Dagur - 02.11.1991, Page 18

18 - DAGUR - Laugardagur 2. nóvember 1991
Steinasafnarar í húsakynnum sínum í Hafnarstræti 90.
Skattafsláttur,
sjálfvirkur lánsréttur,
öflugur iífeyrissjóður,
lán til húsnæðismála
og afburða ávöxtun
fæst með þátttöku í RS.
Fegurð steinsins
í augum okkar flestra er grjót
grjót og lítið annað. Það er efni í
vegi, steinsteypu, varnargarða,
hleðslur og önnur mannvirki. Við
vitum reyndar, að til eru ýmsar
steinategundir, sem heita að-
skiljanlegum nöfnum, en þar lýk-
ur þekkingu okkar margra.
A meðal okkar eru þó margir,
sem hafa næmari sýn. Þetta eru
fræðimenn, svo sem jarðfræðing-
ar, og ekki síður áhugamenn um
steina og steinasöfnun. Þessir
menn ganga um landið - ekki síst
hin grýttu svæði - og líta það öðr-
um augum en við, sem sjáum
aðallega nybbur, sem gætu sært
okkur. Þetta fólk þekkir útlit
steinanna, ræður í dauf litbrigði
þeirra og sér fegurð, sem okkur
óinnvígðum er hulin.
Áhugamenn um steinasöfnun
hafa með sér félagsskap hér á
landi. Samtök þeirra skiptast í
deildir og starfar ein þeirra á
Akureyri með aðsetur í Hafnar-
stræti númer 90. Þar stendur nú
yfir sýning á nokkru af þeim
steinum, sem félagar í áhuga-
mannasamtökunum á Akureyr-
arsvæðinu hafa safnað á göngum
sínum um víðáttur landsins á
undanförnum árum og áratugum.
Á sýningunni getur fyrst að líta
sýnishorn steinanna, eins og þeir
koma fyrir í náttúrunni í árfar-
vegum eða skriðum. Þarna eru
ekki síst þær steinategundir, sem
söfnurum þykir mestur veigur í:
Jaspis, ópal, kalsedón, agat og
geislasteinar, sem standa næst
því íslenskra steinategunda, að
geta kallast eðalsteinar. Innri
glæsileiki þeirra leynist þó augum
og kemur ekki fram fyrr en stein-
völurnar og hnullungarnir hafa
verið meðhöndluð og fáguð af
kunnáttu, innsýn og natni.
Aðalefni sýningar steinasafn-
aranna að Hafnarstræti 90 á
Akureyri er einmitt árangur
meðhöndlunarinnar. Það er tæp-
ast ofmælt, að hann er nálega
opinberun líkastur. Það er heldur
ótrúlegt, að í þeim óreglulegu
hnullungum, sem til sýnis eru í
sínu náttúrulega ástandi, skuli
geta leynst slík fegurð. Hún er
vissulega sjónar virði. Hún opin-
berar okkur, sem ekki hafa séð,
þær leyndu gersemar, sem ef til
vill felast fyrir fótum okkar og
sem við látum framhjá okkur
fara.
Það eru margir, karlar og
konur, sem eiga hér hlut að máli.
Hákon Pálsson sýnir fagurfágaða
steina, sem hann hefur fellt í fal-
leg nisti og aðra skartgripi. Hið
sama sýnir Guðmundur Bjarna-
son, en í nokkuð öðrum stíl.
Friðfinnur Gíslason og Sveinn
Jónsson sýna einnig fagra skart-
gripi gerða úr íslenskum steinum,
sem hafa margir verið formaðir
og fágaðir af natni og smekkvísi.
Gripir Kristínar Gunnlaugsdótt-
ur, Kristjáns Óskarssonar,
Áslaugar Þorsteinsdóttur og
Ágústar Jónssonar birta þá fjöl-
breyttu fegurð og form, sem fel-
ast innra í náttúrugrjótinu, og
myndir af gegnumlýstum stein-
þynnum Jóhanns Brynjúlfssonar
eru glæsilegar í litadýrð sinni og
myndauðgi.
Ef í list felst sú fagurfræðilega
mótun, sem maðurinn nær í um-
hverfi sínu og það að draga fram
af smekkvísi og birta undur
sköpunarinnar, þá er hér list á
ferðinni. Hvort sem svo er eður
ei, er sýningin að Hafnarstræti 90
heimsóknar virði. Hún er opin
um helgar, laugardaga og sunnu-
daga kl. 14.00 til 18.00 og mun
standa fram eftir nóvember. Ef
kennarar hafa áhuga á því, að
gefa nemendum sínum kost á að
sjá hana og læra af henni á öðrum
tímum, má hafa samband við
Halldór Pétursson, Náttúrugripa-
safninu á Akureyri.
Haukur Ágústsson.
Reglubundinn sparnaður- RS - er einfaltog sveigjanlegt sparnaðarkerfi
byggt á nýjum og gömlum þjónustuþáttum Landsbankans. RS hentar
öllum þeim sem hafa áhuga á að vera réttu megin viö strikið ífjármálum.
Ávinningurinn er margfaldur: Þú eignast sparifé og ávaxtar það með öruggum og arðbærum hætti, átt
greióari aðgang aó lánsfé, kemst í hóp bestu viðskiptavina bankans og nærö betri tökum á fjármálum þínum
en nokkru sinni fyrr. Allt sem til þarf er aó semja við bankann um aó millifæra ákveöna upphæð reglulega inn
á Grunn, Landsbók, Kjörbók eða Spariveltu sem saman mynda RS.
Viltu stofna þinn eigin lífeyrissjóð, spara fyrir ákveðnum útgjöldum, leggja grunn að þægilegri fjármögnun
Við inngöngu í RS húsnæðis, tryggja þér skattafslátt, ávinna þér lánsrétt og tryggja þér örugga afburða ávöxtun
færðu þægilega hvort sem þú vilt spara í lengri eða skemmri tíma?
nárhagsáætlunar- 7aktu þáttíReglubundnum sparnaði Lands- tf LSndSbðflKÍ
möppufyrirheímílió bankans og þúverðurréttu meginvið strikið. BjfiÉk fslðHdS
og fjölskylduna. Banki allra landsmanna
Allar nánari upplýsingar fást í ítarlegum bæklingi sem liggur frammi í næstu afgreióslu Landsbankans
('•/ Reglubundiiin
Æ/0 spamaður
Réttu megin við strikið með
Reglubundnum spamaði
Supereeal
þakdúkur
Eitt það besta á flöt og
lítið hallandi þök.
BLIKKRÁS HF.
Hjalteyrargötu 6,
símar 27770, 26524, fax 27737.