Dagur - 02.11.1991, Qupperneq 19

Laugardagur 2. nóvember 1991 - DAGUR - 19
nús Geir Guðmundsson
Asko í hvíldarstööu viö bassaleikinn.
Siglfirðingar!
Breytt sölukerfi
hitaveitunnar
Við verðum í húsi Slysavarnafélagsins:
Laugardaginn 2. nóvember, kl. 13.00-18.00 og
sunnudaginn 3. nóvember, kl. 13.00-17.00.
Kynnum og veitum ráðgjöf í notkun Danfoss
stjórntækja á hitakerfi.
Fyrirlestrar klukkan 15.00 báða dagana.
Einnig sérstök umfjöllun um stjórnbúnað á for-
hitara.
= HÉÐINN =
VERSLUN
SELJAVEGI 2 SÍMI 624260
Húsbyggjendur - Húseigendur!
Hef lausa múrara
Finnar á ferðinni
Pönk aö hætti Sex Pistols og
Clash, sveitatónlist i amerískum
stíl, rokkabilly og finnsk þjóö-
lagatónlist var meöal annars það
sem finnska hljómsveitin 22
pistepirkko bauð gestum
skemmtistaöarins 1929 upp á
síðastliðinn laugardag, fyrsta
vetrardag. Kom hljómsveitin
hingaö frá Reykjavík, en þar og
víðar á Suöurlandi hafði hún
haldiö tónleika fyrr í vikunni viö
góðar undirtektir. Var þetta í ann-
aö skiptið sem 22 pistepirkko
heimsækir ísland, en fyrr á
þessu ári heiðraði hljómsveitin
Reykvíkinga með nærveru sinni
og hélt ferna tónleika.
Ekki er gott að segja hvað olli,
en þvi miður var aðsóknin ekki
eins og skyldi í 1929. Ef til vill má
setja spurningarmerki við tíma-
setninguna, en þaö væri þó eng-
an veginn tæmandi skýring.
(Eins og ráða má af upptalning-
unni í byrjun er 22 pp reyndar
ekki beint danshljómsveit). En
hvað sem því líður þá vakti 22
pistepirkko, sem skipuð er þeim
PK Karanen (söngur, gítar),
bróður hans Asko (bassi, orgel)
og Æsko Espe (trommur), mikla
lukku hjá þeim sem mættu og var
gerður góður rómur að leik
hennar. Voru poppskrifari Dags
og Ijósmyndari þar engin undan-
tekning, enda tónlistin vel
aðgengileg og vel flutt, þótt eins
og áður segir nær öllum stefnum
ægði saman.
Þetta voru því sem sagt hinir
bestu tónleikar hjá 22 piste-
pirkko, sem í orði kveðnu átti þó
að heita dansleikur, en vegna
áðurnefndrar gestafæðar gat
vart talist slík samkoma.
Um finnskt rokk
Finnar hafa ekki í gegnum tíðina
verið sérstaklega áberandi í
rokkheiminum, þótt þeir hafi átt
og eigi þó nokkuð margar hljóm-
sveitir, sem frambærilegar geta
talist á alþjóða mælikvarða. Eftir
því sem umsjónarmaður Popp-
síðu kemst næst er ekki nein
finnsk rokksveit sem náð hefur
alheimshylli. Hins vegar var
a.m.k. einn maður finnskrar ætt-
ar sem talist getur hafa náð
heimsfrægð í rokkinu, en þaö var
gítarleikarinn Jorma Kankonen,
sem reyndar er nú látinn fyrir ali-
löngu síðan. Var hann nefnilega
einn af stofnendum Jefferson
Airplane og síðar Hot Tuna.
22 pistepirkko telst vera í dag
ein efnilegasta og besta rokk-
sveit Finna, en hún hefur náð að
skapa sér gott nafn í Skandi-
navíu og víðar. Síðasta plata
hljómsveitarinnar, sem út kom
fyrir tveimur árum og heitir Bare
bone nest, fékk mjög góöa dóma
og var valin plata ársins hjá
mörgum plötugagnrýnendum.
Því er óhætt að segja að þeir
rokkunnendur sem létu sig vanta
í 1929 hafi misst af miklu.
Önnur góð hljómsveit frá Finn-
landi, sem líka hefur sótt ísland
heim, er Honey B and the T-
bones, blúsrokksveit sem land-
inn kunni vel að meta. Nokkrar
þungarokkshljómsveitir má
nefna sem komið hafa frá Finn-
landi og náð hafa að vekja
athygli út fyrir landsteina s.s. eins
og Gringos Locos, Peer Gunt og
Stratovarius. Innan þjóðlaga-
rokks hafa svo Finnar einnig náð
að skapa sér nafn að einhverju
marki.
Plötur Guns ’n’ Roses
Use your illusion I og II:
Á góðri leið með að verða
útgáfa aldarinnar
Eftir að loksins tókst að koma
plötunum miklu Use your illu-
sions I og II með Guns ’n' Roses
út í september er óhætt að full-
yrða að öll vandræðin og vitleys-
an, sem á undan eru gengin, hafi
borgað sig rækilega til baka.
í Bretlandi, eins og raunar nær
allstaðar annars staðar, fóru
plöturnar beint í toppsætin tvö og
var það í fyrsta skipti sem sami
aðili á tvær söluhæstu plöturnar
á sama tíma þar í landi. í heima-
landinu, Bandaríkjunum, hefur
þó, eins og reyndar við mátti
búast, gengið mest á og er eitt
allsherjar Guns 'n’ Roses æði
búið að standa yfir. Hafa plöturn-
ar slegið öll fyrri sölumet og það
svo um munar.
í forsölu seldust t.a.m. fjórar
milljónir eintaka af plötunum, eða
tveimur milljónum fleiri eintök en
seldust af Bad plötu Michaels
Jacksons, sem átti fyrra metið.
Þá seldist hálf milljón eintaka
strax fyrsta daginn að auki, sem
einnig er met. Þykir þessi sala,
eins mikil og hún var, enn merki-
legri fyrir þær sakir að tvær af
stærstu plötuverslunarkeðjum
Bandaríkjanna neituðu að hafa
plöturnar til sölu.
Hefðu plöturnar að líkindum
selst í fimm milljónum eintaka í
forsölu ef þessar búðir hefðu haft
Vinsælasta hljómsveit heims í dag
Guns 'n’ Ftoses.
þær á boðstólnum líka. Sem
dæmi um hversu salan er og hef-
ur verið mikil, þá seldust fleiri ein-
tök af plötunum tveimur í fyrstu
söluviku, en seldust af plötu
Metailica í sex vikur. (Sú plata fór
einnig beint á toppinn í Banda-
ríkjunum). Þá má einnig nefna
sem dæmi að tvö eintök seldust
af plötunum á móti hverju einu
sem seldist af nýju plötu Dire
Straits On every street þegar hún
kom út í Bretlandi.
Það er því ekki ólíklegt að
plöturnar tvær verði þær mest
seldu frá upphafi og Guns ’n’
Roses teljist vinsælasta hljóm-
sveit heimsins með rentu.
Tek aö mér alls konar múraravinnu bæöi í nýbygg-
ingu, endurbyggingu og viögerðarvinnu.
Einnig flísalagnir ásamt hellulögn.
Reynið viðskiptin.
Upplýsingar í síma 23076.
Sigurður Hannesson, múrarameistari.
FJÓRÐUNGSSJÚKRAHÚSIÐ
Á AKUREYRI
Hjúkrunarfræðingar
Vegna veikinda bráðvantar okkur hjúkrunar-
fræðinga á Gjörgæsludeiid Fjórðungssjúkra-
hússins á Akureyri strax eða eftir nánara sam-
komulagi.
Deildin telur 5 gjörgæslurúm auk vöknunar. Góö
vinnuaöstaöa er á deildinni og aðlögun nýrra hjúkr-
unarfræöinga fer fram meö reyndum hjúkrunarfræö-
ingi.
Viö aðstoðum viö útvegun húsnæðis og barna-
gæslu.
Allar upplýsingar m.a. um kaup og kjör gefa:
Sigurlaug Arngrímsdóttir deildarstjóri og Svava
Aradóttir hjúkrunarframkvæmdastjóri í síma 96-
22100 alla virka daga.
Fjórðungssjúkrahúsið á Akureyri.
Ástkær sonur okkar, faðir og bróðir,
ARI KR. GUNNARSSON,
lést af slysförum 9. október sl.
Minningarathöfn um hinn látna fer fram frá Akureyrarkirkju,
þriðjudaginn 5. nóvember, kl. 14.00.
Álfhildur Gestsdóttir, Gunnar Arason,
Gunnar Björgvin og Gestur Örn Arasynir,
Linda Gunnarsdóttir, Víkingur Gunnarsson.
SIGURGEIR E. ÁGÚSTSSON,
Lyngholti 16, Akureyri,
lést á Fjórðungssjúkrahúsinu á Akureyri þann 29. október.
Auður Eyþórsdóttir, Þórir Sigurgeirsson,
Ósk Geirsdóttir, Rakel Sigurgeirsdóttir,
Sturla Sigurgeirsson,
Konráð Sigurgeirsson
og barnabörn.