Dagur - 27.11.1991, Side 7

Miðvikudagur 27. nóvember 1991 - DAGUR - 7
Bernharð Haraldsson, skólameistari Yerkmenntaskólans á Akureyri.
Myndir: Golli
Afmælishátíð vegna 25 ára vélstjóramenntunar á Akureyri:
„Bréf meimtamálaráðherra er
afinælisgjöf og traustsyfírlýsing
- segir Barnharð Haraldsson,
skólameistari Verkmenntaskólans
Tuttugu og fimm ár eru Iiðin
frá stofnun deildar á Akureyri
úr Yélskóla íslands. Þessara
tímamóta var minnst um helg-
ina í Verkmenntaskólanum á
Akureyri að viðstöddu fjöl-
menni.
Fram kom í ræðu Bernharðs
Haraldssonar, skólameistara
Verkmenntaskólans á Akureyri,
að á Akureyri höfðu verið haldin
nokkur mótoristanámskeið á
vegum Fiskifélags íslands áður
en til stofnunar deildarinnar
kom. Þegar vélstjóranámið hafði
verið sameinað árið 1966, lögðust
þessi námskeið af, þannig að eng-
in vélstjórnarfræðsla var í boði
utan Reykjavíkur. Þessu var
mætt með því að stofna deildir úr
Vélskóla íslands út um land
þ. á m. á Akureyri 1966. Gunnar
Bjarnason, skólastjóri Vélskóla
íslands, fól Birni Kristinssyni,
vélstjóra, að setja á stofn deild-
ina á Akureyri. Kennt var bæði
til 1. og 2. stigs og var rúm tylft
nemenda í hvoru stigi fyrir sig.
Framan af var kennt á þremur
stöðum í bænum þ.e. í eldsmiðju
Stefáns Stefánssonar við Glerár-
Árni Árnason, deildarstjóri lengst til hægri útskýrir gang mála í vélasal Yerkmenntaskólans.
götu, Verslunarmannafélagshús-
inu við Gránufélagsgötu og í húsi
Fiskifélags íslands við Laufás-
götu.
Árið 1972 var Vélskólinn gerð-
ur að deild í Iðnskólanum. Þessi
fyrstu ár bjó vélstjórnardeildin
við þröngan húsakost, tæki voru
af skornum skammti, kennarar
og nemendur hlupu milli staða.
Þegar Verkmenntaskólinn á
Akureyri tók til starfa árið 1984
varð vélstjónardeildin sérdeild
innan tæknisviðsins og haustið
1987 var vélarúmshermir gang-
settur í fyrsta sinn, sem er ein-
stakur í sinni röð á íslandi.
Árið 1984 lét Björn Kristins-
son af störfum deildarstjóra af
heilsufarsástæðum eftir farsælt
brautryðjendastarf, en frá 1986
hefur Árni Árnason stýrt deild-
inni.
Við upphaf Verkmenntaskól-
ans var kennt til annars stigs vél-
stjórnar, en þremur árunr síðar,
haustið 1987 var tekin upp
kennsla til 3. stigs og í dag hefur
skólinn sótt um að taka upp
kennslu til 4. stigs þegar aðstæð-
ur leyfa.
Þeirri bón hefur verið mætt
með mikilli vinsemd sent marka
má af bréfi Ólafs G. Einarssonar,
menntamálaráðherra, sem dag-
sett er 14. nóvember 1991.
„Menntamálaráðuneytið hefur
haft til athugunar beiðni yðar um
heimild til að reka kennslu til 4.
stigs vélstjórnar við Verknrennta-
skólann á Akureyri. Samkvæmt
athugun sem ráðuneytið lét gera
á tækjabúnaði skólans skortir
nokkuð á að hann fullnægi kröf-
um sem gera verður um kennslu-
búnað skóla með 4. stig vélskóla.
Ráðuneytið heimilar hér með að
hefja kennslu til 4. stigs við skól-
ann þegar hann hefur að mati
ráðuneytisins fullnægt kröfum
um tækjabúnað og nemenda-
fjölda og hefur á að skipa full-
menntuðum kennurum til að
annast kennsluna."
í lok ræðu sinnar sagði Bern-
harð Haraldsson, skólameistari:
„Þetta bréf, sem ég hef nú lesið
er okkur afar kærkomið. Við lít-
um reyndar á það sem afmælis-
gjöf og traustsyfirlýsingu. Það er
Ijóst, að það þarf enn nokkurn
undirbúning að því að við hefjum
kennslu á 4. stiginu, en við skul-
um svona til að byrja með ætla
okkur eitt ár til undirbúnings.
Eigum við að nefna vorönnina
1993 sem takmark, en gefast ekki
upp þótt á móti blási?“ ój
Íslensk-Ameríska:
Tekur við dreifingu
á mörgum vöruílokkum
Íslensk-Ameríska hf. hefur nú
tekiö við dreifingu og niark-
aðssetningu á Canderel
vörum, sem verið hafa á mark-
aði hérlendis frá árinu 1983, og
Shulton vörum, en þekktasta
varan í þeim flokki er eflaust
Old Spice.
Canderel er strásæta sem not-
uð er í stað sykurs. Sætuefnið í
strásætunni er Nutra Sweet sem
framleitt er úr eggjahvítuefnum
og er um 200 sinnum sætara en
sykur. Burðarefnið í strásætunni
er unnið úr maltsterkju. Cander-
el inniheldur um 90% færri hita-
einingar en sykur, sé miðað við
rúmmál.
Auk þess að nota strásætuna í
heita drykki má nota hana í
matargerð en auk þess geta syk-
ursjúkir notað hana.
Shulton herrasnyrtivörurnar,
sér í lagi Old Spice, hefur verið
notað af íslenskum karlmönnum
áratugum saman. Jafnframt
verða eftirleiðis Insignia herra-
snyrtivörur frá Shulton á mark-
aðnum hérlendis en þær hafa
ekki verið fáanlegar hér fyrr.
Loks má geta þess að íslensk-
Ameríska hefur fengið til dreif-
ingar allar vörur fyrirtækisins
Procter & Gantble en þekktustu
vörur þess eru Pampers bleiur og
Ariel þvottaefni. Jafnframt hefur
dreifing á vörum svo sem
Clearasil, Vidal Sassoon, Cover
girl og Vicks færst til íslensk-
Ameríska hf.
Hrönn Laufdal í verslun sinni, Isabellu, að Skipagötu 1 á Akureyri.
Mynd: Golli
Isabclla Skipagötu 1
Fyrir skömmu var opnuð ný verslun að Skipagötu 1 á Akureyri sem
ber nafnið Isabella. Verslunin Códý var þarna áður til húsa. ísabella
hefur á boðstólum snyrtivörur, gjafavöru, veski, hanska og undirfatn-
að. Eigandi Isabellu er Flrönn Laufdal.
Júlíus Gestsson:
Ógrundaðar ásakanir
- athugasemd vegna viðtals við Stefán Ólafsson
sjúkraþjálfara í Degi 23. nóvember sl.
í viðtali við Stefán Ólafsson
sjúkraþjálfara, sem birt var í
Degi laugardaginn 23. nóvember
sl., kemur fram gagnrýni á með-
ferð slysadeildar. Tekið er dæmi
um skokkara, sem snúi ökla í
Kjarnaskógi og verður því ekki
annað skilið en átt sé við Slysa-
deild FSA.
Stórar rannsóknir á liðbanda-
slitum utanvert á ökla, cn það
eru algenguslu áverkarnir sem
fólk leitar á Slysadeild með eftir
snúningsáverka, sýna að 7-8 af
hverjum 10 verða góðir eftir
meðferð með mjúkum stuðnings-
umbúðum og einföldum æfing-
um. Þetta er sú meðferð sem
venjulega er beitt hér á Slysa-
deildinni. Gipsmeðferð hefur
sínar aukaverkanir, getur lengt
bæði meðferðar- og batatíma, en
er stundum nauðsynleg vægna
sársauka. Skurðaðgerðir hafa
innbyggða áhættu á fylgikvillum
og eftirmeðferð er löng. Sjúkra-
þjálfun ber oft góðan árangur
þegar afturbati dregst á langinn.
I þeirn fáu tilfellum sem hafa
viðvarandi óþægindi og ekki lag-
ast við sjúkraþjálfun er yfirleitt
góður árangur af skurðaðgerð
sem er af sama umfangi og
skurðaðgerð sem beitt væri strax
eftir áverkann.
Framansagt gildir jafnt um
íþróttamenn sem aðra.
Ein af grundvallarsiðareglum
lækna og lögbundin er að ekki sé
farið í manngreinarálit. Það er
því alvarlegt ef ásakanir um slíkt
koma fram, einkum ef heil-
brigðisstarfsfólk ber fram slíkar
ásakanir opinberlega.
Ég tel slíkar ásakanir ógrund-
aðar í þessu tilviki og ekki til þess
fallnar að auka traust og samstarf
milli heilbrigðisstétta eða traust
almennings á heilbrigðisþjónust-
unni. Slíkt traust er ein af aðal-
undirstöðum árangursríkrar
meðferðar.
Akureyri 25. nóvember 1991,
Júlíus Gestsson.
Höfundur er yfirlæknir Bæklunar- og
slysadeildar Fjórðungssjúkrahússins á
Akureyri.