Dagur - 22.05.1987, Blaðsíða 9

OAQU^- 9,
Hallfreður
Örgumleiðason:
i
//
Hvílík ógn og hvílík skelfing"
sannleikur um sumarið
Æ mig auman. Sumarið er komið
með viðeigandi vítiskvölum sem
eru því samfara, a.m.k. norðan-
lands. Hér sit ég í svita- og reykj-
arkófi og reyni að draga andann.
Púff, ég læt varla oft frá mér
heyra ef sumarið verður svona.
Þá leggst maður frekar í skugga
eða flýr til kaldari landa. Kannski
er nóg að flytja til Reykjavíkur.
Ég man þá tíð þegar ég var í
byggingavinnu í Reykjavík og
það voru dásamlegir tímar. Sval-
andi rigning og hressandi gola.
Stundum rakur, stundum blaut-
ur, stundum eins og hafragraut-
ur. Útivinna í Reykjavík er það
besta sem getur hent nokkurn
mann. Að vísu fór ég dálítið illa
út úr Jdví fyrsta árið sem ég vann
þar. Eg kom að norðan, óharðn-
aður glópur, og hafði aldrei eign-
ast regngalla. Kjörin á Eyrinni
voru heldur bágborin á þessum
árum og peningarnir fóru í það
að brauðfæða fjölskylduna sem
ég var að koma upp og þar af
leiðandi dróst það mjög að kaupa
galla. Dróst reyndar í nokkur ár.
Sem betur fer áskotnuðust mér
þó stígvél því aldurhnigin móðir
mín kom eitt sinn færandi hendi
er hún staulaðist yfir fjöll og firn-
indi til þess að líta á búskap
sonarins í borginni. „Hvárt munt
þú eigi soddan tól þurfa at
brúka?“ sagði þessi elska og
fleygði í mig fjósastígvélum.
Én þótt ég hafi verið blautur í
Reykjavík er það þó mun betra
en að vera þurr á Akureyri. Þessi
brennandi sól, heita þurra loft,
lognið og mollan. Hræðilegt. Og
ófögnuðurinn sem fylgir þessu.
Þá er ég ekki að tala um svita,
skapvonsku, höfuðverk, þorsta,
niðurgang, svefnleysi, andleysi
og dáðleysi á öllum sviðum sem
svo sannarlega fylgir sumrinu,
heldur er ég að tala urn skordýr-
in. Fyrir skömmu rakst ég á risa-
stóra, loðna og grimma býflugu
sem ætlaði að myrða mig. Ég gól-
aði, taldi í mig kjark og steytti
hnefana. Fljótlega sá ég þó sæng
rnína útbreidda og forðaði mér á
hlaupum. Síðan hef ég haldið
mig að mestu leyti innan dyra.
En kvikindin smjúga alls staðar.
Roðamaurar virðast komast í
gegnum tvöfalt gler, stundum
neyðist maður til að opna glugga
til að hleypa reyknum úr 60-100
sígarettum út og þá hefst innrás
alls kyns óargadýra. Maður er
hvergi óhultur, þetta heldur fyrir
manni vöku, suðandi í nösunum.
Og ef maður flýr í sturtu þá
skríða köngurlærnar upp á milli
tánna á manni og járnsmiðir stíga
dans. En ekki ég. Hörkutól stíga
ekki dans.
Tíu, tuttugu, þrjátíu stiga hiti í
forsælu. Fleskið lekur af manni í
stríðum straumum. Eldhúsið er í
skugga en þar er komið þykkt lag
af lýsi á gólfið svo maður spólar í
eigin spiki. Sama hvað maður
drekkur, allt gusast út um svita-
holurnar og lýsistaumarnir renna
niður eftir manni. Lýsi, flesk,
mör, sviti, olíukenndur óþverri.
Og þetta þykir mönnum eftir-
sóknarvert. Sól og hiti. Það sem
íslendingar eru vitlausir. Þeir
afneita kynstofninum og flykkj-
ast í kvalafull sólböð til þess eins
að líta út eins og skæruliðar í
Mið-Austurlöndum. Yfir vetur-
inn flykkjast þessir sömu Júdasar
íslenska kynstofnsins í ljósabekki
sem eru sjálfsagt enn heitari og
kvalafullari en blessuð sólin sem
elskar allt og bræðir. Óbærilegt,
óþolandi, óalandi, óferjandi,
óverjandi.
Kannski er ég orðinn gamall og
þröngsýnn. Þó hef ég alltaf mont-
að mig af því að vera ungur í
anda og víðsýnn með afbrigðum.
Ég hef meira að segja getað
umborið einstaka sjálfstæðis-
menn. Pólitískt umburðarlyndi
mitt er nefnilega eitt af því sem
ég er dáður og virtur fyrir. En
ekki meira um það að sinni. Bíð-
urn eftir kosningunum í haust.
Snúunt okkur frekar aftur að hit-
anum, sólinni, mollunni og öllum
óþverranum. Þrátt fyrir öll
óþægindin hefur þetta ástand
einn kost í för með sér. Allt sem
viðkemur heitu og sólríku sumri
má draga saman í einn drifhvítan
punkt sem er yfir allan ósóma
hafinn. Þessi svala uppsprettu-
lind í glóandi eyðimörkinni, þessi
fegurð og fullkomleiki, þetta
goðumiíka hjartans gull; þetta er
fáklædd kona. Konur í stuttbux-
um, konur í erntalausum bolum,
konur í bikini. konur í sundbol,
topplausar konur, naktar konur.
Þetta er það eina jákvæða sem
mollan hefur í för með sér og í
rauninni er þetta forsenda þess
að maður lifi af sólríkt sumar. Ég
vil hvetja hið ágæta dagblað okk-
ar norðanmanna til þess að birta
fleiri myndir af fáklæddum kon-
um í blaðinu, helst á forsíðu,
helst í hverjum Degi. Þetta er
ekki karlremba, þetta er aðeins
vitni um þroskað formskyn. Þetta
er list. Verið þið sælir lesendur
góðir og gleðilegt sólríkt sumar.
LETTIB
ll
Léttisfélagar
Aður auglýst tímataka fyrir Fjórðungsmót sem
fara átti fram á Lögmannshlíðarvelli 28. maí,
hefur verið færð fram á mánudagskvöldið
25. maí og hefst kl. 20.30.
Skeiðvallarnefnd.
Verkalýðsfélagið Eining
Sumarferð
Orlofsferð félagsins verður að þessu sinni
farin til Vestfjarða.
Farið verður frá Akureyri 7. ágúst og komið
til baka 12. ágúst.
Gististaðir verða: Reykjanesskóli, Heimavist
Menntaskólans á Isafirði, Breiðavík í Rauðasands-
hreppi og Bær í Reykhólasveit.
Allar nánari upplýsingar eru veittar á skrifstofum
félagsins.
Þátttöku þarf að tilkynna fyrir 20. júní.
Ferðanefnd Vlf. Einingar.
PLASTPÖKKUN
Betri vörumeðferð
í vörumóttöku okkar í Reykjavík er öllum viðkvæmum vörum á
brettum pakkað í plast. Þess vegna geturðu óhræddur sent
nánast hvað sem er með flutningaskipunum okkar. Kynntu þér
nýja tækni í bættri vörumeðferð.
RIKISSKIP
NÚTÍMA FLUTNINGAR
Hafnarhúsinu v/Tryggvagötu,
S 28822