa mér Subaru núna. Eins
gat ég fengið mér sjónvarpstæki í
stað þess sem ég átti og var orðið
mjög lúið. Ég hef svo verið að velta
því fyrir mér að það væri gaman
að kaupa aðra íbúð, ég á gamla íbúð
en það væri gaman að fara í nýrri.
Að öðra leyti hef ég ekki uppi
nein plön. Ég er til dæmis ekki
búin að skipuleggja neina utan-
landsferð eða þess háttar. Þótt ég
sé búin að fá peningana í hendurn-
ar virkar þetta allt saman hálfund-
arlega á mig ennþá, ég er varla
búin að átta mig á þessu.“
Guðlaug á tvo syni sem báðir eru
rétt rúmlega tvítugir. „Strákarnir
áttu erfitt með að trúa þessu í byrj-
un, eins og ég. Þeir samglöddust
mér auðvitað og sögðu svo bara að
nú gætu þeir hætt að vinna og far-
ið að Ufa á mömmu sinn! En það
er alveg sama hvert litið er, það
hafa allir samglaðst mér innilega,
allir mínir vinnufélagar og fólk
sem kemur hérna í búðina til að
versla."
Þá yrði ég rugluð
Guðlaug segir að kaupið hennar
í kjörbúðinni sé 50-60 þúsund krón-
ur á mánuði með aukavinnu og svo
vinnur hún aðra hverja helgi á
Hótel KEA sem fyrr sagði. En hún
hefur engin áform uppi um að
hætta að vinna.
„Nei, þá fyrst yrði ég alvarlega
rugluð. Að fá svona vinning er auð-
vitað það sem marga dreymir um
en það eru auðvitað bara draumar.
Þetta er nokkuð sem enginn á að
reikna með. Nú er þetta svo skrítið
ástand, að eiga allt í einu margar
milljónir, það er einhvern veginn
svo óraunverulegt. En tilfmningin
er ákaílega notaleg og ekki síst það
að geta losað sig við allar skuldirn-
ar,“ sagði Guðlaug.