Dagur - 25.04.1992, Blaðsíða 19

Laugardagur 25. apríl 1992 - DAGUR - 19
Popp
Sykurmolar í vanda?
Nú á síðustu misserum og árum
hefur það verið mikil tíska í
poppheiminum að dusta rykið af
gömlum frægðarverkum og færa
þau í nýjan búning. Að vísu hefur
það alltaf tíðkast í einhverjum
mæli að menn hafi tekið eldri lög
eftir aðra, t.d. hefur það verið
algengt í blús, en í seinni tíð hef-
ur það sem sagt orðið nær dag-
legt brauð. Hafa ýmsir meira að
segja gengið svo langt að gera
heilu plöturnar með frægum lög-
um eftir aðra og eru tónlistarfólk
á borð við Joan Jett, Andy Taylor
og Metallica dæmi um það.
Eitt það nýjsta í þessum efnum
hefur svo verið safnútgáfa ýmiss
konar, þar sem valinn hópur
frægra tónlistarmanna samtím-
ans er fenginn til að flytja lög eftir
eldri hetjur. (Dæmi um sllkar
útgáfur eru plötur með lögum
Elvis Presley, Leonard Cohen og
Elton John.) Hefur þetta eins og
gengur mælst misjafnlega fyrir,
en þetta virðist borga sig og
menn þreytast seint á því að
hljóðrita eldri gullkorn á ný.
Hins vegar er það verra ef ekki er
farið eftir settum reglum varðandi
leyfi til flutnings á viðkomandi
lögum og hafa ýmsir brennt sig
illilega á því, t.d. sumir rapparar,
sem í sakleysi sínu (eða ósak-
leysi) hafa tekið að láni ýmis
lagabrot eða laglínur úr lögum
annarra, án leyfis.
Ef marka má bresku popppress-
una nú fyrir páskana, þá munu
okkar eigin Sykurmolar e.t.v.
hafa gert sig seka um slíka
„bessaleyfistöku" varðandi
útgáfuna á Carpenterslaginu Top
of the world, sem fylgir með á
nýju smáskífunni Walkabout.
Samkvæmt frásögnum í Bret-
landi hefur lögfræðingur
Richards Carpenters, höfundar
lagsins, sent útgáfu Sykurmol-
anna, One little Indian, bréf þar
sem hótað er málssókn til að
banna sölu á smáskífunni. Er
ennfremur lýst vanþóknun í bréf-
inu á þessu framferði O.L.I. að
gefa lagið út án þess að æskja
leyfis og slíkt sé ekki líðandi.
Að sögn forsvarsmanns útgáf-
unnar var ekki sóst eftir leyfi þar
sem þeim þótti þetta heldur
meinlaust hjá Molunum. Nú væri
hins vegar Ijóst að svo væri ekki
og afleiðingarnar gætu orðið
slæmar fyrir bæði hljómsveitina
og útgáfuna, ef af málaferlum
yrði. Er vonandi að svo verði ekki
og að málið leysist farsællega.
Fæst væntanlega botn í það fljót-
lega.
Magnús Geir Guðmundsson
NAILED BY
PARPFNTFR
t l\l I CrI\
Sykurmolarnir kunna að vera í vondum málum vegna útgáfu sinnar á
Carpenterslaginu Top of the world.
Andrea í essinu sínu
ásamt hjálparkokkum sínum
þeim Kjartani Valdimarssyni
(hljómborð), Mattiasi Hemstock
(trommur) og Eiði Arnarsyni
(bassi), með blús og jassefni.
Voru þessar uppákomur kær-
komin tilbreyting frá hinu venju-
bundna poppi og rokki dansiball-
anna og væri óskandi að þær
væru tíðari og af sama gæða-
flokki og þessar.
Sýndi Andrea allar sínar bestu
sönghliðar og hefur sennilega
sjaldan eða aldrei verið betri en
nú. Er hreint makalaust hversu
rödd hennar nær yfir vítt svið og
virðist manni sem hún eigi sér
engin takmörk.
Nefndir meðspilarar hennar
stóðu líka vel fyrir sínu og var
ekki að heyra að skammur tími
hefði verið til samæfingar hjá
þeim eins og raunin var á. (Sam-
starfið á þessum vettvangi hófst
víst nokkrum klukkutímum fyrir
tónleikana á skírdag að sögn
Andreu.) Var lagavalið úr ýmsum
áttum m.a. sótt til Ninu Simone
(sem væntanleg er til landsins í
sumar á Listahátíð), Jimmy
Reed (lagið In a way you want
me to do), T-Bone Walker
(Stormy Monday) o.fl.
Gestir voru fjölmargir á báðum
tónleikum og kunnu þeir vel að
meta það sem fram var borið. Að
lokum er ánægjulegt að geta
þess að aðgangur var ókeypis á
tónleikana, sem áreiðanlega hef-
ur verið hvatning fyrir marga sem
ella hefðu ekki mætt.
Söngkona Todmobile, Andrea
Gylfadóttir, var aldeilis í essinu
sínu á tveimur sönguppákomum
sem hún hélt í skemmtistaðnum
1929 á skírdagskvöld og laugar-
daginn fyrir páska. Var hún þar
að brúa bilið milli dansleikja
Todmobile hér yfir páskahátíðina
Ur ýmsum áttum
Músíktilraunir Tónabæjar og
Rásar tvö árið 1992 voru
leiddar til lykta með stæl föstu-
dagskvöldið 10. apríl. Voru það
átta hljómsveitir sem komust í
úrslit og virkuðu þær allar góðar
á öldum Ijósvakans. Er skemmst
frá því að segja að það var
kvennahljómsveit frá Keflavík,
Kolrassa Krókríðandi, sem fór
með sigur af hólmi. Fluttu þær
framsækið rokk að hætti sveita á
borð við Sykurmolana og Risa-
eðlurnar og voru nokkuð vel að
sigrinum komnar. Var þetta í
annað skiptið sem kvennasveit
sigrar í Músíktilraunum, en
Dúkkulísurnar frá Egilsstöðum
léku þann leik 1983 og jafnframt
var þetta í annað skipti sem
kvennasveit tekur þátt. ( öðru
sæti lenti Thrashsveitin Im
Memorian og í því þriðja Inflama-
tq|ry. Akureyringar áttu sinn full-
trúa í úrslitum sem var dauða-
sveitin Baphómet. Stóð hún sig
frábærlega þótt ekki næði hún
verðlaunasæti.
Rokksveitin góða, The Missi-
on, hefur nú komið undir sig
fótunum á ný eftir nokkrar hremm-
ingar og er búin að senda frá sér
nýtt lag sem kallast Never again.
Mun svo ný plata fylgja í kjölfarið,
væntanlega í náinni framtíð og
er eftir því sem hermt er boðberi
nýrrar stefnu hjá hljómsveitinni.
Perry Farrell, fyrrum söngvari
hinnar framsæknu og frá-
bæru sveitar Jane’s Addiction,
hefur nú sett saman nýja sveit
undir því tvíræða nafni Porno for
Pyros. Að sögn þeirra sem til
þekkja mun þessi nýja hljómsveit
Farrells sækja áhrif til listamanna
á borð við Les Negresses Verts
m.a. sem ekki þykir amalegt. Er
frumburðar í skífuformi að vænta
í byrjun næsta árs.
U.M.F. Skriðuhrepps
Aðalfundur
Aðalfundur U.M.F. Skriðuhrepps verður haldinn að
Melum í Hörgárdal þriðjudaginn 28. apríl og hefst kl.
20.30 stundvíslega.
Dagskrá: Venjuleg aðalfundarstörf.
Stjórnin.
Orðsending
frá Stofnlánadeild landbúnaðarins
Framkvæmdastjóri Stofnlánadeildar landbún-
aðarins, Leifur Kr. Jóhannesson, verður til
viðtais á eftirtöldum stöðum, sem hér segir:
Þriðjudaginn 5. maí kl. 2-4 e.h. hjá Búnaðarsamb. V-
Hún.
Miðvikudaginn 6. maí kl. 10 f.h. til 2 e.h. í Búnaðar-
bankanum Blönduósi.
Fimmtudaginn 7. maí kl. 10 f.h. til 4 e.h. í Búnaðar-
bankanum Sauðárkróki.
Föstudaginn 8. maí kl. 10 f.h. til 4 e.h. í Búnaðar-
bankanum Akureyri.
Hægt er að panta viðtalstíma hjá útibúum Búnaðar-
bankans og Búnaðarsambandi V-Hún.
STOFNLÁNADEILD LANDBÚNAÐARINS
Stúlka óskast
til starfa við afgreiðslustörf og fleira.
Þarf að hafa bílpróf.
Upplýsingar ekki í síma.
Kjötvinnsla B. Jensen, Lóni.
Óska eftir starfsfólki
til ræstinga
Um er að ræða heils- og hálfsdags störf.
Aðeins reglusamt fólk kemur til greina.
Upplýsingar á staðnum.
VEITINOAHÚBID
Glerárgötu 20
' Akureyri