Dagur - 31.10.1992, Blaðsíða 24

Rússneski togarinn Minkino kom til Akureyrar í gærmorgun með 130 tonn af hausskornum heilfrystum þorski og
30 tonn af steinbít. Kaupendur aflans eru Útgerðarfélag Akureyringa, Kaldbakur hf., Skagfirðingur hf., Fiskverkun
Sigvalda Þorleifssonar í Ólafsfirði og Fiskiðjusamlag Húsavíkur. Mynd: Robyn
Eldur í verkstæði á Blönduósi:
Húsið ónýtt og tveir
bflar sem inni voru
Um kl. 7.30 á föstudagsmorg-
un var lögreglunni á Blönduósi
tilkynnt um eld í verkstæöi
Björns Valbergssonar við
Húnabyggð. Er húsið ónýtt og
allt sem í því var, þar með talið
tveir bflar sem voru inni á
verkstæðinu.
Þegar blaðið hafði samband
við lögregluna á Blönduósi um
11-leytið á föstudagsmorgun var
enn verið að slökkva eldinn í hús-
inu, en búið að komast fyrir
hann. Um er að ræða Sprautu-
verkstæði Björns Valbergssonar
við Húnabyggð, en húsið stendur
eitt sér og dálítið utan við bæinn.
Áfangaskýrsla sveitarfélaganefndar kynnt í gær:
„Þéttbýli og sveitir umhverfis
það verði í sama sveitarfélagi“
- lagt til að framlag í Jöfnunarsjóð verði aukið tímabundið
Afangaskýrsla sveitarfélaga-
nefndar var kynnt í gær, en
fyrr á þessu ári skipaði félags-
málaráðherra nefnd til að
útfæra tillögur um ný umdæmi
sveitarfélaga. Nefndin leggur
til að frumvarp til breytinga á
sveitarstjórnarlögum verði lagt
fram í ársbyrjun 1993 og að
síðari hluta árs fari fram skoð-
anakannanir og kosningar
meðal íbúa, þannig að útfærsla
á framtíðarskiptingu landsins í
sveitarfélög Iiggi fyrir á fyrri
hluta árs 1994.
„Við tillögugerð um skiptingu
landsins í sveitarfélög utan
höfuðborgarsvæðisins verði lögð
áhersla á að sveitarfélögin spanni
ekki yfir stærra svæði en svo að
þau geti myndað heildstætt sam-
félag. Stefnt skal að því að þau
nái ekki yfir stærra svæði en svo
að flestir íbúanna (a.m.k. 95%)
séu innan 30 mínútna aksturs-
vegalengdar frá aðalþjónustu-
kjarna sveitarfélagsins. Einnig að
þau myndi heildstæð atvinnu-
svæði með tilliti til vinnusóknar
íbúanna og heildstæð þjónustu-
svæði þannig að þéttbýli og sveit-
ir umhverfis það verði í sama
sveitarfélagi,“ segir m.a. orðrétt í
áfangaskýrslu nefndarinnar.
Sveitarfélaganefnd setur ekki
einungis fram tillögur um
umdæmi í skýrslu sinni heldur
líka tillögur um verkaskiptingu
© HELGARVEÐRIÐ
Á morgun mun vindur snúast
norðanlands í norðan golu eða
kalda með smáéljum eða slyddu-
éljum en annars verður léttskýj-
að og dálítið hlýnar í veðri ( bili.
Á sunnudag mun hæg breytileg
eða vestlæg átt ráða rikjum og
víða verður næturfrost. Á mánu-
dag verður þurrt og léttskýjað en
á þriðjudag verður fremur hæg
breytileg átt og þurrt, en kólna
mun þá í veðri.
ríkis og sveitarfélaga, tekju-
stofna, reynslusveitarfélög og
aðgerðir ríkisvaldsins.
Lagt er til að verkefni ríkisins í
grunnskólanum verði færð til
sveitarfélaga 1. ágúst 1994 en
heilsugæsla og öldrunarþjónusta
1. janúar 1955. Önnur verkefni
verði færð til sveitarfélaganna 1.
janúar 1999. Þau eru málefni fatl-
aðra, skipulagsmál, aukin hlut-
deild sveitarfélaga í hafnamálum
og félagslegum húsnæðismálum.
Einnig er lagt til að sveitarfélög-
um verði gefinn kostur á að taka
að sér rekstur framhaldsskóla og
sjúkrahúsa gegn fjárveitingum
frá ríkinu.
í sambandi við aðgerðir ríkis-
valdsins leggur nefndin til að
umdæmamörk og verkefni um-
boðsvalds ríkis í héraði verði tek-
ið til endurskoðunar. Lagt er til
að framlög ríkisins til Jöfnunar-
sjóðs sveitarfélaga hækki tíma-
bundið í 5 ár, 1994-98, til að
greiða fyrir átaki í sameiningu
sveitarfélaga og jafnframt þurfi
að ráðast í ákveðnar vegafram-
kvæmdir á sama tíma. SS
Rekstraraðilar Uppans á Akureyri hafa ekki staðið í skilum á
launum, skyldusparnaði, lífeyrissjóðs- og stéttarfélagsgjöldum:
„Að standa ekki skil á
skylduspamaði er flárdráttur“
- segir Inga Pöll Þórgnýsdóttir, lögfræðingur verkalýðsfélaganna
til að fara yfir stöðu
Samkvæmt upplýsingum for-
manns Verkalýðsfélagsins Ein-
ingar og lögfræðings verka-
lýðsfélaganna á Akureyri
skulda eigendur veitingastað-
arins Uppans og skemmtistað-
arins 1929 launatengd gjöld til
stéttarfélags fyrir síðustu 12
mánuði. Samkvæmt þeirra
upplýsingum eru laun starfs-
manna ógreidd að mestu fyrir
ágúst og september, jafnvel
lengra aftur í tímann.
Húsnæðisstofnun ríkisins hefur
lagt fram kæru á hendur rekstrar-
aðilum þar sem ekki hafa verið
gerð skil á skyldusparnaði starfs-
fólks allt frá sumrinu 1991.
Hjá embætti Sýslumannsins á
Akureyri fékkst staðfest að
rekstraraðilar fyrirtækjanna hafi
sætt yfirheyrslum af hendi rann-
sóknarlögreglunnar á Akureyri.
Að sogn Björns Snæbjörnsson-
ar, formanns Verkalýðsfélagsins
Einingar, hélt lögfræðingur
verkalýðsfélaganna, Inga Þöll
Þórgnýsdóttir, fund með starfs-
fólki Uppans og Skemmtistaðar-
ins 1929,
mála.
„Nokkur ungmenni hafa leitað
til okkar vegna skyldusparnaðar-
ins. Skuldin er allt frá því í fyrra-
sumar og nú er Húsnæðisstofnun
með innheimtuaðgerðir sem
henni ber. Að standa ekki skil á
skyldusparnaði er fjárdráttur.
Málið er nú í höndum bæjar-
fógetans á Akureyri. Að standa
ekki skil á lífeyrissjóðs- og stétt-
arfélagsgjöldum er fjárdráttur f
vissum tilfellum. Rekstraraðilar
skulda þessi gjöld allt frá sept-
ember 1991.
Skuldahalinn er langur, en
okkur hafa borist greiðslur af og
til sem og loforð um úrbætur.
Ekki hefur orðið úr efndum og
nú stefnir í óefni. Hvað áhrærir
launagreiðslur þá hafa rekstrar-
aðilar þegar höggvið í ágústlaun-
in og loforð er um að gera full
skil í næstu viku. Fylgst verður
grannt með.
Ég á fund með starfsfólkinu
strax eftir helgi til að kanna stöðu
mála. Rekstur Uppans er í hnút.
Búið er að selja nauðungarsölu
húseign sem fyrirtækið átti. Tveir
bílar eru yfirveðsettir og fyrir-
tækið virðist ekki eiga eignir,"
sagði Inga Pöll Þórgnýsdóttir,
lögfræðingur. ój
Að sögn lögreglu var verið að
vinna á verkstæðinu til kl. 3
aðfaranótt föstudags og þá var
húsið yfirgefið. Það var svo um
kl. 7.30 um morguninn að lög-
reglu og slökkviliði var tilkynnt
um eldinn. Að sögn lögreglu er
ekkert vitað um eldsupptök né
tjón, en vitað að tveir bílar sem
verið var að sprauta voru inni í
húsinu og eru ónýtir. Húsið
stendur enn uppi, en er ónýtt að
sögn lögreglu, svo og verkfæri og
innanstokksmunir. Húsið var að
hluta til uppsteypt og klætt báru-
járni. sþ
«*
Akureyri:
Ók á síma-
tengikassa
Laust fyrir miönætti aöfara-
nótt föstudagsins lenti bifreið
á símatengikassa á mótum
Smárahlíðar og Skarðshlíð-
ar. Af þeim sökum varð
símasambandslaust í hluta
Hlíðarhverfis.
Að sögn lögreglunnar á
Akureyri skemmdist bifreiðin
nokkuð. Ökumaður slapp hins
vegar óskaddaður en hann
liggur undir grun um ölvun.
Skipta þurfti um búnað að
hluta í tengikassanum. Við-
gerð lauk undir kvöld í gær og
símasamband var aftur komið
á hjá íbúum Hlíðarhverfis. ój
Mývatnssveit:
Jeppabifreið valt
Bflvelta varð í Mývatnssveit
um kl. 23 á fímmtudags-
kvöld. Ökumaður var einn í
bflnum og hlaut ekki alvar-
legri meiðsl en það að hann
fékk að fara heim eftir
iæknisskoðun á staðnum.
Lögregla og sjúkralið kom á
slysstað.
Óhappið átti sér stað á móts
við Víkurnes, það var jeppa-
bifreið sem valt og er hún mik-
ið skemmd. IM
Lögreglan á Akureyri
snaraði mannýgt naut
Mannýgt naut slapp síðdegis á
fimmtudaginn þegar verið var
að flytja það til slátrunar í
Kjötvinnslu B. Jensen að Lóni
við Akureyri og stefndi það
inn til Akureyrar. Lögreglan
var kölluð til enda hætta talin
stafa af bola.
Að sögn Árna Magnússonar,
varðstjóra hjá lögreglunni á
Akureyri, var talin stafa hætta af
nautinu fyrir gangandi vegfar-
endur og í fyrstu hafi verið hug-
myndin að skjóta það af færi.
Myrkur og nauðsynlegur vopna-
búnaður kom í veg fyrir þá áætl-
an. Lögreglumenn höfðu aðeins
meðferðis skammbyssu víkinga-
sveitarmanns og fjárbyssu. Menn
misstu sjónar á tarfinum, en hann
fannst aftur austan Hörgárbraut-
ar eftir ábendingu vegfarenda.
„Er tuddi varð var mannaferða
tók hann á rás inn í Krossanes-
hagann. Þar hófst mikill eltinga1-
leikur. Nautið var snarað og síð-
an flutt í kerru að Lóni þar sem
það mætir skapadægri sínu,“
sagði Árni Magnússon, varð-
stjóri. ój