Dagur - 02.11.1991, Blaðsíða 7

Laugardagur 2. nóvember 1991 - DAGUR - 7
Fréttir
Jón Karlsson varaformaður VMSÍ:
Vill að menn fari að haska
sér að samningaborðinu
Jón Karlsson, formaður Verka-
mannafélagsins Fram á Sauð-
árkróki, var kjörinn varafor-
maður Verkamannasambands
Islands á nýafstöðnu þingi þess.
Hann segir að meiri samstaða
hafi ríkt á þinginu en oft áður
og vel og mikið hafi verið
unnið.
„Nú þegar þessu þingi er lokið
er mér efst í huga að farið verði
að haska sér í að vinna að samn-
ingum. Ég reikna með að í næstu
viku verði gerð gangskör að því
af hálfu Verkamannasambands-
ins. Reynt að koma þeim af stað
og látið á það reyna hverju hægt
er að þoka áfram,“ segir Jón.
Um niðurstöðu komandi samn-
inga segir Jón að fyrst og fremst
verði hún að vera á þann veg að
sá ávinningur sem náðist með
síðustu kjarasamningum, verjist
og haldið verði áfram á þeirri
braut sem þá var byrjað á með
einhverjum hætti. En hvaða kröf-
ur ætlar Verkamannasambandið
að gera í komandi kjarasamning-
um?
„Undirbúningur VMSÍ fyrir
saminganna sjálfa lá náttúrlega
niðri meðan þingið stóð yfir, þó
e.t.v. megi segja að unnið hafi
verið að þeim þar líka. Pessa
dagana er því verið að koma
þeirri vinnu af stað aftur, en búið
er að vinna mikið í undirbúningi
t.d. vegna saminga fiskvinnslu-
Ég reikna með að í næstu viku verði
gerð gangskör í samningamálum af
hálfu Verkamannasambandsins.
fólks og ég býst við að það verði
þeir samningar og þær kröfur
sem hafðar verða til viðmiðunar í
komandi kjarabaráttu."
Jón segist sjá fram á, að
strembið verði að ná samningum
og segir að sín skoðun á því hafi
ekki breyst neitt á þessu þingi.
Einnig segir hann að raunvaxta-
lækkun sé nánast forsenda fyrir
því að viðundandi samningar
náist.
„Það er margt sem spilar inn í
samningagerðina að þessu sinni
sem svo oft áður. T.d. þurfa
menn ekki að hugsa mjög djúpt
til að sjá að kvótaskerðingin mun
hafa gífurleg áhrif á þessar við-
ræður. Ég er samt ekki viss um
að þær glætur sem kunna að vera
gagnvart stórvirkjunum og álveri
og hugsanlegum ávinningi af
EES-samningnum, muni hafa
áhrif á samningagerðina núna.
Minnsta kosti hef ég ekki trú á að
þau áhrif verði mikil þar sem
ekkert af þessu er farið að virka.“
Jón Karlsson er búinn að sitja í
framkvæmdastjórn VMSÍ sl. tíu
ár og segir að varaformanns-
embættið breyti ekki svo miklu
fyrir hann, þó trúlega muni það
eitthvað auka vinnuna við sam-
bandið. En með breytingum á
stjórn VMSÍ að þessu sinni vilja
sumir meina að Verkalýðsfélagið
Dagsbrún hafi misst forystuna
sem það hefur haft innan VMSÍ
undanfarin ár, en hvert er álit
Jóns á því?
„Dagsbrún missti náttúrlega
ekki forystuna, því samið var um
þetta allt saman. Tengsl þess við
sambandið eru geysilega þýðing-
armikil og reynt var að halda
þeim eftir því sem hægt var. Ég
vona síðan bara að hin nýja for-
ysta muni ná að standa sig, en
Ijóst er að mikið á eftir að mæða
á mönnum á næstunni," segir Jón
Karlsson, varaformaður VMSÍ.
SBG
Hvað er að gerast?
ENGIN HÚS ÁN HITA
Byggingaverktakar - Húsbyggjendur
Verðlækkun
á PVC plastfittings (rauðum)
til frárennslislagna.
Verslið við
fagmann.
DRAUPNISGÖTU 2 AKUREYRI
SI'MI (96)22360
HREINLÆTISTÆKI
STURTUKLEFAR 0G HURÐIR
BLÖNDUNARTÆKI
ALLT EFNI TIL PÍPULAGNA
JAFNAN FYRIRLIGGJANDI
FERÐAFÉLAG
AKUREYRAR
Kvöldvaka
verður í starfsmannasal Útgerðarfélags
Akureyringa föstudagskvöldið 8. nóvem-
ber kl. 20.30.
Dagskrá:
1. Árni Björnsson, þjóðháttafræðingur og Grétar
Eiríksson, tæknifræðingur, rekja slóðir Fjalla-
Eyvindar í máli og myndum.
2. Kaffiveitingar.
★ Allir velkomnir.
Aðgangseyrir kr. 500,- en ókeypis fyrir börn 12
ára og yngri.
Stjórnin.
A/ÍN við HRRFNROIK
Rokkað í 1929:
Ole Kristiansen band frá Grænlandi
í Vín
íslenskir tónleikagestir fá tækifæri
til að hlusta á fremstu rokkhljóm-
sveit Grænlands Ole Kristiansen
hand í Háskólabíó laugardaginn
2. nóvember kl. 21.00. Tón-
leikarnir áttu fyrst að vera í
Norræna húsinu en hafa nú verið
fluttir í Háskólabíó. Seinni tón-
leikar hljómsveitarinnar hafa
einnig verið fluttir og verða í
1929 á Akureyri sunnudaginn 3.
nóvember kl. 21.30.
Ole Kristiansen er 26 ára,
fæddur í Aasiaat á Norður-
Grænlandi. Tónlist hefur átt hug
hans allan frá barnæsku og hann
hefur tileinkað sér nýjustu tækni
í hljóðritun og annast sjálfur eig-
in upptökur.
Hann hefur helgað sig ein-
göngu tónlistinni frá því fyrsti
geisladiskur hans sem ber nafnið
„Isimiit Iikkamut'* (Frá auga til
veggs) kom út árið 1989. „Isimiit
Iikkamut14 vakti mikla eftirtekt í
Grænlandi. Bæði tónlist Ole
Kristiansen og textar höfðuðu til
Grænlendinga, enda hefur disk-
urinn selst í 8.000 eintökum á
Grænlandi sem 50.000 manns
byggja. Tónlistarmyndbandið
„Zoo Inuilla" (Dýragarður fyrir
fólk) hefur einnig átt sinn þátt í
vinsældum Ole. Það hefur verið
sýnt oft um gjörvöll Bandaríkin í
sjónvarpsstöðvum MTV, í Kanada
- Much Music - og í sjónvarpi á
Norðurlöndum, Spáni, Þýska-
landi og Ástralíu.
Hljómsveitin var í allt sumar í
tónleikaferð um vesturströnd
Grænlands við mikinn fögnuð og
í fyrra tók hún efsta sæti á græn-
lenska vinsældarlistanum og á
tveimur mánuðum seldist geisla-
diskurinn í 6.000 eintökum. For-
ráðamenn plötuútgáfufyrirtækis-
ins ULO vona að tónleikar
hljómsveitarinnar á íslandi ryðji
brautina fyrir frekari tónlistar-
samböndum milli íslands og
Grænlands bæði í tónleikaformi
og skiptum á hljóðritum. Græn-
lensk tónlist og tónlistarflutning-
ur er enn ókunn íslendingum, en
Akureyri:
Umhyggja og umhyggju-
leysi á sjúkrahúsum
- fyrirlestur í Háskólanum
Styrkur, samtök krabbameins-
sjúklinga og aðstandenda þeirra,
gangast fyrir fyrirlestri mánudag-
inn 4. nóvember nk. Fyrirlestur-
inn fer fram í húsnæði Háskólans
á Akureyri að Glerárgötu 36, 2.
hæð og stendur frá kl. 20 til 22.
Sigríður Halldórsdóttir, hjúkr-
unarfræðingur og forstöðumaður
heilbrigðisdeildar Háskólans á
Akureyri, fjallar um upplifun
fyrrum sjúklinga á umhyggju og
umhyggjuleysi á sjúkrahúsum.
Allir velkomnir.
vonandi bætir hljómsveit Ole
Kristiansen þar um.
Tónleikarnir eru á vegum
Norræna hússins, Norræna félags-
ins og Norrænu upplýsingaskrif-
stofunnar á Akureyri. Aðgangur
er ókeypis og eru allir velkomnir.

Hugmyndasamkeppni
Vlð leitum að nafni á nýja veislusalinn okkar
Þín tillaga-----------------------
Verðlaun vinningshafa eru helgarferð fyrir 2 til
Reykjavíkur (ftmmtudag-sunnudags) gisting á
Hótel Islandi, matur og skemmtun (RlÓ-tríó-
Aftur til framtíðar) á laugardagskvöldi.
Dregið verður í hugmyndasamkeppninni í beinni
útsendingu á Stjörnunni fimmtud. 7. nóvember.
Sendist til: Greifans, Glerárgötu 20, 600 Akureyri
Nafn:_______
Heimilsfang:
Reiðhjóla-
útsala!
50% afsláttur
á notuðum
reiðhjólum.
Skíðaþjónustan
Fjölnisgötu 4B
Akureyri, sími 21713.
Glæsilegt
kaffihlaðborÖ
um helgina
☆ w ☆
Nýkomin pottablóm á
ótrúlega góðu verði