Dagblaðið Vísir - DV - 20.06.1992, Side 31
LAUGARDAGUR 20. JÚNÍ 1992.
43
Díana prinsessa er sögð þjást af búlimiu, etur reiðinnar býsn af alls kyns góðgæti og ælir siðan öllu jafnharð-
an meö því að stinga fingri í kok sér. Meðferð búlimíu er erfið og stormasöm enda eru þessir sjúklingar fastir
i vítahring eigin glámskyggni og ranghugmynda um líkama sinn og útlit. Með reglulegum viðtölum og viðeig-
andi geölyfjameðferð má þó hjálpa mörgum til skemmtilegra lifs.
Búlimían, Bíbí
og lafði Díana
Hjónabandsvandamál þeirra
Karls Bretaprins og Díönu, hinnar
fógru konu hans, eru á allra vörum.
Hann er nú álitinn hið mesta fúl-
menni og blöðin segja hann vondan
við eiginkonu sína. Drottningin hef-
ur miklar áhyggjur af ástandinu og
konungsveldið er talið riða til falls.
Sögur segja að Díana sé komin með
búlimíu sem er alvarlegur, lang-
vinnur sjúkdómur sem tengist eigin
sjálfsmynd og tilfmningu fyrir sjálf-
um sér. Sjúkdómur þessi er ekki
ýkja þekktur hérlendis og því langar
mig til að segja sögu af konu nok-
kurri sem ég þekkti eitt sinn:
Bíbíbolla
Hún var kölluð Bíbí og allir virt-
ust hafa gleymt því að hún héti eitt-
hvað annað. Hún var liðlega tvitug
og starfaði á opinberri skrifstofu
fyrir smánarlaun. Bíbí var 168 sm
aö hæð og vó um 53 kg. Hún hafði
bæði verið þyngri og léttari en
sjálfri fannst henni hún alltaf vera
offeit.
Þegar Bíbí var 12-13 ára gömul var
henni strítt í skóla og pörupiltar
hverfisins kölluðu á eftir henni
ókvæðisorð: Bíbí bolla, Bíbí feita og
fleira í þeim dúr. Þetta sámaði
henni ákaflega mikið og ákvað
smám saman að skjóta þeim öllum
ref fyrir rass og grenna sig svo ær-
lega að þeir hættu þessum köllum.
Hún fór að stunda íþróttir af miklu
kappi og gæta sín í sambandi við
alla fæðu. Suma daga borðaði hún
ákaflega lítið og nærðist á hrökk-
brauði og kruðum og vatni. Hún
grenntist en aldrei nógu mikið að
eigin mati.
Oðru hvoru féll hún í þá freistni
að borða mikiö og raðaði þá í sig
sætindum, bollum og vínarbrauö-
um ims hún stóð á blístri. Þetta
gerðist eför nokkurra daga harða
megrun þegar hún hafði neitað sér
um allt. Eftir slík átævintýri fylltist
hún kvíöa og sektarkennd og sjálfs-
fyrirlitningu.
Eina nóttina, þegar hún hafði
laumast niður í ísskápinn í miðri
megruninni og hámað í sig 2 lítra
af vanilluís, hálfa tveggja daga
gamla rjómatertu og heila vínar-
brauðslengju, leið henni óvenju illa.
Hún ákvaö þá að stinga fingrum
niður í kok sér og reyna þannig að
æla þessu öllu upp aftur. Þetta gerði
hún inni á klósetti og tókst að koma
upp úr sér því sem hún áður hafði
látiðísig.
Næstu árin hélt þetta áfram.
Henni fannst hún alltaf vera of feit
þó að engir aðrir hefðu orð á slíku.
Tímunum saman gat hún staðið fyr-
ir framan spegilinn og horft á mynd
sína döprum augum.
„Ég er afskræmd af fitu og spiki,“
sagði hún stundum í hálfum hljóö-
um við sjálfa sig og reyndi síðan að
herða enn megrunina.
En með nokkurra daga millibili
virtist hún yfirkomin af löngun í
mat. Þá borðaði hún af óstjómlegri
græðgi allt sem hún fann á heimil-
inu af sætum kökum, ís og sælgæti
en kastaði öllu saman upp jafnharð-
an með því að troða fingnun í kok
sér. Aðra daga var hún dugleg í
megruninni og borðaöi lítið sem
ekkert.
Sjaldnast gat hún notið máltíða
því að hún hafði stöðugar áhyggjur
Á laeknavaktiiini
/ N\ ? Óttar
i Guðmundsson
m&mi;;., /J læknir
af hitaeiningum, offitu og útliti. Hún
sat við matboröið og hrærði í matn-
um með gafflinum og færði bitana
fram og aftur á disknum án þess að
neyta neins. Stöku sinnum tók hún
inn stóra skammta af hægðalyfjum
og bjúglyfjum til að minnka „um-
framfæðu og umframvökva" í lík-
amasínum.
Bíbí komst að lokum til lækna sem
reyndu að taka á vandamálinu. í
nokkrum viðtölum þóttust menn
komast aö raun um hún væri veru-
lega þunglynd og var þá hafin með-
ferð með þunglyndislyfjum ásamt
viötalameðferð. En meðferðin er
erfið og stormasöm enda eru þessir
sjúklingar fastir í vítahring eigin
glámskyggni og ranghugmynda um
líkama sinn og útlit. Með regluleg-
um viðtölum og viöeigandi geðlyfja-
meðferð má þó hjálpa mörgum til
skemmtilegralífs.
Díana fagra
Breskir flölmiðlar halda því fram
að hin aðalboma Díana sé haldin
sjúkdómi þessum ekki síður en hin
alþýðlega Bíbí. Hún er sífellt döpur,
upptekin af útlití. sínu og líkams-
vexti og hefur miklar áhyggjur af
því að vera ekki nógu grönn og
smart. Auk þess segja menn að hún
laumist öðru hvom í hinn konung-
lega ísskáp og hámi í sig allt góðgæt-
ið sem þar sé að finna. Að því loknu
æli hún öllu saman í konunglegt
klósett með því að stinga fingrum í
kok sér. Á máltíðum er hún sögð
sitja og hræra í matnum sem mestu
listakokkar Bretlandseyja hafa
hrært saman.
Lífsbaráttan er háð undir gunn-
fánum sífelldrar megmnar. Sjúkl-
ingar með þennan sjúkdóm em að
fást við mikið af andlegum vanda-
málum. Þeir eru oft reiðir inni í sér
og árásargjarnir og fullir af heift.
Þeir em oft þunglyndir og hafa þá
tilfinningu að þeir séu einskis virði
og lífið sé næsta leiðinleg biðstöð
eftirengu.
Að mörgu leyti er auðvelt að gera
sér í hugarlund andlegt ástand Dí-
önu prinsessu. Hún kemur inn í flöl-
skyldu þar sem kröfumar em
ómaimeskjulega miklar og pressan
og þjóðin öll heimta í áfergju að hún
hafi vöxt eins og filmstjama og
framkomu eins og forsetafrú. Ljós-
myndarar fylgja henni hvert sem
hún fer og öll svipbrigði em túlkuð
eftir smekk og skoðunum hvers og
eins. Slík kona getur auðveldlega
fallið í þann fúla pytt búlimíunnar.
Sjálfsmatið brenglast enn frekar og
hún fer að trúa því að hún sé bæði
feitogólánlegútlits.
Ekki er auðvelt aö ráðleggja Díönu
eitthvað heilt í þessu máli. Það er
skammgóður vermir að skilja við
Karl prins og fara að vinna á kassa
hjá Marcs og Spencer. Hætt er við
að henni þætti það þunnur þrettándi
og væri jafn upptekin af útliti sínu
þar sem annars staðar.
Sennilega væri skásti kosturinn
að fara með Karli í hjónameðferð
og reyna þannig að lappa upp á sam-
bandið, fara sjálf í einstaklingsmeð-
ferð og taka þunglyndislyf í ein-
hvem tíma, gefa síöan pressunni
langt nef, hlaupa í spik og njóta þess
góða sem lífið hefur upp á bjóða
jafnvel þótt maöur sé aö veröa
drottning þessa gjaldþrota fyrirtæk-
is sem kallar sig Stóra-Bretland.
FRÁ GRUNNSKÓLANUM
í HVERAGERÐI
Okkur vantar kennara til að kenna myndmennt, tón-
mennt og íþróttir pilta.
Upplýsingar gefa Guðjón Sigurðsson skólastjóri í
síma 98-34950 eða 98-34195 og Pálína Snorradótt-
ir yfirkennari í síma 98-34436 eða 98-34195
MMC Pajero 3000, árgerð 1989, ekinn 51 þús. km,
sjálfskiptur, vökvastýri, upphækkaður, 4" spil, 2,5
tonn, 33" dekk, skipti á ódýrari MMC bifreið koma
til greina. Staðgreiðsluverð 2.300 þús. Til sýnis á
staðnum.
Gífurlegt úrval bíla á skrá. Ýmis skipti og kjör.
Staðgreiðsluverð og lánsverð allt að 36 mánuði. Við
höfum stækkað sýningarsalinn.
HÖFUM OPIÐ SUNNUDAGA FRÁ 13-17 í SUMAR.
Verið velkomin.
BOBGARBÍLASALAN
GRENSÁSVEGI 11, SÍMAR 813150-613085
SMC.
TOPP ▼ GÆÐI
SLÁTTUORF - HEKKKLIPPUR
Garösnyrtitæki frá Skil eru byggö samkvæmt
ströngustu öryggis- og neytendakröfum,
viðurkennd af Rafmagnseftirliti ríkisins.
SPÁÐU í VERÐIÐ!