Dagur - 19.12.1992, Side 15

UNGT FÓLK
- 15
-DAGUR
Laugardagur 19. desember 1992
íris Guðmundsdóttir
Líf og fjör í Dynheimum
Eins og áður hefur verið komið inn á hefur íþrótta og tóm-
stundaráð upp á mörg áhugaverð námskeið að bjóða. Það
nýjasta sem boðið er upp á er fjölmiðlanámskeið og hefur
það verið í gangi síðan í haust. Leiðbeinandi námskeiðsins er
Þuríður Guðmundsdóttir og lauk hún BA-prófí frá háskóla í
New York. Þuríður segir að megin tilgangur með námskeið-
inu sé að kynna þátttakendum hvernig skrifa á í blöð og tím-
arnir í vetur hafa að mestu byggst upp á samræðum um það
þar til nú. Til að krakkarnir fengu einhverja hugmynd um
viðfangsefnið þótti tilvalið að leyfa þeim að spreyta sig og er
því síðan í dag á allan hátt þeirra. Þau undirbjuggu og tóku
viðtöl, skrifuðu allan texta og tóku allar myndir sjálf og Þur-
íður var þeim til stuðnings. Viðfangsefnið var annars vegar
tónleikar hljómsveitanna „Hún andar” og „Skrokkabands-
ins“ og hins vegar lífið í félagsmiðstöðinni Dynheimum.
Dynlieiniar
Hárgreiðsluball, hippaball, hlöðu-
ball og sixtiesball eru nokkur
dæmi um skemmtanir sem hafa
verið haldnar í félagsmiðstöðinni í
Dynheimum. Einnig eru fjölmörg
námskeið haldin í félagsmiðstöð-
inni á vegum íþrótta og tómstund-
aráðs og margir klúbbar hafa þar
aðsetur sitt.
í Dynheimum eru flest störf
unnin af sjálfboðaliðum sem eru á
svokölluðum starfslista. Á starfs-
listanum eru unglingar sem vinna
á böllum og sjá um húsið þegar
það er opið á daginn. Þessir ung-
lingar skrá sig á lista á haustin og
síðan eru u.þ.b. 20 krakkar valdir
úr þeim hópi. Eins og venjan hef-
ur verið undanfarin ár þá stefnir
starfslistinn á að fara í ferð suður í
vor og á haustin er strax byrjað að
safna fyrir þeirri ferð.
Dynheimar eru opnir alla virka
daga milli klukkan 14.30 og 18.30
fyrir alla þá sem eru fæddir ‘78 og
fyrr en nýr árgangur fær inngöngu
eftir áramót. Á daginn er mjög
vinsælt að spila billjard og tölvu-
leiki. Einnig er hægt að horfa á
sjónvarp, læra, hlusta á tónlist og
margt fleira. Diskótek eru haldin
tvisvar til þrisvar í mánuði og
reglulega eru haldin böll fyrir þá
sem eru 16 ára og eldri.
Nokkkur dæmi um hvað það er
sem dregur ungt fólk í Dynheima
- Af hverju er gaman í Dyn-
heimum?
„Mér finnst gaman í Dynheim-
um vegna þess að þar hitti ég
krakka. Þangað er líka gaman að
fara þegar maður vill komast eitt-
hvað út. Þar er hægt að fara í
„Pool“ og horfa á sjónvarpið."
„Mér finnst gaman í Dynheim-
um því þar er mikill og góður fé-
lagsandi og þroskandi og gefandi
félagsstarf."
„Einhversstaðar verða vondir
að vera.“
„Mér finnst það skemmtilegt
því þar get ég hitt vini mína,
hlustað á tónlist og spilað „Pool“.
Stundum bökum við líka kökur og
annað góðgæti.“
„Þegar maður nennir ekki að
vera heima hjá sér fer maður í
Dynheima."
▲ Bakað í Dynheimum. Eiki „bak-
ari“.
▲ Veðurbarðar fjölmiðladömur.
Húnandar
Föstudaginn 29. nóvember hélt I
hljómsveitin „Hún andar“ tónleika
í Dynheimum. Talið er að um það
bil 140 manns hafið borgað sig
inn til að hlusta á þá spila.
„Skrokkabandið“ hitaði upp en
þar er söngvarinn sá sami og í
„Hún andar“.
Hljómsveitin „Hún andar“, sem
var stofnuð 17. júní 1992 spilar
hrátt og þungt rokk en þeir segjast
ekki spila þungarokk eins og
margir halda. Söngvarar hljóm-
sveitarinnar eru Kristinn Magnús-
son og Kristján Pétur, bassaleikari
er Rögnvaldur Bragi, gítarleikari
er Sigurjón Baldvinsson og
trommuleikari er Rúnar Magnús-
son. Rögnvaldur sagði að nafnið á
hljómsveitina hefðu þeir fundið í
ljóðabókinni „Hlustir“ eftir Bjöm
Garðarsson. Þeir voru að fara að
spila á tónleikum og voru komnir
í vandræði með nafn og fannst
A Hljómsveitin „Hún andar“.
nafn Ijóðsins „Hún andar“ tilvalið
nafn fyrir hljómsveitina.
Stærstu tónleikar sem hljóm-
sveitin hefur spilað á voru tónleik-
amir með „Jet black Joe", sem
haldnir vom í Verkmenntaskóla-
num í byrjun nóvember. Þá hitaði
hljómsveitin „Hún andar" upp fyr-
ir um það bil 800 gesti.Rögnvald-
ur segir að sér þyki mjög gaman
að spila á tónleikum þar sem
margir em og því fleiri því
skemmtilegra. En þrátt fyrir að
fleiri gestir mættu ekki í Dyn-
heima þetta kvöld þá náðist upp
mjög góð stemmning. Framtíðar-
áform hljómsveitarinnar em eins
og Rögnvaldur orðaði það: „Spila
og æfa sem mest, vera sem bestir
og hrella sem flesta."
Fjölmiðlaklúbbur í Dynheimum sá
um síðuna „Ungt fólk“ að þessu sinni