Dagur - 16.04.1992, Page 7

Fréttir
Fimmtudagur 16. apríl 1992 - DAGUR - 7
Jóhannes Nordal, stjórnarformaður, flytur skýrslu stjórnar á ársfundi Landsvirkjunar.
Mynd: -bjb
Landsvirkjun:
Rekstrarhagnaður á síðasta
ári nam 484 milijónum króna
- árið 1991 var eitt hið versta í sögu Landsvirkjunar
hvað varðar Qölda bilana í raforkukerfmu
breyttrar virkj
Rekstrarhagnaður Landsvirkj-
unar á síðasta ári nam 484
milljónum króna. Arðgjöf sem
ávöxtun eigin fjár varð 1,9%
en nam 4,3% árið 1990. Rekstr-
artekjur Landsvirkjunar á
árinu 1991 námu um 5.770
milljónum og hækkuðu um 214
milijónir eða um 3,9%. Tekjur
frá almenningsveitum hækk-
uðu um 317 milijónir eða um
5,8% sem skýrist að mestu af
hærra meðalverði til almenn-
ingsrafveitna.
Tekjur af raforkusölu til stór-
iðju lækkuðu um 105 milljónir
eða um 6,0% og stafar þessi
lækkun aðallega af minni
raforkusölu til Járnblendifélags-
ins hf. og lægra meðalverði til
ÍSAL. Aðrar tekjur hækkuðu um
2,8 milljónir.
Á síðasta ári urðu rekstrar-
gjöld Landsvirkjunar 5.290 millj-
ónir. Par af námu afskriftir 2.552
milljónir eða 48,3% af heildar-
gjöldum. Afskriftir lækkuðu um
251 milljón sem skýrist af því að
á árinu 1990 var rannsóknakostn-
aður Fljótsdalsvirkjunar af-
skrifaður vegna
unartilhögunar.
Langtímaskuldir numu 42.321
milljónum í árslok 1991 og jukust
um 4.343 milljónir. Eigið fé
Landsvirkjunar hækkaði um
1.781 milljónir sem skýrist af 484
milljóna rekstrarhagnaði á árinu
eða að öðru leyti af endurmati
eigna. í árslok 1991 var eigið fé
26.873 milljónir eða 38,2% af
heildareign fyrirtækisins sem
nam 70.372 milljónir.
Eigendum Landsvirkjunar, sem
eru Ríkissjóður með 50%,
Reykjavíkurborg með 44,525%
og Akureyrarbær með 5,475%,
verður greiddur arður vegna árs-
ins 1991 að fjárhæð 78,5 milljónir
eða 4% af framreiknuðum eigin-
fjárframlögum þeirra. Á árinu
hefur Landsvirkjun greitt eigend-
um sínum sérstakt ábyrgðargjald
að fjárhæð 86,2 milljónir. Sam-
tals nema þessar greiðslur til eig-
enda 164,7 milljónum og samsvar-
ar það 8,4% af framreiknuðum
eiginfjárframlögum í árslok 1991.
Fjöldi starfsmanna í föstum
störfum var 236 á síðasta ári og
fjölgaði um 22 frá árinu á undan.
Lausráðnir starfsmenn voru 328 á
Hafnarframkvæmdir á Húsavík:
Fimdað um tilboð
Hagvirkis/Kletts
Fjórir aðilar sendu fímm tilboð
í fyrirhugaðar hafnarfram-
kvæmdir á Húsavík, eins og
greint var frá í helgarblaði
Dags. Tilboðin hafa nú verið
yfirfarin hjá Yita- og hafna-
málastofnun og í fyrradag var
haldinn fundur með lægstbjóð-
anda, Hagvirki/KIetti.
Jón Leví Hilmarsson, for-
stöðumaður tæknideildar hjá
Vita- og hafnamálastofnun sagði,
fyrir fundinn með Hagvirkis-
mönnum, að ef þeir gæfu full-
nægjandi skýringar á hvernig þeir
hyggðust standa að verkinu færu
embættismenn frá stofnuninni
væntanlega norður í næstu viku
til að kynna tilboðið fyrir Hafnar-
stjórn á Húsavík. Það er Hafnar-
stjórn sem tekur ákvörðun um
hvort síðan verður gengið til
samninga við Hagvirki/KIett.
Kostnaðaráætlun , Vita- og
hafnamálastofnunar vegna verks-
ins nam 105,9 milljónum, en
lægsta tilboðið er 128,7 milljónir.
„Aðalástæðan fyrir þessu virðist
vera að dýpkunarþátturinn sé
hærri en við mátum hann. Verk-
takarnir hafa metið þetta erfiðara
en við ímynduðum okkur því
aðrir verkþættir eru heldur undir
okkar mati,“ sagði Jón Levf,
aðspurður um ástæðu þess að öll
boðin voru svo langt yfir kostnað-
aráætlun. IM
móti 324 árið áður en ársverkum
lausráðinna starfsmanna fækkaði
engu að síður um 18 á milli ára.
Árið 1991 var eitt hið versta í
sögu Landsvirkjunar hvað varðar
fjölda bilana í raforkukerfinu og
stafar það einkum af fárviðrinu
sem gekk yfir landið f febrúar-
mánuði. Mikið ísingaveður gekk
yfir Norðurland í byrjun árs sem
olli skemmdum á Laxár - byggða-
línu. Stæða brotnaði í byggðalín-
unni milli Laxárvatns og Varma-
hlíðar og þegar veðrinu slotaði
kom í ljós að 32 stæður í Laxár-
línu höfðu brotnað. -KK
Könnun á mataræði íslendinga:
Fiskur algengasti rétturinn
- ómenntaðir karlmenn á lands-
byggðinni neyta fitumeiri og
trefjasnauðari fæðu en aðrir landsmenn
Fiskur er tvímælalaust algeng-
asti réttur Islendinga þótt hann
sé sjaldnar á borðum en kjöt-
réttir að minnsta kosti enn sem
komið er. Níu af hverjum tíu
er svöruðu spurningum í könn-
un Manneldisráðs íslands á
matarvenjum Islendinga kváð-
ust borða soðinn eða ofnbak-
aðann físk fímm sinnum í mán-
uði að meðaltali. Einnig kváð-
ust 77% þátttakenda borða
steikta ýsu allt að því vikulega.
Algengustu kjötréttir eru sam-
kvæmt niðurstöðum könnunar
Manneldisráðs steikt lamba-
kjöt og kjötkássa úr hökkuðu
kjöti en kjötbollur og soðið
lambakjöt reyndust einnig
vera algengir réttir á borðum
landsmanna.
í könnun Manneldisráðs vekur
einnig athygli að áhrif búsetu,
atvinnu og menntunar eru mjög
skýr hvað varðar mataræði
karlmanna en mataræði kvenna
er síður breytilegt með tilliti til
þessara aðstæðna. Samkvæmt
niðurstöðum könnunarinnar
borða fullorðnir karlmenn með
litla skólagöngu að baki fitumeira
og trefjasnauðara fæði en aðrir
þátttakendur og einnig kom í ljós
að karlmenn, sem búa í strjálbýli
neyta einnig sambærilegrar fæðu
í ríkari mæli en aðrir. Þá reyndist
fók sem búsett er á höfuðborgar-
svæðinu og einnig á Akureyri og
nágrenni neyta fitusnauðara og
trefjaríkara fæðis en fólk í öðrum
landshlutum.
í könnuninni kom einnig fram
að heitar máltíðir eru næringar-
ríkustu og veigamestu máltíðir
dagsins. Um þriðjungur heildar-
orkuþarfar fólks yfir daginn er
fengin úr heitum máltíðum og
einnig allt að helmingur próteina,
járns og trefjaefna. Þá kom í ljós
að langmestur hluti grænmetis-
neyslu landsmanna á sér stað
samhliða neyslu heitra máltíða.
Fituhlutfall reyndist einnig minna
þegar um heitar máltíðir er að
ræða en kaldar og samkvæmt
niðurstöðum könnunarinnar
skipta heitu máltíðirnar sköpum
hvað varðar hollustu þess fæðis
sem landsmenn almennt neyta.
íslendingar eru ekki miklir
morgunverðarmenn og nemur
morgunverðurinn aðeins um
14% af heildarorku dagsins. í'
könnuninni kom fram að kaffi og
hveitibrauð með osti er algeng-
asti morgunverður landsmanna
en súrmjólk og aðrar mjólkurteg-
undir ásamt morgunverðarkorni
eru einnig algeng uppistaða
morgunverðar. Fjórði hver
aðspurðra kvaðst taka lýsi og um
12% borða hafragraut í morgun-
verð. Til samanburðar við vægi
morgunverðar veitir síðdegis-
hressing og aukabitar, sem fólk
neytir á milli matmálstíma um
29% af orkuþörf landsmanna. ÞI

S
Itl
18. apríl opnum við útibú að Hafnarstræti 88 Akureyri
MÓTTÖKUR:
DALVÍK - Fatahreinsunin Fernan
HÚSAVÍK - Skóvinnustofan Héðinsbraut
ÓLAFSFJÖRÐUR - Apótek Ólafsfjarðar
GISLI
FERDINANPSSOIM HF
Lækjargötu 6 A • Reykjavík ■ S(mi 91 - 1471 I
Hafnarstræti 88 ■ Akureyri ■ Sími 96-24123
SKÓVIÐGERÐIR • SKÓVERSLUN • LYKLASMIÐI
SJÚKRASKÓSMÍÐI • INNLEGGJASMÍÐI • SPELKUGERÐ