Dagur - 17.09.1994, Blaðsíða 11

Laugardagur 17. september 1994- DAGUR - 11
Frá Suður-Afríku tíl Sauðárkróks
Hún heitir Deborah J. Robinson,
sveitastelpan frá Suður-Afríku,
sem hefur hreiðrað um sig í
Skagafirði og opnaði í byrjun
september P.R. stofuna í Stjórn-
sýsluhúsinu á Sauðárkróki.
- Hvernig lenti dóttir enskætt-
aða bóndans sem ræktar humal til
bjórgerðar í smá þorpinu George í
Suður-Afríku í Skagafirði?
„Ég er fædd í Suður-Afríku en
pabbi minn fæddist í Englandi.
Það var gott að vera barn í sveit í
Suður-Afríku og mjög lærdóms-
ríkt að kynnst öllum þeim þjóðar-
brotum sem búa í landinu. I Ge-
orge og nágrenni bjuggu svert-
ingjar af Xhosa þjóðflokki en í
Suóur-Afríku eru töluð 23 tungu-
mál fyrir utan ensku, sem hvítir
íbúar landsins tala."
Eg varð að fara
„Þegar ég var 25 ára tók ég
ákvörðun um að flytja burt frá
Suður-Afríku. Mér fannst engin
framtíó í því fyrir ungt fólk að búa
þar. Ég gat ekki hugsað mér að
búa i Suður-Afríku til frambúðar
vegna þess ástands sem ríkti þar í
mannréttindamálum og samskipt-
um milli kynstofna. Þess vegna
seldi ég allt sem ég átti og lagði
upp í ferðalag um heiminn. Ég fór
til ísrael, svo ferðaðist ég víða um
Evrópu og til lands föður míns
Englands, þá voru peningarnir
mínir búnir. Þá heyrói ég af því að
hægt væri að fá vinnu í fiski á ís-
landi. Eg hafði aldrei unnið í fiski
en ég sótti um og fékk vinnuna og
þannig endaði Suður-Afríku stelp-
an í frystihúsinu á Flateyri vió
Önundarfjörð. Það var árið 1987."
Það var ástin
„Á Flateyri hitti ég víkinginn
minn, hann heitir Rögnvaldur
Guómundsson og er núna verk-
stjóri Rafmagnsverkstæðis Kaup-
félags Skagfírðinga. Við eigum
tvær dætur, fimm ára og eins árs,
sem eiga mömmu frá syðsta odda
heimsins og pabba frá nyrsta
hjara."
- Hvernig leist þér á þegar þú
varst komin til Flateyrar?
Að opna dyr með
almaLteíUm
Deborah lagði stund á al-
mannatengsl, public relatíons,
í tækniháskóla í Höfðaborg í
Suður-Áfríku. Almannatengsl
eru þriggja ára nám á háskóla-
stigi og nú ætlar hún að nýta
þessa menntun í eigin fyrir-
tæki.
Hún opnaði PR stofuna - al-
mannatengsl í Stjórnsýsluhúsinu
á Sauðárkróki 1. september síð-
astliðinn. Að sögn Deborah eru
margir sem ekki gera sér grein
fyrir þvi hvað almannatengsl
eru. En hún segir almannatengsl
í raun ákveðinn hugsunarhátt.
Tilgangur almannatengsla er að
auka og bæta hverskyns sam-
skípti og ímynd, bæði innan fyr-
irtækja og utan. Aó koma góð-
um fréttum á framfæri og skapa
jákvæóa imynd. „Allt upplýs-
ingafiæði, kynning og markaðs-
setning byggir á góðum sam-
skiptum, tengslum," sagðí De-
borah.
Hún segir að smátt og smátt
sé hún að fá verkefni og hún
vonast til aó forsvarsmenn fyrir-
tækja, sérstaklega í Skagafirði,
vilji nýta sér menntun hennar og
tungumálakunnáttu til hagsbóta
fyrir fyrirtæki sín. „Markmið
mitt með stofnun fyrirtækisins er
að aðstoða íbúa hér við að nýta
betur þá möguleika sem héraðið
og fólkið sem það byggir býr yf-
ir. Ég vonast til að í kjölfar þess-
arar starfsemi opnist fleiri dyr í
ferðaþjónustu, fyrirtækjarekstri
og á fleiri sviðum. Hver sem er
getur leitað til mín og óskað eftir
þjónustu," sagói Deborah.
Sem dæmi um þau verkefni
sem PR stofan - almannatengsl
fæst við eru erlcndar bréfaskrift-
ir og símtöl til ótlanda, sam-
skipti við innlenda og erlenda
fjölmiðla, skipulagning og fram-
kvæmd kynninga, ráðstefna,
funda og fyrirlestra, markaðs-
ráðgjöf og bæklingagerð, mót-
taka gesta og skipulagning dag-
skrár fyrir gesti, kynnisferðir um
Skagafjörð, námskeið og hvers-
kyns þýðingar. KLJ

Gegn f ramvísun skólaskírteina
Gildir fyrir nemendur MA, VMA, Háskólans,
Tónlistarskólans og Myndlistaskólans
/^r^^Ji^ Opið í dag tU kl. 13.00
GERIÐ / ^ (7^s&______jr jr
VERÐ-
SAMAN-
BURÐ
þar scm geisladiskar eru gersemi
Hafnarstræti 98 • 600 Akureyri • Sími 12241
„Ég hafði engar fyrirfram
ákveðnar hugmyndir, ég bara tók
þessu eins og það var. Þegar ég
bjó í Suður-Afríku var ég í mjög
krefjandi vinnu. Eg vann annars
vegar við almannatengsl og hins
vegar fyrir tímaritaútgefendur við
auglýsingaöflun og fleira. Ég var
ákveðin í að beyta til og því fannst
mér ágætt að vinna í frystihúsinu
um tíma, ég vann þar eina vertíð.
Svo langaði mig að takst á við
eitthvað annaó og fór að kenna í
grunnskólanum á Flateyri.
Næsta þrep í lífi mínu var að
fylgja Rögnvaldi manninum mín-
um til Reykjavíkur þar sem hann
lagói stund á iðnrekstrarfræði. í
framhaldi af því fékk Rögnvaldur
vinnu hér á Sauðárkróki og sum-
arið í sumar er fjórða sumarið
okkar hér í Skagafirði.
- Hvernig er að búa í Skaga-
firói?
„Frábært, ég er ekta Skagfirð-
ingur. Mér fannst ríkja ákveðin
svartsýni og neikvæöni á Vest-
fjörðum en hér er allt annað við-
horf ríkjandi. Hér eru allir já-
kvæðir, opnir og lífsglaðir og það
var strax tekið mjög vel á móti
mér, stelpunni frá Suður-Afríku.
Ég hef ágætis samanburð, hef
ferðast víða og búió á ólíkum
stöðum en Skagafjörður, hann er
mér að skapi."
- Þú segist vera ekta Skagfirð-
ingur. Ertu þá hestakona?
„Ég er ekki ennþá orðin hesta-
kona hér á íslandi en ég var mikil
hestastelpa í Suður-Afríku. Þar
átti ég hesta og tók þátt í mótum.
Ég keppti í hindrunarstökki,
hlýðniæfingum og hindrunar-
stökki á opnu svæði, nokkurskon-
ar víðavangshlaupi með hindrun-
um, það var mín besta grein. Ann-
ars fannst mér skemmtilegast að
þjálfa hestana og oft keppti yngri
bróðir minn á hestunum sem ég
þjálfaði."
Þýðir hestabækur
- Við hvað hefur þú starfað síóan
þú komst hingað á Sauðárkrók?
„Ég kenndi ensku í gagnfræða-
skólanum en svo ákvað ég að vera
heimavinnandi og tók að mér
einkatíma í ensku af ýmsu tagi
bæði fyrir fullorðna og unglinga.
Svo kom eldhuginn Gísli á
Hofi í Húnavatnssýslu til mín.
Hann bauð mér að þýða bók, sem
Skagfirðingurinn Ingimar
Ingimarsson var að skrifa og Gísli
gaf út. Hún heitir Hestar í norðri
og var prentuð á þremur tungu-
málum íslensku, ensku og þýsku.
Eg tók að mér að þýða bókina og
nú er ég nýbúin að Ijúka þýöingu
fjórðu bókarinnar í þessum
bókaflokki. Þessar bækur fjalla
um íslenska hrossaræktendur og
eru seldar jafnt á erlendri grund
sem hérlendis og nú er verið að
þýóa fyrstu bókina á fjórða tungu-
málið, norsku.
Auk þess hef ég tekið að mér
ýmis verkefni í almannatengslum
bæði fyrir ferðaþjónustufyrirtækið
Hestasport hér í Skagafirði og fyr-
ir Vigfús Vigfússon, fyrrverandi
feröamála fulltrúa hér. Þessi störf
voru til dæmis geró og þýóingar
bæklinga, móttaka erlendra gesta,
kynningarstöf á hestasýningum á
Vindheimamelum og skipulagn-
ing og markaðssetning ráðstefna.
„Attu ódýran miða til
Afríku og heim aftur?"
- Heldur þú að þú eigir eftir að
flytja aftur til Suður-Afríku?
„Auðvitað sakna ég vina og
ættingja sem búa í heimalandi
mínu og líka þeirrar menningar
sem fylgir svarta kynstofninum og
blómstrar í Afríku. Móðir mín er
látin en pabbi býr í Suður-Afríku
og yngri bróðir minn. Eg var hins-
vegar svo heppin aó eldri bróðir
minn giftist wellskri konu og býr
nú í Wales þannig að það er ekki
svo erfitt að halda sambandi við
hann. Ég hef aðeins farið einu
sinni til Suður-Afríku síóan ég fór
þaðan 25 ára gömul, ég vildi
gjarnan eiga þess kost að koma
oftar til Afríku en ekki endilega til
Suður-Afríku. En eins og ég sagði
er ég ekta Skagfirðingur og þeir
búa í Skagafirði og þar verö ég,"
sagði Deborah. KLJ
Sólin
sest aldrei
í Sólstofu
Dúfu
Glæsilegttilboð
Tímarfrákl. 9-14
kr. 250. lOtímakort
gilda í 8 vikur kr. 3000.
Sólstofa Dúfu
Kotárgerði 2,
Sími 23717.

HJOLBARÐANÓNUSTA • RÉTTARHVAMM11 • S. 96-12600
Opið laugardaga kl. 10-15
HJÓLBARÐAR
Erum með mikiö úrval nýrra
og sólaðra hjólbarða undir
ailar gerðir ökutækja
Fullbúið hjólbarðaverkstæði
með alhliða þjónustu

RAFGEYMAR
• Mælum gamla
rafgeyma
• Seljum nýja
rafgeyma
• ísetning á
staðnum