Dagblaðið Vísir - DV - 22.07.1991, Side 2
2
MÁNUDAGUR 22. JÚLÍ 1991.
Fréttir
30 manna hópur austurrískra jarðvísindamanna:
Tekur sýni úr föstu
bergi í algeru leyf isleysi
- hefur komið víða við á Norður- og Austurlandi
„Þessi 30 manna hópur austurrí-
skra vísindamanna fór í setlögin á
Tjörnesi í Hallbjamarstaðakambi
og tók steinsýni þar. Vísindamenn-
irnir em með útbúnaö til sýnatöku:
hamra, meitla og aðrar græjur.
Talað er um að þeir hafi vaðið í
gömul setlög, surtarbrand og stein-
gerðar leifar sem þeir brjóta upp
og taka úr sýni.
Hópur fólks sá til þeirra á Tjör-
nesi, ofbauð aðfarirnar og lét vita.
Aðfaranótt sunnudagsins tjölduðu
menmrnir í Atlavíkinni og ég fór
með Einari Þórarinssyni, fulltrúa
frá Náttúruverndarráði, og hafði
tal af þessum hópi,“ sagði Úlfar
Jónsson, lögregluvarðstjóri á Eg-
ilsstöðum.
„Við létum þá fá ljósrit af lögum
um náttúrufriðum og upplýsingar
um svæði þar sem óheimilt er að
gera jarðrask. Við höfðum ekki
önnur afskipti af þeim. Málið er það
að erfitt er fyrir okkur að sanna
eitthvað nema við stöndum þá aö
verki.
Við aðvöruðum lögregluna á
Eskifirði um komu þeirra en þeir
stefndu að Helgustaðanámum við
Reyðarfjörð þar sem silfurberg er
að finna. Þeir virðast hins vegar
hafa passað sig á að vera snemma
á ferð og þeir voru farnir þegar
lögreglan þar ætlaði að vitja um
þá. Það sem gerir þetta allt erfitt
viðureignar er að með þeim í fór
eru tveir austurrískir leiðsögu-
menn. Á meðan íslendingar geta
ekki lagt til fararstjóra sjálfir er
erfitt að stjóma hópum sem þess-
um.
Hópurinn er á rútu frá Sæmundi
í Borgamesi og bílstjórinn er ís-
lenskur. Hann er einn og ræður
ekki neitt við neitt. Hann hefur
reynt að margítreka það hvernig
þeir eigi að haga sér en þeir fara
bara sínu fram. Austurríkismenn-
irnir telja að hann sé að siga lög-
reglunni á þá. Bílstjórinn er orðinn
eins og möli steins og sleggju og
var greinilega ekki vinsælasti mað-
urinn í hópnum," sagði Úlfar.
Sigurborg Rögnvaldsdóttir, land-
vörður í Herðubreiðarlindum,
fylgdist vel með hópnum þegar
hann kom á umráðasvæði hennar.
„Við vöktuðum þá en þeir komu
hingað á fimmtudaginn. Þá fóru
þeir upp að Herðubreiðarlindum í
Óskju og við ræddum heilmikið við
þá þann daginn. Þeir voru greini-
lega í mikilli varnarstöðu því að
lögreglan á Húsavík var búin að
hafa afskipti af þeim.
Þrátt fyrir að heill hópur sæi til
þeirra við Hallbjarnarstaöakamb á
Tjörnesi virðist það ekki vera nóg
til þess að eitthvað sé gert í málinu.
Á meðan við fylgdumst með þeim
gerðu þeir ekki neitt af sér enda
vissu þeir af okkur. Ég ræddi við
forsprakkana í hópnum og þeir
sögðust hafa tekið steinsýni áður
hér á landi og það hefði aldrei ver-
ið neitt mál. Ef enginn sér til þeirra
geta þeir vaðið hér um allt, gert það
sem þeim sýnist og skemmt ís-
lenskar náttúruminjar.
Leiösögumennimir í hópnum eru
á undanþágu til að starfa hér á
landi. Það þarf bara að ógilda leyfi
þeirra. Það eiga engir leiösögu-
menn að fá að starfa hér á landi
sem ekki era nægilega vel að sér
um lög og reglur í þessu sam-
bandi," sagði Sigurborg.
-ÍS
Mikill fjöldi fólks fylgdist með þegar unglingspiltur klifraði upp á Ijósaskilti við Austurstræti aðfaranótt laugardags
og lék þar glæfralegar kúnstir. Hann var sóttur með hjálp körfubíls og þótti mildi að hann skyldi ekki stórslasa sig
á þessu athæfi. Pilturinn varð að greiða tæpar 30 þúsund krónur í sektir fyrir þetta uppátæki. DV-myndir S
Eldur í
risíbúð
- íbúamir voru ^arverandi
Slökkvilið var kallað að Framnes-
vegi 24A aðfaranótt sunnudagsins
klukkan 2.44. Eldur logaði í risíbúð
á þriðju hæð en húsráðendur voru
íjarverandi. Greiðlega gekk að
slökkva eldinn en rjúfa varð gat á
þak hússins til að hleypa hita út. íbúi
á neðri hæð var fluttur á slysadeild
með snert af reykeitrun.
Innanstokksmunir í íbúðinni eru
töluvert skemmdir af eldi og reyk.
Möguleiki er talinn á að kviknað
hafi í út frá vindlingi.
-ÍS
Greiðlega gekk að slökkva eldinn
sem kom upp í risíbúð á Framnes-
vegi aðfaranótt sunnudagsins.
DV-mynd S
Isafiörður:
Ráðist á lögregluþjón
Nokkur ungmenni réðust að lög-
regluþjóni á föstudagskvöldið á
ísafirði. Lögreglumanninum tókst
að verjast árásarmönnunum án
þess að verða fyrir teljanlegum
meiðslum enda barst honum fljótt
liðsauki. Fjögur ungmenni fengu
að gista fangageymslur lögregl-
unnar vegna þesa atviks.
Á laugardagskvöldið brutust út
slagsmál á dansleik í Djúpmanna-
búð í Djúpi og urðu tveir fyrir
minni háttar meiðslum. Þeir voru
fluttir á slysadeild á ísafirði með
lítils háttar skurði sem þurfti að
sauma.
-ÍS
Mannmergð á skemmti-
stöðum um helgina
- um 10 þúsund manns voru í miðbænum aðfaranótt laugardags
Gífurlegur fjöldi fólks safnaðist
saman í miðbæ Reykjavíkur á föstu-
dagskvöldið en heldur minna var af
fólki á laugardagskvöldið. Lögreglan
í Reykjavík taldi að um 10 þúsund
manns hefðu veriö í miðbænum á
fóstudagskvöldið en þrátt fyrir þenn-
an mikla mannijölda var lítið um
óspektir. Þegar skemmtistöðum var
lokað á fóstudag fylltist allt af fólki
í Austurstræti og nærliggjandi göt-
um og var töluverður mannfjöldi allt
fram til klukkan fimm að morgni á
rápi fram og aftur.
Að sögn lfjgreglunnar eru aðeins
um 12-15 lögreglumenn á vakt á
kvöldin í miðbænum. Ljóst er að þeir
fá litlu ráðiö þegar svo margt fólk er
ef eitthvað er um ólæti og slagsmál.
Svo heppilega vildi til að þessu sinni
að mannfjöldinn skemmti sér í róleg-
heitum og hafði sig lítið í frammi.
Töluverður fjöldi fólks fylgdist með
af áhuga á fóstudagsnóttina þegar
unglingspiltur klifraði upp á þak
húss Nasa þar sem áður var Nýja
bíó. Hann lék þar ýmsar glæfralegar
kúnstir og neitaði að fara niður.
Körfubíll var til kallaður til að ná
honum niður. Pilturinn var látinn
greiða 15 þúsund króna sekt og að
auki 12.500 krónur í kostnað vegna
körfubílsins. Hann hugsar sig örugg-
lega tvisvar um áður en hann endur-
tekur þennan glæfraleik.
Eitthvað var um minni háttar af-
brot aðfaranótt sunnudagsins. Rúða
var brotin í verslun í Mjóddinni.
Tveir bifhjólamenn voru sviptir öku-
leyfl fyrir of hraðan akstur á Lauga-
veginum en þeir mældust á 103 km
hraða. Bíræfinn þjófur, sem reyndi
að stela úr bifreiðum á Klapparstíg,
náðist og stúlka varð fyrir lítils hátt-
ar meiðslum þegar bifreið ók yfir fót
hennar. Meiðsli hennar reyndust
ekki eins alvarleg og í fyrstu var tal-
ið.
Að sögn lögreglunnar var þetta
frekar róleg helgi þrátt fyrir mikinn
fjöldafólks. -ÍS
Húsið að Lindargötu 45, sem skemmdist í bruna þann 16. maí síðastliðinn,
var flutt með stórum vöruflutningabíl að húsgrunni við Bakkastig í vestur-
bænum í nótt. Þorsteinn Þorsteinsson útgerðarmaður byggði húsið fyrir
105 árum. Að sögn Sveinbjörns Gunnarssonar, eiganda hússins, var bygg-
ingin mikið skemmd eftir brunann. Burðarvirkið er hins vegar heilt og
ákváðu Sveinbjörn og eiginkona hans, Kolbrún Mogensen, að nota tækifær-
ið og flytja húsið frá Lindargötu nú þegar endurnýjun stendur fyrir dyrum.
„Við hefðum hvort sem er þurft að flytja því Eimskip er að fara að byggja
hótel á gamla staðnum," sagöi Sveinbjörn við DV í morgun. Flutningurinn
í nótt gekk vel. DV-mynd S