Dagur - 05.12.1992, Page 9

Lauqardagur 5. desember 1992 - DAGUR - 9
- segir Anna Helgadóttir, kennari á Kópaskeri og formaður MENOR
Texti og mynd:
Ingibjörg Magnúsdóttir
gera neitt nema það sjálft. Þetta eru kannski
ekki fordómar, en þó eitthvað í þá átt og við
þetta búum við.“
- Getur MENOR haft áhrif til að koma í
veg fyrir slíka fordóma?
„Ætti að geta gert það og hefur líka gert
það. Haukur Ágústsson átti ágæta hugmynd
sem ég er mjög hrifin af, um að MENOR
geti á einhvern hátt stuðlað að því að lista-
menn geti farið víðar, og til staða sem ekki
er öruggt að listviðburður beri sig vegna
takmarkaðrar aðsóknar sem orsakast af
fólksfæð. Ef MENOR gæti styrkt slíkar
ferðir þá væri það mjög spennandi.“
- Ég hef heyrt að aðsókn á menningar-
viðburði sé einmitt oft mjög góð í dreifbýli,
t.d. mæti allir sem vettlingi geta valdið þeg-
ar tónleikar eru á Kópaskeri. Er þetta rétt?
„Það hefur sýnt sig að menn hafa áhuga
fyrir þessum hlutum. Leiksýningin á Rauf-
arhöfn er ágætt dæmi um þetta, en þar voru
sýningargestir töluvert fleiri en íbúar
þorpsins. Hlutfallslega mæta mörgum sinn-
um fleiri á listviðburði á landsbyggðinni en í
Reykjavík, en ég veit aldrei hvort þetta er
rökrétt, því þegar tónleikar eru á Kópaskeri
er yfirleitt ekkert annað um að vera.“
✓
Eg vildi gjarnan fá ballettsýningu
- Um hvað dreymir formann MENOR?
„Ja, dreymir. Mig dreymir um að fá
ballettsýningu. Það finnst mér afar heillandi
tilhugsun, því við eigum þess svo sjaldan
kost að sjá ballett. Það eru haldnir tónleik-
ar, það eru leiksýningar víða og jafnvel
myndlistarsýningar og sjónvarpið fullnægir
býsna miklu varðandi þessa þætti. En það er
ekkert gaman að horfa á ballett í sjóvarpi,
þó svo að hann væri oftar sýndur.
Mig dreymir um að tilvera MENOR verði
fjárhagslega tryggð, þannig að samtökin
geti látið það gott af sér leiða sem mönnum
dettur í hug hverju sinni. Núna svífum við
t.d. fullkomlega í lausu lofti og vitum ekkert
hvað við megum ætla okkur. Hin nýju kjör-
dæmabundnu samtök sveitarfélaga á
Norðurlandi hafa ekki tekið afstöðu hvað
varðar MENOR, eins og fram hefur komið,
og Fjárlaganefnd Alþingis hefur ekki svarað
beiðni okkar um framlag. Sem sagt, algjör
biðstaða. Á meðan er illmögulegt að taka
nokkrar ákvarðanir, t.d. vitum við ekki
hvort MENOR hefur ráð á að eignast hlut í
starfsmanni eins og mikið hefur verið rætt
um, og yrði þá í samstarfi við Gilfélagið á
Akureyri. Það er líka minn draumur.
Mér finnst yfirleitt að fólk geri sér ekki
grein fyrir hvað fjármunum sem varið er til
menningarmála er vel varið. Oft þarf svo
ótrúlega lágar upphæðir til að þær skili sér í
betra mannlífi. Þarna finnst mér ráðamenn
ekki átta sig á samhenginu. Auðvitað verð-
ur aldrei komið í veg fyrir það sem eldri
kynslóðir hvers tíma kalla unglingavanda-
mál, og auðvitað halda menn áfram að
drekka sitt brennivín og allt það. En þó mér
finnist peningar ekki mælieining sem nota á
um menningu, þá er þó hægt að setja dæmið
þannig upp að það borgi sig í beinhörðum
peningum að verja fjármunum til menning-
armála. Það þarf að sjá til þess að tónlistar-
skólar geti þrifist, að aðstaða sé til leiksýn-
inga og einhversstaðar sé hægt að setja upp
myndlistarsýningu, og það er nauðsynlegt
að krakkar fái tækifæri til að skapa eitthvað
sjálfir. Svona starfsemi eins og MENOR
hefur haldið uppi hvetur fólk til að taka þátt
í félags- og menningarstarfsemi, og ég er
handviss um að það á sinn þátt í að halda
fólki í dreifbýlinu. Landsbyggðin á þannig
undir högg að sækja núna í svo mörgu tilliti
að það verður að koma í veg fyrir að fólk líti
á menningu sem forréttindi fárra. Það er
ekki síst þess vegna sem ég tel svo nauðsyn-
legt að MENOR og hverskyns önnur menn-
ingarsamtök eigi tryggan tilverugrundvöll."