Dagblaðið Vísir - DV - 22.06.1991, Page 20
20
; LAUGARDAGUB 22. JÚNÍ1991.
Kvikmyndir
Hér má sjá helstu persónurnar sem koma fyrir í Góðum ásetningi. Samuel Froler, sem leikur föður Ingmars Bergman, er lengst til vinstri. Sitjandi fyrir
framan Max von Sydow, sem leikur afa hans, er Pernilla Ostergren, sem leikur móður hans.
Góður ásetningur:
Ingmar Bergman skrifar
Biile August leikstýrir
Foreldrar Ingmars Bergmans (Pernilla Ostergren og Samuel Froler) ásamt
eldri bróður hans.
Hjúskaparvandamál lútersks
prests og þrjóskrar eiginkonu hans
er þemað í dýrustu kvikmynd sem
gerð hefur verið á Norðurlöndum.
Hjónin, sem um ræðir, eru foreldrar
snillingsins Ingmar Bergmans og
hefur hann skrifað handritið að þess-
ari kvikmynd sem mun heita Góður
ásetningur og gerist á tíu árum í lífi
foreldra hans.
Bergman lýsti þvi yfir þegar hann
lauk við Fanny og Alexander að
hann myndi ekki leikstýra kvik-
mynd framar og hann stendur við
þau orð og lét leikstjórnina eftir hin-
um danska Bille August.
Áætlaður kostnaður við þessa
kvikmynd er ellefu milljón dollarar
og til samanburöar má geta þess að
nýja kvikmyndin hans Hrafns Gunn-
laugssonar, Hvíti víkingurinn, kost-
aði sjö milljónir dollara.
Eins og Hvíti víkingurinn er mynd-
in Góður ásetningur gerð bæði fyrir
sjónvarp og kvikmyndahús. Fyrst
mun verða sýnd sex tíma löng sjón-
varpssería í desember og í kjölfarið
mun svo fylgja kvikmyndin sem
verður tveir timar og fjörutíu og
fimm mínútur að lengd.
Að Ingmar Bergman skyldi treysta
Bille August fyrir handriti sínu er
eingöngu vegna hrifningar hans á
Pelle sigurvegara sem fór sigurfór
um allan heim og fékk meðal annars
óskarsverðlaunin sem besta erlenda
kvikmyndin.
„Fyrirfram var ég kviöinn fyrir
þessu níu mánaða tímabili sem það
tók að kvikmynda Góðan ásetning,
enda hræddur um í fyrstu að það
yrði í raun Bergman sem stjómaði á
bak við tjöldin," segir Bille August,
„en sá kvíði var ástæðulaus, þetta
var verðugt og spennandi verkefni.
Og ég tel handritið vera bestu ástar-
sögu sem ég hef lesið.“
Hræðsla August við að Bergman
myndi verða með hausinn yfir öxlum
hans var alveg ástæðulaus. Bergman
setti strax línuna hvar hann myndi
hætta að skipta sér af framkvæmd-
Kvikmyndir
Hilmar Karlsson
inni. Hann hjálpaði sænskum fram-
leiðendum við að afla peninga frá
sjónvarpsstöðvum í Bretlandi,
Þýskalandi, Frakklandi, á italíu og
Noröurlöndum. Þá fór hann yfir
handritið með August og valdi Pem-
illa Ostergren, sem lék bamfóstmna
í Fanny og Alexander, til að leika
móöur sína og sænska leikarann
Samuel Froler til að leika fóður sinn.
Má geta þess að á meðan á tökum
stóð giftu þau sig, Bille August og
Pemilla Ostergren.
Endar áður en
Bergman fæðist
Kvikmyndin byrjar 1909 í háskóla-
bænum Uppsölum. Þar er nemandi
í guðfræði, hinn fátæki en réttsýni
Erik Bergman. Hann verður ástfang-
inn af Onnu Akerblom, ríkri og
spilltri yfirstéttarstúlku.
„Þetta var klassísk staða þar sem
foreldrar hennar vom mjög á móti
sambandi unga fólksins en það hafði
sitt fram. Erik og Anna vom samt
mjög ólíkir einstaklingar og varð
hjónabandið dramatískt og árekstrar
margir," segir Ingmar Bergman.
„í bytjun vom þau augljóslega
mjög ástfangin en ólíkt uppeldi tók
sinn toll af þeim báðum." Kvikmvnd-
in endar 1918, rétt áður en Ingmar
Bergman fæðist, og þá eru þau þá
ákveöin í að horfa framan í framtíð-
ina saman þrátt fyrir ólík lífsviðhorf.
Bille August bætir við að kvik-
myndin sé um ást á milli manns og
konu, foreldra og bama og milli vina,
bræðra, hún sé um eigingjarna ást
sem og óeigingjama og ást á guði.
„En myndin er einnig um eyöingar-
hvöt og baktjaldamakk alls konar,“
bætir August viö.
Aðspurður hvemig hefði verið að
vinna með Bergman sagði August að
þeir hefðu setið saman í tvo mánuði
1989 og farið nákvæmlega yfir hand-
ritiö og öll vafatriöi sem gætu komið
upp. „Svo nákvæmlega fórum við
saman yfir handritið að ég fann aldr-
ei þörf hjá mér aö tala við Bergman
meðan á tökum stóð,“ segir August.
Hinn þekkti leikari, Max von
Sydow, leikur afa Bergmans í mynd-
inni. Hann segir að Ingmar Bergman
og Bille August séu ólíkir persónu-
leikar en þó eigi þeir það báðir sam-
eiginlegt aö koma til verks mjög vel
undirbúnir og vita nákvæmlega hvað
þeir vilja. Von Sydow talar af reynsl-
unni en hann lék eftirminnilega í
mynd August, Pelle sigurvegara, og
hefur leikið í mörgum meistarverk-
um Bergmans.
Umfjöllun um Ingmar Bergman og
flölskyldu hans lýkur svo sannarlega
ekki með Góðum ásetningi því að nú
eru að hefiast tökur á köflum úr
sjálfsævisögu Bergmans, Laterna
Magica, sem kom út 1987. Handritiö,
sem Bergman skrifaði, fiallar um
drenginn Pu (Bergman), foreldra
hans og bróður þar sem þau eru í
sumarleyfi í „dölunum“. Sá sem leik-
ur Pu er átta ára gamall drengur sem
heitir Henrik Linnros. Foreldra hans
leika Thommy Berggren og Lena
Endre. Myndin mun heita Sunnus-
dagsbam og er leikstjóri enginn ann-
ar en Daniel Bergman, sonur snill-
ingsins, og er þetta fyrsta kvikmynd-
in í fullri lengd sem hann leikstýrir.
-HK
Mark Frost skiptir
umhlutverk
AJIir sem hafa fylgst meö ferli
David Lynch og þá um leið þátta-
röðinni Tvídröngum hafa tekið
eftir nafhi Mark Prost en saman
reka þeir kvikmyndafyrirtæki og
hefur Frost óneitanlega staðið í
skugganum á David Lynch. Nú
hefur Mark Frost ákveðið að
standa á eigin fótum við gerð
kvikmyndarinnar Storyville, sem
hann bæði leikstýrir og skrifar
handrit að. Frost skrifaði hand-
ritið, sem fiallar um ungan lög-
fræðing sem flækist í net hættu-
legrar konu sera bæði er leiðbein-
andi í japanskri sjálfsvarnarUst
og gleðikona, íyrir fimm árum og
hafði aldrei hugsað sér meira í
gerö myndarinnar. En þegar ekk-
ert gerðist ákvað hann að leik-
stýra sjálfúr. Aðalhlutverkin
leika James Spader, Charlotte
Lewis og Joanne Whalley-Kilmer.
David Cronenberg
reynirþað
ómögulega
David Cronenberg vinnur nú
hörðum höndum viö að gera
kvikmyndina Naked Lunch sem
gerö er eftir skáldsögu William
S. Burroughs. Hún kom út 1959
og vakti mikla athygh, enda um
furðusögu að ræða sem höfund-
urinn kallaði „að hluta til skáld-
sögu“. Fljótlega varð þessi saga
ein af þeim „sem ómögulegt er
að kvikmynda“. David Cronen-
berg er sammála þessu og segir
að ef hann hefði skrifað handrit
beint eftir bókinni þá hefði kostn-
aðurinn orðið 400 milljónir doll-
arar og myndin heföi verið bönn-
uð í öllum löndum. Haxm fer því
frjálslega með söguþráöinn sem
fiallar um rithöfund sem er að
reyna að skrifa bók um bók. Aðal-
hlutverkið leikur Peter Weller.
Aðrir mennskir leikarar eru
Judy Davis, Roy Scheider, lan
Holm og Julian Sands.
Hrói höttur
Kevins Costners
slærígegn
Um síðustu helgi var frumsýnd
í Bandarikjunum Robin Hood,
Prince of Thives, þar sem Kevin
Costner fer með aðalhlutverkið.
Gagnrýnendur eru ekki á eitt
sáttir um gæði myndarinnar en
áhorfendur hafa fiykkst til að sjá
myndina og komu inn fyrstu sýn-
ingarhelgina 25,6 milljónir doll-
ararþ Það er næstmesta upphæð
sem komið hefur inn á einni sýn-
ingarhelgi þegar um er að ræða
mynd sem ekki er framhalds-
mynd. Aðeins Batman halaði inn
meira. Hrói höttur, prins þjóf-
anna, verður tekinn til sýningar
í Regnboganum i næsta mánuði.
Rakettumaðurinn
- sumarsmellur
frá Disney
Um næstu helgi verður ffum-
sýnd í Bandaríkjunum ævintýra-
myndin Rocketeer en Wait Disn-
ey-fyrirtækið hefur lagt í mikinn
kostnaö við gerð þessarar mynd-
ar og vonast einnig til að hér sé
um mikinn sumarsmell að ræða.
Myndin fiallar um ungan kapp-
akstursflugmann sem ásamt að-
stoðarmanni sínum uppgötvar
einn dag rakettupakka sem hefur
þá náttúru að hver sem setur
hann á sig getur flogiö eins og
fuglinn frjáls. Þaö er óþekktur
leikari, Bill Campell, sem leikur
rakettumanninn. Aörir leikarar
eru Alan Arkin, Timothy Dalton,
Paul Sorvino, Terry O’Quinn og
Ed Lauter. Það er svo Jennifer
Connelly sera leikur kærustu
hans. Leiksfióri er Joe Johnston
sem leikstýröi sumarsmelhnum í
fyrra fyrir Disney; Honey, I
shrunk the Kids.