Dagblaðið Vísir - DV - 08.07.1994, Blaðsíða 5

FÖSTUDAGUR 8. JÚLÍ 1994
5
Fréttir
Mecklenburger Hochseefischerei:
Tapreksturinn á fyrir-
tækinu er óviðunandi
- segir Ingi Björnsson framkvæmdastjóri, tveir togarar á söluskrá seljast ekki
„Það eru í gangi viðræður á milli
eignaraðila fyrirtækisins en þær eru
skammt á veg komnar og ekki hægt
að segja núna hvað kemur út úr
þeim,“ segir Ingi Björnsson, fram-
kvæmdastj óri útgerðarfyrirtækisins
Mecklenburger Hochseefischerei í
Rostock í Þýskalandi, en það fyrir-
tæki er í meirihlutaeigu Útgerðarfé-
lags Akureyringa.
Miklir erfiðleikar hafa veriö í
rekstri fyrirtækisins sem tapaði á
fimmta hundrað milljónum króna á
síðasta ári. Það sem af er yfirstand-
andi ári er einnig mikið tap á rekstr-
inum en Ingi vildi ekki upplýsa
hversu mikið, sagði að þar hefði m.a.
birgðastaða og fleira í þeim dúr áhrif.
„Það er hins vegar alveg ljóst að
útkoman á rekstrinum er óviðun-
andi, tapið er það mikið. Aðalvanda-
málið er það fastlaunakerfi sem er á
skipunum og við erum með allt of
hátt launahlutfall miðað við það verð
sem við erum að fá fyrir afurðirnar.
Það þarf að finna leiöir til að ná því
niður og við höfum veriö að ræða við
verkalýðshreyfinguna um þau mál
en með litlum árangri. Það er ekki
endilega verið að tala um að lækka
launin en við höfum bent á hluta-
skiptakerfið á íslandi sem kemur vel
út fyrir sjómenn og er mun hentugra
en fastlaunakerfið hér,“ segir Ingi.
Hann segir því að eigendurnir séu
að hugleiða hvaða leiðir eigi að fara.
„Viö höfum ekki náð nógu mikilli
hagkvæmni í þetta á árinu og annað-
hvort verður að setja í þetta nýtt fé
eða finna aðrar leiðir, eða jafnvel að
hætta,“ segir Ingi og á þar við þá
heimild í samningi eignaraðila að
þeir geti krafist riftunar fyrirtækis-
ins ef tapið nái ákveðnu hlutfalli af
eigin fé en tapið hefur verið langt
fyrir ofan þau mörk.
Mecklenburger Hochseefischerei á
8 togara og eru 7 þeirra gerðir út um
þessar mundir en einum hefur verið
lagt. Tvö skipanna hafa verið á sölu-
skrá í talsverðan tíma en markaður-
inn er þröngur og ekki hefur tekist
að selja skipin. Nú er einn togaranna
á síldveiðum í Norðursjó, annar á
þorskveiðum í Barentshafi en fimm
eru á karfaveiöum á Reykjanes-
hrygg.
Bankataska tekin 1 versluninni Emblu í Hafnarfirði:
Stal nótum og peningum fyrir 600 þúsund
- fékk að máta fót og tók töskuna á kaffistofu
Bankatösku með verðmætum upp
á á sjöunda hundrað þúsund krónur
var stohð í versluninni Emblu,
Strandgötu 29, á þriðjudag. Sá sem
þarna var að verki er tahnn hafa
farið inn í kaffistofu í versluninni,
fengið þar að máta fót en stohð
bankatösku sem þar var í leiöinni.
í töskunni voru greiðslukortanótur
að andvirði um hálf milljón króna
og um 100 þúsund krónur í peningum
og ávísunum. Á kaffistofunni voru
einnig veski eiganda verslunarinnar
með greiðslukortum, peningum,
skilríkjum og fleiru. Þjófurinn hafði
auk þess á brott með sér ýmis gögn
sem tengd eru rekstri verslunarinn-
ar.
Eigendur verslunarinnar hafa ósk-.
að eftir að DV komi því á framfæri
við þann sem þarna var að verki að
skila öllum þeim gögnum og
greiðslukortum, sem hann hefur
ekki not fyrir, sem fyrst. Tap versl-
unarinnar sé tilfinnanlegt, einkum
ef hliðsjón er höfð af því að óþægi-
legt sé að vera án skilríkja, greiðslu-
korta og ahra þeirra gagna sem hér
um ræðir.
Prestsfrúin gekk á gleri
Það rikti sannkölluð karnivalstemning á „Hátíð á Hornafirði" á Höfn um
síðustu helgi. Götuleikhúsið, skipað heimamönnum á öllum aldri, stjórnaði
skrautlegri skrúðgöngu frá Fiskhól út á hafnarsvæðið þar sem kynjaverur
voru i fararbroddi. Þar voru ýmis skemmtiatriði og hátiðarbragur á öllu.
Mikla athygli vakti þegar prestsfrúin, Halldóra Gunnarsdóttir, gekk á gler-
brotum og fór létt með það. Fjölmenni bæjarbúa og gesta var á staðnum
og Halldóra er fremst á myndinni á glerbrotunum.
DV-mynd Júlía Imsland, Höfn
Norðurland vestra:
Nýir oddvitar víða
Þórhatlur Ásmundsson, DV, Sauðárkroki:
Miklar breytingar hafa orðið í stöð-
um oddvita í Skagafjarðarsýslu í
kjölfar hreppsnefndarkosninga í vor.
í Skagafirði eru komnir nýir oddvit-
ar í 5 sveitahreppum af níu. Minni
breytingar eru á oddvitum í Húna-
vatnssýslum. í vestursýslunni eru 3
nýir oddvitar og tveir í hinni.
Anna Steingrímsdóttir, húsfreyja í
Þúfum, tekur við oddvitastarfi í
Hofshreppi af Stefáni Gestssyni á
Arnarstöðum, Haraldur Jóhannes-
son, bóndi í Enni í Viðvíkurhreppi,
tekur við af Birgi Haraldssyni á
Bakka, Valgeir Bjarnason, kennari á
Hólum, er nýr oddviti í Hólahreppi.
Tekur við af Trausta Pálssyni. Símon
Traustason, bóndi í Ketu í Rípur-
hreppi, leysir af hólmi Árna Gíslason
í Eyhildarholti og Ingibjörg Hafstaö,
kennari og húsfreyja í Vík, verður
oddviti Staðarhrepps í stað Þorsteins
Ásgrímssonar á Varmalandi.
Valur Gunnarsson er nýr oddviti á
Hvammstanga. Þorsteinn Helgason á
Fosshóh tekur við oddvitastarfi í
Fremri-Torfustaðahreppi af Eggerti
Pálssyni á Bjargshóli. í Ytri-Torfu-
staðahreppi er einnig nýr oddviti,
Stefán Böðvarsson á Mýrum, sem
leysir Jóhannes Bjömsson á Laugar-
bakka af hólmi.
Adolf H. Berndsen er nýr oddviti á
Skagaströnd. Tekur við af Sveini Ing-
ólfssyni. í Svínavatnshreppi hættir
Sigurjón Lárusson á Tindum og Jó-
hann Guðmundsson í Holti tekur við.

AXEL FOLEY ER MÆTTUR AFTUR
Eddie Murphy er kominn aftur í Löggunni í Beverly Hills 3. Sem fyrr eru
vörumerki Detroit löggunnar Axels Foley húmor og hasar í þessari
hörkuspennandi mynd.
BIEXflERLY HII.LS
r • ^
HASKÖLABÍÓ